موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 22
Like Tree0Likes

الموضوع: كوسات حجز تذاكر الطيران ( مصر للطيران - أماديوس مصر - مركز نزيه )

  1. #1
    تاريخ التسجيل
    Apr 2010
    المشاركات
    205

    كوسات حجز تذاكر الطيران ( مصر للطيران - أماديوس مصر - مركز نزيه )

    سلام عليكم
    ازيكم جميعا
    انا من فترة قولت اخد كورس في حجز تذاكر الطيران والواحد يروح يقدم في كذا شركة طيران فلما يكون معاه كورس اكيد هيفرق
    فعرفت ان في كورسات في مصر للطيران وفي اماديوس مصر وفي مركز اسمه مركز نزيه
    فأتصلت بالاماكن الثلاثة وطلع الاتي
    كورس مصر للطيران :
    4 ليفل منهم 3 نظري وواحد عملي ومدته 3 شهور ب 5000 جنية وبيكون في المطار
    كورس أماديوس مصر :
    لمدة 10 ايام او اسبوعين علي حسب المواعيد الصبح ولا بليل ب 600 يورو بما يعادل 4800 جنية وده في سيتي ستارز شامل الامتحان بتاع اماديوس مصر اللي ممكن حد يكون دارس او واخد الكورس في مكان تاني يروح ياخده هناك بس والامتحان تقريبا لوحده تكلفته 60 يورو بما يعادل 480 جنية وده في سيتي ستارز
    كورس مركز نزيه :
    ده بقي ب 600 ج الكورس كلو ازاي مش عرفة واللي سمعته عنه ع النت انه كويس وبيأهلك ان تروح تمتحن في اماديوس مصر الامتحان فقط والمركز ده في حدائق الزيتون ومدته اسبوعين

    فطبعا الاسعار متفاوتة جداااا والواحد محتار مش عارف يعمل ايه
    ففكرت وقولت اخد في مركز نزيه ده وامتحن في اماديوس والاهم الامتحان في الاخر والشهادة هتكون معاك من اماديوس مصر بس الواحد خايف يروح ياخد ويطلع مش معترف بيه زي ما يكون الواحد واخد في مصر للطيران او اماديوس مصر

    وسألت حد في مصر للطيران نفسها قولتلهم الافضل في الشغل ايه قالو طبعا لما حد يكون واخد في مصر للطيران او اماديوس يقدر يروح يشتغل في اي حتة وبياخدوه علي طول وقالو لو درستوا في اماديوس مصر تروح بس تاخد كورس مبيعات في مصر للطيران وتبقي بكدة مؤهل لانك تروح تشتغل في اي شركة طيران

    فياريت ياجماعة اللي خد الكورس في اي من الاماكن دي يقولنا عمل ايه واشتغل ولا ايه ؟؟
    وربنا يكرمنا جميعا ان شاء الله

  2. #2
    الصورة الرمزية 99 Moha
    تاريخ التسجيل
    Mar 2007
    المشاركات
    1,488
    بوصى هو كورس مصر للطيران اللى اسمه الاياتا ده بيعرفك نظام الطيران العالمى ولكن بصفة عامة لكن مش حتبقى متقنة لنظام حجز معين زى اماديوس بس طبعا الشهادة دى مطلوبة جدا وللعلم لازم اى شركة سياحة يكون موظف واحد على الاقل معاه الشهادة دى ، بالنسبة بقى لكورس اماديوس فى مركز نزيه ده مفيد وفعلا لما حتاخديه عنده حتقدرى تعملى حجزات بس لازم تعملى تدريب فعلى فى شركة سياحة عشان تكونى موظفة حجز طيران محترفة ، الخلاصة خدى كورس نزيه ودورى على شغل وحتلاقى بعون الله بعد كدا لو حبيتى ابقى روحى امتحنى بس فى اماديوس مصر وحتاخدى الشهادة ان شاء الله عادى لو اخدتى بقى الاياتا حيبقى زيادة الخير خيرين وعلى حسب بقى فلوسك وامكانياتك بالتوفيق ..

    رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
    ----
    الفقير إلى الله



  3. #3
    تاريخ التسجيل
    Apr 2010
    المشاركات
    205
    جزاك الله خيرا علي ردك
    وفعلا كلامك مظبوط علي مصر للطيران بس زوده ليفل جديد اللي هو الليفل الرابع العملي وده لتدريب علي نظام الاماديوس
    وحضرتك اخدت الكورس في مركز نزيه ؟؟؟ لو حضرتك اخدته ياريت تقولنا ايه النظام وربنا يكرمنا جميعا ان شاء الله

  4. #4
    الصورة الرمزية 99 Moha
    تاريخ التسجيل
    Mar 2007
    المشاركات
    1,488
    جزانا وايكم،، انا اخدت الكورس ده فى طنطا فى شركة سياحة أسمها جولدن تورز الانستركتر واحد كبير فى السن اسمه الاستاذ مصطفى تقريبا بصراحة ممتاز دى شوية عليه الراجل ده كان شغال فى حجز الطيران من ايام ما كانت التذكرة للسعودية ب 70 جنيه فعلا اسطورة والكورس مفيد خديه وربنا يوفقك ..
    التعديل الأخير تم بواسطة 99 Moha; 28-09-2011، الساعة 07:54 PM

  5. #5
    تاريخ التسجيل
    Apr 2010
    المشاركات
    205
    شكرا جدا لرد حضرتك يعني حضرتك تقصد تقول ان مش مهم المكان اللي هتاخد فيه الكورس ايه المهم انك تكون فاهم السيستم ماشي ازاي وكدة وتدرب عليه

    انا كان كل غرضي من الموضوع اني اعرف هل الواحد هيلاقي شغل اما ياخد الكورس في اماكن مش معروفة ولا مش هيثقوا في اي مكان للكورسات غير مصر للطيران واماديوس مصر عشان بس الواحد مياخدش كورس ع الفاضي

    لكن واضح من كلام حضرتك انه مش فارق في اي مكان والشغل ان شاء الله يكون متوفر صح كدة

    وربنا يوفقك ان شاء الله

  6. #6
    تاريخ التسجيل
    Jan 2011
    المشاركات
    462
    أنا عندي سؤال، هو مرتب موظف الحجز ده بيكون كام؟ وهل ليه فرص بعد كده للترقي مثلا؟معلش انا مش عارف حاجة خالص عن الموضوع ده
    اللهم احفظ مصر من الفتن ما ظهر منها وما بطن

  7. #7
    الصورة الرمزية LawyerBishoy
    تاريخ التسجيل
    Aug 2009
    المشاركات
    498

    طيب لو كنت aware فى Sabre وأتعلمته فى أسبوعين بس

    مارسته فى 7 شهور !

    مش معايا Iata بس شهادة من منظمة كندية , ينفع ?

    ولا لازم كورسات معاه ؟!!




    الله يستطيع أن يغير القلوب !!

    موضوع خاص جدا عن مجال الكول سنتر بشركاته فى مصـــر:
    https://dvd4arab.maktoob.com/f112/3636347.html

    الموت ليس أعظم مصيبة فى الحياة ، إنما أعظم مصيبة فى الحياةهى أن يموت فينا الخوف من الله ونحن على قيد الحياة.




  8. #8
    الصورة الرمزية LawyerBishoy
    تاريخ التسجيل
    Aug 2009
    المشاركات
    498
    اقتباس المشاركة الأصلية كتبت بواسطة mokh_mokh1982 مشاهدة المشاركة
    أنا عندي سؤال، هو مرتب موظف الحجز ده بيكون كام؟ وهل ليه فرص بعد كده للترقي مثلا؟معلش انا مش عارف حاجة خالص عن الموضوع ده
    أظن فيه فى مصر شركات سياحة بتستخدم sabre والاغلب طبعا Amadeus

    بس أنت مش عارف المرتبات ! ممكن تقدم فى
    thomas Cook

  9. #9
    تاريخ التسجيل
    Apr 2010
    المشاركات
    205
    اقتباس المشاركة الأصلية كتبت بواسطة mokh_mokh1982 مشاهدة المشاركة
    أنا عندي سؤال، هو مرتب موظف الحجز ده بيكون كام؟ وهل ليه فرص بعد كده للترقي مثلا؟معلش انا مش عارف حاجة خالص عن الموضوع ده
    حضرتك انا اللي اعرفه ان المرتب متفاوت حسب الشركات
    يعني انا شخصيا اعرف حد اشتغل في شركة طيران وبدأ مرتبه ب 500 ج عشان كان تدريب ومكنش معاه كورسات ولا اي شهادة بالموضوع بس هو اثبت كفأته وفهم الموضوع ماشي ازاي وتم زيادة المرتب ماشاء الله لغايت ما وصل لأكتر من 2000 في فترة قصيرة
    فأنا اللي شايفاه ان الموضوع مش صعب في التعليم المشكلة انك تلاقي شركة تاخد حد معندوش خبرة وتدربه وده مبقاش موجود حاليا
    عشان كدة الواحد حب ياخد كورسات بحيث يبقي الموضوع اسهل في الشغل
    ومفيش مشكلة خالص كلنا بنستفيد من بعض والموضوع معمول للافادة العامة للجميع
    وربنا يوفقنا جميعا ان شاء الله

  10. #10
    تاريخ التسجيل
    Apr 2010
    المشاركات
    205
    اقتباس المشاركة الأصلية كتبت بواسطة lawyerbishoy مشاهدة المشاركة

    طيب لو كنت aware فى sabre وأتعلمته فى أسبوعين بس

    مارسته فى 7 شهور !

    مش معايا iata بس شهادة من منظمة كندية , ينفع ?

    ولا لازم كورسات معاه ؟!!




    انا مش خبرة في الموضوع ده طبعابس اعتقد بما ان حضرتك فاهم في الموضوع هيبقي سهل عليك تتعلم اي نظام فيهم لأن علي حد معرفتي ان الانظمة كلها متشابهه
    وان شاء الله حد يقدر يفيدك

  11. #11
    تاريخ التسجيل
    Apr 2010
    المشاركات
    205
    اقتباس المشاركة الأصلية كتبت بواسطة LawyerBishoy مشاهدة المشاركة
    أظن فيه فى مصر شركات سياحة بتستخدم sabre والاغلب طبعا Amadeus

    بس أنت مش عارف المرتبات ! ممكن تقدم فى
    thomas Cook
    هو طبعا المنتشر اماديوس
    بس سؤال بقي معلش هي thomas cook التقديم فيها سهل يعني ولا ايه نظامها ومرتباتبها ولازم خبرة ولا ايه ؟؟

  12. #12
    الصورة الرمزية 99 Moha
    تاريخ التسجيل
    Mar 2007
    المشاركات
    1,488
    اقتباس المشاركة الأصلية كتبت بواسطة Rona-4 مشاهدة المشاركة
    هو طبعا المنتشر اماديوس
    بس سؤال بقي معلش هي thomas cook التقديم فيها سهل يعني ولا ايه نظامها ومرتباتبها ولازم خبرة ولا ايه ؟؟
    Rona-4
    ان شاء الله الشغل متوفر مش ضرورى شركات كبيرة اوى زى توماس كوك و شركة ترافكو لانهم بيحتاجم الخبرات ابدئى وخدى خبرة فى شركات صغيرة وانتى حتعلى بعد كدا والمرتبات حسب المدينة فى القاهرة 600 وفوق لكن هنا فى طنطا من 250 لـ 500
    LawyerBishoy
    سيبر فى بعض الشركات شغالة بيه بس بقى نظام قديم دلوقت المعظم أماديوس بس برده قدم فى اى شركة مفيش مشكلة طالما اينجلش وكمبيوتر ومعاك نظام حجز واكيد ممكن تتعلم حاجات تانية وبالتوفيق

  13. #13
    تاريخ التسجيل
    Apr 2010
    المشاركات
    205
    اقتباس المشاركة الأصلية كتبت بواسطة mohamedadelead مشاهدة المشاركة
    rona-4
    ان شاء الله الشغل متوفر مش ضرورى شركات كبيرة اوى زى توماس كوك و شركة ترافكو لانهم بيحتاجم الخبرات ابدئى وخدى خبرة فى شركات صغيرة وانتى حتعلى بعد كدا والمرتبات حسب المدينة فى القاهرة 600 وفوق لكن هنا فى طنطا من 250 لـ 500
    lawyerbishoy
    سيبر فى بعض الشركات شغالة بيه بس بقى نظام قديم دلوقت المعظم أماديوس بس برده قدم فى اى شركة مفيش مشكلة طالما اينجلش وكمبيوتر ومعاك نظام حجز واكيد ممكن تتعلم حاجات تانية وبالتوفيق
    جزاك الله خيرا وان شاء الله اما استقر هاخد الكورس فين وابدأ واخلص هقولكم النتيجة ان شاء الله وربنا معانا جميعااا

  14. #14
    تاريخ التسجيل
    Jun 2010
    المشاركات
    124
    اقتباس المشاركة الأصلية كتبت بواسطة Rona-4 مشاهدة المشاركة
    جزاك الله خيرا وان شاء الله اما استقر هاخد الكورس فين وابدأ واخلص هقولكم النتيجة ان شاء الله وربنا معانا جميعااا

    متابع الموضوع وفعلا اماديوس مصر اغلاهم وتيجى بعد كده مصر للطيران
    ممكن تجربى فى مركز نزيه وتروحى تمتحنى فى اماديوس مصر والله نفع الموضوع معكى كان بها مش نفع يبقى ادخلى اماديوس مصر

    وعلى فكره فرص التدريب فى الشركات مش صعبه واللى ماشى دلوقتى فى مصر والدول العربيه هوه نظام الاماديوس

    ياريت لما توصلى لحاجه ولما تستقرى على مكان ياريت تقولى او لو حصل اى جديد ياريت تعرفينا بيه لانى عاوز اخد الكورس ده من زمان بس مكنتش فاااضى انما دلوقتى بقييييييت فااااضى على الاخر jobless:thumbdow
    n:

  15. #15
    تاريخ التسجيل
    Apr 2010
    المشاركات
    205
    اقتباس المشاركة الأصلية كتبت بواسطة flyingpharaoh مشاهدة المشاركة

    متابع الموضوع وفعلا اماديوس مصر اغلاهم وتيجى بعد كده مصر للطيران
    ممكن تجربى فى مركز نزيه وتروحى تمتحنى فى اماديوس مصر والله نفع الموضوع معكى كان بها مش نفع يبقى ادخلى اماديوس مصر

    وعلى فكره فرص التدريب فى الشركات مش صعبه واللى ماشى دلوقتى فى مصر والدول العربيه هوه نظام الاماديوس

    ياريت لما توصلى لحاجه ولما تستقرى على مكان ياريت تقولى او لو حصل اى جديد ياريت تعرفينا بيه لانى عاوز اخد الكورس ده من زمان بس مكنتش فاااضى انما دلوقتى بقييييييت فااااضى على الاخر jobless:thumbdow
    n:
    لا هو كدة مصر للطيران اغلي بحاجة بسيطة جداااا
    وانا فعلا قولت هجرب في نزيه وامتحن في اماديوس مصر بس انا اما اتصلت بيهم قالي ان في كورس هيبدأ بكرة فكدة انا مش هلحقه لاني كنت بجمع معلومات عن الموضوع فهيبقي الكورس مش قبل اسبوعين او شهران شاء الله وعموما انا لسه بدور وببحث عشان اقرر واشوف ظروفي لو تسمح هاخد في مصر للطيران ان شاء الله لاني اما سألت حد في مصر للطيران قال لو هتدرسي في اماديوس محتاجة تاخدي كورس مبيعات في مصر للطيران بس فليه بقي الواحد ياخد الكورس كامل في مصر للطيران
    والتدريب مش صعب بس اهم حاجة تكون بتعرف في الاماديوس يعني تكون اخدت كورس فيه
    وعموما انا اي حاجة اكيد هاجي اقولهالكو وربنا يكرمنا جميعا ان شاء الله
    وحضرتك برضو اي جديد تقولنا لغايت ما نبدأ الكورس
    وجزاك الله خيرا علي انك طمنتنا شوية :)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك