لوّن صفحتك
لوّن صفحتك
|
|
|
#1
28-05-2008, 10:02 PM
|
|||
|
|||
|
حكايتي مع مدير الادارة
السلام عليكم و رحمة الله و بركاته
الحمد لله خلصنا الدورة التدريبية في مركز تدريب صحة المرأه بدمياط و أعطونا خطابات تفيد بأننا كنا في دورة تدريبية موجهه لمديري الادارات المهم روحنا الادارة تاني يوم من الساعة 9 صباحا عشان إعادة التوزيع " مش عارف شكلنا هانقضيها توزيع و لا أيه !!! " المهم طبعا بعد ما اتلطعنا في مكتب مدير الإدارة حوالي ساعة و هو بيتمم على الاطباء في وحداتهم كالعادة المهم فين و فين لما بدأ يتكلم معانا . احنا كنا 7 تقريبا . أنا و 6 بنات قالنا النهارده مش هاوزعكم لإن أنا هاستنى باقي زمايلكم لأن انتم كلكم 13 هاوزعكم على 13 وحدة هاتطبق طب أسرة قلناله طيب ما احنا جينا أهو وزعنا قال لأ ما ينفعش قلناله طيب أيه الوحدات المتاحة قعد يقول وحدة من الشرق و التانية من الغرب .... المهم لحد ما سمعته بيقول " و كفر العرب " قلت يا سلاااااام الحمد لله ما هي دي وحدتي بقى قلت له طيب كويس وزعني بقى على كفر العرب قالي لأ طبعا مش هاوديك هناك قلت له ليه ما انا اللي كنت فيها . قالي لأ مش يمكن في حد من زمايلك عايزها قلت له ما انت في المرة الأولانية قلت لنا هايبقلنا الحق في التوزيع في المكان اللي نختاره . قالي لأ أنا ماقلتش كده " تخيل لما رئيسك المباشر في العمل يكون كداب " المهم قلت له طيب مش مشكلة . و بعدين قالي مش يمكن تطلع لك كفر العرب . بعدين قالي و كمان أعمل حسابك بقى مش هاتفضل رايح جاي كل يوم كده زي التدريب . أعمل حسابك هاتيجي تقعد هنا أسبوعين و تروح يوم . هاتروح الخميس بالليل و تيجي الجمعة بالليل كل أسبوعين . قلت له " لأ " أنا ماينفعنيش الكلام ده لأني انا متجوز و هاسافر و ارجع كل يوم . لقيته يا أخونا بيعلي صوته و يقول هو ده اللي عندي و لو مش عاجبك خد جوابك من هنا . و في واحدة ادارية عنده كانت واقفه و معاها الجوابات قاله اديلو جوابه اديلو جوابه قلت له انت ليك شغل يمشي و خلاص . و هايكون في وميلي بيبات في الوحدة . قالي زميلك مين ؟ اللي في كفر العرب ؟ ده خلاص هايسلم و يمشي " خلو بالكو إن كفر العرب فيها 5 أصلا غير اللي هايمشي ده " المهم قلت له لأ واحد غيره قالي " و الله العظيم اللي مش هاينتظم و يبات في الوحدة هاتبقى أيامه معايا مرار " و قال أيه أنا مش هاخلي طبيب يفل ساعة واحدة برة الوحدة . كأننا في سجن و بعدين قعد يدور كده في ورق معاه و راح مطلع لي جواب طويل عريض مكتوب فيه الآتي " السيد وزير الصحة ...... نبلغ سيادتكم إنه سيتم توزيع الأطباء المدربين على وحدات طب الأسرة بالإدارات الصحية على أن يكون بالوحدة طبيب متواجد لمدة 24 ساعة ............... إلى آخره " هل في أي حد هنا فهم من هذا الكلام إن الطبيب هايقعد أسبوعين في الوحدة ؟ لأ طبعا الجواب واضح النبوتجية 24 ساعة و راحة 24 ساعة المهم قلت له بص يا دكتور أنا عندي أولوياتي بيتي في المقام الأول و بعدين الشغل بتاعكم ده ..... قعد يرفع صوته برضه و قالي انت عايز تعمل شغل المستوصف بتاعك . ههههههههههههههه مستوصف . مستوصف أيه ؟!!! و في زميلة فاضلة حاولت أكتر من مرة تلطف الجو يعني و تقوله يا دكتور محمد كلامك ماشي بس أحنا عايزين نبقى مرتاحين . قال أنا مش هاحوط رقابتي في أيد أي حد . و مش هاسمح لحد يطير رقبتي ههههههههههه و بعدين خرجنا و هما متشكرين قعدوا يكلموني و يقولولي بالراحة و ما تشدش معاه و بتاع ................ ما علينا المهم الوقتي أنا عايز رأيكم في حل جذري للموضوع ده الوقتي أنا متجوز و عايز أروح الشغل و أرجع زي أي موظف حكومة حكاية البيات في الوحده دي بالنسبة لي تعتبر مستحيلة بصراحة
__________________
حكايتي مع مدير الإدارة ..... قصة ممتعة ....  جديدكتاب تعلم كل طرق الحقن من الألف للياء " كامل بالصور " من تأليفي ........................... كتاب المرشد في الإسعافات الأولية " كامل بالصور " من تأليفي ........................... موقع الطب البديل - علاجات طبيعية لكل الأمراض
أخر تعديل بواسطة ehab267 ، 28-05-2008 الساعة 10:11 PM 
|
|
#2
28-05-2008, 10:31 PM
|
||||
|
||||
|
كان الله في عونك أخي الكريــــــــم . . .
__________________
لا تحــــــــزن اضغط هنا  
|
|
#3
28-05-2008, 10:42 PM
|
|||
|
|||
|
عادى كلهم كده حسبى الله ونعم الوكيل فيهم
|
|
#4
28-05-2008, 10:47 PM
|
||||
|
||||
|
استقيل يا بني وريح بالك
هما ال250 جند دول هيعملو معاك ايه يعني في الزمن الاغبر ده قضيها برايفت مع نيابه زاير في اي جامعه وبعدين سافر
|
|
#5
28-05-2008, 11:16 PM
|
||||
|
||||
|
اسعى وحاول تنقل من الادارة الغم دى..طوب الارض بيجيبوا وسايط وينقلوا ادارات قريبة او مريحة..حاول كدة وربنا يسهل
ومتفوتش فرصة النيابات عل وعسى ربنا يكرمك...وتخلص من التكليف نهائى
__________________
 وابقى أرقب الخطى .. واصنع من اناملي طريقا ً آخر ..
|
|
#6
28-05-2008, 11:18 PM
|
||||
|
||||
|
كلنا كده فى الهوا سوا
معلش يا دكتور طب مانا اخدت نفس التدريب على اساس حكايه اعاده توزيع واهرب من المكان الزباله الى اتوزعت فيه لكن عرفت بعد كده ان الرجل بتاعنا مش بيعترف بالكلام ده خالص عااااااااااااااااااااااااااادى
|
|
#7
29-05-2008, 12:39 AM
|
||||
|
||||
قصدك مين؟
لواصدك الي في بالي عندى حكايات من دى كتتتتتتتتتتييييييييييييييييييير ادارة ك س والمدير م ل قولى وانا ارد عليك 
__________________
Dr.Beboooo
|
|
#8
29-05-2008, 12:50 AM
|
||||
|
||||
|
ممكن يا دكاترة حد يقولى لو عاوز انقل من ادارة لادارة داخل نفس المديرية اعمل اية ............... واية المطلوب .......... وهل هيبقى موضوع النقل دة سهل ولا صعب ........ وممكن يمشى من غير واسطة ولا لازم واسطة ................مع العلم انى مستلم تكليفى فى الادارة الى انا فيها من حوالى 3 شهور ومتممط وطالع عينى وشفت جميع انواع الذل والعذاب الى فى الدنيا........... ووالله بتصعب عليا نفسى كل يوم وانا بتبهدل فى المواصلا ت وانا رايح للوحدة الى هيا اصلا مش ليها مواصلا ت الا عربيات مكشوفة وطبعا بركب ورا لان مفيش مكان قدام لانة على طول محجوز وبردة مش عارف لية.............. يعنى انا اتعلمت واتبهدلت عشان اطلع اتزل تانى فى تكليف مش هينفعنى باى حاجة ..... بس لازم اكملة عشان استلم نيابة ..........حسبى الله ونعم الوكيل ..........ربنا ينتقم منهم...........ياريت يا دكاترة الى عندة اى معلومات عن موضوع النقل دة يقولى وشكراااااااااااااااااااااااااااااا
|
|
#9
29-05-2008, 12:55 AM
|
|||
|
|||
|
دى طبيعة مديرين الادارات
للاسف اتحولوا لمجرد موظفين قاعدين على كراسي كل همهم يحافظوا عليها والخوف بقي من وكيل الوزارة ومن المديريه ومن الوزارة ومن المحافظه ومن اى حد مهم ومن اى حد يعرف حد مهم ومن اى حد يعرف اى حد يعرف حد مهم الفكرة بقي انك لازم تكون سياسي وتمشي امورك من ورا ضهره احنا عندنا مدير الادراه لما يعرف انك عاوز مكان يوديك غيره لدرجه ان بقت الناس تقوله الامكان الوحشه يقوم هو يعاند ويوديهم المكان اللى كانوا عاوزينه في الاصل انت مشكلتك حلها سهل وبسيط واسطه من المديريه اى موظف في المديريه تعرفه خليه يجيبلك كارت من اى حد مهم فيها او اى واسطه تانيه مش شرط شوف اى مستشار اى وكيل نيابه كده يعنى وروحله يكون لوحده وخلص نفسك ولو ملقيتش وسايط بقي وقفلت معاك خالص بسيطه سيب الوحده وروح بيتك وتعال تانى يوم الصبح هو يعني هيفتش كل يوم؟؟ ولو فتش يا سيدي متنساش تبقي تعمل لنفسك خط سير ومفيهاش حاجه لما تاخدلك جزا ولا اتنين ولا 10 كل شهر كبر دماغك وربنا يهديلك الحال مع الاشكال دى واوعى تياس ونصيحه كمان اوعى تصدق اى كلام بقيقي هو تلاقيه مستني يمكن بقية زمايلكم يكون فيهم ابن حد مهم ولا حاجه والله اعلم برضه والسلام عليكم
__________________
د.أحمد
|
|
#10
29-05-2008, 01:04 AM
|
|||||||||||||||||||||||
|
|||||||||||||||||||||||
بص انا نقلت تكليفي 4 مرات مره منهم من اداره لادارة والباقي جوة الادارة نفسها ايامى كان التوزيع اقليمي بس مكانش حد بينقل بسهوله كده وفى ال 4 مرات الموضوع ممشيش غير بوسايط انا مش عاوز احبطك بس للاسف دي حقيقه وضعنا نصيحه ليك لو متبهدل اوى في المواصلات فكر تقعد في الوحده!!! يعني لو فيها سكن كويس هاتلك كمبيوتر ونت وعيش فيها شويه وحاول تظبط مع اللى فيها كل واحد يشيل يومين ولا حاجه احسن من البهدله رايح جاى او بص بقي هاتلك عربيه بالتقسيط مش عربيه زى اللى بييجوا في التليفزيون فيه عربيات قسطها 300 وحاجات زى كده انت تلاقيك بتصرفهم مواصلات اساسا ودى مش صعبه ولا حاجه وخلى لو والدك يساعدك في الاقساط او حتى تشتغل بريفت وتتعب شويه بس ارحم
|
|
#11
29-05-2008, 03:22 AM
|
||||
|
||||
|
طيب ماتقدم نيابات وريح دماغك خالص
__________________
http://www.s2ortho.com/z-entertainment/caricature/1.gif
|
|
#12
29-05-2008, 03:29 AM
|
||||
|
||||
|
انا برضة الوضع عندنا زى الزفت مديرة الادارة شايفة نفسها اوووووى ولا فى دماغها
وسايبة كل حاجة لواحد تحتها عمال يبلطج براحتة ولا بيهمة اى حد كل يوم تلاقية عمال ينتدب ناس فى حتت غريبة احنا الى نستاهل مش عارف مستحملين الكلام دة كلة لية وعشان اية الممرضة الى بتكتبلى التذكرة بتقبض قدى مرتين وعاددى جداااااا مستنين اية مش عارف والله لو فية تحرك ايجابى واحد مرة وبعدين بيقولك اسبوعين ويم الكلام دة اتقالى شوف بقا انا معايا دكتورة بس يعنى 2 فى الوحدة وهتمشى قريب نيابات يعنى هشيل الليلة كلها الاسبوعين دول انت هتصرف فيهم قد خصم 10 ايام يعنى كدة كدة خربانة خربانة فكبر دماغك وعيش حياتك
|
|
#13
29-05-2008, 10:57 AM
|
||||
|
||||
|
بص يا دكتور انت غلطت انك قفشت عليه كنت خد منه البق ده واشرب وراه كباية مية وقوله اوك وبعد كده نفز اللي أنت عايزه ماهو لازم يرمي كلمتين يحسس نفسه انه مدير بيهم وانت لازم تحسسه بنفسه. وفي الآخر لا انت هاتقعد ولا هو هايلف وراك
|
|
#14
29-05-2008, 11:59 AM
|
|||||||||||||||||||||||
|
|||||||||||||||||||||||
تماااااااااام كده
|
|
#15
02-06-2008, 01:33 AM
|
|||
|
|||
|
ألف شكر
ألف شكر ليكم كلكم يا جماعة
ده الظاهر ان مش انا لوحدي اللي متعذب عموما هو الوقتي خلونا نخلي طرفنا من الادارة و بعدين نروح المديرية و المديرية توزعنا تاني مش عارف ايه اللي هايحصل بس هحاول أخلع ان شاء الله ربنا يقدم ما فيه الخير
|
 |
| أدوات الموضوع | |
|
|
