موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 10 من 10
Like Tree0Likes

الموضوع: العدسات الطبيه

  1. #1
    تاريخ التسجيل
    Aug 2011
    المشاركات
    129

    Love العدسات الطبيه

    عاوزه اعرف ايه احسن انواع العدسات الطبيه واسعارها وايه احسن انواع المحلول
    وكمان هل العدسات نوعها بيختلف من حاله لحاله ولا عادى
    وكيفيه العنايه بيها
    وجزاكم الله كل خير
    ياريت تفيدونى ضرورى

  2. #2
    بصي العدسات انواع ، يعنى فيه جونسون و actifresh و trueColor و انواع تانية كتير ، بس هيا مسألة امزجة ، يعني فيه ناس تنبسط في الجونسون و ما يعجبهاش الباقي و ناس تانية موش بيفرق معاها ، و ناس تانية بتشوف فيه درجات الوان ايه في كل واحدة ، هوا الموضوع موش بيبان مع حضرتك غير بالممارسة و التجربة
    و على فكرة لو الموضوع ريح حضرتك ، ممكن تجيبي كمية على بعضها بيكون اوفر ، يعني مثلا اللي يكفي سنة ، بيبقى باك كده بيتباع على بعضه بيكون اوفر

    اما بالنسبة للمحلول ، فاغلى حاجة الرينيو Renu بس ده فيه كلام على الامان بتاعه ، بعديه فيه محلول all in one light ده انجليزى و ظريف قوي و بينضف كويس ، هوه بيعمل 28 ، و فيه حاجات بقى عادية زي البيرفكت perfect تعمل 18.5 و اقل محلول في السوق اسمه كونتاسيد عامل 17.5



  3. #3
    تاريخ التسجيل
    Aug 2011
    المشاركات
    129
    جزاك الله كل خير على الافاده
    طب هو الباك ده بيبقى برضه فى منه عدسات طبيه شفافه وكمان اقدر اجيبه منين وبيبقى بكام والعدسه بتقعد وقت اد ايه
    وبالنسبه طيب للعدسات اللى حضرتك كاتبها دى احسن الانواع وهل نوع العدسات دى هيدرون و زايس و فيليكس كون وبوش اند لومب كويسه ولا ايه وايه احسن حاجه فيهم
    وبالنسبه للمحلول محلول all in one light حضرتك شايف انه ده احسن صح
    مع شديد الاسف على الاطاله
    بس اصلى هعمل عدسات طبيه والموضوع جديد بالنسبه لى ومعنديش خلفيه عنه



    وحزاك الله كل خير

  4. #4
    الباك ده لو سالتي اي حد بيبيع عدسات عليه هيفيدك ، اكنك بشتري كرتونة على بعضها من سلعة ، انا اعرف ان مستشفى مغربي بتبيع الباك ده ، هيا مسألة تجاريه ، يعنى بدل ما هتاخدي عدسة او اتنين بتاخدي ستة مثلا يكفوكي سنة

    كل الكلام بتاع العدسات ده بينطبق على الاتنين ، الشفافة (الطبية) و الالوان
    و فيه الاتنين في بعض
    يعنى ممكن تكون ملونة و طبية في نفس الوقت ، لكن موش دايما بتلاقي اللون اللي انت عاوزاه في الطبي

    العدسة بتقعد قد ايه ، دي مسألة نسبية من حد للتاني ، و على حسب نوع العدسة ، فيه حاجات بدون مبالغة بتقعد اسبوع maximum و بتبقى رخيصة جدا ، ممكن 10 او 15 جنيه ، بس دي بتبقى خامتها سيئة جدا ، فبلاشها ، هوه المعقول من تلات شهور و انتا طالع ، و فيه حاجات بتقعد لحد سنة ، لكن خير الامور الوسط ، يعني لو عدسة تقعد من تلات لست شهور تبقى معقوله قوي

    بالنسبة للانواع ، برده المسالة نسبية ، انا عن نفسي افضل bausch & lomb بس ممكن حضرتك اما تجربي تلاقي فيه مشكلة ، حاسة عينك موش مرتحالها أو فيه احمرار أو أو أو الخ ...

    بالنسبة للمحلول يتهيال انه فعلا افضلهم

    هوا الموضوع بسيط خالص ، انا عن نفسي جربته شوية بس ما ارتختش فيه ، حسيت انها بالنسبة للولاد موش عملية ، و كمان موش بقدر البسها طول اليوم ، فما اقدرتش اواصل فيها ، لكن بالنسبة للبنات فبشوفهم بيفضلوها اكتر مننا

  5. #5
    تاريخ التسجيل
    Aug 2011
    المشاركات
    129
    بجد جزاك الله كل خير على المعلومات والافاده دى
    واسفه على الازعاج وجزاك الله كل خير
    وان شاء الله هجرب المحلول ده والعدسات انا عملت نوع تانى بس ان شاء الله بعد كده هبقى اجرب النوع bausch & lomb ده من مستشفى المغربى هو اعتقد ان المستشفى هتيقى افضل من اى مكان تانى عاد ى صح ولا مش هتفرق
    وجزاك الله كل خير

  6. #6
    اقتباس المشاركة الأصلية كتبت بواسطة بكره احلى* مشاهدة المشاركة
    بجد جزاك الله كل خير على المعلومات والافاده دى
    واسفه على الازعاج وجزاك الله كل خير
    وان شاء الله هجرب المحلول ده والعدسات انا عملت نوع تانى بس ان شاء الله بعد كده هبقى اجرب النوع bausch & lomb ده من مستشفى المغربى هو اعتقد ان المستشفى هتيقى افضل من اى مكان تانى عاد ى صح ولا مش هتفرق
    وجزاك الله كل خير
    يا ستى و لا يهمك ، اي استفسار من عينيا الاتنين

  7. #7
    تاريخ التسجيل
    Aug 2011
    المشاركات
    129
    طب معلشى بجد انا عارفه انى تقلت على حضرتك فى الاسئله
    انا جبت العدسات والحمد لله وجبت كمان محلول بس مع الاسف معرفتش اجيب المحلول اللى حضرتك قولت عليه
    وجبت محلول الملح كمان
    فى حاجه بقى هو المحلول بتاع الملح ده انا جبته هو ازازه كبيره كده مكتوب عليها محلول ملح معقم بس هيه غريبه شويه مش عارفه افتحها ازاى مفيهاش غطى فهل هو ده اللى الدكتور كان قصده عليه ومش فهمت اوى الاستخدام استخدمه ازاى لما جيت استلم العدسات قالولى انه معقم للعدسات وانى المفروض فى نهايه اليوم انضف بيه العدسات وبعدين احطه فى المحلول بتاع العدسات العادى كده صح ولا ايه لانى لقيت فى ناس بتقولى ان محلول الملح ده استخدمه على العدسه واحطها عادى على عينى وفىى بيقولوا لازم بعد كده احطه فى محلول العدسات نفسها لان مينفعش محلول الملح يجى فى العين
    وهل اغير المحلو ل بتاع العدسات كل يوم
    وكمان علبه العدسات دى اغسلها ب ايه وكل اد ايه
    اسفه على الاطاله

  8. #8
    محلول الملح ده عبارة عن مية + ملح من العادي بتاع الاكل ، و ده بستخدمه اساسا كمحلول للحقن الوريدى ، عشان كده موش فيه له غطا ، و ليه علاقه من تحت ، علشان القزازة دي بتتقلب ، و تتعلق من العلاقة ، و تخش سرنجة جهاز المحلول في المكان اللي المفروض فيه الغطا ، ده كده استخدامها الاساسي ، ده علاقته ايه بالعدسات ؟؟

    هوه الكلام السليم ان حضرتك تستخدمي محلول العدسات فقط في كل حاجة ، يعنى تغسلي العدسات بيه ، و ممكن كمان تحطي منه نقطتين تلاتة في عين حضرتك كغسيل ساعه ما تيجي تلبسي العدسات


    لكن مشكلة محلول العدسات انه غالي ، فالناس بتستسهل و تستخدم محلول الملح ، لكن مشكلته انه موش كويس غير في التطهير ، غير كده بيحرق في العين ، و موش مريح كيميائيا للعدسات ، و برده موش بيكسر البروتينات اللي بتتراكم على العدسات من الاستخدام


    فشملا كملا كده ، بلاش محلول الملح ، هوه حل للي يحب يوفر ، و عشان كده قالو لحضرتك اغسلي بيه مرة واحدة في اخر اليوم


    علبه العدسات بينحط فيها المحلول بتاع العدسات ، و لو فيه امكانية يتيغير كل يوم يبقى تمام قوي ، لو الموضوع بقى مكلف او موش مستاهله ، ممكن كل يومين تلاتة ، دي مسالة بتختلف من واحد للتاني ، يعنى مثلا ست بيت ، و واحد مهندس طرق ، اخر اليوم بيحطوا العدسات في العلبة ، الاولانية هتلاقي عدستها نضيفة و تمام لكن التاني هيحطها هيلاقيها موش نضيفة و هتوسخ المحلول و هنعوز نغيره


    فيه كمان قطرات زي HiFresh دي بتبقى معقمه للعين و برده بتغسل العدسة و هيا في العين ، ظريفة جدا برده


    و حاجة اخيره ، اسالي براحتك ، انا موش متضايق ، و لو مزهقاني موش هرد ، براحتك خالص خالص خالص


    سلام

  9. #9
    تاريخ التسجيل
    Aug 2011
    المشاركات
    129
    جزاك الله كل خير
    بجد استفدت كتير وشكرا جدا جدا

  10. #10
    اقتباس المشاركة الأصلية كتبت بواسطة بكره احلى* مشاهدة المشاركة
    جزاك الله كل خير
    بجد استفدت كتير وشكرا جدا جدا
    جزاكم الله بمثله ، و اي استفسار انا جاهز ان شاء الرحمن

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك