موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
النتائج 1 إلى 4 من 4
  1. #1
    الصورة الرمزية محمود_أبوالدهب
    تاريخ التسجيل
    Jun 2012
    المشاركات
    68

    3 دوره شامله فى الميكروتك بدء من الصفر حتى الاحتراف مع شهاده معتمده من الديفيدي العربى

    بسم الله الرحمن الرحيم

    اعضاء منتدى الديفيدى الكرام فى البدايه اخد إذن الاداره فى انها تتولى امر متابعه الدوره وتحديث الموضوع الرئيسى من الحين للأخر وبعتزر لعدم التزامى بالقانون لكن اتمنى توسيع صدركم لان الموضوع لو اكتمل هيكون الفايده الكبرى للمنتدى ان شاء الله

    بدايه احب اشكر كل من ساعد فى تعليمى حرفا فى الميكروتك ولو بشكل غير مباشر واختص المواقع الاجنبيه فلها الفضل الاكبر فى الدور دا نيجى للمفيد بقى
    اغلب الاعضاء اتفقوا على اننا واجب يكون عندنا مبدأ نسير عليه فى الميكروتك ومينفعش اننا نشتغل واحنا مغمضين وبعدها نزعل من ناس لاننا طالبين منها مساعده ومش بتعبرنا مع ان الله اعلم بظروفهم ووقتهم واكيد زى ما انت ليك شغلك هما كمان ليهم شغلهم ولازم يراعوه ويعطوله وقتهم يبقى لازم متحتاجش لحد وتحاول تتعلم بنفسك وتدور هنا وهنا وتجرب شمال ويمين وتفهم انت بتعمل ايه بالظبط ودا اكيد مش هيكون بين يوم وليله
    انا لما كان عندى شبكه كان فى واحد شغال معايا اخلاقه ضيقه جدا لو عميل قاله النت فاصل او النت وحش او او كان بييجى يتخانق معايا انا ويقولى انت عاملنى ومسويلى وكنت دايما بقوله الصبر مفتاح الفرج وكل مشكله وليها حلها لكن لو فضلت متعصب كده وقافل وشك لا هنودى ولا هنجيب كمان العمليه مش هتقف على عميل عاوز كل حاجه فيها ايه لما واحد او اتنين او حتى 10 يسيبوك فى وقت انت ضامن فيه انك هتوصل للى انت عاوزه وتعمل شبكه الكل يحلف بيها ويتصلوا عليك من كل مكان بيشكروا فى شبكتك وحسن خدماتك ومعاملتك الطيبه والتزامك بشغلك
    كل دا مينفعش يتبنى على حد تانى لازم انت اللى تبنى وتخطط وتميز شبكتك بكل يوم شكل وكل معنى مكان
    حتى لو عملت جديد تحاول تطوره وتفكر كل يوم فى تنويع لسرعاتك ومتثبتش على نمط واحد هتلاقى العملاء عندك مرتاحين وبيحسوا كل يوم بفرق
    وبرضه اكيد دا مش هيكون بايد مهندس يشتغل شغلك او يعمل ليك بمقابل مادى كل يوم حاجه دا تعبك انت ولازم تجتهد وتحافظ عليه


    نسيبنا بقى من الكلام الكتير وندخل فى المهم
    انا سمحت لنفسى بتولى امر الدوره كأمر مبدأى لحين تجميع الاعضاء اللى عندها الخبره وكمان عندها العطاء اللازم بدون مقابل وبأكد بدون مقاااااابل لان هنا المنتدى علمى وليس مادى لو عاوز تلقط رزقك فى منتدى العرض براحتك لان احنا هنفضل نقول جميل وممكن لكن فين التنفيذ فقولت ابدأ بخطوه
    لكن انا هاطلب من هنا متطوعين لشرح الاجزاء الاتيه
    1- interfaces + ppp
    دول هيكونوا كورس موحد من له القدره على شرح كل جزء فيها فايدته ايه ومهمته ايه ويفضل كمان الدوال التى تصلح للعمل على الامرين دول وشرح فايده الدوال دى من له القدره على الشرح يتفضل بحجز رد وتحديد ميعاد للشرح
    2- bridge
    البريدج ليه دور مهم فى الميكروتك يغفله الكثيرون وانا منهم وحاولت كتير استفيد من الفايروول بتاعه لكن مقدرتش من له القدره على شرحه شرح تام وايه الفرق بين الفلتر داخله وبين فيلتر الفايروول يتفضل بحجز رد وتحديد ميعاد للشرح
    3- ip بمشتقاته ( arp-accounting- addresses- dhcp client -dhcp server - dhcp relay - dns - firewall- hotspot-ipsec-neighbors-packing-pool-routes-smp-snmp-services -web broxy)

    طبعا اكبر شغلنا كلنا بيكون فى المنطقه دى ومن يستطيع شرح اي مشتق فى مشتقات الايبى طبعا باستثناء الفايروول لانه ليه مشتقات كتير وكل جزء محتاج كورس لواحده
    يبقى طلبنا هنا من يستطيع شرح احد مشتقات ip يتفضل بحجز رد وتحديد ميعاد للشرح
    الطلب التانى من يستطيع شرح احد مشتقات firewall يتفضل بحجز رد وتحديد ميعاد للشرح

    4-system
    من يستطيع شرح اوامر سيستم يتفضل بحجز رد وتحديد ميعاد للشرح

    5-queues

    من يستطيع شرح مشتقات queues يتفضل بحجز رد وتحديد ميعاد للشرح

    6- radius

    اليوزر راديوس مهم جدا كنظام توزيع كل المصريين اغفلوا عنه والاجانب كلها اتجهت ليه من له خبره فى الراديوس يتفضل بحجز ميعاد للشرح وحجز رد

    7 - tools

    من يستطيع شرح مشتقات tools يتفضل بحجز رد وتحديد ميعاد للشرح


    اخواتى فى المنتدى مبتدأين وخبراء كلنا عرب واخوه مع ان دا بيميزنا عن الاجانب لكن اللى انا شايفه انه مجرد كلام يتردد كله الان يقول يلا نفسى واكسب من شغلى وتعبى مع انه لو بصلها من بعيد هتلاقى الخير مش فى انه يمص دم اخوه الخير فى انه يساعده وربنا يرضى عنه ويرزقه فى الدنيا والاخره
    اتمنى الجديه فى الموضوع من الخبراء واخذ الامر باهتمام لمساعده مبتدأين الشبكات لعل وعسى يفيدك هوا بفكره جديده واكتشاف جديد لان العقول موجوده لكن الاساس محتاج ترميم


    انا عملت الموضوع كبدايه وان شاء الله الاقى تجاوب من الاعضاء مش ردود ملهاش قيمه واتمنى من كل قلبى يكون موضوع جاد مش موضوع فى ارشيف المنتدى

    ادعو من الله ان يتقبل أجر من يعمل على نشر العلم وينفع الناس

  2. #2
    الصورة الرمزية bodyelmasry
    تاريخ التسجيل
    Sep 2006
    المشاركات
    732
    تسلم يا كبير هوه دا الكلام ولا بلاش مستنيين رجالة مصر اللي بيخدموا بعض
    سبحان الله وبحمده سبحان الله العظيم

  3. #3
    الصورة الرمزية كريم@لايف
    تاريخ التسجيل
    Jul 2011
    المشاركات
    1,285
    بارك الله فيك اخى الكريم

    كلمات بسيطة ضعها في توقيع تنفعك يوم لاينفع مال ولا بنون
    [/center]
    قال رسول الله صلي الله عليه وسلم
    ( من سئل عن علم فكتمه ألجم يوم القيامة بلجام من نار)
    صدق رسول الله صلي الله علية وسلم

    اللهم اغفر للمؤمنين و المؤمنات و المسلمين و المسلمات الاحياء منهم و الاموات
    هل تعلم ان الله يكتب لك بكل مسلم حسنة فكم عدد المسلمين فى العالم من يوم اوجد الله الارض

  4. #4
    الصورة الرمزية moazbasha
      moazbasha غير متصل :حسبنا الله و نعم الوكيل:
    تاريخ التسجيل
    Jan 2006
    المشاركات
    1,428

    7

    العضو المجتهد المحترم محمود
    اولا انت تسرعت بعمل هذا الموضوع حيث ان هذه الفكره طرحت منذ يوم واحد فقط وتم ترك الموضوع مفتوح لطرح كل الافكار والاراء حتى نصل الى اليه وفكرة واسلوب واضح يفيد كل الاعضاء
    https://dvd4arab.maktoob.com/f1045/4006833.html
    ثانيا ما زال الموضوع التالي ذكره في طور استقبال الافكار ومناقشتها
    https://dvd4arab.maktoob.com/f1045/4006833.html
    ثالثا تطلب من الادارة تولي متابعه الامر دون اتفاق مسبق وواضح لكل تفاصيله

    رابعا قسمت المواضيع وفتحت باب للحجز وطلبت اعضاء يقوموا باعطاء الدورة كل هذا دون اتفاق ثم بعد ذلك تطلب متابعة الادارة

    ولذلك
    1. يغلق هذا الموضوع
    2. موضوع طرح الافكار ومناقشتها يفعل وسيتم رفعه يوميا من قبل مشرفا منتدى المايكروتك وسيكون الموضوع الاساسي لمناقشه هذه الفكره حتى تمامها وبدء تنفيذها
    3. يمنع عمل اي موضوع متعلق بهذا الامرسواء من قبل الادارة او من قبل الاعضاء
    تحياتي وعذرا لغلق الموضوع ولكن يلزمنا حسن الترتيب والتنسيق حتى نخرج بنتيجة سباقه على مستوى المنتديات العربية
    1
    Who Can Be Aginst Us, If Allah With Us
    المواضيع الإدارية
    لمنتدى السيرفرات وما يتبعه من أقسام
    لمنتدى الشبكات اللاسلكية وما يتبعه من أقسام

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك