لوّن صفحتك
لوّن صفحتك
|
|
|
#1
23-07-2005, 05:17 AM
|
|||
|
|||
|
ادويه لمعظم الامراض الشائعه(o.t.c) موضوع متجدد يوميا
بسم الله الرحمن الرحيم احب اعرف نفسي الاول انا د/بودي عسل وده اسمي فعلا مش صفه ليا :D دكتور صيدلي وبعشق المنتدي ونفسي اخدمه ولكن باسلوب منظم وسهل ولذلك بطلب من الاخ ايموفلكس يكون معايا في الموضوع من ناحيه الاسلوب التنظيمي للموضوع عشان الاعضاء يحققو اكبر استفاده من الموضوعان شاء الله كل يوم هكتب عن مرض شائع بينا سواء حمي مغص اسهال قيء صداع حساسيه ..............الخ وهكتب الادويه اللي ممكن المريض العادي يستخدمها وهو مطمن وطبعا هراعي حكايه الضغط والسكر والقلب لان الحاجات دي مقدرش اجي جنبها معني الكلام اني هتكلم عن مرض معين والدواء الامن اللي ممكن تاخده و انت مطمن انه هيجيب نتيجه ان شاء الله وطبعا هكتب سعر الدواء وجرعته ويارب الموضوع يعجبكم وانا ارحب باي اقتراح يفيد الموضوع او استفسار عن اي دواء او اي شكوي صحيه وتقبلو مني كل تقدير واحترام
__________________
The Genius Pharmacist Dr.Body_Asal اهم موضوعاتي ادويه لمعظم الامراض الشائعه(o.t.c) موضوع متجدد يوميا
|
|
#2
23-07-2005, 05:49 AM
|
|||
|
|||
|
البدايه للادويه خافضه للحراره ومسكنات الالم
نبدا بسم الله بالادويه الخافضه للحراره ومسكنات الالم اشهر ماده في مخفضات الحراره هو الباراسيتامول وده موجود في اكتر من 15 منتج تجاري منهم بيرال و بارامول وسيتال وابيمول واشهرهم بانادول اللي بيعتبر انضفهم لانه باراسيتامول نقي جدا وللاسف ده مستورد وقليل لما تلاقي في الصيدليات وتعتبر ماده الباراسيتامول امنه جدا علي الحوامل واثناء الرضاعه اما بالنسبه للسعر يتراوح مابين 1.5 جنيه الي 15 جنيه بدءا بباراسيتامول لشركة فاركو وانتهاءا بالبانادول مرورا بالمنتجات سابقه الذكر و الجرعه قرص 3 مرات يوميا بعد الاكل بربع ساعه اما بالنسبه للمسكنات فتنقسم حسب الشكوي الي 1-الصداع: ابلونج نوفالجين وده ب2.5 وقرص عند اللزوم بعد الاكل لكن منتعودش عليه عمال علي بطال EXCEDRIN وده ب4.5 و2قرص عند اللزوم بعد الاكل برده وعموما كل الادويه اللي هقولها بعد الاكل مالم يذكر غير ذلك طبعا ده بالاضافه للاسبرين والريفو 2-الام الاسنان والعظام:KETOFANكبسول وده ب 5 جنيه وكبسوله 3مرات BRUFEN400 وده ب3.75 جنيه الشريط وقرص 3 مرات ملحوظه (بروفين افضل من الكيتوفان في الام العظام) BI PROFENIED اقراص ب 4.75 الشريط وده مرتين يوميا KETOLAC الشريط ب5جنيه وقرص عند اللزوم وبكره نكمل الصداع النصفي والام المفاصل عشان مطولش عليكو وعشان عايز انام مستني اراءكم
|
|
#3
23-07-2005, 05:41 PM
|
||||
|
||||
|
مشكور أخي الكريم الدكتور بودي على الموضوع الرائع بالفعل والمفيد للجميع بلا استثناء
ولك بالتأكيد الأجر والثواب من عند الله تحياتي وتمنياتي بالتوفيق ان شاء الله بعد اذنك طبعا قد تم النقل والتثبيت بقسم الصيدلة والعطارة
|
|
#4
23-07-2005, 06:08 PM
|
||||
|
||||
|
موضوع رائع يا بودى باشا....
وكنت سأطلب التثبيت ولكن وجدت دكتور مودى الأسبق كالعادة فى تثبيت كل مفيد للأعضاء...فعدلت المشاركة.... وأنا راعيت عدم وضع التوقيع....وتمنياتى بالتوفيق بإذن الله.....وجزاك الله خيراً... أخر تعديل بواسطة ninja911 ، 23-07-2005 الساعة 06:11 PM
|
|
#5
23-07-2005, 06:21 PM
|
|||
|
|||
|
طبعا ده اكتر مما كنت اتوقع وانا متشكر اوي يا دكتور مودي وان شاء الله هحاول اجيبلكم احسن المعلومات الموثوق منها واكون عند حسن ظن جميع اعضاء المنتدي اللي انا بحبه جداااااااا
|
|
#6
23-07-2005, 11:03 PM
|
||||
|
||||
|
شكرا على الموضوع الجميل المفيد ده
و ان شاء الله الجميع يستفيد بيه و مبروك التثبيت
__________________
د/بشطر Dr.Bashter
أكبر مكتبه ل Clinical Examonation شاهد أعقد العمليات الجراحيه مكتبتي لأشهر الكتب الطبيه اون لاين انضم الى رابطة أطباء المنتدى (طب بشري.بيطري.أسنان.علاج طبيعي.صيدله) الحق الباسوردات الطبيه قبل ما تخلص المجموعه الأولى المجموعه الثانيه اتعلم العمليه دي و اعملها بنفسك جديد و دي عمليه جديده برضه .... اعملها بنفسك كمان المفاجئه...عمليات الولاده
|
|
#7
24-07-2005, 12:42 AM
|
|||
|
|||
|
الف شكر يا دكتور باشتر وان شاء الله هكمل الموضوع قريب جدا
|
|
#8
24-07-2005, 02:51 AM
|
|||
|
|||
|
الجزء الثاني من الادويه الخافضه للحراره والمسكنات
بسم الله الرحمن الرحيم النهارده هنتكلم عن مسكنات الصداع النصفي و الام المفاصلونبدا ب MIGRAINIL اشهر ادويه الصداع النصفي وذو المفعول الاكيد لكن للاسف لازم يكون الصيدلي حبيبك عشان يديهولك وده ب 2 جنيه الشريط وقرص 3 مرات يوميا AMIGRAINE وده الشريط ب 2.25 جنيه وقرص 3 مرات يوميا NO MIGRAIN والدوا ده اثبت نتائج مذهله بعد اختفاء الميجرانيل وده الشريط ب2 جنيه وقرص 3 مرات STOPAIN وده ب 2.25 الشريط وذو مفعول قوي للصداع المصاحب لانخفاض الضغط وده قرص 3 مرات اما بالنسبه لالام المفاصل فالموضوع غويط شويه وهنخده بالراحه كده واحد هيقولي غويط ليه؟؟ هجاوب عليه اقوله لان في علاج ليه في كذا صوره زي جيل وكريم واقراص وحقن ولبوس وكذلك لان في اسماء تجاريه كتييييييييير جدا مع ان المواد الفعاله قليله ولذلك انا هذكر هنا اولا:اسماء المواد الفعاله دون تحديد الجرعه ثانيا:اهم الادويه التجاريه اللي اثبتت نتائج قويه في هذا المجال وجرعتها اولا المواد الفعاله 1-ديكلوفينلك صوديوم وديكلوفيناك بوتاسيوم 2-بيروكسيكام 3-اندوميثاسين 4-تينوكسيكام 5-ابيوبروفين 6-ميلوكسيكام 7-نابروكسين 8-جلوكوزامين ثانيا الادويه التجاريه وجرعتها 1-فولتارين 50 اقراص قرص 3 مرات يوميا 2-كاتافلام 50 اقراص قرص 3 مرات يوميا 3-فلدين لبوس مره واحده يوميا 4-اندوميثاسين لبوس للشركه العربيه(الاكثر استخداما)لبوس مره مساءا 5-ابيكوتيل حقن ودي حقنه واحده يوميا 6-بروفين 400 (سبق ذكره راجع المشاركه 2) 7-موبيتل 15 مجم اقراص وده قرص مرتين يوميا 8-نابروفين 500 وده قرص مرتين يوميا 9-دوروفين والدوا ده جديد بس مفعوله اكيد لن شاء الله وجرعته قرص مرتين يوميا بكده نكون خلصنا حلقة النهارده وانتظروني بكره مع ادويه الاسهال والامساك(منتهى التناقض) :D وتصبحوا علي خير ياريت يا جماعه لوحد عايزني اتكلم عن دوا لمرض معين يامر وانا انفذ وتقبلو مني كل تقدير واحترام
|
|
#9
25-07-2005, 05:08 PM
|
|||
|
|||
|
بسم الله الرحمن الحيم اولا: بجد انا عاتب علي كل اللي دخل الوضوع(اكتر من 60 واحد) ومعلقش عليه او قال رايه فيه او قال استفسار عن دوا معين او شكوي صحيه ثانيا: الموضوع ده يا جماعه مفيد جدا لطلبة كلية صيدلة الل بيتدربو في صيدليات و عايزين يتعلموا ازاي يطلعو otc بسهولة وامان ثالثا: بالنسبه لموضوع النهاردة هو زي الوجبة الخفيفة صغير ومش هطول عليكو هنتكلم باذن الله عن ادوية الاسهال والامساك اولا الاسهال: أ-بالنسبه للاطفال افضل حاجتين هما 1-ANTINAL شراب وده ب5جنيه ومعلقة صغيرة 3مرات 2-SMECTAاكياس وده الكيس ب90 قرش والجرعه كيس صباحا وكيس مساءا حتي يتوقف الاسهال ينصح باستعمال مضاد حيوي STREPTOPHENICOL ب4 جنيه ومعلقة صغيره 3 مرات ب-بالنسبة للكبار افضل حاجتين هما 1-STREPTOQUIN اقراص وده ب2.5 جنيه وجرعته قرصين عند اللزوم 2-ANTINAL كبسول وده ب 5 جنيه وجرعته كبسوله 3 مرات يوميا ثانيا الامساك وده ليه 3 ادويه كلهم تقريبا نفس المفعول 1-PICOLAX نقط وده ب 2 جنيه وجرعته 10 نقط عند اللزوم 2-NASSAR اقراص وده الشعب كله بيستخدمه و مفعوله اكيد والشريط ب 1.5 جنيه وجرعته قرصين مساءا 3-MINALAX اقراص وده مهم في حالات الاشعه الطبيه وب4جنيه وجرعته قرصين يوميا اما الدوا ده مخصوص للامساك عند الحوامل COLON AID وده لانه من نبات طبي لا يؤثر ابدا علي الرحم او الجنين(PSYLLIUM) اما الامساك عند الاطفال فحله بسيط جلسرين لبوس اطفال بجنيه واحد وجرعته لبوس مساءا ارجو ان اكون قدرت افيدكم النهارده بحاجه واسالكم الدعاء تقبلوا مني كل تقدير واحترام
|
|
#10
27-07-2005, 02:32 AM
|
|||
|
|||
|
شكرا جدا انا فى صيدلة وداخل سنة تانية وبتدرب فى صيدلية والمعلومات دى افادتنى جدا والى الامام
بالنسبة للجلسرين لبوس ممكن الكبار يستخدموه وشكرا
|
|
#11
27-07-2005, 03:52 AM
|
|||
|
|||
|
اهلا بيك اخ mrkenawy في المنتدي ويارب يكون عجبك
وتابعني وان شاء الله هتستفاد
|
|
#12
27-07-2005, 04:13 AM
|
||||
|
||||
|
الف شكر يا باشا انا رايح 3 صيدلة والمعلومات دى قيمة جدااااااااااا لية
الله يخليك لينا والى الامام دايما
|
|
#13
27-07-2005, 05:21 AM
|
||||
|
||||
|
الف شكر موضوع مفيد جدا و خصوصا انى الايام دى لسه ب ادرب فى الصيدليه
|
|
#14
27-07-2005, 05:30 PM
|
|||
|
|||
|
شكرا اخbody_asal على الاهتمام والى الامام
|
|
#15
27-07-2005, 06:29 PM
|
|||
|
|||
|
شكرا لكل اللي كتب رد وانتظرو المزيد ان شاء الله
|
 |
| أدوات الموضوع | |
|
|
