موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 30
Like Tree3Likes

الموضوع: كل شى عن انتر فيو شركه فريست اويت سورس فودافون ستورز

  1. #1
    الصورة الرمزية krish319
    تاريخ التسجيل
    Apr 2011
    المشاركات
    106

    كل شى عن انتر فيو شركه فريست اويت سورس فودافون ستورز

    بخصوص انتر فيو فريستهتروح تقابل السكرتيره اسمها شيماء هتقولها عندى انتر فيو ونصيحه روح 10 بالظبط عشان تخلص بسرعه
    هتستنى عشان تتدخل الانتر فيو
    والانتر فيو فى فريست بينقسم اتنين first & second
    واحد بيكون مع امير اتش ار
    وواحد تانى بيكون مع مدير المبيعات
    ومش شرط الفرست مع امير والسكند مع مدير المبيعات
    لانى لو مدير المبيعات موجود بيدخلوك ع طول ليه ولو اكسبت بتتدخل على امير
    ولو امير موجود بتتدخل عليه وبعد كده ع مدير المبيعات
    ولو المدير مش موجود وامير بس الى موجود بتعمل مع امير الانتر فيو
    ولو اكسبت بيتصلو ف خلال 10 ايام تروح تعمل السكند
    انا حبيت اعرفكم الدنيا ماشيه ازاى عشان مش تبقى محتارين
    مقابله امير
    **لازم تتبع الخطوات دى عشان هما عالم ممله قوى قوى بس حقهم لانك بتمثل الشركه نفسها
    اول شى تخبط على الباب براحه وتروح فاتح
    هيقوم يسلم عليك تروح مسلم عليه بحراره وتبين ليه الاهتمام
    هتقعد معاه هيقولك ازيك وممكن يقولك كلمنى عن نفسك وهتبقى كل شى بالعربى مش انجلش
    الانجلش ده ف الاخر هقولكم ايه حكايته
    بعد كده هيسئلك اسئله عن السيلز وهتكون زى دى بالظبط وهيسئلك منها سؤال او اتنين


    تعرف ايه عن المبيعات (السيلز)؟؟؟ : 1

    المبيعاتهيا شامله كل شئ من بيع واقناع وعرض مزايا المنتج الي هتبيعه
    وايضا التعامل باحترام معا العميل وبشياكه حتي لو مش هيشتري بس ياخد
    فكره حلوه عن المكان عشان يجي مره تانيه ويشتري وبرضو داخل في شغل راجل الحسابات والفلوس ويكون مسئول عنها مسئوليه كامله

    2-
    ليه اختارت المجال ده
    لاني حابب المجال ده وشايف اني ممكن اطور نفسي فيه وانا بطبيعتي
    شخص اجتماعي بحب الناس جدا وبحب اتكلم معاهم ومعا كل الطبقات والفئات من الناس انا بستمتع وانا بتكلم جدا معا الناس وببقي سعيد لو قدرت احل مشكله لحد او اقنعه بمنتج انه يشتريه
    3-
    ايهاللى يخلينى اختارك انت بالذات
    لاني شايف في نفسي المهارات الي تخليني اخد الوظيفة دي انا مستمع جيد
    وصبور وهادئ وعندي مهارات اجتماعيه وقادر علي التواصل معا الناس بشكل جيد وممكن اشتغل تحت اي ضغظ بالاضافة اني حابب المجال ده وحاسس اني هئدي فيه وممكن اطور من نفسي فيه
    4-
    هتضيفايهللشركه

    هحاول اني ازود مبيعات الشركه من خلال مهاراتي في البيع والاقناع واحترام الزباين وبرضو في التواصل معا كافه انواع الزباين باحترافيه عاليه ومن خلال عمل لينك بيني وبين التيم ورك بتاعي
    والاحترام المتبادل بينا وتفاهمنا في الشغل .




    بعد كده هيقولك مستواتك ايه ف الانجلش هتقوله مستواك
    هيقولك طيب ورينى
    هيروح مديك قطعه انجلش يقولك اقراء بصوت عالى
    وبعد ماتقرائها هتلاقى سؤالين تحتها
    سؤال منهم هيقولك
    لو العميل غضبان هتعمل ايه:؟

    What will you do if the customer abused؟؟
    i will try to make him calm down by listening to him carefully and talking to him in a polite way
    i will try to be calm with out any stirring reaction
    I'll be good listener to him
    - let him to explain all the problem to me
    - I'll take my steps to solve this problem and following with the customer till solve it and reach his satisfaction
    - after that I'll take all my steps to avoid this problem in the future
    وسأحاول أن اهدئه من خلال الاستماع اليه بعناية ، والتحدث معه بطريقة مهذبة
    --
    سأكون مستمعا جيدا له
    --
    ادعه يشرح كل المشكلة لي
    --
    سوف اتخذ خطوات لحل هذه المشكلة ، واتابع مع العميل حتى تحل المشكله واصل الي رضاه
    --
    بعد ذلك سوف تتخذ كل ما عندي من الخطوات لتجنب هذه المشكلة في المستقبل

    لو قالك رد عربى الرد موجود اهوه قالك انجلش يبقى برده مكتوب

    والسؤال التانى هيقولك اكتب بيزنس مسج بخصوص مشكله العميل الى ف القطعه
    والقطعه الى جاتلى كانت بتقول
    وانت شغال ف الفرع بتاعك جالك عميل غضبان جدا
    عشان الفاتوره بتعتها عاليه قوى قوى
    وهو مش عمل مكلمات
    وطلب منك تعمل ليه اعاده حساب لفاتوره
    هتعرف القطعه دى من كلمه invoice , bill
    وهيبقى السؤالين الى تحت القطعه لو العميل غضبان هتعمل ايه
    وتانى سؤال اكتب مسج للاداره عشان تحل المشكله


    ملحوظه مهمه جدا جدا جدا جدا
    امير ياجماعه هيرخم قوووووووووى
    اوعى حد يتنرفز
    ممكن يسئلك سؤال وتجوبه ويقولك جوبنى اوعى تقوله انا جوبتك اوعى
    لازم تروح مجاوب تانى من الاول
    وتبتسم وهو بيضيقك
    لانه هيرخم وهيحسسك انك مرفوووووض
    بس ده بيشوف رد فعلك
    وبعد مايرخم هيقولك انا خلصت عندك اسئله
    هتقوله لاء مرسيه لحضرتك او مرسيه لوقت حضرتك
    هيروح قايم مسلم عليك
    سلم عليه بحراره قويه عشان مش يحس انك مخنوق منه
    ولو عملت كده يبقى انت اكسبت معاه
    سكند انتر فيو ده بقى والله مش عارف ايه مخ المدير المتخلف ده
    الراجل ده الى هنصحك بيه انك تكون دقيق ف الكلام قوى واوعى تقول حاجه غلط اوعى تكتر معاه ف الكلام كلامك يبقى بعداد وحساب
    ولو عملت كده يبقى مبروك عليك شغلك ف فودافون ستروز


    متنسوش تدعلوى بعد ماتقبلو

  2. #2
    الصورة الرمزية Sayed Handasa
    تاريخ التسجيل
    May 2012
    المشاركات
    150
    ربنا يكرمك من غير ما نقبل وقبل أى حاجة كفاية مجهودك بس برضه نفس السؤال السكند إنترفيو نظامه إيه ؟

  3. #3
    الصورة الرمزية krish319
    تاريخ التسجيل
    Apr 2011
    المشاركات
    106
    اقتباس المشاركة الأصلية كتبت بواسطة Sayed Handasa مشاهدة المشاركة
    ربنا يكرمك من غير ما نقبل وقبل أى حاجة كفاية مجهودك بس برضه نفس السؤال السكند إنترفيو نظامه إيه ؟
    مهو انا قولتلك اقراء الكلام كويس عموما هقولك بتوضيح اكتر
    الفرست والسكند بيكون واحد مع امير وواحد مع مدير المبيعات
    مش شرط يبقى السكند مع امير ومش شرط يبقى مع مدير المبيعات
    يعنى ممكن تعمل فرست مع امير
    وممكن تعمل فرست مع مدير المبيعات
    حسب الى موجود
    بس ف الاخر لازم تتدخل الاتنين لو اكسبت ف الاول
    بالنسبه لمقابله امير انا شرحتها كلها
    بالنسبه لمقابله مدير المبيعات
    ده واحد بقى محدش فاهمه
    لانه مش بيسئلك اى اسئله
    غير كلمنى ع نفسك
    يقولك اشتغلت فين قبل كده
    حجات من ذات القبيل
    الراجل ده الكلام معاه بيكون معدود وبميزان
    بمعنى انك تجاوب كلمه او كلمتين خير الكلام مع الراجل ده ماقل ودل
    وربينا يوفقك من المدير انما امير امره سهل

  4. #4
    الصورة الرمزية Sayed Handasa
    تاريخ التسجيل
    May 2012
    المشاركات
    150
    مشكوووووووووووووووور يا باشااااااااااا معانا يا رب إن شاء الله

  5. #5
    الصورة الرمزية Sayed Handasa
    تاريخ التسجيل
    May 2012
    المشاركات
    150
    سؤال أخير معلش عارف إنى برخم عليك إنترفيو المدير بيبقى دردشة عربى ولا يتخللها إنجلش ؟؟؟؟؟؟؟؟؟؟

  6. #6
    تاريخ التسجيل
    Jun 2012
    المشاركات
    29
    الله ينور عليك يا باشا تمام اوى كدة بس عايز اسأل سؤال تانى معلش هو الشغل بيبقى ايه نظامه بقى ؟؟

  7. #7
    الصورة الرمزية krish319
    تاريخ التسجيل
    Apr 2011
    المشاركات
    106
    اقتباس المشاركة الأصلية كتبت بواسطة Sayed Handasa مشاهدة المشاركة
    سؤال أخير معلش عارف إنى برخم عليك إنترفيو المدير بيبقى دردشة عربى ولا يتخللها إنجلش ؟؟؟؟؟؟؟؟؟؟
    لا بتبقى كلها عربى لانه اصلا مش بيفهم انجلش

  8. #8
    الصورة الرمزية krish319
    تاريخ التسجيل
    Apr 2011
    المشاركات
    106
    اقتباس المشاركة الأصلية كتبت بواسطة RomelB مشاهدة المشاركة
    الله ينور عليك يا باشا تمام اوى كدة بس عايز اسأل سؤال تانى معلش هو الشغل بيبقى ايه نظامه بقى ؟؟
    نظام الشغل انك هتنزل سيلز ان دور وخدمه عملاء فى اى فرع من فروع فودافونمرتب بيكون 1200 والشغل بيكون 8 سعات وساعه راحه يعنى الاجمالى بيكون 9
    وعموما افرع فودافون بتفتح من ساعه 9 الصبح لحد حوالى 11 بليل او 10

  9. #9
    تاريخ التسجيل
    Jun 2012
    المشاركات
    29
    انا روحت عملت الانترفيو النهاردة كان معادى الساعه 10 كنت هناك 10 بالظبط فضلت ربع ساعه كدة ودخلت لأمير شخصيه محترمه جدا فضل يدردش معايا الاول عادى بعد كدة خد من الصورة حطها على السى فى وبعدين راح قايلى ايه اخبار الانجلش قلتلو تمام الحمد لله راح رزعنى اول سؤال what do u know about sales معرفتش اجاوب بصراحه وبعدين انا رايح عامل حسابى ان كلو عربى مفيش غير القطعه بس هى الى انجلش المهم راح سألنى نفس السؤال تانى بس بصيغه تانيه المهم بردو قلتلو مش مجمع الاجابه بالانجلش خالص قالى خلاص خد القطعه دى أقرأها بصوت عالى قريت الحمدلله تمام بعد كدة قالى ترجم روحت مترجم وزى الفل وجاوبت بعديها على السؤال تمامالمهم بعدها قالى انت الانجلش بتاعك مش وحش بالنسبه انك مش واخدت كورسات بس خد كورسات ودوس شويه قلتله انا ناوى ان شاء الله اخد كورسات بعد كدة قالى احنا الشغل هنا عاوز خريجين مش عايزين طلبه ودى بقى كانت المفاجأة فى الاخر قلتله حضرتك انا سمعت ان انتو بتخدو طلبه عادى وعلى الاساس دة انا قدمت بس قالى اى أسئله تانى قولتله شكرا وراح حاطط السى فى فى الدرج عندة انا مش عارف بقى ايه الكلام دة

  10. #10
    تاريخ التسجيل
    May 2007
    المشاركات
    7,190



    طالما قالك مابناخدش طلبة يبئى خلاص,أهتم باللغة الأنجليزية ودوس فيها زى ما قالك وبعد التخرج حاول مجددا,بالتوفيق ان شاء الله.

    HazzumA

  11. #11
    الصورة الرمزية krish319
    تاريخ التسجيل
    Apr 2011
    المشاركات
    106
    الكول سنتر هما الى بياخدو طلبه اتكل على الله وروح قدم ف ايككوبس لازم تجهز الاسئله والاسئله انا منزلها ادخل اقرائها والله المستعان
    كل مايخص انتر فيو شركه فرست اويت سورس فودافون sales in door اضغط هنا

    كل مايخص انتر فيو شركه اتصال وشركه ايككو واسناد ووصله وجميع شركات خدمه العملاءاضغط هنا

  12. #12
    تاريخ التسجيل
    Apr 2011
    المشاركات
    149
    مشكوووووووووووووووووووووووووووووووووووووووووور

  13. #13
    تاريخ التسجيل
    Mar 2012
    المشاركات
    39
    شباب هيا طريقة التقديم بتكون ازاى عشان رحت الفرع الى ف المهندسين وقدمت السى فى ومفيش فايده ودورت وبعت على الايميلات الى موجوده على النت ف المنتديات ومفيش امل برجاء الافاده

  14. #14
    الصورة الرمزية Sayed Handasa
    تاريخ التسجيل
    May 2012
    المشاركات
    150
    سلام عليكم الميل اللى أنا بعت عليه ورحت عملت الإنترفيو السبت وكلمونى الإثنين علشان السكند كان إمبارح ( الثلاثاء ) amir.aldehleb@fristegypt.com وعلى فكرة أنا بعت يوم 31/5/2012 وكلمونى يوم 7/6 وللأمانة الفرست كان مع أمير وهو شخص محترم جدا ً والسكند كان مع المدير وكان برضه محترم جدا ً والله العظيم ، والسن بيبدا من سنة 1982 وعرفت ده بالصدفة علشان كان فى 1 بيسأل وأنا هناك وعلى فكرة بيقبله السى فى باليد برضه علشان فى ناس كتير سابت السى فى بتاعها وأنا هناك بالتوفيق للجميع يا جماعة ومليووووووووووون شكر لصاحب الموضوع اللى فادنى كتير فى الإنترفيو والله بجد سواء الفرست أو السكند بس الحق يقال المدير بتاع السكند كان حد كويس جدا ً معايا والله بالتوفيق للجميع

  15. #15
    تاريخ التسجيل
    Mar 2012
    المشاركات
    39
    اقتباس المشاركة الأصلية كتبت بواسطة Sayed Handasa مشاهدة المشاركة
    سلام عليكم الميل اللى أنا بعت عليه ورحت عملت الإنترفيو السبت وكلمونى الإثنين علشان السكند كان إمبارح ( الثلاثاء ) amir.aldehleb@fristegypt.com وعلى فكرة أنا بعت يوم 31/5/2012 وكلمونى يوم 7/6 وللأمانة الفرست كان مع أمير وهو شخص محترم جدا ً والسكند كان مع المدير وكان برضه محترم جدا ً والله العظيم ، والسن بيبدا من سنة 1982 وعرفت ده بالصدفة علشان كان فى 1 بيسأل وأنا هناك وعلى فكرة بيقبله السى فى باليد برضه علشان فى ناس كتير سابت السى فى بتاعها وأنا هناك بالتوفيق للجميع يا جماعة ومليووووووووووون شكر لصاحب الموضوع اللى فادنى كتير فى الإنترفيو والله بجد سواء الفرست أو السكند بس الحق يقال المدير بتاع السكند كان حد كويس جدا ً معايا والله بالتوفيق للجميع
    ربنا يوفقك وتسمع اخبار كويسه قريب انشاء الله تفرحك وتفرحنا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك