موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
النتائج 1 إلى 12 من 12
Like Tree0Likes

الموضوع: طريقه تدريب الصاعقه المصريه (السيل تيم)

  1. #1

    طريقه تدريب الصاعقه المصريه (السيل تيم)

    تعقد الفرقة فى بداية الامر تحت قيادة وحدات الصاعقة بمدرسة الصاعقة فى انشاص
    ويتم اختيار العناصر التى تراها المدرسة من الظباط لياخذو الفرقة من ظباط وحدات المظلات ووحدات الصاعغقة ولواء الوحدات الخاصة البحرية

    ومدة الفرقة (السيل) 34 اسبوعا كاملا دون توقف

    ويتم عمل الاختبارات الطبية للافراد للتأكد من سلامتهم الطبية اولا
    الجزء الاول وهو مدتة 4 اسابيع وهوا كالاتى
    تدريب الافراد على التاقلم مع معيشة فرد العمليات الخاصة داخل خطوط وخلف خطوط العدو
    والجزء الثانى مدتة اسبوعان وهو تعليم الفرد السباحة العسكرية والانقاذ البحرى تحت الماء والطوارئ البحرية والاسعافات الاولية
    الجزء الثالث ومدتة 7 اسابيع وهو عبارة عن اختراق الضاحية لمسافات تزيد عن 30 كيلومترا فى عز النهار وفى منتصف الليل فى اوقات قصيرة
    الجزء الرابع مدتة اسبوعان وهو تعليم الغطس الدفاعى والغطس الهجومى بواسطة اسطوانة الاكسجين ذات الدائرة المغلقة(عدة الغطس للوحدات الخاصة) ويقوم معلمين السيل بمهاجمة التلميذ تحت الماء هجوما يدويا لاخذ معداتة وسرقتها من تحت الماء وهو بعد كدا يتعلم ازاى يدافع عن نفسة وياخدها منهم تانى
    الجزء التانى من الجزء الرابع هو تعليم انتشال وانقاذ الافراد فى حالة فشل او تمام مهمة تحت الماء بعد التأكد من اصابتهم
    ويوجد اسبوع الرماية وهو استخدام كافة انواع الاسلحة التى تتخيلونها على وجهة الارض ويتم التدريب فى النهار واثناء الليل
    الجزء الخامس وهو الجزء المتعلق بالقفز بالمظلات ويقفز التليمذ قفز حر وقفز تكتيكى وقفزة تطهير المجال ايضا فى النهار وفى منتصف الليل على الارض ويقفز داخل الماء لمسافة تبعد عن الشاطى 5 كيلو متر والعودة من داخل الماء الى الشاطى
    الجزء السادس ومدتة اسبوعان وهو فيه يقوم المعلمين [اتباع طرق تدريب قاسية جدا للتلميذ وفى هذان الاسبوعان يتضح منهما الافراد الذين يريدون فعلا ان يكونو فدائيين او العكس لان فى الاسبوعان دول فية ناس مش بتستحمل وتخرج وبيتم فيهم استخدام التكدير العنيـــــــــــــــــــــــف للافراد واعتقد اى حد دخل صاعقة او مظلات ممكن يقول اية هوا التكدير العنيف
    وبعد التكدير العنيف اسبوع التدريب عبلى اختراق الموانع والحواجز
    اما بعد ذللك التدريب على مهاجمة الاهداف الساحلية والاهداف البحرية المكشوفة والمغلقة داخل وخارج ميناء العدو بواسطة اسطوانة الاكسجين ذات الدائرة المفتوحة وذات الدائرة المغلقة
    بعد كدا ندخل على اوسخ اسبوع اسبوع تعذيب البشر
    اسبوع تعذيب البشر هوا اسمة اسبوع الجحيم
    فية تقوم فى نص الليل من احلى نومة على جرادل المية تلاقيها بتتحدف فوقك وتطلع فى منتصف الليل فى الرمل تتوسخ ورطش وهباب فوقك وضرب نار من فوقك يعنى على الارض وساخة ولو فكرت تقوم تلاقى طلقة واكلة ظهرك وكلة رماية حية وعلى فكرة مسموح ب15% فقد وانا لله وانا اليه راجعون
    ويتم التدريب فى نص الليل والاسبوع دا اسبوع الجحيم او فرقة تعذيب البشر مفيهوش نوم وبتكلم بجد اسبوع مش من حقك تنام فية ويتم التدريب فية باستخدام النخل او جذوع الشجر يعنى شجرة عاكلة تشيلها انت ومجموعة وتحطوها على بطنكم وتلعبو بيها ضغط او تقوم ترفع بيها عقلة وكل دا فى نص الليل وانت بيترش عليك مية ساقعة تلج طالعة مخصوص من تلاجات اما بعد كدا الاسبوع االتانى متقلقش لو لقيت معلم جة داخل عليك بجنزير يضرب كل جسمك دا بردة تدريب دافع عن نفسك واضرب المعلم ولو لقيت اكتر من معلم اضربهم مش تسكت ويامة من دا اما بعد ذلك 24 ساعة راحة وبعد كدا التدريب على استخدام المتفجرات بكافة انواعها فى البحر وفى البحر واستخدام متفجرات حية بعد كدا اللتدريب على اقتحام المبانى والاهداف السكنية فى القرية التكتيكية وبعد كدا التدريب على القفز الحر والنزول على الاهداف السكنية وتطهيرها بعد ذلك العودة للتدريبات تحت الماء وفيها تلغيم الاهداف البحرية بأكتر من طريقة
    اما الجزء قبل الاخير ويتم فى بحيرة قارون وجزء خلف السد العالى والجزء الثالث فى الفيوم وهذا الجزء يتم تعليمك فية النوم والمعيشة داخل البرك والسباحة فى البرك والهجوم والانسحاب من البرك المائية وياعينى على البركة والملاحة الملح هناك نسبتة اخر حلاوة
    وبعد كدا التدريب على الاقامة 24 ساعة نهارا وليلا فى البركة فى وضع استعداد ووضع هجوم داخل البركة وأوعى تفكر انك ممكن تتبول وانت فىالبركة لية بقى ياعم علشان البركة انا مقلتلكش ان فيها طفيليات وجراثيم ممكن تدخل فى مجرى البول لو انت فكرت تتبول وانت فى البركة وتقضى عليك فى ربع ساعة فى البحر والجو
    وبعد كدا اسبوع الجحيم بيخلص ويتم تهيئك بقى للجزء الاخير وفية التدريب الفعلى والحقيقى على العمليات الخاصة فى البحر وفى الجو وفى البر
    وبكدا بتنتهى فرقة القوات الخاصة السيل تيم
    بعد كدا حاجات خفيفة بقا وهي الملاحة الجوية والملاحة البحرية وطوابير السير الطويلة من انشاص لغاية البحر الاحمر رايح جاى جاى رايح ومتفكرش انك تقول رجليا بتوجعنى وفى النهاية الفرقة بتعتنا اصعب من الفرقة الامريكى الفرقة الامريكى مرفهة جدا جدا وعلى فكرة انا اعجز عن وصف اسبوع الجحيم لان فية حاجات كتير اعجز انى اقولها لكن فى الحقيقة كل دا بيعود على الفرد فى المعركة لان الذل والمهانة والعذاب فى التدريب بيوفر الدم فى المعركة

    :clap0000: :clap0000: :clap0000: :clap0000: :clap0000: :clap0000: :clap0000: :clap0000: :clap0000: :clap0000: :clap0000: هما دول لرجاله بتوعنا
    FACULTY OF MASS COMMUNICATION

  2. #2
    مزيد من التالق ومن المواضيع المتميزه, بارك الله فيك يا ابو صلاح

  3. #3
    تاريخ التسجيل
    Sep 2005
    المشاركات
    203
    يييييييييييييييييييييياااااااااااااااااااااارب ادخل صاعقة
    الف شكر ياباشا

  4. #4
    بعد كل اللى عرفتو ده وعاوز تخش
    :shutup00:

  5. #5
    الصورة الرمزية mostafa_x
    تاريخ التسجيل
    Nov 2005
    المشاركات
    2,583
    انا داخل الجيش كمان اسبوع قوات جويه :)

    شكرا اخى على الموضوع الشيق ده جزاك الله خير

  6. #6
    الصورة الرمزية Mr.MasRawY
    تاريخ التسجيل
    Jan 2005
    المشاركات
    7,665
    شكرا يابو صلاح على المعلومات

    كويس انى عرفت ايه اللى هيحصلى اما ادخل الصاعقة ....

    لك منى كل تقدير واحترام
    ..
    ياقارئاً خطي .. لا تبكي على موتي

    فاليوم أنا معك وغداً في التراب
    فإن عشت فإني معك .. وإن مت فاللذكرى
    ويا ماراً على قبري .. لا تعجب من أمري
    بالأمس كنت معك .. وغداً أنت معي
    أمـــوت و يـبـقـى
    كـل مـا كـتـبـتـــه ذكــرى
    فيـا ليت
    كـل من قـرأ خطـي
    دعــا لـي ..

  7. #7
    تاريخ التسجيل
    Mar 2004
    المشاركات
    243
    والله كويس ان احنا عندنا الحاجات دي.

  8. #8
    الصورة الرمزية moodyelgamal
    تاريخ التسجيل
    Mar 2005
    المشاركات
    2,740
    شكرا على الموضوع المتميز

    شكرا يابو صلاح على المعلومات

    كويس انى عرفت ايه اللى هيحصلى اما ادخل الصاعقة ....
    يا نهار اسود ... قول إيه اللى هيحصلنا لما تدخل انت الصاعقة ؟

    آه صحيح


    ولو فكرت تقوم تلاقى طلقة واكلة ظهرك وكلة رماية حية وعلى فكرة مسموح ب15% فقد
    قال تعالى :
    قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30)



  9. #9
    تاريخ التسجيل
    Apr 2005
    المشاركات
    50
    فى البداية شكرا يا غالى على الشرح الجميل والمشجع اللى بيخلى الواحد نفسه يدخل الصاعقة تانى يعنى يكون صاعقاوى مرة تانية
    - (صاعقاه صاعقاه) على رأى علاء ولى الدين -

    بس يا باشا انت كده ممكن تروح فى ابو نكلا !! ليه بقى ؟؟
    اقولك ليه
    عشان دى (أشرار ) قصدى أسرار عسكرية

    فى آى بى يعنى !!
    وكمان ممكن الامريكان ياخدوا مننا فكرة التدريب دى وينفذوها بس الحمد لله مفيش عندهم رطش ولا أنشاص ولا تلات سبعات ولا تسعات ولا حاجه
    وممكن تكون دى خيانه للوطن
    وكمان تكون جاسوس بينشر الأسرار العسكرية بتاعتنا
    (شوفت بقى - شردتك على الآخر)

    وبعدين الشرطة العسكرية مفتحة عينيها على الآخر
    والمخابرات ورجال الإمن
    وسلملى على البورش والبياده والأفرول


    وربنا يكفينا شر التعابين الصاحية

    على فكرة طعم التعابين اللى فى المستنقعات كان رووووعة


    وشكرا يا بِلد كمان مرة

  10. #10
    الصورة الرمزية ♥commy♥
    تاريخ التسجيل
    Nov 2005
    المشاركات
    2,267
    ينهار ابيض دول بيطلعوا .....

    وانا الى كنت عايز اخشها . ربنا يبعدنا عنها .

    شكرا يا ابو صلاح على المعلومات الجميلة .

  11. #11
    biznaser Guest
    موضوع جمييييييييييييييييييييل يا ابو صلاح
    وربنا يعين الابطال

  12. #12
    الصورة الرمزية nan_eg
    تاريخ التسجيل
    Aug 2005
    المشاركات
    4,249
    الله يكون في عونكوا
    وشكرا علي المعلومات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك