موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 27
Like Tree10Likes

الموضوع: دلتا للتأمين Delta Insurance ___ أليانز مصر Allianz Egypt

  1. #1
    الصورة الرمزية Rui Costa 10
    تاريخ التسجيل
    Jan 2012
    المشاركات
    158

    دلتا للتأمين Delta Insurance ___ أليانز مصر Allianz Egypt

    الســلام عليكــم
    اولاََ :- احب اعرفكم انى شاب داخل على 25 سنة .. الطبيعى زى ناس كتير فى سنى اشتغلت اكتر من حاجة اثناء وبعد دراستى ,, أخرهم لحد 4 شهور فاتو كنت خدمة عملاء فى شركة هاردوير كمبيوتر اسمها Compu Data وبناءََ على ظروف البلد وحالة الركود فى مجالات كتير منها الكمبيوتر الشركة قررت تصفى فرع من فروعها . فا تم الإستغناء عن جزء كبير من الموظفين والطبيعى ان البقاء للأقدم . بالبلدى كدة اتسرحت انا وناس زمايلى بشياكة لأن كان فى ناس بقالهم سنين فى الشركة ...
    ثانياََ :- فى خلال الفترة دى العادى انى أبحث عن حاجة بديلة وفـ أسرع وقت . عملت بقى يا شباب جولة الأنترفيوهات المعروفة اللى كتير مننا مر بيها والله اكتر من حوالى 15 مقابلة فى شركات وبنوك ومؤسسات كتيرة جدااا منهم ( عامر جروب كنت هنزل مبيعات وتسويق عقارات سياحية فى الشركة وبالفعل بدأت training فيها بس محصلش نصيب ) .. المهم كنت متحمس جدا للعمل فى شركة تأمين لانى اخدت فكرة كبيرة جدا عنه فى دراستى " خدمة إجتماعية " قدمت تقريبا فى معظم الشركات اللى موجودة (( MetLife Alico - Allianz Egypt - Nile Takaful - Delta Insurance - وأخرهم المصرية للتأمين التكافلى )) وعملت مقابلات فيهم كلهم كنت accepted فى نايل تكافل وميتلايف اليكو بس والله انا اللى مارضتش انزل معاهم بسبب فكرة ان مفيش مرتب ثابت وشغلك كله معتمد على العمولة او نسبتك فى المبيعات ودي حاجة طبعا مش مريحة تماما وخصوصا من الناحية النفسية . طبعا من خلال المعلومات بقى والمقابلات اللى عملتها اكتشفت ان دلتا للتأمين واليانز مصر هما الشركتين الوحيدين اللى بيدوا مرتب ثابت + العمولة .. طبعا اتمنيت ان واحدة منهم تكلمنى بعد المقابلات . وبالفعل الحمد لله شركة الدلتا كلمونى الأسبوع اللى فات روحت عملت final interview واتقبلت وقالولى على الأوراق المطلوبة وجهزتها وروحت سلمتها يوم 1مارس الحالى . وسلمت أمرى لله , قالولى ميعاد التريننج بالكتير هيكون تانى اسبوع فى شهر 3 اللى احنا فيه ده واستعد بقى يا بطل وللعلم هما لسة طالبين ناس عشان العدد يكتمل .

    المفاجأة بقى :- امبارح الخميس جالتى مكالمة من أليانز !! اللى كلمنى بيقولى محمد انت عندك فاينال انترفيو يوم الحد الجاى الساعة 10 فى فرع انس بن مالك من شارع شهاب - المهندسين
    ماعرفتش ارد عليه بصراحة . بس كل اللى قولتهوله اوك حضرتك هاجى فى الميعاد .. ميرسي

    قولولى اعمل ايه ؟؟ واتصرف ازاى لو بقيت accepted فى اليانز برضك ؟؟ مع العلم ان الوظيفتين ســـيــــــلــــــز

    ,,, مستني ردودكم ,,,
    KING OF the NUMBER 10



  2. #2
    تاريخ التسجيل
    Mar 2012
    المشاركات
    1
    بص انا عملت اكونت مخصوص عشان ارد عليك عشان متدبسش.... موضوع اليانز انا اكسبتد بس مردتش اشتغل فيها لسبب.... اول حاجه حضرتك فى اليانز برضه مش هتاخد مرتب ثابت غير اول ست شهور بتاخد الف جنيه ثابت+ عموله 18% بعد اللى بيخصموه+لو حققت التارجت بتاعك بتاخد 1500 جنيه الكلام ده اول 6 شهور بس.... بعد الست شهور العموله بتاعتك بتزيد بتبقى حوالى تقريبا 30% او اكتر بحجات بسيطه لاكن التارجت اللى هوه 1500 بيتلغى وكمان الالف جنيه ثابت بتتلغى ومش بتتعامل غير بالعموله... يبقى نصيحتى ليك خليك فى اللى انت فيها لو هيدولك مرتب ثابت لاكن لو شايف انك عايز تتعامل بالعموله اليانز عمولتها عاليه لاكن بعد ست شهور مش هتاخد غير العموله ومش هيدوك مرتب ثابت ... وده السبب اللى خلانى مرداش اشتغل في اليانز

  3. #3
    الصورة الرمزية Rui Costa 10
    تاريخ التسجيل
    Jan 2012
    المشاركات
    158
    اقتباس المشاركة الأصلية كتبت بواسطة mohamed_abd_ellatef1 مشاهدة المشاركة
    بص انا عملت اكونت مخصوص عشان ارد عليك عشان متدبسش.... موضوع اليانز انا اكسبتد بس مردتش اشتغل فيها لسبب.... اول حاجه حضرتك فى اليانز برضه مش هتاخد مرتب ثابت غير اول ست شهور بتاخد الف جنيه ثابت+ عموله 18% بعد اللى بيخصموه+لو حققت التارجت بتاعك بتاخد 1500 جنيه الكلام ده اول 6 شهور بس.... بعد الست شهور العموله بتاعتك بتزيد بتبقى حوالى تقريبا 30% او اكتر بحجات بسيطه لاكن التارجت اللى هوه 1500 بيتلغى وكمان الالف جنيه ثابت بتتلغى ومش بتتعامل غير بالعموله... يبقى نصيحتى ليك خليك فى اللى انت فيها لو هيدولك مرتب ثابت لاكن لو شايف انك عايز تتعامل بالعموله اليانز عمولتها عاليه لاكن بعد ست شهور مش هتاخد غير العموله ومش هيدوك مرتب ثابت ... وده السبب اللى خلانى مرداش اشتغل في اليانز
    اهلاََ بيك يا صديقى .. وتسلم على ردك وكلامك الواضح ده
    وفعلا زى مانت بتقول ده انا فهمته عن نظام اليانز ان المرتب الثابت بيكون فى اول 6 شهور بس وبعدهم شغلك بيعتمد على العمولة بشكل كامل ,,,, لكن دلتا بصراحة المرتب ثابت 1500 + 30% عمولة بشكل دايم .. لكن طريقة التطبيق مختلفة شوية بمعنى : قالى فى البداية هتمضى عقد مبدئى مع الشركة مدته 3 شهور . هيكون مطلوب منك تارجت معين وهو انك تدخل بوليصات تأمين للشركة بمبلغ 24 الف جنية مقسمة على 12 عميل .. اذا اثبت نفسك وكفاءتك في الحالة دى الشركة هتمضى معاك عقد سنوى وبناءََ عليه هتلاقي مميزات اكبر فى الشغل معانا ( تثبيت + تأمين طبي واجتماعى + ان الشركة هتسلمك لاب توب يساعدك فى شغلك ) وبالنسبة لمرتبك هتاخده كامل + العمولة . بس فى حالة تحقيقك 80% من التارجت المطلوب منك بأقصى تقدير .. لكن لو ماقدرتش تحقق التارجت كله كامل او قليت عن 80% فى الحالة دى بيكون فيه خصومات من المرتب والعمولة .. بنسبة معينة " على حسب "

  4. #4
    الصورة الرمزية Fathey Mohammed
    تاريخ التسجيل
    Jul 2008
    المشاركات
    476
    لو هتروح اليانز حاجة اسمها Insurance Specialist اللي بيشتغلوا مع البنوك فدا احسن بكتير
    لو مش كده شوف مين احسن بالنسبة ليك و اتكل على الله
    و ربنا يوفقك

    HSBC The World's Local Bank
    All opinions are just represent my personal opinion without any reponsibilty on bank side

  5. #5
    تاريخ التسجيل
    Mar 2009
    المشاركات
    508
    يا جماعه انتو قدمتو ازاى حد يعرف الايميل والمقابله كانت ازاى عربي ولا انجليزى واية المطلوب فى المقابله


    وربنا يوفقك

  6. #6
    الصورة الرمزية Rui Costa 10
    تاريخ التسجيل
    Jan 2012
    المشاركات
    158

    Great

    اقتباس المشاركة الأصلية كتبت بواسطة khalefa14 مشاهدة المشاركة
    يا جماعه انتو قدمتو ازاى حد يعرف الايميل والمقابله كانت ازاى عربي ولا انجليزى واية المطلوب فى المقابله


    وربنا يوفقك
    من على مواقع الشركتين يا صديقى .. ادخل على قسم الـــ Careers
    ده موقع اليانز Allianz Egypt website بتبعت الـ cv بتاعك على الايميل الموجود
    وده موقع دلتا Delta Insurance في ابلكيشن بتملاه .. وان شاء الله ربنا يكرمك
    لو كلموك بيحددولك ميعاد انترفيو بتروح تملى ابلكيشن انجلش طبعا .. بس المقابلة نفسها بالعربي
    بتعرف نفسك وتعرف ايه عن مجال التـامين عموما وتتكلم عن خبراتك ودردشة عامة سهلة ماتقلقش

    وبالتوفيق ليك
    التعديل الأخير تم بواسطة Rui Costa 10; 03-03-2012، الساعة 02:25 AM

  7. #7
    تاريخ التسجيل
    Mar 2009
    المشاركات
    508
    انا من خارج القاهره تنصحنى اقدم ولا لا

  8. #8
    تاريخ التسجيل
    May 2010
    المشاركات
    402
    باشا بمناسبة إنهم محتاجين ناس وكده أنا معرفش حاجه عن المجال ده يبقى كده لو قدمت ممكن معديش من الانترفيو
    بس حضرتك بتقول فى فترة تدريب يعنى ده طبيعى ولا هيقولى ريجيكتيد.

  9. #9
    الصورة الرمزية Rui Costa 10
    تاريخ التسجيل
    Jan 2012
    المشاركات
    158
    اقتباس المشاركة الأصلية كتبت بواسطة khalefa14 مشاهدة المشاركة
    انا من خارج القاهره تنصحنى اقدم ولا لا
    عادى جداا يا مان .. معظم الشركات دى ليها فروع فى كل المحافظات

  10. #10
    الصورة الرمزية Rui Costa 10
    تاريخ التسجيل
    Jan 2012
    المشاركات
    158
    اقتباس المشاركة الأصلية كتبت بواسطة mostafa kabaka مشاهدة المشاركة
    باشا بمناسبة إنهم محتاجين ناس وكده أنا معرفش حاجه عن المجال ده يبقى كده لو قدمت ممكن معديش من الانترفيو
    بس حضرتك بتقول فى فترة تدريب يعنى ده طبيعى ولا هيقولى ريجيكتيد.
    انت ونصيبك يا صديقى بس الانترفيو مش صعب زى مانت متخيل .. الأسئلة معظمها عادية وسهلة لو عندك فكرة عن مجال التأمين عموما . فترة التدريب بتعتبر تدعيم ليك عشان تبقى على علم ودراية كاملة بمنتجات وبرامج وخدمات الشركة اللى انت بتسوقها

  11. #11
    تاريخ التسجيل
    May 2010
    المشاركات
    402
    اقتباس المشاركة الأصلية كتبت بواسطة Rui Costa 10 مشاهدة المشاركة
    انت ونصيبك يا صديقى بس الانترفيو مش صعب زى مانت متخيل .. الأسئلة معظمها عادية وسهلة لو عندك فكرة عن مجال التأمين عموما . فترة التدريب بتعتبر تدعيم ليك عشان تبقى على علم ودراية كاملة بمنتجات وبرامج وخدمات الشركة اللى انت بتسوقها
    أنا مش بتكلم عن الأنترفيو حضرتك مفهمتنيش ، لو على الانترفيو ان شاء الله سهله. أنا بتكلم لو معنديش خبره فى المجال ده يعنى مشتغلتش فيه قبل كده.
    بس أكيد التدريب يبظبط وبيدعم أساسى ، فلنتوكل على الله.
    تسلم ياصاحبى على المتابعه .

  12. #12
    تاريخ التسجيل
    Mar 2009
    المشاركات
    508
    بالاضافه لاستفسار الاخ مصطفى ترشح انهى شركة افضل وليها مستقبل ولو فكرة عامه عن طبيعه الشغل لانى فتحت موقع اليانز ولقيت اكتر من بوزيشن ومطلوب خبرة ولا لا

  13. #13
    تاريخ التسجيل
    Feb 2012
    المشاركات
    7
    هو انا بس حابب اضيف حاجه واحدهانا كنت فى اليانز وسبتها عشان حاجه واحده
    ياريت مننساش نسأل نفسنا سؤال واحد ( هو التأمين حرام ولا حلال )
    و500 جنيه حلال ولا 1500 جنيه فيهم شبهه
    ولا تنسوا
    واجتنبوا مواضع الشبهات
    والله دى ردى ولو حد فيكم راح اليانز يسأل مين هو حميد الشال وبدء ايه وفى خلال 4 شهور بسسس كان ايه وبعد ال وصله سابهم بعد اربع شهور بس وقالهم السبب ايه وخد منهم فلوس ولا لا

  14. #14
    الصورة الرمزية wolfman_201018
    تاريخ التسجيل
    Nov 2010
    المشاركات
    174

    فووووووووكك من شركه اليانز

    انا روحت عملت الانتر فيو وكان هناك نااااااااااااااااس ايه اشكال على الوان وعملت اتنين انتر فيو مش واحد فى نفس اليوووووووووووووووووووم وقولى لى انت اكسبد ولغايه دلوقتى مفيش حاجه بس انا بقولك خليك ضامن حاجه احسن لما تندم وده عن تجربتى فيها
    :
    blow
    :

  15. #15
    الصورة الرمزية Rui Costa 10
    تاريخ التسجيل
    Jan 2012
    المشاركات
    158

    Yes

    اقتباس المشاركة الأصلية كتبت بواسطة khalefa14 مشاهدة المشاركة
    بالاضافه لاستفسار الاخ مصطفى ترشح انهى شركة افضل وليها مستقبل ولو فكرة عامه عن طبيعه الشغل لانى فتحت موقع اليانز ولقيت اكتر من بوزيشن ومطلوب خبرة ولا لا
    مبدئيا انا مرتاح للدلتا وشايف انها افضل من جوانب كتير لأنها فيها الجو المناسب للشغل وخصوصا الراحة النفسية , ومستقبلها أكيد مضمون للي عاوز ينجح وعنده الرغبة فى اثبات الذات . لأنها وظيفة مهمة وحساسة جدا اما انك تفشل وتخسر مجهودك وأيام من عمرك على الفاضي أو انك تنجح وتمسك احلى فلوس وتستقر وتترقى بشكل سريع فى الشركة .. وكله بتوفيق ربنا أولا وطموحك انت ثانيا ...
    اما طبيعة الشغل : اللى فهمته عموما انك مطالب تجيب للشركة عملاء جداد بتعرض عليهم برامج ومنتجات الشركة . واللى هيساعدك فى كدة انك يكون معاك اكبر قدر ممكن من الداتا وبيانات عملاء تتحرك من خلالها . الشركة مقابل مجهودك ده كله ومكالماتك ومشاويرك للعملاء ومصاريفك طول الشهر بشكل عام هتديلك 1500 كمرتب ثابت + 30% نسبتك فى وثائق التأمين اللى دخلتها طول الشهر
    لو ماحققتش التارجت المطلوب منك خلال الشهر على الأقل بنسبة 80% فى الحالة دى بيكون في خصم جزء من المرتب والعمولة على حسب حجم العجز بتاعك فى الشهر ..
    وعموما فى دلتا او اليانز او غيرهم مش شرط يكون عندك خبرة فى مجال التأمين . لأن بيكون في فترة تدريب بيؤهلوك انك تبقى موظف مبيعات ناجح بس لازم يحسوا فيك حتة المهارة دى من البداية بشكل عام .. وده بيظهر من خلال الأنترفيو .. اللى بيخلى واحد يتقبل والتانى يترفض

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك