موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 4 من 4
Like Tree0Likes

الموضوع: اجمل ما قيل عن مصر في اشعر و النثر

  1. #1
    الصورة الرمزية eng_95_2007
    تاريخ التسجيل
    Jun 2008
    المشاركات
    324

    Flag Egypt اجمل ما قيل عن مصر في اشعر و النثر

    بسم الله الرحمن الرحيم

    قيل فى مصر الكثير .. و كتب عنها و تغنى بها الكثيرون .. ما رأيكم أن نسرد هنا أحلى ما قيل عن مصر سواء من أغنية أو قصيدة ..

    سوف يتم جعل هذه الصفحة مخصصه لسرد دون اي رد خارجي

    و ارجوا ان لا يقوم احد بالرد علي الموضوع سوي من عنده اضافه من بعض الابيات او كلمات الاغاني او النثر المتقن التي تخص مصر .

    متجدد باذن الله

    و أبدأ أنا:

    لم تنزل الشمس ميزانا و لا صعدت فى عرشها الضخم واد مثل وادينا
    (أحمد شوقى .. من قصيدة كبار الحوادث فى وادى النيل)


    سحابة و ندهت ع الشمس قومى طلى علي الوادى
    شوفى مصر الفراعنة في وادى و العالم فى وادى
    ده المصرى فى الوادى الأخضر كان سابق زمانه
    يتمشى فى مزارع قمحه وجناين رمانه
    (من أغنية صوت بلادى)


    قالولى بتحب مصر .. قلت مش عارف
    أصل المحبة بسيطة و مصر تركيبة
    و مصر حلوة و مرة و شرحة و كئيبة
    دانا اختصر منصب الشمس وأقول شمعة
    ولا اختصر مصر وانده مصر يا حبيبة
    (تميم البرغوثى .. من قصيدة قالولى بتحب مصر)


    يا مصر و انتى الحبيبة
    و انتى اغترابى و شقايا
    دانتى الجراح الرهيبة
    و انتى اللى عندك دوايا
    (أحمد فؤاد نجم . من قصيدة (يامه مويلى الهوا))


    أنا ان قدر الاله مماتى لا ترى الشرق يرفع الرأس بعدى
    (الشاعر ابراهيم ناجى من قصيدة مصر تتحدث عن نفسها)


    مصر التي في خاطري و في دمي. أحبها من كل روحي و دمي.


    وقف الْخـلقُ ينظرون جَميعًـا كيف أبني قواعد المجد وحدي
    وبُنـاةُ الأهرام في سـالفِ الدهـر كَفَوْني الكلامَ عِندَ التحدِّي
    أنا تاجُ العَلاءِ في مَفْرِقِ الشر قِ ، و دُرَّاتُــهُ فـرائدُ عِقــدي
    إن مجدي في الأُولَياتِ عريقٌ مَن له مِثلُ أُولَيـاتي ومَجدي
    أنـــا إن قـــدَّرَ الإلهُ مَمـــاتي لا ترى الشرقَ يرفعُ الرأسَ بعدي


    مصر يااما يا بهية
    يام طرحة وجلبية
    الزمان شب وانت شبة
    هو رايح وانت جية
    (قول الشاعر اظن احمد فؤاد نجم)



    وأنا ويا شمس المغيب بغيب وانتى بتشرقى
    بتكدب الحقايق فى العالم الغريب وانتى بتصدقى
    بحبك وحبك شهادة ميلاد
    عيونك شواطى الأمل والميعاد
    ولما تهز الرياح فى نخيلك
    وتدمى الجراح
    الجراح مواويلك
    ميدبلش ضيك
    ميخلصش زيت قنديلك
    يغيب ياما قمرك
    وتشرقى تانى فى ليلك
    وانا ويا شمس المغيب بغيب وانتى بتشرقى
    بتكدب الحقايق فى العالم الغريب وانتى بتصدقى
    وانا حرف تايه فى اسمك
    لون صغير فى رسمك
    وانا خيط فى شمسك
    فى همسك
    فى بكرة اللى جاى قريب
    وانا ويا شمس المغيب باغيب وانتى بتشرقى
    بتكدب الحقايق فى العالم الغريب وانتى بتصدقى
    يابلادى
    يابلادى
    يابلادي
    (شمس المغيب للرائع عبد الرحيم منصور)


    على اسم مصر
    على اسم مصر التاريخ يقدر يقول ما شاء
    أنا مصر عندي أحب وأجمل الأشياء
    باحبها وهي مالكه الأرض شرق وغرب
    وباحبها وهي مرميه جريحة حرب
    باحبها بعنف وبرقة وعلى استحياء
    واكرهها وألعن أبوها بعشق زي الداء
    واسيبها واطفش في درب وتبقى هي ف درب
    وتلتفت تلقيني جنبها في الكرب
    والنبض ينفض عروقي بألف نغمة وضرب
    على اسم مصر


    اغنية هيلا هيلا هيلا
    هيلا هيلا هيلا
    انا كنت فين لما شيبتى
    انا هنت لما انتى هنتى
    من تانى اديكى اتولدتى
    هيلا هيلا هيلا
    اللى بناكى ما ماتشى
    امشى يا ازميله امشى
    وانقش جبين الاصيله
    هيلا هيلا هيلا
    ايدين بتحضن ايدين
    تحيى اللى مات من سنين
    والصبر مش ابن ليله
    هيلا هيلا هيلا
    جوه ديوان المظالم
    بيحكى محكوم لحاكم
    عن اليالى الكحيله
    هيلا هيلا هيلا
    لانزل سلالمك برجلى
    واطاطى لجلن اعلى
    مش لجل حيلتى القليله
    هيلا هيلا هيلا
    ولابد يا مصر تنزلى
    وتشربى من بير يوسف
    شمسك
    امسك
    مدك
    يدك

    بيينا يا مصر
    نحيى الماضى
    بروح العصر


    دى مصر أرض الأحباب
    أرض كل الأنبياء
    أرض تجمع صحاب
    هتلاقى فيها كل الحياة
    حياتنا اللى عشناها
    من يوم ما شفناها
    وفتحنا عنينا عليها عشقناها
    وبرضه حنغمض عنينا ....وإحنا بنهواها



    مصر الأمل ..
    شعب عمل ..
    على حب مصر تربت خطاه
    مصر العظيمة ..
    أرض كريمة ..
    حضارة شعب أنار الحياة
    عشقناك مصر عطاءا سخيا
    و فى الحادثات سلاحا عتيا
    التعديل الأخير تم بواسطة eng_95_2007; 18-02-2009، الساعة 01:06 AM

  2. #2
    تاريخ التسجيل
    Nov 2007
    المشاركات
    32
    مصر تستحق ان نعمل من اجلها

  3. #3
    الصورة الرمزية babbypirate
    تاريخ التسجيل
    Jan 2005
    المشاركات
    531
    بلادي بلادي بلادي لكي حبي و فؤادي
    مصر يا ام البلاد انتي غايتي و المراد
    وعلى كل العباد كم لنيلك من ايادي
    بلادي بلادي بلادي لكي حبي و فؤادي

    اعشق تراب مصر . رغم ما فيها اعشق ترابك يا مصر





  4. #4
    الصورة الرمزية ff12
    تاريخ التسجيل
    Jan 2008
    المشاركات
    339
    على اسم مصر التاريخ يقدر يقول ما شاء

    أنا مصر عندي أحب وأجمل الأشياء

    بحبها وهي مالكة الأرض شرق وغرب

    وبحبها وهي مرمية جريحة حرب

    بحبها بعنف وبرقة وعلى استحياء

    واكرهها وألعن أبوها بعشق زي الداء

    واسيبها واطفش في درب وتبقى هي ف درب

    وتلتفت تلاقيني جنبها في الكرب

    والنبض ينفض عروقي بألف نغمة وضرب

    على اسم مصر

    مصر النسيم في الليالي وبياعين الفل

    ومرايه بهتانة ع القهوة .. أزورها .. واطل

    القى النديم طل من مطرح منا طليت

    والقاها برواز معلق عندنا في البيت

    فيه القمر مصطفى كامل حبيب الكل

    المصري باشا بشواربه اللي ما عرفوا الذل

    ومصر فوق في الفراندة واسمها جولييت

    ولما جيت بعد روميو بربع قرن بكيت

    ومسحت دموعي في كمي ومن ساعتها وعيت

    على اسم مصر

    أنا اللي اسمي حتحـور .. أنا بنت رع

    مثـال الأمـومـة ورمـز الحـنـان

    تفـيض حـلمـاتي وتمـلا الـتـرع

    وتسـقـي البـشـر كلهـم والغـيـطان

    نهايته يا مصر اللي كانت أصبحت وخلاص

    تمثال بديع وانفه في الطين غاص

    وناس من البدو شدوا عليه حبال الخيش

    والقرص رع العظيم بقى صاج خبيز للعيش

    وساق محارب قديم مبتورة ف أبو قرقاص

    ما تعرف اللي بترها سيف والا رصاص

    والا الخراب اللي صاب عقل البلد بالطيش

    قال ابن خلدون أمم متفسخة تعيش ليش

    وحصان صهل صحى جميع الجيش

    على اسم مصر

    النخل في العالي والنيل ماشي طوالي

    معكوسة فيه الصـور .. مقلوبة وانا مالي

    يا ولاد أنا ف حالي زي النقش في العواميد

    زي الهلال اللي فوق مدنة بنوها عبيد

    وزي باقي العبيد باجري على عيالي

    باجري وخطوي وئيد من تقل أحمالي

    محنيه قامتي .. وهامتي كأن فيها حديد

    وعينيا رمل العريش فيها وملح رشيد

    لكني بافتحها زي اللي اتولدت من جديد

    على اسم مصر

    مصر .. التلات أحرف الساكنة اللي شاحنة ضجيج

    زوم الهوا وطقش موج البحر لما يهيج

    وعجيج حوافر خيول بتجر زغروطة

    حزمة نغم صعب داخلة مسامعي مقروطة

    في مسامي مضغوطه مع دمي لها تعاريج

    ترع وقنوات سقت من جسمي كل نسيج

    وجميع خيوط النسيج على نبرة مربوطة

    أسمعها مهموسة والا أسمعها مشخوطة

    شبكة رادار قلبي جوه ضلوعي مضبوطة

    على اسم مصر

    وترن من تاني نفس النبرة في وداني

    ومؤشر الفرحة يتحرك في وجداني

    وأغاني واحشاني باتذكرها ما لهاش عد

    فيه شيء حصل أو بيحصل أو حيحصل جد

    أو ربما الأمر حالة وجد واخداني

    انا اللي ياما الهوى جابني ووداني

    وكلام على لساني جاني لابد أقوله لحد

    القمح ليه اسمه قمح اليوم وأمس وغد

    ومصر يحرم عليها .. والجدال يشتد

    على اسم مصر


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك