موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 13 من 13
Like Tree0Likes

الموضوع: سوال ؟؟؟ هل من الممكن ان يزيد طولي وانا في سن 27 بطرق طبيعيه ؟؟

  1. #1
    تاريخ التسجيل
    Dec 2011
    المشاركات
    3

    16 سوال ؟؟؟ هل من الممكن ان يزيد طولي وانا في سن 27 بطرق طبيعيه ؟؟

    السلام عليكم وحمه الله وبركاته

    اولا اتشرف اكتب موضوع في هذا المنتدى الاكثر من رائع وكان عندي استفسار بسيط لكل من يستطيع انى يعطيني معلومه مفيديه في سوالى . طبعا اول حاجه الحمد الله على كل شي انا مقتنع بطولي بس قولت لو في طريقه طيبيعه من خلال التمارين اقدر ازيد فيها طولي مش مشكله . مش حطول عليكم انا شاب عمري 27 سنه وطولي 170 ووزني 74 وانا قريت في النت حجات كثيره بس انا قولت اكيد المعلومه الصحيحه حلقاها هنا علمنا انى امارس رياضه الحديد من سنه ونصف تقريبا واتنمى اقدر القي جواب لسوالى وتحياتي للجميع

  2. #2
    الصورة الرمزية tam
    تاريخ التسجيل
    Apr 2004
    المشاركات
    275
    احمد ربك انا طولي 162 تقريبا :(بس انا عمري 19


    يارب نلقى رد :(

  3. #3
    الصورة الرمزية Lord_yaser
    تاريخ التسجيل
    Sep 2007
    المشاركات
    430
    انا كنت قرأت بحث من كام يوم عن الطول
    البحث كان بيتكلم عن عدة عناصر بتساعد على انك تطول
    1- التغذية السليمة - الفيتامين والبروتين كانو اهم حاجة -
    2- النوم فنرة كافية 8-10 ساعات
    3-تمارين الاستريتش و اليوجا بتساعد على تقليل الضغط من على العمود الفقرى والمفاصل
    4-بعض الرياضات بتساعد بطريقة كبيرة جدا فى الطول ( كرة السلة و السباحة)
    5- النط و التعلق فى العقلة لمدة
    6- الجلوس او الوقوف و الظهر مفرود
    7- النوم على ظهرك و يكون جسمك ممدد
    8- اخذ جرعات من هرمون النمو GH تحن اشراف طبى
    9- العمليات الجراحية باضافة العظم -موْلمة و صعبة وغالية -

    ده اللى انا فكره دلوقتى

    وبالنسبة للكلام ده فأنا متأكد من حاجة 100% ان كرة السلة بتطول و دة عن تجربة
    انا كنت بلعب كرة سلة من لما كنت عندى 8 سنين لحد لما دخلت الجامعة
    وكنت اطول واحد فى الفريق سبت النادى خالص لما دخلت الجامعة
    بعد ثلاث سنوات قابلت بالصدفة كام واحد من اصحابى اللى كملو لعب فى النادى
    لقيتهم كلهم اطول منى وبقيت انا اقصر واحد
    و كان فى واحد صاحبى كان بيوصل لكتفى بالعافية وهوا واقف جنبى و كنت بتريق علية كل لما اشوفة :)
    دلوقتى بقيت انا بوصل لكتفة بالعافية
    انا مش قصير انا طولى 179
    تخيل بقى انا بقيت قصير بالنسبة لاصحابى اللى كنت بلعب معاهم فى النادى ^_^

    لو فى اى استفسار انا متابع معاك :)


    Glory is fleeting, but obscurity is forever

  4. #4
    تاريخ التسجيل
    Dec 2011
    المشاركات
    3
    شكرا lord-yaser على الرد على سوالى وعلى المجود القيم بس سوالى هل ممكن انا عمري 27 والعب سله والقى نتيجه ؟؟ انا حسب معلوماتي انو انا عديت سن نمو الطول وشكرا جزيلا الك

  5. #5
    الصورة الرمزية Lord_yaser
    تاريخ التسجيل
    Sep 2007
    المشاركات
    430
    على ما أعتقد ان ممكن GH يساعدك فى النمو
    بس مش زى ما أنت فاكر يعنى مش هتبقى 2 متر هيساعدك حاجات بسيطة
    كان فى بحث بيقول ان فى حالة استخدام ال Gh عشان الطول
    كان بيدى نتايج جامده أثناء فترة المراهقة و الشباب و بتقل النتايج مع تقدم العمر
    بس خالى بالك لازم تستشير دكتور الاول قبل ماتجرب اى حاجة


  6. #6
    تاريخ التسجيل
    Dec 2011
    المشاركات
    331
    العب سلة ياباشا ومش هتخسر حاجة انا كنت لاعب سلة بس انا كنت 13 سنة وطولي 175 وبطلت سلة 17 سنة كنت 188 ودلوقت انا 20 سنة و193 سم...وربنا يوفقك

  7. #7
    الصورة الرمزية abudeef
    تاريخ التسجيل
    Apr 2011
    المشاركات
    859
    بطريقه طبيعيه صعب جدا او مستحيل حضرتك بتقول انك 27 سنه وانت كدا
    عديت مرحله النمو..ال gh بيقل نشاطه
    من سن 20 :25 ودا بيختلف من واحد للتاني
    ولعب باسكت او الفولي ممكن يساعدك انه يفرد جسمك شويه
    لكن مش هيزيد النمو زي ماانت فاكر

  8. #8
    الصورة الرمزية QQdoddyQQ
    تاريخ التسجيل
    Aug 2011
    المشاركات
    796
    طب انا 20 سنة .....ينفع اخد محفز GH و اطول ؟؟

    That Doesn't Kill You
    .
    .
    .
    Makes You Stronger

  9. #9
    طبعا لأ يا جماعه ...
    الطول بيتوقف عند سن ال 21 سنه ... و ناس بيتوقف عندها من 18 سنه ...
    و مينفعشى بعدها تزيد ... دى حاجه وراثيه فى المقام الأول و الأخير و بتعتمد على الجينات ..
    و إستعمال ال GH خطير و الناس اللى بيزيد عندها ال GH بعد البلوغ لاقدر الله بتبقى حاله مرضيه إسمها الأكروميجالى ربنا يعافيكم ...
    و لصاحب الموضوع ( 170 حلو أوى ده فى موديلز رجاله كتير بالطول ده )
    و لو شفت فيلم twilight الواد المستذئب اللى إسمه جايكوب فى الفلم جسمه رهيييييييب و طوله ميزيدش عن 173 سم .... يعنى ألف حمد و شكر ليك يارب ...

  10. #10
    تاريخ التسجيل
    Dec 2011
    المشاركات
    3
    شكرا الك
    zadragon وطبعا الحمد الله والشكر على كل شي بس انا حبيت استفسر وشكرا جزيلا للجميع

  11. #11
    تاريخ التسجيل
    Jul 2010
    المشاركات
    68
    بنسبة لي فأنا اقول ان الزيادة في الطول في هذا العمر و خصوصا بشكل ملحوظ تكاد تكون مستحيلة لأن نهايات العظام تقفلت و هي عادة تقفل بين سن 18-21 و ابعد عن الـ GH و هالأمور لأنها اشياء ليست بالبسيطة و تحتاج استشارة و متابعة لأن هذا هرمون مو لعبة او مكمل
    و في المقابل اتفق مع الأخ ابو ضيف بنسبة لفرد الجسم و هذي الصورة توضح المعنى



    طبعا انت لا تعاني من حالة الـ Kyphosis و هي تقوس الظهر و لكن العبرة في الصورة ان لما تشد جسمك و ظهرك قد تحصل على كم سانتي (1-2) سم بالكثير طبعا احتمال مش اكيد
    و بنسبة للعبة كرة السلة فهي ممكن تعمل تأثير ملحوظ لو كنت في سن النمو قبل انغلاق نهاية العظام و لكن الأن فمن الإستحالة التامة ان تعمل لك شي سوى عملية فرد و شد الجسم و لو كانت السلة تعطي مفعول حتى بعد انغلاق نهاية العظام لكان لاعبين السلة الأن وصلوا 10 متر


    انا اقول تمرن بجد و اترك عنك وسواس الطول و انتقل إلى وسواس الوزن لأنك تقدر تلعب فيه
    و حاول تبني فورمة قوية و ترى كل ماقل وزنك كل ما وضح تأثير التمرين اسرع


    بالتوفيق

  12. #12
    الصورة الرمزية LoKuS
    تاريخ التسجيل
    Aug 2011
    المشاركات
    296
    مش كل حاجه الطول خليك واثق في نفسك مش يمكن اللى اطول منك عندهم حاجه نقصاهم وكامله فيك ! اياً كانت بقى الحاجه دي عضلات ولا علم ولا دين ولا أي ميزة فيك عن غيرك! دا غير انه زي ما قالوا الكباتن فيه موديلز كتير جدا ولاعيبه كمال اجسام زي Lee Priest طوله 163 سم.

    حاجه كمان بالنسبة لل Growth Hormone دا بيوصل بعد سن معينة مش مربوطه بسن لكن هيا تبع التغيرات الفسيولوجية لجسم كل واحد بس غالبا بتبقى في سن العشرينات بتتقفل نهايات العظام تدريجياً فأي زياده في هرمون النمو بعد كدا بتعمل على كثافة العظام فقط يعني في العرض مش الطول وممكن تعمل تشوة في جسمك وبدايته بتكون عظام الفك السفلي.

    اتمرن جامد والعب عقلة وحسِّن جسمك لكن ما تنساش حكمة ربنا في خلقه هوا صعب على ربنا انه يخلقنا كلنا طوال!..صغير وكبير وطويل وقصير عدل ربنا بينهم جميعاً.


  13. #13
    يجماعة كل اللي بيقول إلعب سلة والكلام ده ياريت نتأكد من المعلومة قبل مانديها للناس عشان كده بجد مش مظبوط
    الحل الوحيد لفرد الجسم (مش التطويل) هو العقلة إنما مفيش حاجة إسمها طولك يزيد لأن ده طول العضم يعني العضم هيطول إزاي بالله عليك ؟
    SoomyNoraIs Now Playing

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك