موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 12 من 12
Like Tree0Likes

الموضوع: وظيفه فى السعوديه

  1. #1
    تاريخ التسجيل
    Sep 2007
    المشاركات
    132

    وظيفه فى السعوديه

    السلام عليكم

    لو سمحتم انا بقى لى فتره عايز اسافر اشتغل فى السعوديه اى شغلانه مش مهم بس اسافر هناك .. مع العلم انا خريج كليه تجاره 2007 تقدير مقبول بس مشتغلتش فى المحاسبه بس اشتغلت كذا شغلانه مبيعات وفى المطاعم والاستيراد والتصدير
    يعنى انا معنديش خبره اوى بس نزلت الشغل

    انا عايز اعرف اعمل ايه عشان اسافر وادور على سفر ازاى ؟ وازاى الاقى شغل ؟ ممكن عن طريق النت ولا لازم كله بفلوس وكده؟

    يا ريت اللى يعرف طريقه ومضمونه يساعدنى عشان البلد هنا مفهاش شغل .. مستنى الردود بليز

    شكرا للتصميم : abdo_2525

  2. #2
    الصورة الرمزية meda_online
    تاريخ التسجيل
    Apr 2008
    المشاركات
    178
    يا صاحبي لو حد يعرف شغلانة أكيد ع يجبها لنفسه ولو مش محتاج لأخوه لصاحبه لحد م الجيران لواحد معرفة ويتهيالي أن أنت عارف الكلام دة كويس
    ياريت تحدد هدفك وتسعى لي وميكنش السفر وخلاص .... دة هدف مادي ...
    ياريت تبقى لوعايز تسافر تكون أنت اللي ع تفيد الناس اللي أنت رايحلها بخبرتك اللي معرفش بصراحة ع تجيبها منين ؟
    وعلى فكرة .... أنا خريج تجارة 2007 بس بتقدير جيد وتقريبآ بقالي سنة أأعد في البيت بس عايز أشتغل في المحاسبة ومن واقع سنة ...... يامسهل ...

  3. #3
    تاريخ التسجيل
    Sep 2007
    المشاركات
    132
    متشكر اوى يا صاحبى ع الرد بتاعك والتحطيم ده
    لو كان عندك كلمه حلوه قولها وخلاص
    بعدين مفهاش حاجه لو واحد يعرف معلومه يقولها يفيد بيها غيره
    بعدين انا مش عايز اسافر عشان هدف مادى وزى ما بتقول .. ما انت بنفسك اهو جايب جايد وقاعد فى البيت بقى لك سنه وابقى قابلنى لو اشتغلت . انا فكرت صح وقولت انى عايز اسافر .... عشان لو قعدت هنا عشرين سنه مش حعمل اللى حعمله هناك فى سنتين ولا حاجه .......

  4. #4
    تاريخ التسجيل
    May 2005
    المشاركات
    120

    Great

    بص يا سيدي اولا دول الخليج حاليا مليانة ناس بالعكس دول كمان بيفنشوا الوافدين علشان المواطنين يشتغلوا لان العرب ابتدوا يفوقوا
    عموما لو انت عايز تسافر بالي انت بتقول عليه ده مش هينفع... السعودية او الامارات او البحرين او الكويت عايزة الي يشتغل فيها يكون جاهز جدا يعني:::
    انت بتقول انت محاسب طيب تعرف ايه عن المحاسبة ؟ هل تعرف تعمل قائمة واحدة من قوائم الميزانية؟
    وحتي لو تعرف وهنقول معاك خبرة 3 سنين ...كل البلاد العربية حاليا معادا مصر المتخلفة طبعا مش بتتعامل بالدفاتر خالص كل شغلها عبارة عن برامج حسابية وبيستخدموا ورق كارشيف للمراجعة والتدقيق... مع العلم علشان تاخد مبادئ اي برنامج محاسبي كويس لازم اولا الانجليزي بتاعك يكون تمام وثانيا لازم تكون محاسب بجد يعني فاهم كل حاجة من القيود للميزانية...
    انا مش بعقدك او بعقد اي شاب بس لازم تفوقوا الدنيا دلوقتي عايزة كدا...
    هاديك مثال في واحد في موضوع في المنتدي بيسال عن معني كلمة بوزيشن (منصب) تخيل ده هيبعت سي في بتاعة ومش عارف يعني ايه كلمة بوزيشن مش يبقي حرام ..
    انا نسيت اعرفك بنفسي:خالد .. خريج تجارة عين شمس..2005 ..محاسب عام ومدقق داخلي بالامارات
    انا كل يوم تقريبا بشوف شباب مصري دافع من 6 ل9 الاف مصري في زيارة علشان يدور علي شغل... وفي الاخر بيرجع بلده مديون..علشان محدش فاهم حاجة!!!
    دخل عليا في الشركة اتنين شباب عايزين شغل الاتنين محاسبين تمام...ولما سالتهم تعرفوا ايه في المحاسبة ؟؟؟ ولا حاجة حتي القيود مش عارفين الداين والمدين...بس كل واحد يقولك اشتغل واتعلم او اشتغل اي حاجة...طيب لو انا واحد مستثمر في الامارات... وهجيب واحد اعلمة تفتكروا اجيب واحد مصري ياخدله 2000 درهم وهو مش عارف حاجة ولا اجيب واحد فلبيني او هندي بيتكلم انجليزي بيرفكت وحمار شغل وياخد 1200 ؟؟؟؟؟؟
    ومع العلم بالنسبة للامارات 2000 درهم والله ما تعرف تاكل وتسكن بيهم في غرفة فيها 5 ...
    ربنا يوفقكم ......ارجو اكون افدتكم.....
    التعديل الأخير تم بواسطة aliola; 16-07-2008، الساعة 12:16 PM

  5. #5
    تاريخ التسجيل
    Sep 2006
    المشاركات
    318
    الخليج موضوع فاشل دلوقت الا اللى معاه قدرات عاليه جدا

    محدش يعرف حل للسفر لاوربا ولو باى طريقه واى شغلانه

    مش عارف ال600 جنيه اللى بناخدهم دول هيفتحو بيت ازاى ولو قعدنا 30 سنه نشتغل بيهم

  6. #6
    تاريخ التسجيل
    Sep 2006
    المشاركات
    318
    وبعدين انا عايز ارد على الاخ اللى بيقول ان المفروض انى هدفى ميكونش مادى!!!!!!


    اومال احنا بنشتغل ليه الناس من اول ادم لاخر فرد هتشتغل لايه مش عشان سعى للرزق مش عشان الفلوس

    هاتلى واحد في الدنيا ده بيشتغل مجانا

  7. #7
    تاريخ التسجيل
    Sep 2007
    المشاركات
    132
    يا عم الحج انا مش بقولك سفرنى ولا حسافر بكره .. بس عايز اعرف الطريقه ازاى وازاى ادور على سفر .. انا مش عايز نصيحه اسافر ولا مسافرش .. انت نفسك بتقول فى الامارات يعنى ابسط حاجه كنت ممكن تقولى انت سافرت ازاى ولا جبت عقد عمل ازاى وملكش دعوه بقى اشتغل انا ولا لا ...

  8. #8
    تاريخ التسجيل
    May 2005
    المشاركات
    120
    بص يا سيدي انا الحمد لله معايا انجليزي كويس وكمان قبل ما اسافر قعدت 3 شهور اذاكر برنامج من برامج المحاسبة الي هو البيتش تري...
    استلفت تقريبا 8000 جنية واشتريت فيزا زيارة من شركة سياحة
    وسافرت ودخلت البلد معرفش فيها حد ولا كنت اعرف ابدا منين ونمت يوم كامل في مسجد المطار.
    ونزلت اسال هنا وهنا وادخل الشركات واسمع كلام مالوش لزمة. وبعدين قابلت شاب مصري خدني معاه السكن وقالي تعمل اعلان في الجريدة وكل يوم تنزل تدور وبعد 5 ايام بالظبط خلصت الفلوس الي معايا..
    واتصل واحد قرا الاعلان مواطن عايز محاسب وامتحني انجليزي ومحاسبة واشتغلت معاه براتب ضعيف يكفي الاكل والسكن ووحده وحده اخدت كورسات وكنت حضرتك بنام علي الارض لمدة 5 شهور علشان اوفر حق الكورس و ربنا كرم علشان الي بيتعب بيلاقي وسيبته وشغال في الشركة الي انا فيها حاليا محاسب عام ومدقق داخلي...
    عارف العيب في مين في الشباب الي بيردد او الي بيتكلم لان الكلام مفيش اسهل منه تلاقي الشاب يقولك انا عايز اسافر اوروبا او الخليج واشتغل اي حاجة...
    لو الشاب فاكر ان مصر بس الي فيها بطالة يبقي غلطان..
    لو انت عايز تشتغل اي حاجة عندك الهند او الفلبين تعدادهم اكبر مننا بملايين وعندهم ضعف البطالة الي عندنا...وبيشتغلوا ضعف شغلنا يبقي تفتكر كدا انا لو مستثمر اشغلك ب1000 ولا اجيب واحد جاهز ب500
    لو كل شاب اعتمد علي نفسه ربنا هيكرمه مش الي يدورلي علي واسطة ولا الي ياخد فلوس من ابوه يدفعها لوظيفة ولا الي يقول لابوه ادفعلي حق عقد عمل... فوقوا يا رجالة
    رغم ان ردك معجبنيش بس انا حاولت افيدك...وافيد اي شاب بعتبره اخويا .. وانا تحت امركم في اي سؤال....

  9. #9
    الصورة الرمزية shary_asd
    تاريخ التسجيل
    Jul 2006
    المشاركات
    948
    واضح ان الحياه ازرقت على الاخر
    بعد ما كانت سعاد حسنى بتقول بمبى مع انها فى اخر الفيلم عيطت ماعلينا
    المهم
    ان شغال فى شركه ادويه وبلف على رجلى لما رجلى ورمت
    وماليش فى الارقام لكن اعمل ايه المضطر يركب الصعب
    وبحسب لو هجمع 2 زائد 2
    المهم
    سافر يابنى
    وجيب عقد
    او ادفع شويه حاول 12 الف ريال سعودى
    او 20 جنيه مصر واختبار فيرس سى
    وظبط نفسك
    وشوف الدنيا ماشيه ازاى
    تعمل عمره وتدور هناك
    لو حتى فى مكه نفسها بس
    وهتلاقى
    بس لازم يكون فى حد هناك لو حتى رقم تلفون يدلك
    ودى كل الناس بتعملها واصحابى عملوها وترمى هناك سيفهات بالهبل
    فى كل شركه سياحه ومكتب
    ومحلات
    وربنا يسهلك
    المهم برضه لازم يكون معاك فى الاول فلوس
    لان حتى الشغل عايز فلوس علشان الشغل
    ممكن 8 الاف جنيه
    ممكن 9
    او 10
    او12 الف
    او لتصل 20 الف جنيه
    دا اقصى حاجه بالنسبه للسعوديه
    اما الامارات فهى صعبه جدا
    ولا زم تكون برفكت
    ميه ميه
    معاك لغه وكمبيوتر ومهل بتقدير
    وياريت دكتوراه لانهم بقوا فظاع قوى
    والمعيشه غاليه جدا قوى
    لانهم خلاص اتغيروا وبقوا امريكا يا معلم
    اما السعوديه فهى عادى
    ممكن لو هربت تيجى هنا فى مصر فى سافاجا
    هههههههههههههههههه
    وخلى بالك وربنا يهديلك الحال ليك ولينا ولكل الشباب
    اصل لو مصر عدله اساسا
    مكناش اتبهدلنا بلا نيله ومعانا شهادات ودكاتره
    على الفاضى
    بلد شهادات بصحيح
    SHARY_ASD
    لااله الاانت سبحانك انى كنت من الظالمين

  10. #10
    تاريخ التسجيل
    Sep 2007
    المشاركات
    132
    شكرا يا شباب . والله مش عارف اقولكم ايه .. يعنى لا بقى فى امل الواحد يشتغل هنا ولا يسافر بره حتى امل يعمل ايه

  11. #11
    الصورة الرمزية محمد سعد6000
    تاريخ التسجيل
    May 2007
    المشاركات
    1,461
    الله المستعان ربنا يوفق الجميع
    mohamed saad2008

  12. #12
    الصورة الرمزية royal.toon
    تاريخ التسجيل
    Aug 2008
    المشاركات
    2,311
    ربنا يوفقك بصراحة انا معرفش بس اكيد ربنا هايوفقك
    لأنه كريم جداً

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك