موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 8 من 8
Like Tree0Likes

الموضوع: المرتبات في السعوديه

  1. #1
    الصورة الرمزية loverdemon
    تاريخ التسجيل
    Apr 2008
    المشاركات
    342

    المرتبات في السعوديه

    المرتبات في السعودية
    هذا الموضوع منقول كما هو لاهميته
    و كاتبه الاصلى هانى زكريا احمد جزاه الله خيرا


    خبر هام لكل راغبى السفر إلى السعوديه


    أخوانى نظرا للتدهور الشديد فى النواحى الأقتصاديه فى مصر يتسابق ملايين الشباب للسفر للدول العربيه وخصوصا السعوديه لكى يفتحوا لهم أبواب رزق جديده وللهروب من الوضع المأساوى فى مصر

    ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى
    وليس الشركات فقط بل المصريين إيضا قللوا من أنفسهم وقيمتهم الحقيقيه التى يستحقونها

    ولذلك فكرت فى عمل بحث صغير جدا فى حدود وقت فراغى وأتمنى من كل شخص يقرأ هذا الموضوع أن ينشره لكل صديق أو قريب أو يتم نشر الموضوع فى كافة المنتديات حتى يصل لأكبر قدر من راغبى السفر للسعوديه . أيضا أرجوا من لديه مثال واقعى يكشف ما سيتم سرده بعد ذلك من أوضاع أن يكمل معنا الموضوع بوضعه وأرساله لكل راغبى السفر للسعوديه

    دعونى أولا أوضح بعض النقاط

    1- أقل مبلغ مطلوب شهريا لمستوى معيشى متوسط لفرد واحد

    الأكل - فى أضيق الأحوال 20 ريال يوميا (فطار – غداء – عشاء)
    المياه - فى أضيق الأحوال 20 ريال شهريا ( 4 قاروره)
    سجاير - فى أضيق الأحوال 3 ريال يوميا (العلبه تقريبا 5 ريال)
    أخرى - فى أضيق الأحوال 200 ريال شهريا (علاج – موبايل - خروج – ملبس – ألخ......)

    أذا المجموع الكلى تقريبا 900 ريال شهريا لشخص مدخن وتقريبا 800 ريال لشخص غير مدخن

    مع العلم أنه يمكن أن تكون هناك مصاريف أخرى يمكن حدوثها ولكنى لم أذكرها لأختلافها من شخص لأخر
    أيضا هذه المصاريف لشخص عادى مش(أكيل- فييس) يعنى

    2- السكن والأنتقالات

    لو الشركه موفراهم مفيش مشكله أما أذا كان الأجابه بلا فأليك هذه المعلومات

    السكن

    لو الشركه هتوفرالسكن و بدون أثاث

    أذا ستحتاج (سرير – دولاب - غساله – ثلاجه – بوتجاز – مكوه – حاجات المطبخ – وخلافه )
    لو هتشترى عفش جديد هيكون فى حدود 4000- 6000 ريال
    أما لو مستعمل هيكون فى حدود 2500- 3500 ريال
    كل ده بدون تكييف وهيكون فى حدود 1500 ريال أذا كان غير موجود لكل غرفه بالطبع

    اما لو الشركه مش هتوفرالسكن

    فهيكون أيجار سكن عازب غرفه وصاله ومطبخ فى حدود 10000 ريال فى السنه
    لو السكن مشترك هيكون فى حدود 500 ريال شهريا

    وهذه معلومات فى حالة طلبك بدل سكن مناسب

    الأنتقالات

    فى المملكه مفيش مواصلات عامه ألا باص صغير يأتى من حين لأخر على إستحياء ولا يمكن الإعتماد عليه
    ولذلك ستركب تاكسى وأقل مبلغ ستدفعه 20 ريال للمشوار الواحد
    ولذلك يمكنك حساب ما تحتاج من بدل الإنتقالات

    بعد سرد ما سبق وبدون إطاله

    أذا كان السكن مؤثث ومكيف والإنتقالات على الشركه فيمكن للفرد أن يحتاج إلى 1100- 1300 ريال شهريا
    أما أذا كان العكس فسيحتاج الفرد إلى 1800 – 2200 ريال شهريا
    ولذلك بعد بحث طويل مع كل الأفراد والأصدقاء أستطيع أن أضع تصور عقلانى للرواتب التى من المفترض إلا يأتى أحد من مصر أقل منها وأناشد أخوانى قدر المستطاع نشر هذه المعلومات نظراُ لأهميتها القصوى

    ملحوظه :-

    1- كل الرواتب التى سأسردها لحديثى التخرج أو لخبره سنتان على الأكثر
    2- الرواتب المذكوره بدون بدل سكن أو إنتقال
    3- الرواتب المذكوره بدون تأمين صحى
    الرواتب الواقعيه والمفروض أن لا تقل عن ذلك

    المهندسين بمختلف مجالاتهم من 5500 – 7000 ريال سعودى
    المساحين بمختلف مجالاتهم من 4000 – 5000 ريال سعودى
    الصيادله بمختلف مجالاتهم من 4500 – 6000 ريال سعودى
    الأطباء بمختلف مجالاتهم من 5500 – 7000 ريال سعودى
    المدرسين بمختلف مجالاتهم من 3000 – 4000 ريال سعودى
    العماله بمختلف مجالاتهم من 2500 – 4000 ريال سعودى
    المحاسبين والسكرتاريه والمناديب بمختلف مجالاتهم من 3000 – 4000 ريال سعودى

    رواتب مضحكه من كثرة البكاء عليها وهى حقيقيه والأمثله كثيره

    محاسبين على 1200 ريال
    مهندسين على 1800 ريال
    أطباء على 2500 ريال
    مدرسين على 1500 ريال
    سائقين على 1100 ريال
    عماله على 700 ريال


    الأشياء اللازم توفيرها فى أى عقد لأى مهنه

    1- لابد أن يحتوى العقد على شهر أجازه كل سنه مدفوع الأجر وشامل تذاكر الطيران ذهاب وإياب
    2- لابد من توفير التأمين الصحى لك وللأسره
    3- توجدة خدعه أسمها تقسيم قيمة الراتب إلى أساسى صغير جدا وبدلات ثم تفاجئ بخصم البدلات بعد القدوم لأى سبب
    4- بعض الشركات تطلب دفع تذكرة القدوم وتوعد بدفع القيمه عند المجئ ولا تدفع بالطبع فيمكنك طلب التذكره وأنت فى مصر وبسهوله يتم إرسالها لك فى حالة جديتهم فى الطلب
    5-مرفوض تماما السفر البرى من وإلى المملكه

    معلومات للعلم فقط وليس الحصره على المصريين

    1- المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا
    2-المحاسبين الأردنين والفليسطينين والهنود لايأتو أقل من 3000 ريال وتوفير كل شىء مشروح سابقا
    3-رواتب السورى واللبنانى والهندى والفلسطينى أكبر من المصرى والسبب فى المصرى نفسه لأنه أكثر كفاءه وعلم وتعليم منهم جميعا ولكن ينقصه البحث والحصول على المعلومات قبل إتخاذ القرار

    ولذلك أرجوا أن يستفيد كل من يقرأ هذا الملف ويرسله لأكبر عدد ممكن من المصريين فى كل مكان

    هذا هو الموضوع كما هو و ارجو من الاخوة عدم التدخين لما فيه من ضرر لك و لمن حولك و تبذير و احتمال حدوث حرائق

    اللهم بلغت اللهم فاشهد


  2. #2
    الصورة الرمزية akm
    تاريخ التسجيل
    Jun 2005
    المشاركات
    961
    اللهم لا تحسابنا بما فعل السفهاء منا
    اللهم لا تحاسبنا بما يقولون
    وأجعلنا خيرا مما يظنون
    عارف يا أخى أنا أسمى أكرم ومن إسكندرية وصديق عمرى سافر السعودية
    تصدق بالله لما بيتصل بيا مش برد عليه مش بقدر أسمع صوته
    لإنه كلمنى مرتين قبل كده وما أستحملتش أسمعه ف الحاله اللى هو فيها
    العيب مش فينا يا أخى إحنا مش مرخصين نفسنا بالعكس
    حكومتنا هى اللى رخصتنا
    أنا بتشتم ف بلدى من الأجانب تخيل وأنا ف بلدى ماليش كرامه
    الأجنبى بيشتمنا ف شغلنا ويطلع باسبوره من جيبه
    عاوز الشعوب تحترمنا إزاى وإحنا ف أرضهم
    إذا كان ما حدش بيحترمنا و إحنا ف أرضنا
    إنا لله وإنا إليه راجعون اللهم أصلح لنا ديننا الذى عصمه أمرنا
    وأصلح لنا دنيانا اللى فيها معاشنا
    اللهم صلي وسلم وبارك علي سيدنا محمد وعلي أله

    عدد كمال الله وكما يليق بكماله صلي الله عليه وسلم

    اللهم أنصر الإسلام وأعز المسلمين.



    [CENTER]

  3. #3
    تاريخ التسجيل
    Sep 2005
    المشاركات
    202
    عارف المشكله فى ان الشباب ماشيه بمبدأ "كده كده خسرانه " "ضربو الاعمى على عينه قالهم خسرانه خسرانه" وكمان " ياصابت يا اتنين عور"
    فا عاوز ايه بحد بيفكر بالمبادئ دي انا فعلا جالى شغل فى السعوديه على العلم انى مجالى "اخصائى تخاطب" او زى مابيسموه عندهم مدرس متخلفين عقليا تقريبا وكان المرتب على 1700 ريال والشركه اللى كانت هتسفرنى من هنا هتاخد 5000 جنيه يعنى ازمه وخراب بيوت فا قولت الله الغنى الواحد بيستحمل الغربه وقرفها عشان يكون مستقبله انما تتغرب وتتعب وتتفحتشغل وفى الاخر تاخد ملاليم يبقى بناقص ومصر افضل بمليون مره ........... اسف ع الاطاله وشكرا

  4. #4
    الصورة الرمزية loverdemon
    تاريخ التسجيل
    Apr 2008
    المشاركات
    342
    انا بقى شخصيا روحت مليون انترفيو عشان اسافر السعوديه
    وسمعت مرتبات الواحد ميرضاش ياخدها في محافظه بعيده عن بيته اساسا
    بس للاسف شوفت ناس في ال30 وفي ال40 ومتجوزين ومخلفين كانت اعصابهم تعبانه ونفسهم يتوافق عليهم ويسافرو
    وساعتها كمان كان المرتب 1200 ريال بالعافيه ده غير سعر العقد اللي هيدفعوه
    بجد ساعتها انا حمدت ربنا على اللي انا فيه وكنت هعيط على الناس الغلبانه دي بجد وفي الاوقات دي اقسم بالله اني بتمنى اني لو ربنا مديني قدره او سلطه عشان انحتلهم في الصخر واشغلهم واعيشهم حياه كريمه وكفايه عليهم اللي شافوه في حياتهم
    وما باليد حيله والناس دي جزء بسيط جدا من الموجود وماخفي كان اعظم
    حسبي الله ونعم الوكيل

  5. #5
    الصورة الرمزية starlike
    تاريخ التسجيل
    Jan 2009
    المشاركات
    1,780
    هنقول ايه ياخوننا
    حسبى الله ونعم الوكيل فى الظلمه دووول

  6. #6
    الصورة الرمزية jako22
    تاريخ التسجيل
    May 2006
    المشاركات
    226
    انا جالي عقد بمرتب 3500 بالاضافة للسكن و تذاكر الطيران لي و لزوجتي مع العلم اني مهندس كهرباء------- عايز اعرف ايه رأيكم؟؟؟؟؟؟؟؟؟؟؟؟؟؟؟؟

  7. #7
    الصورة الرمزية loverdemon
    تاريخ التسجيل
    Apr 2008
    المشاركات
    342
    اقتباس المشاركة الأصلية كتبت بواسطة jako22 مشاهدة المشاركة
    انا جالي عقد بمرتب 3500 بالاضافة للسكن و تذاكر الطيران لي و لزوجتي مع العلم اني مهندس كهرباء------- عايز اعرف ايه رأيكم؟؟؟؟؟؟؟؟؟؟؟؟؟؟؟؟

    بص ياباشا انت تعمل مقارنه بين مرتبك هنا في مصر وهناك وبردو لازم تشوف خبرتك اد ايه يا ترى تتقدر بالراتب ده ولا اكتر ولا ايه وهل المبلغ ده بالنسبه ليك يساوي الغربه ولا لا النقط دي ترجعلك انت شخصيا بس الراتب مبدايا معقول الى حد ما كبدايه ليك هناك ويارب يكرمك و يوفقك ويكتبلك الخير ان شاء الله ومتنساش الاستخاره

  8. #8
    الصورة الرمزية meetoo
    تاريخ التسجيل
    Feb 2004
    المشاركات
    907
    جزاك الله خيراً اخي علي النقل الطيب منك
    يسر الله لك الحال ،واعانك علي عملك وحياتك
    كتب الله لك ما تحبه
    وترضاه ويرضاه




    التوقيع أكبر من المسموح به
    رجاء مراجعة قوانين التواقيع


    قبل ان تقوموا بحذف التوقيع ووضع هذه الجملة كان لابد من الابلاغ ولو برسالة شخصية ليتسني لي التغيير..
    ولكن الحذف الحذف..!!!!!

    هداكم الله ..أرجو معاملة أدمية لا شرعية ...

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك