موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 2 من 21 الأولىالأولى 1 2 3 4 12 ... الأخيرةالأخيرة
النتائج 16 إلى 30 من 311
Like Tree14Likes

الموضوع: تجربتى الشخصية فى الهجرة لاستراليا وبعض العبر والنصائح

  1. #16
    الصورة الرمزية maboushamah
    تاريخ التسجيل
    Apr 2008
    المشاركات
    66

    2 تجربتى الشخصية فى الهجرة لاستراليا وبعض العبر والنصائح 2

    *تجربتى الشخصية فى الهجرة لاستراليا وبعض العبر والنصائح 2

    السلام عليكم ورحمة الله وبركاته, احب اشكركم على الردود الجميلة ده واللى اسعدتنى واعطتنى الدافع انى اكمل حكايتى واللى يارب تنفع اللى يقراها ولو بمعلومة جديدة او نصيحة.

    المهم احب ارد على بعض الاسئلة والاستفسارات على قد علمى وعلى حسب ما مر عليا بس احب اوضح ان موضوع الهجرة ده بيتغير كل فترة وفى مستجدات دائما عليه ولازم تتابع اخر الاخبار على الموقع الرئيسى للحكومة الاستراليا مش توقف على رد من صديق او مجرد المواقع المختلفة لازم تبقى المصادر كلها موثوقة علشان ده بتأثر على مستقبل الشخص وممكن تغير احلامه كلها

    1- تبداء منين (زى ما انا وضحت اهم حاجة انك اخترت وخلاص قررت تقدم على الهجرة لاستراليا يبقى وقت العمل بداء بمعنى ادخل على الموقع بتاعهم وشوف اخر المستجدات ايه من نظام النقاط وهل يسمح العمل بتاعك ومقبول فى قائمة الهجرة ولا مش موجود وايه نوع الهجرة اللى انت هتقدم عليها وعلشان اطمن الناس كلها انهم منظمين جدا بمعنى بتلاقى كتب كاملة على الهجرة وكل حاجة مطلوبة منك من نظام النقاط واللغة وحتى الحياة هناك بس مش محتاج اكتر من ساعتين على النت والبحث وربنا هيوفقك ونزل كل الحاجات ده على الكمبيوتر وكل ما تبقى فاضى اقرا وافهم واللى مش تفهمه حاول تانى ودور المواقع المختلفة لغاية ما تلاقى الرد المطلوب)

    2- فى كذا استمارة واكتر من قسم للهجرة او الاقامة الدائمة ولو محتار ابداء بالموقع بتاعهم وفى اول صفحة مجرد بيسئلك شوية اسئلة بسيطة زى انت عايز تسافر استراليا ليه والغرض وليك قرايب او اصدقاء وبلدك وعملك وبعدين بيديك نوع التاشيرة المناسبة ورقمها وفى نفس الرد بتلاقى لينكات لكل المعلومات التانية من كتب والاستمارات وحتى المصاريف بتبقى مكتوبة كمان وده كله مش بياخد اكتر من 5 دقائق بس وده اللينك بتاعهم http://www.immi.gov.au/
    مجرد بس تخش على Finding a Visa وبتكمل البيانات المطلوبة وهتلاقى نوع الفيزا المناسبة اتحطلك كاجابة فى اخر الموضوع.

    3- انا ان شاء الله هبقى موجود وهحاول اكمل كل اللى عندى كل يوم سبت واحد ان شاء الله علشان ده الاجازة بتاعتى والوقت اللى بيبقى مناسب ليا فسامحونى لو مدخلتش طول الاسبوع ولما اخلص الموضوع اكيد هقول بس خلاص النهاية يعنى مش حد يقلقك او يقول انى هطول ان شاء الله هحاول اختصر واقول على الحاجات المفيدة اللى حصلت فى التجربة ده.

    4- الموقع ده كويس جدا وفيه تقريبا كل المعلومات اللى انت عايزها ولو سئلت اى سؤال هيترد عليك وعندهم كمان امكانيات حلوة زى انك تلاقى ناس ليها نفس التخصص بتاعك كاتبة مشاكلها او ان الجدول الزمنى لناس كتير مكتوب بحيث تعرف انك متاخر ولا مواكب الامور وكل المستجدات بتنزل عندهم من اخبار الهجرة والحكومة وكل شى بالموضوع بس الحاجة الوحيدة اللى هتبقى صعبة انه باللغة الانجليزية وده عادى وسهل وبسيط لواحد عايز يهاجر ويعيش مع الناس ده فحاول انك تقوى اللغة بتاعتك واعرف انك لو سئلت اى سؤال هتلاقى رد على شرط ان سؤالك يكون فعلا بعد بحث وجهد
    الموقع هو http://britishexpats.com وفيه اخبار عن كندا ومعظم البلاد كمان
    الجزء الخاص باستراليا من مناقشات http://britishexpats.com/forum/forumdisplay.php?f=54
    هتلاقى كمان مقالات ومعلومات بلسان ناس خاضت التجربة ده وبيقولوا رائيهم بصراحة كاملة فادخل عليه ومش هتخسر اكتر من انك هتكسب معلومات كتير جدا.

    5- بخصوص التكلفة والفلوس انا هقول على اللى انا دفعته مع انه مذكور فى الموضوع بس المصاريف كانت كالتالى:
    أ- لو هتقدم مع محامى هجرة (ممكن افيدك على الموضوع ده بس قدام شوية)
    بتتكلم تقريبا فى حدود 3000-4000 دولار على حسب نوع الخدمة بس ده السعر اللى معترف بيه عالميا شوية يعنى مش شرط يكون فى مصر او السعودية المهم هيكون فى الحدود ده تقريبا
    ب- مصاريف نقابة المهندسين وتقييم الخبرة والتقرير وشهادة المؤهل تقريبا حدود 500 دولار ولو هتاخد العضوية منهم بعد ما يعطوك الموافقة ان شاء الله بتتكلم فى حوالى 470 دولار كمان وده بيختلف لو انت دكتور او اى مؤهل تانى غير الهندسة
    ج- الامتحان وده كان المفروض قبل التقييم بس مصاريفه تقريبا 850 ج.
    د- مصاريف الاستمارة وده على حسب نوع الاستمارة يعنى لو هتكلم على (الاقامة الدائمة نوع175 او176) تقريبا حوالى 2500 دولار او اكتر شوية بسيطة
    ه- مصاريف الكشف الطبى والتحاليل وده كلفتنى ما يعادل 1000-1200 جنيه مصرى وبتفرق حسب البلد اللى هتعمله فيه او المكان.

    وده متهيألى كل المصاريف اللى ممكن تدفعها بس طبعا فى حاجات تانى بسيطة زى ترجمة المستندات وغيره وممكن توثيق الاوراق واعتمادها بس كله مبالغ بسيطة مقارنة باللى قلته فى الموضوع.

    نرجع للقصة وتجربتى الشخصية فى الهجرة:
    انا مش هقول انى كنت فاهم كل حاجة ولا كنت اعرف اى حد هنا ولا ليا قريب او صديق فى استراليا بس اللى شجعنى زميل فى العمل كان مقدم اوراقه مع محامى هجرة وقالى انه ناوى وماشى فى الموضوع وده كانت زى ما بقول لنفسى الزقة او الدفعة اللى رجعتنى للحلم القديم بتاع الهجرة والعيش فى بلد اجنبى اتعلم واخد خبرة كويسة واعيش شوية فى بيئة مختلفة لفترة من عمرى.
    المهم انا سمعت الموضوع وفعلا بداءت اقعد على الانترنت واعرف بالتفصيل ايه الخطوات المطلوبة وهل ينفع اقدم ومع الدفعة ده جات قدامى برده تشجيع صديق اخر على الهجرة لكندا وبقت اصعب من الاول وخصوصا لو فكرك اتشتت بين بلدين بس الهدؤ والتمعن والصبر وقتها خلانى اكمل فى موضوع استراليا للاسباب اللى قلتها فى الجزء الاول وفعلا بعد شهرين او تلاتة كنت اعرف كل المعلومات وكل الاوراق المطلوبة خطوة بخطوة والمبلغ اللى هدفعه وامتى وكل حاجة هتسئل عنها كان معايا نسخة منها على الكمبيوتر او مطبوعة فى البيت وبداءت اطلب شهادات خبرة من الشغل ومن اكتر من مكان اشتغلت فيه واحضر السيرة الذاتية بتاعتى بالطريقة اللى طلبوها و ابتدى ابحث عن موضوع معادلة الشهادة فى نقابة المهندسين واحضر التقرير او بمعنى اصح مجرد احضر انا هكتب ايه وعن ايه مجرد خطوط عريضة.
    محامى الهجرة او مستشار الهجرة:
    ناس كتير محتارة وناس كتير واثقة ان المحامى ده بيخلص كل حاجة وبيقدر يعملك المستحيل وناس متسمعش عنه قبل كدة او حتى تعرف دوره.
    انا هلخص دوره بالضبط فى حاجة واحدة (هو المرشد السياحى بتاعك فى الرحلة) بمعنى تانى هو اللى بيديك معلومات عن كل خطوة بتعملها وهو اللى بيقلك حضر الورق ده او جهز المستند ده بس مش بيفيد او يضر او بيعمل سحر او بيخلى المستحيل ممكن هو مجرد شخص بيقراء اكتر منك وعنده كل الاخبار والتفاصيل فى موضوع الهجرة ومن خلال الحالات اللى عدت عليه بقى عنده خبرة فى ايه المطلوب وايه الممكن يتعمل فى الحالة ده او المشكلة ده ولو هتسئلنى اقدم ورقى او ادفع فلوس لمحامى هقلك فكر مع نفسك هل انت محتاج واحد طيب ايه الدور للى بيعمله لو قلت الدور الى بيعمله بالتفصيل:
    1- بيقلك على المراحل المختلفة وايه المطلوب منك فى كل مرحلة
    2- لما يجي الوقت للمرحلة اللى انت فيها فى الهجرة بيبقى محضر الاستمارات المختلفة بيبعتهالك تملاها ولو سئلته سؤال بيرد عليك وبساعدك فيه بس مش بيكملها هو لان المسئولية فى الاخر عليك
    3-بيرد على كل المراسلات اللى بتيجى من الهجرة ومن الضابط الخاص بيك لو فى حاجة ناقصة او مش واضحة بيرجع يطلبها منك
    4- بعد تقديم الاستمارة وورق الهجرة بنسبة كبيرة دوره بينتهى ومجرد انه بيبعتلك الرد من رفض او موافقة على طلبك بس مش بيحاول يأثر على الموضوع باى طريقة لانه ببساطة مش هيعرف وكل حاجة وكل خطوة بتبقى واضحة واى حاجة هيعملها لازم تبقى قانونية ولو حد قلك انا هسهل الامر او هسرعه اعرف على طول انه انسان مش موثوق فيه وبيحاول يجذبك باوهام وانه لو محترف مجرد بيوضحلك الحقائق كاملة قدامك مش بيضخم او يعقد الامور او يسهلها.

    هترجع وتسئل طيب انت حيرتنى اقدم مع محامى ولا امشى فى الموضوع لوحدى وانا وحظى ممكن ببساطة واخر حاجة افيدك فيها ان لو معاك فلوس كافية وموضوع المحامى مش هياثر على الميزانية ممكن تشترى شوية راحة بال بالفلوس ده وهو مش بيضر ولا بينفع لو ربنا مش مسهل فى حاجة, لكن لو هتعرف تمشى فى الموضوع بنفسك وكل الامور واضحة معاك وهتبذل شوية وقت فى البحث والتمعن على الانترنت وفى المواضيع المختلفة خلاص ليه تصرف فلوس انت اولى بيها او ممكن تفيدك بعدين بس اهم حاجة لازم تبقى واثق من نفسك وصريح يعنى كل خطوة تعملها تبقى عارف كل تفصيلة عنها وايه المطلوب بالضبط ومتسرعش المسائل ولا تعمل خطوة قبل التانية لمجرد انك عايز تخلص.
    واخر حاجة اقلها انك لو ناوى تقدم مع محامى ابحث كويس عنه واسئل ناس لو عرفت عنه واتاكد انه مسجل فى الحكومة الاستراليا وانسان موثوق فيه وفى اول مرة تقعد معاه وقبل ما تدفع فلوس اسئل على كل حاجة وخليه يوضحلك موقفك وهل الامور مناسبة ولا مجرد تضيع وقت وبعد القعدة ده ارجع لمصادرك الخاصة واتاكد من كل كلمة قالها وبعد كدة خلى الكلام ده موثق بعقد مش كلام وخلاص.

    بالنسبة ليا انا قدمت مع محامى للاسباب ده:
    اولا كانت الفلوس موجودة والحمد لله وكان امر المحامى بسيط وقتها.
    ثانيا كنت عايش فى بلد خليجى وموضوع توثيق المستندات والاوراق كان صعب جدا وبياخد وقت وخصوصا مع السفارة المصرية هناك بمعنى ان اعمل صحيفة الحالة الجنائية اللى بتخلص فى يومين فى مصر هناك ممكن تخلص فى شهر او اكتر غير باقى الحاجات اللى اى مصرى عايش برة هيعرفها من تعقيد فى العمل والتعامل مع السفارة المصرية.

    بس قبل ما اقدم معاه او بمعنى تانى قبل ما ادفع فلوس قعدت معاه ووضحلى كل حاجة والصراحة انا كنت عارف كل حاجة قلها ومش محتاج بس قلت مش هخسر حاجة وخصوصا انها ببلاش ومش بدفع فلوس اول مرة المهم بعد ما خلصت القعدة قلتله موافق ان اكمل معاكم بس مش همضى عقد الا لما اخلص الامتحان (الايلتس) واتاكد ان جبت الدرجة اللى انا عايزها ساعتها همضى العقد واكمل.
    بس اهم حاجة وضحها من خلال الخبرة ان العرب بصفة خاصة بيواجهوا مشاكل فى امتحان الانجليزى ولو عرفت تخلص الامتحان وتاخد النتيجة بتاعتك قبل ما تمضى مع المحامى يبقى انت عملت اهم خطوة واصعب خطوة زى ما قال.
    المهم انا خلصت امتحان الانجليزى والحمد لله جبت 7 فى كل الاقسام واكتر من اللى انت كنت برجوه من الله عز وجل واللى كان 6 بس الفرحة كلها انى قدرت اخلص اهم حاجة واول خطوة فى الموضوع كله

    على طول بداءت الخطوة التانية واللى كانت تقرير كامل عن خبراتى واعمالى الهندسية فى الفترة الاخيرة واللى هقدمه لنقابة المهندسين علشان المعادلة والكويس فى الموضوع واللى يطمن ناس كتير انهم مش بيرفضوا اى تقرير وسهل جدا تعمل الخطوة ده والحاجة الوحيدة المملة فيها هى انك تخلص او جزء من التقرير وده اللى بتاخد وقت طويل فعلا ومجهود اكبر لكن الجزئين التانيين بيبقوا تكرار مش اكتر للجزء الاول باختلاف بسيط فى بعض الفقرات بس اهم حاجة تعرف انت بتكتب ايه ولازم يكون مفصل ومرتب زى ما بيطلبوا بالضبط وممكن تدور وتلاقى نماذج على الانترنت او فى الموقع بتاعهم.

    تقريبا انا اخدت 3 شهور اكتب التقرير ده وفعلا خلصته وتانى يوم روحت على المحامى قعدت معاه واديته التقرير كامل وكمان شهادات التخرج وكل حاجة مطلوبة وفى خلال اسبوع كان التقرير وصل استراليا واخد تقريبا 3 شهور او اكتر حاجة بسيطة ورجعت الموافقة عليه واول حاجة عملتها انى بعدت مصاريف النقابة واخدت العضوية كمهندس او عضو محترف يعنى طبقا للقانون بقيت امضى على لوح ورسومات واعمل تصميم واشتغل زى اى مهندس متخرج من استراليا ويحق ليا العمل فى اى شركة بدون السؤال على شهادات معادلة او حتى شهادات تخرج مجرد كارنيه النقابة.

    بعد ما خلصت المعادلة والحمد لله كملت استمارة التقديم وملتها بكل البيانات المطلوبة والمستندات وبعتها على الانترنت ومش فاضل الا الانتظار على المجهول والدعاء لله بالتوفيق وتيسير الحال ولو فى خير فى الموضوع ربنا يتمه على خير وهو ده اللى حصل والحمد لله فى خلال خمس شهور من تاريخ ما قدمت الورق للحكومة الاسترالية كان الرد وصل وجواب منح الاقامة الدائمة او الهجرة وصالحة لمدة خمس سنين من تاريخه وشرط ان اكون عملت لاندينج او فى خلال خمس شهور من تاريخ منح التاشيرة واللى كان صعب ومش هقدر اوصف الشعور اللى كنت فيه من فرحة واضطراب كبير والصراحة كان الشعور من المستقبل والخوف منه وان هسافر بلد تانى صعب جدا وعمرى ما كنت اتخيل ان الموضوع هيوصل للمرحلة ده وكان اللى فى افكارى كلها ان مجرد ما يوصل جواب الفيزا والقبول هكون اسعد انسان فى الدنيا واللى اتضح انه بقى اكتر انسان محتار ومضطرب فى العالم.

    وده ينهى مرحلة التقديم على الهجرة وتبداء مرحلة اصعب بكتير من اول مرحلة واللى ناس كتير بتقول بس ادينى انت الفيزا وما لكش دعوة او ان انا اوصل هناك وهعمل كل حاجة وطبعا بيتصدموا بالواقع اللى هنا واللى هحكى عليه فى المرة الجاية من صعوبات ودائما حط فى دماغك المقولة الذهبية ( احنا بنعتقد ان الزرع اكثر اخضرار فى الجانب الاخر من السور او فى حديقة الجار) وده اول حاجة سمعتها من واحد استرالى اتعرفت بيه على الانترنت ومكنتش مصدق اللى هشوفه هنا ولا ان كل الكلام ده صح وبالعكس اكتر منه وان اللى عدى عليا قبل ما اوصل استراليا كان اسهل بكتيييييير جدا من اللى هواجهه هنا.
    شكرا وان شاء الله هحاول ارد على اسئلتكم على قد ما اقدر وان اكمل الموضوع زى ما وعدت كل اسبوع هكتب فيه شوية
    والسلام عليكم ورحمة الله وبركاته

  2. #17
    الصورة الرمزية zidzid22
    تاريخ التسجيل
    Sep 2007
    المشاركات
    271
    شكرا يابشمهندس على الحلقة التانية
    بجد انا حاسس انك بتكلم زى بالظبط بس انا مهندس اتصالات مش مدنى :)
    أوقات يا دنيا معاكى بعيش

  3. #18
    الصورة الرمزية Tamo_
    تاريخ التسجيل
    Jun 2006
    المشاركات
    8,156
    موضوع رائع وتجربـة مثيرة ومفيـدة
    جزاك الله خيـرا وبارك الله فيـك
    واتمنى ان لا تحرمنـا من تواجدك وافادة الاعضـاء بخبرتك
    اللهـم اني مغلــوب فأنتصــر
    ؛؛ أَلَيْسَ اللَّهُ بِكَافٍ عَبْدَهُ وَيُخَوِّفُونَكَ بِالَّذِينَ مِن دُونِهِ وَمَن يُضْلِلِ اللَّهُ فَمَا لَهُ مِنْ هَادٍ ؛؛
    ان طعـم المـوت في أمر صغيـر كطعـم المـوت في أمر عظيم ,
    ما من امرىء يخذل امرءا مسلما في موطن ينتقص فيه من عرضه ، وينتهك فيه من حرمته ، إلاّ خذله الله تعالى في موطن يحب فيه نصرته ،
    وما من أحد ينصر مسلما في موطن ينتقص فيه من عرضه ، وينتهك فيه من حرمته ، إلاّ نصره الله في موطن يحبّ الله فيه نصرته
    ..
    قومي "بنو عامرٍ" قـوم ٌ أُشيـر بهـم
    فالأصل ُ مجتمع ٌ , والفرع ُ منشـور ُ
    والجـدّ ُ أغلـب ُ أعْيَـى الحاسـدون لـه
    حَــوْلا ً , ولـيـس لـخـلـق الله تغـيـيـر ُ
    ونحن نـاس ٌ بـأرض ِ لا حصـونَ بهـا
    إلا الأســنــة ُ والــجُــرْد ُ الـمـغـاويـر ُ
    ونـكّـل الـنــاسَ عـنــا فـــي منـازلـهـم
    ضرب ُ الرؤوس التي فيها العصافير ُ
    ودَّ المـلـوك ُ , بـأشــراف ٍ مـجـدّعـة ٍ
    وأن أعيـنـهـم ممـسـوحـة ٌ عُــــور ُ ؛
    أن أبـاهــم أبـونــا غــيــرَ مُـؤْتَـشَــب ٍ
    إذا نُسبـنـا , وأن الـجـدَّ "منـصـور ُ"

    ..
    ألا أيهـا السائلـي جاهـلاً
    ليعرفني أنـا أنـف الكـرم
    نمت في الكرام بني عامـر فروعي وأصلي قريش العجم


    https://www.youtube.com/watch?v=tW9p3...feature=relmfu

    سرقونــا


  4. #19
    الصورة الرمزية costa0111
    تاريخ التسجيل
    May 2007
    المشاركات
    847
    shukran for sharing
    اللَّهُ لَا إِلَـٰهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَّهُ مَا فِي السَّمَاوَاتِ وَمَا فِي الْأَرْضِ مَن ذَا الَّذِي يَشْفَعُ عِندَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ

    Uploaded with ImageShack.us


  5. #20
    تاريخ التسجيل
    Dec 2010
    المشاركات
    45
    شكرا جدا على المعلومات القيمة دى و بالتوفيق ان شاء الله

  6. #21
    تاريخ التسجيل
    Dec 2008
    المشاركات
    130
    أخى الفاضل مشكور جدا على مجهودك و وقتك
    أنا حاليا فى مرحلة الإنتظار لرد الحكومة لذلك أنا متشوووووق جدا لقراءة الحلقة الثالثة لان أنا عارف ان الموضوع صعب جدااااا هناك لذلك أحب اخد خبرات منك
    ربنا يوفقك

  7. #22
    الصورة الرمزية *تينا*
    تاريخ التسجيل
    Jan 2005
    المشاركات
    357
    استمرررررررررررررررررررررررر بليزززززززززززز


    عايزه اعرف هل في عنصريه من الاستراليين ضد المسلمين وضد المحجبات خصوصا ؟

    وعايزه اعرف كمان ايه التخصصات الموجوده في جامعة سيدني ؟

  8. #23
    تاريخ التسجيل
    Jun 2005
    المشاركات
    29
    السؤال الأهم في هذا الموضوع الرائع

    ماذا بعد الحصول على الفيزا ؟ !!!!!!!!!!!!!!!

    مؤهلك هو مهندس, هل ستجد عملاً هناك بسهولة ؟

    هل تستطيع الاتفاق على عمل مع أي شركة قبل السفر ؟

    وإذا لم تجد, هل ستجلس على الرصيف ؟ أم ستندب حظك العاثر ؟

    هل تستطيع البحث عن سكن بسهولة ؟ خصوصاً إذا كانت أول مرة تزور فيها دولة أجنبية في حياتك ؟

    وسؤال أخير,,,

    هل يوجد فرص للمبرمجين مثل asp.net أو java ؟

    وهل تختلف الاجراءات للمبرمجين خصوصاً خريجي الحاسبات والمعلومات عن باقي المهندسين ؟

    جزاك الله كل خير

  9. #24
    الصورة الرمزية bebo_mero
    تاريخ التسجيل
    Feb 2007
    المشاركات
    597
    اقتباس المشاركة الأصلية كتبت بواسطة laroze مشاهدة المشاركة
    السؤال الأهم في هذا الموضوع الرائع

    ماذا بعد الحصول على الفيزا ؟ !!!!!!!!!!!!!!!

    مؤهلك هو مهندس, هل ستجد عملاً هناك بسهولة ؟

    هل تستطيع الاتفاق على عمل مع أي شركة قبل السفر ؟

    وإذا لم تجد, هل ستجلس على الرصيف ؟ أم ستندب حظك العاثر ؟

    هل تستطيع البحث عن سكن بسهولة ؟ خصوصاً إذا كانت أول مرة تزور فيها دولة أجنبية في حياتك ؟

    وسؤال أخير,,,

    هل يوجد فرص للمبرمجين مثل asp.net أو java ؟

    وهل تختلف الاجراءات للمبرمجين خصوصاً خريجي الحاسبات والمعلومات عن باقي المهندسين ؟

    جزاك الله كل خير

    كمان اضيف على دة هل يوجد فرص للمصممين الجرفك والمواقع

    كمان ياريت تقولنا اية مجلات العمل اللى مطلوبة فى استرليا

    واية افضل استرليا ام امريكا ؟؟؟
    عرفت الشر لا للشر ولكن لاتقية فمن لا يعرف الشر وقع فية


    أن المتكبر كمثل رجل يقف على جبل فانة يرى الناس صغراً و هم أيضاً يرونة صغيرا

  10. #25
    تاريخ التسجيل
    Sep 2006
    المشاركات
    112
    بجد شكرا جزيلا على و قتك و مجهودك و يا ريت تسمح و ترد على الاسئلة دى:
    انا مهندس بترول و بفكر جديا فى الهجرة
    1- بالنسبة ل CMR من engineers australia هل فعلا اللى بيقدم و رق كامل بيتقبل بسهولة انا عارف ان كتابة ال CAREER Episode مش سهلة و ال SUMMERY OF STATMENT كذلك ... ياريت تبعتلى اى لينكات لمواقع تساعدنى انى اعملهم ... و بفرض انى كملتهم تمام هل فعلا سهل القبول؟
    2- الايلتس General و لا acadmic? , و ياريت تقولنا على ال material الىى اعتمدت عليها علشان تجيب ال score الجامد ده؟
    3- انت قدمت على عضوية Eng . Australia بمجرد ان ال ASSESMET كان تمام؟ طب بفرض انك ماخدتش الفيزا ... كانت هتنفع العضوية فى ايه؟
    4- لو الايلتس تمام و ال Age تمام و ال ASSESMENT تمام و ال accupation مطلو بة و عليه 60 points هل ده كفاية و لا لسه فى عوامل تانى؟ و ان دول لا يضمنوا الحصول على الفيزا برضو...

    يا ريت تبعتلى الاميل بتاعك على الخاص انا شايف ان فى حاجات متشابهة بنا كتير و ياريتك تساعدنى انا 26 سنة مهندس بترول و 3 سنين خبرة لحد دلوقتى و قررت انا مش هستعين ب agent ... متشكر مقدما

    رامى

  11. #26
    تاريخ التسجيل
    Sep 2006
    المشاركات
    112
    معلش احب اسئل كمان 5 اسئلة:
    1- انت قدمت على subcalss 175 ولا subcalss 176 و مين افضل فى رائيك دا فى حالة انى شايف انى اقدر اجيب ال passmark فى الاتنين؟ اعتقد لو اقدر 175 يبقى افضل علشان مافيهاش الزام .. صح؟
    2- فى حاجة اسمها Cummunity langauge و دى بيكون عليه 5 نقات ... انت عملت ايه فيها و اذاى تقدى تحصل عليهم هل بتجتاز اختبار او بتجيب شهادة من الجامعة انك درست بالعربى؟
    3- سوق مهندسين البترول عامل ازاى هناك؟ استراليا مش من كبار الثروات البترولية انا عارف كده ... بس هل معنى ان دى skill مطلوبة يبقى فى فرصة انى الاقى عمل؟
    4- excluding the agent fees, how much is the visa charge for 175 subcalss?
    5- فى طبعا اثبات ان فى مبلغ معين معاك و بتحولة قبل ال landing... كام يا ترى؟
    6- All in All, Does it worth ,Frankly,?

    اسئلتى كتير بس انت زوق و هترد عليا

    شكرا

    رامى

  12. #27
    الصورة الرمزية holaco20005
    تاريخ التسجيل
    Apr 2007
    المشاركات
    96
    اقتباس المشاركة الأصلية كتبت بواسطة laroze مشاهدة المشاركة
    السؤال الأهم في هذا الموضوع الرائع

    ماذا بعد الحصول على الفيزا ؟ !!!!!!!!!!!!!!!

    مؤهلك هو مهندس, هل ستجد عملاً هناك بسهولة ؟

    هل تستطيع الاتفاق على عمل مع أي شركة قبل السفر ؟

    وإذا لم تجد, هل ستجلس على الرصيف ؟ أم ستندب حظك العاثر ؟

    هل تستطيع البحث عن سكن بسهولة ؟ خصوصاً إذا كانت أول مرة تزور فيها دولة أجنبية في حياتك ؟

    وسؤال أخير,,,

    هل يوجد فرص للمبرمجين مثل asp.net أو java ؟

    وهل تختلف الاجراءات للمبرمجين خصوصاً خريجي الحاسبات والمعلومات عن باقي المهندسين ؟

    جزاك الله كل خير


    بيدور فى دماغى نفس الاسئلة تقريباً ..... فى انتظار رد حضرتك

  13. #28
    الصورة الرمزية abdelmassih
    تاريخ التسجيل
    Aug 2008
    المشاركات
    149
    شكرا جدا على انك شرحتلنا تجربتك

  14. #29
    الصورة الرمزية zidzid22
    تاريخ التسجيل
    Sep 2007
    المشاركات
    271
    ياريت حضرتك تكمل الموضوع ,, للاننا محتاجين نعرف تجربتك لانها هتساعد ناس كتيييييير

  15. #30
    الصورة الرمزية terminator89
    تاريخ التسجيل
    Dec 2008
    المشاركات
    160
    ممكن حضرتك تكلمنا عن العنصرية فى استراليا ؟

    هل واجهتك اى عنصرية فى الحياة هناك بالنسبة للبحث عن عمل أو العلاقات الاجتماعية أو غيره ؟؟

    أو هل حتى سمعت عن حوادث عنصرية لمن عرفتهم هناك من عرب ومسلمين

    الصراحة استراليا كويسة بس الواحد بيفضل كندا بسبب العنصرية بالذات

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك