موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 153 من 299 الأولىالأولى ... 53 103 143 151 152 153 154 155 163 203 253 ... الأخيرةالأخيرة
النتائج 2,281 إلى 2,295 من 4473
Like Tree0Likes

الموضوع: وظـائـف مـصـر للـطيـران و مـيـنـاء الـقـاهـرة الـجـوى

  1. #2281
    تاريخ التسجيل
    Jun 2010
    المشاركات
    439
    لا يا كيمو امتحانات المعهد للقوات المسلحه مش زى الامتحانات اللى معاك اللى موجوده هنا فى المنتدى انا اصلا عندى الاسئله ديه من اكتر من تلت سنين
    لانى بقولك المعهد فى امتحاناته بتعتمد على two ward verb

    ده غير سرعه نطق الراجل او البنت اللى بتسمع صوتها فى الهيد فون كا طبيعه للغه الامريكيه ...... بس بردك مش يمنع انك تشتغل على الكورس اللى معاك ده
    لانه بردك فيه اكيد فايده منه وهى انك بتشغل ودنك......
    بص من الاخر كدا الامتحانات بتاعه الوات المسلحه زى ما هقولك كدا.....
    تو ورد فيرب
    تحفظ كويس قوى ال 12 زمن بتوع الجرامر وتعرف تفرق بنهم كويس وتبقى فاهم مش حافظ عشان تعرف تحل
    وتحفظ شويه مصلطحات
    ودوس شويه على حروف الجر لانها مهمه جدا جدا جدا جدا لابعد حد وخداعه
    وموجد منها كتير فى منهج مودلى بتاع المعهد MODLI
    وده المنهج الامريكى اللى بيتدرس فى المعهد والمنهج ده اكتر حاجه شوفتها فيه هى حروف الجر والتو ورد فيرب
    واخر حاجه ياريت يا جماعه نحاول نعرف مرادفات كتير لكل كلمه يعنى مثلا كلمه
    genuine = real = authentic
    وهكذا عشان هما امتحانهم مش سهل صدقونى يا جماعه وشغل المدارس والجامعات
    والتعليم اللى اتعلمناه ده غلط فى غلط والله يعنى انت ممكن تسمع كلمه ومش تفهم هى ايه مع انك ممكن تكون عارفها بس انت عارفها بالنطق الغلط بتاع المدرسين المعوقين اللى كانو بيدرسو لينا زمان
    فا يا جماعه انا مش بحب التكاسل والتساهل احنا لسه فيها اهو ركز شويه فى الحجات اللى قولتها وحاولو تحفظو تو ورد فيرب والجرامر بالازمنه ومقارنه الصفات والروابط وقاعد إف وكل حاجه تقدر عليها عشان الامتحان مش سهل الا للناس اللى مذااااااااااااااااكره
    وانتم ممكن يا جماعه تجربو وتشوفو بنفسكم....ممكن اى حد فيكم يروح المعهد فى اى يوم ويعمل امتحان تحديد مستوى بصوره البطاقه بتعتك ب 20 جنيه ويشوف بنفسه
    هو فين بالظبط فى القصه ديه
    وبردك مره تانيه الكورس اللى منتشر على المنتديات ده مش كورس MODLI
    بتاع المعهد ولا امتحانات مودلى بس مش هيخسر ومش وحش وحاولو تستفيدو منه فى خاصيه السمع ديه وشغلو ودانكم شويه
    وجزاكم الله كل خير ورزقكم رزقا واسعا وبالتوفيق بأذن الله

  2. #2282
    الصورة الرمزية frog-splash
    تاريخ التسجيل
    May 2004
    المشاركات
    72
    شوف يا mohamed mego المشكلة دي كانت عندي وحلها كان بسيط بالنسبة ليا , اتأكد ان انتا حاطط الفولدر بتاع البرنامج مباشرة في البارتشن مثلا D يعني مش تحطه في فولدر جوة فولدر جوة فولدر لأ حطه مباشرة جوة البارتشن
    شوف كدة الطريقة دي وقولي ايه النظام
    سبحان الله والحمد لله ولا اله الا الله والله اكبر


  3. #2283
    تاريخ التسجيل
    Mar 2009
    المشاركات
    242
    السلام عليكم جميعا ,,,

    يا جماعة انا عندى امتحان الهيئة بتاع مصر للطيران الاسبوع المقبل ان شاء الله وكل ما اسئل حد هناك عن طبيعة الامتحان دة يقولى مش عارف والله اعلم ومش فاهم منهم اى حاجة ..انا عارف ان فيه ناس كتيير هنا كانت مقدمه معايا فى وظيفة مضيف جوى فياريت يا جماعة اى حد راح امتحان الهيئة يقولى ايه طبيعة الامتحان ..الاسئلة بتبقى عبارة عن ايه..؟؟وهل الاجابة انجليش ولا عربى ؟؟وكام واحد بيسئلنى لانى سمعت انى بقف امام عشرة اشخاص ..؟؟فأرجو من الجميع اى حد عنده معلومه من الناس اللى امتحنت يقولهالى او حتى لو حد عنده اخ او اخت شغالين مضيفين بمصر الطيران ياريت يسالهم ويضيف ليه اى معلومه حتى لو كانت صغيرة ...منتظر ردودكم المفيدة وبالتوفيق للجميع ..بارك الله فيكم





    احذروا غضب مصر....!!!

  4. #2284
    تاريخ التسجيل
    Jun 2010
    المشاركات
    37
    أولا وقبل كل شئ بشكرك بجد يا frog على اهتمامك بالرد وأنا شوفت إنى مش أول واحد أشكرك فى المنتدى واضح إنك إنسان خدوم وده شكر واجب منى ليك. ثانيا أنا عملت اللى إنت قلت عليه والبرنامج إشتغل علطول ربنا يباركلك. بس البرنامج لغة تعامله صينية تقريبا بس الكلام والأسئلة بالإنجلش. مش مهم وربنا يكرم ونحاول نشتغل فيه.وأخيرا بشكرك وبجزاك الله كل خير

  5. #2285
    الصورة الرمزية frog-splash
    تاريخ التسجيل
    May 2004
    المشاركات
    72
    ربنا يخليك يا محمد مفيش داعي للشكر احنا هنا كلنا بنساعد بعض
    انا رفعت كام صورة كدة للبرنامج للشرح اتمني انهم يعجبوك

    دي صورة لواجهة البرنامج



    ودي صورة للتدريب علي الامتحانات



    اسألكم الدعاء

  6. #2286
    تاريخ التسجيل
    Apr 2009
    المشاركات
    186
    السلام عليكم ورحمة الله وبركاته ......................................
    الاخ الفاضل احمد طيب ازاى امال هوه اسمه الكورس الامريكى على الفاضى وخلاص
    غير كده ده فيه 35 نموذج امتحان مش واحد ولا اتنين ..............
    انت عرفت منين ان اسئلة الكورس مش زى بتاعه القوات المسلحة ؟؟؟؟ انت عملت تحديد مستوى قبل كده
    على كده ليها كذا نموذج modlu1 ولا هوه نموذج واحد اللى على الاجهزة كلها ...
    يا ريت بجد تفاصيل اكتر شوية
    ممكن خدمة لوجه الله تكسب بيها ثواب فينا ترفعى الامتحانات دى على الموقع
    انا بجد طلع عينى علشان احمل عندى على الجهاز الكورس اللى موجود هنا فى المنتدى ده اللى انت بتقول عليه مش هوه اسئلة امتحان الانجليزى بتاعه مصر للطيران ؟؟؟
    انت خدتها ازاى من المعهد ولا هما اصلا بيدربوك عليها وانت بتاخد الكورس
    على كده لو اى حد عمل بحث على جوجل مش هيعرف يجيب نماذج الامتحانات دى ............
    رجاء يا ريت ترفع الاسئلة دى تبقى بجد عملت خير ربنا يجازيك عليه
    الدال على الخير كفاعله

  7. #2287
    تاريخ التسجيل
    Apr 2009
    المشاركات
    186
    السلام عليكم ورحمة الله وبركاته ...........................
    يا احمد انا عايز اعرف ايه الفرق بين الكورس ده و نماذج امتحانات القوات المسلحة ؟؟؟؟
    نفسى اعرف ازاى 35 نموذج امتحان وفى الاخر يطلع كله فى الهواء انا بصراحة حيران اوى مستعجب من كلامك رغم ان الكورس اللى هنا فى المنتدى بنفس الكلام اللى انت بتقوله بمعنى لو انت فعلا حملت الكورس ده على جهازك هتلاقى كلمة وفعل والسؤال بيتقال بتلاقى ينطقهم الاتنين مرة وحده ؟؟؟؟؟؟؟؟ يا ريت تبقى فاهم قصدى كويس
    وجرب بنفسك
    يا رب متنساش ترفع الاسئلة ويعم الخير

  8. #2288
    تاريخ التسجيل
    Jun 2010
    المشاركات
    439
    بص يا كيمو اول حاجه المنهج اللى بيدرس فى معهد القوات المسلحه اسمه مودلى
    والمنهج ده اول 8 مستويات منه لسه متألفين جداد والاربع متويات الباقيين تأليف قديم ومنهج جاى من امريكا ولسه مش اتغير بس يندرج بردك تحت اسم مودلى
    اوك........ ده اول حاجه
    تانى حاجه بقى..... انا بقالى سنه ونص فى المعهد بدرس فيه .... ونهايه كل مستوى بنزل المعمل وامتحن بنفس الاسلوب اللى هنمتحن بيه بس الاسئله بتكون اقل مش هيكون خمسين سؤال وسؤال......

    وبصراحه انا مش عارف اصلا اللى جاب البرنامج اللى فيه الاسئله ديه جاب منين الكلام ده وقال ان ده المنهج اللى بيدرس فى معهد القوات المسلحه
    بأى شكل من الاشكال مش هو ده ولا يمكن واستحاله ومن رابع المستحيلات ان حد يعرف ياخد اى حاجه من جوا المعهد وينزلها على اى موقع ولا منتدى
    لانه بكل بساطه ديه منشأه عسكريه وفيها رقابه بطريقه فظيعه .... ده يا راجل فى فى كل فصل كاميرا مراقبه وكل مبنى بيكون عليه حراسه وكل دور عليه ظباط مشرفين ده غير المعامل اللى بتكون متأمنه بطرقه فظيعه انت لو حاولت تحط فلاشه فى اى جهاز فى اى مبنى فى المعهد فى ساعتها هتتجاب..... وكذا مره حصل الحوار ده والناس اللى حاولت تعمل كدا بيتوجه ليهم اتهام انهم حاولو يسرقو مقررات ومناهج تابعه للقوات المسلحه وبيتحاكمو محاكمه عسكريه لانك بكل بساطه جوا ارض عسكريه...... انا حاولت كتير زمان اجيب نظام الاختبارات من المعهد ومش عايز اقول لؤات وعمدا فى المعد مش يقدرو يعملو كدا.......
    فا بالتالى ده بعيد كل البعد عن منهج مودلى واللى بيدرس فى المعهد ده غير انى قولتلك عندى وشوفته وسمعت اللى فيه وبعدين ايه الصينى ده ولا اليبانى اللى مكتوب البرنامج بيه ده؟؟؟؟ بذمتك ده منظر نظام تدريس يتدرس بيه فى معهد القوات المسلحه.....؟؟؟ اعقلها...... بس بردك هو مش وحش فى انك تشغل ودانك وتستغله فى السمع وتدرب نفسك بردك على الفوكاب وكدا اللى موجوده فيه مش هيخسر زى ما قولت انما مش تحط فى دماغك انه هيجى منه حاجه فى الامتحان.....
    عشان انا بقولك كنت بشوف كتير الناس اللى بتيجى عندنا المعهد وبيمتحنو تبع مصر للطيران وطالعين عملين ازاى من جوا المعامل ..... فا انا عارف الغباء اللغوى الامريكى وعارف انه صعب على الناس اللى مش واخده عليه بس هتعمل ايه؟؟
    لازم تدربو عليه عشان هو ده اللى هنمتحن فيه

  9. #2289
    تاريخ التسجيل
    Jun 2010
    المشاركات
    439
    وبالنسبه بقى لرفع الاسئله...... انا مش قولت انى معايا اسئله......
    انا قولت انا من واقع وجودى فى المعهد ودراستى فيه ومن كتر ما امتحنت فيه
    عارف ايه اللى بيكون موجود وبيهتمو بيه...... وقولت يا جماعه التو ورد فيرب
    اهم حاجه لانك ببساطه بقى كدا لما هتمتحن مش هيقل اسئله التو ورد فيرب عن 15 او 20 سؤال فا لو ضاعو منك دول انت كدا هتبقى وقعت وقعه صعبه قوى
    ومره تانيه.......... انا مش عارف ليه انتم بتكسلو يا جماعه وحاسس فيكم بخوف ورعب من الحكايه ديه....؟؟؟ هو فى حاجه لو كل واحد فيكم راح المعهد وعمل امتحان تحديد مستوى....؟؟؟ بعشرين جنيه؟؟؟؟ فى حاجه....؟؟؟؟
    تحديد المستوى شبه امتحان مصر للطيران 95 فى الميه والخمسه فى الميه التانيين عشان بس ده تحديد مستوى والتانى مصر للطيران
    فا يا جماعه روحو وامتحنو واعرف وشوف لانك هتضيع وقتك بجد لو فضلت فاكر انك ممكن تلاقى امتحان واحد مع اى حد تبع القوات المسلحه ولو حد قلك انه معاه امتحان واحد..... اعرف انه كدااااااااب وعن ثقه
    ومش تضيعو وقتكم يا جماعه

  10. #2290
    تاريخ التسجيل
    Jun 2010
    المشاركات
    439
    انا مش قصدى والله يا جماعه احبط حد ولا اقول حاجه تقلل حماسكم بس الاسئله اللى معاكم ديه ضعيفه جدا بالنسبه لمنهج modli
    منهج مودلى : تو ورد فيرب....... مصطلحات وامثله امريكيه....... 12 زمن بتوع الجرامر........... مرادفات كتير لكل كلمه انت تعرفها ....... ودن كويسه تسمع الحمار اللى بيتكلم فى الهيد فون سورى يا جماعه على الكلمه ديه بس بجد حمار........... اللى بيتكلم فى الهيد فون واحد صوته زباااااااله غير انه بيتكلم بسرعه......... واللى هيدايق اكتر ان فى امتحان مصر للطيران صوت اللى بتتكلم بنت......... وديه انيل وادل من التانى
    عشان كدا بقولكم شغلو ودانكم فى اى حاجه
    يارب اكون افادتكم بحاجه وياااااااارب التوفيق ليكم كلكم

  11. #2291
    الصورة الرمزية frog-splash
    تاريخ التسجيل
    May 2004
    المشاركات
    72
    شوف يا احمد انتا كلامك سليم بس دة يعتبر تدريب للي ودنه مش واخده علي الامتحانات السماعي
    علي العموم دة برنامج تاني انا رفعته شبيه لامتحانات التويفل ومستواه اعلي بكتير جدا من البرنامج التاني والسماعي بتاعه جامد جدا
    انا مش فاكر انا كنت نزلته منين يا جماعه فرفعته من جديد باسم المنتدي

    كود:
    http://www.mediafire.com/?ebkgynvmmym


    اسألكم الدعاء

  12. #2292
    تاريخ التسجيل
    Apr 2010
    المشاركات
    35
    يا رجالة عيزين حد يشرحلنا ال two ward verb ده او يدينا امثلة عنه ثانيت اللنك بتاع الكورس بتاع القوات المسلحة مش شغال

    اريد حلا

  13. #2293
    تاريخ التسجيل
    Apr 2008
    المشاركات
    188
    ازيكم ياجماعة عاملين ايه وربنا يوفقكم جميعاً
    اخوكم فى الله احمد
    انا الحمدلله اتعينت فى مطار شرم بوظيفة مراقب جودة انا و aboayeb
    عرفنا بعض على الموقع هنا ودلوقتى بنشتغل مع بعض وحبينا نشكر الموقع وكل اعضاءه على المعلومات الكتير اللى استفدناها من هنا واللى كان ليها الفضل بعد الله عزوجل فى اللى وصلناله دلوقتى ولو فيه حد عنده اى استفسار احنا فى الخدمة وربنا يوفقكم جميعاً

  14. #2294
    تاريخ التسجيل
    Apr 2010
    المشاركات
    35
    محدش عندو اخبار يا جماعة عن وظائف مصر للطيران هل هيطلبو تاني او لا
    و الشركة الوطنية للخدمات الملاحة الجويه هتطلب تاني امته
    ايه مش هيعينو حد تاني في مطار سوهاج ولا ايه ؟
    ارجو الافاد

  15. #2295
    تاريخ التسجيل
    Apr 2010
    المشاركات
    35

    Flag Egypt

    اقتباس المشاركة الأصلية كتبت بواسطة ahmedz310 مشاهدة المشاركة
    ازيكم ياجماعة عاملين ايه وربنا يوفقكم جميعاً
    اخوكم فى الله احمد
    انا الحمدلله اتعينت فى مطار شرم بوظيفة مراقب جودة انا و aboayeb
    عرفنا بعض على الموقع هنا ودلوقتى بنشتغل مع بعض وحبينا نشكر الموقع وكل اعضاءه على المعلومات الكتير اللى استفدناها من هنا واللى كان ليها الفضل بعد الله عزوجل فى اللى وصلناله دلوقتى ولو فيه حد عنده اى استفسار احنا فى الخدمة وربنا يوفقكم جميعاً
    الف مبروك يا عم احمد انته و كل ال اتعينو معاك و عقبالنا جميعا باذن الله

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك