 |
 |
 |
||
|
|
|
||
 |
|
 |
|
 |
||||||
 |
|
|
أدوات الموضوع |
|
#1
17-01-2008, 04:28 PM
|
||||
|
||||
|
"" توتا ""...
كم افتقدكم ..
افتقد المنتدى والاخ نور وباقى الاعضاء والمجلة الثقافية ومسابقات القصة القصيرة وهذا اول موضوعاتى على الاطلاق هنا فى المنتدى بعد العودة .. قصة قصيرة كتبتها منذ عام .. قصة بالعامية .. ساخرة وهى القصة الوحيدة التى كتبتها بالعامية على الاطلاق  هى عن (توتا) .. وتوتا لمن لا يعرفها من اشهر نقاط المياه عير التاريخ الحديث  سأترككم معها وقصتها
__________________
أصـاله نصـرى v  
|
|
#2
17-01-2008, 04:32 PM
|
||||
|
||||
|
(1) - ازيك يا توتا ردت بعد نفس عميق : - كويسه  - انتى بردانه يا توتا ؟ - بردانه بس مش ده اللى مدايقنى .. انتى مش واخده بالك ان النقط اللى فوق مدفيه كويس واحنا لا . - بس انتى فاهمه القواعد .. احنا تحت البردانين .. وهما فوق الدفيانين . * توتا تنظر لفوق بغيظ : - فوق وتحت ... تحت فوق ،، زهقت .. ياريتهم حتى تعرفى تتكلمى معاهم فى الضلمة اللى احنا فيها دى . - يا بنتى اسكتى بقا .. دلوقتى هيقلولك صوتك عالى ومش عارفين ننام . * توتا بصوت عالى : - يعنى متكلمش كماااااااااان !!  * نقطه دفيانه بصوت خشن : - مين اللى صوتها عالى تحت ؟!! - انا بقا !! - طب يعنى فى حاجه ؟ - ايوه .. انا مش عارفه اولا احنا ف ايه بالظبط .. وبردانه وكمان الضلمه دى مش بحبها . * نقطه دفيانه تانيه بألاطه : - انا مش فاهمه دايما ليه النظر للنقط الدفيانه بالطريقه دى .. ديما نظره وحشه ونظرة غيرة .. أأأوف . * توتا بحرقه دم : - ومين قالك كده بقا .. انا بس عايزه اعرف البرد ده جاى من اين .. وكمان احنا فين ؟. - النقطة البردانه صاحبة توتا : - خلاص يا توتا بلاش نرفزه وحرقه اعصاب .. احسن تنشفى يا بنتى . - ادينى ساكته بقا .. بس انا مش هرضى على الوضع ده كتير لعلمك بقا .. * فجأة الشمس تطلع .. و كله يغمض عينه ويزعق .. الا توتا : - ايوة كداااااااا . * كل النقط تبص حواليها .. وفجاة الكل يعرف انه ف كبايه .. فى تلااااااااااااااااجه .. وتوتا تقول : - ايه ده انا مش فاكره اننا جينا هنا .. انتى فاكره يا نقنق ؟ - لا بجد مش فاكره خالص . * وفجأة توتا تتخض وتقول : - ايه ده انا حاسه كأنى خسيت موت .. والله انا مش عامله دايت .. مش فاهمه . - ايه ده احنا بنطلع لفوق .. ده بندفا كمان . - وااااااااااااااااو .. هو ده الكلام . * النقطه الأليطه اللى كانت فوق .. بردت وبتنزل تحت .. وبتقابل توتا وهيا طالع على فوق .. توتا بتبصلها وتعملها باى وتقولها : - ايه ده يا نوسه .. انتى رايحه ف حته ولا ايه .. ممكن تطلبى ديلفرى لو تحبى بدل النزول تحت ف البرد بجد يعنى . * نوسه بغيظ : - آدى اخرتها .. ولد صغير يفتح التلاجه .. يقلب لنا النظام الهرمى والاجتماعى بين النقط !! * توتا لنقنق صاحبتها : - الله بجد .. تصدقى المنظر من فوق لذيذ موت . * نقنق وهيا فرحانه : - شايفه التورته اللى اخر الروف دى ؟ .. جامده جدا . * توتا بغيظ : - بس يا خسارة الولد الصغير بوظ منظرها خالص .. ايه دة .. ده خد منها حته بايده .. يع !! * توتا تنده للتورته وتقولها بزعل : - معلش يا تته والله كان شكلك حلو موت .. بس دلوقتى يعنى .. يعنى .. حلو برضو .. * التورته تته تقول لتوته : - عادى بقا .. مش فاهمه ازاى يسيبو اطفال ف السن ده يفتحوا التلاجه بليل كده . * توتا : - و الله اانا خايفة يوقع اى حاجة من اصحابنا اللى تحت . * تته بخوف : - والله انا خايفة عليكو انتو !! * توتا بقلق : - ايه ده مش فاهمه.. انتى شايفه حاجة من عندك ولا ايه ؟ - لا بس هو لما ياكل تورته ... المفروض هيعمل ايه بعدها ؟!! * نقنق صاحبة توتا : - يا نصيبتى !! * توتا بنرفزه : - مليون مره قلتلك اسمها ops . * فجاة الكبايه تترج .. وتميل على بق الولد اللى بقه ريحته وحشه موت .. وتوتا تقول بصوت عالى وهيا بتجرى على بق الولد : - سدوا مناخيركوووووووووووووووووو (صدى صوت) .
|
|
#3
17-01-2008, 04:36 PM
|
||||
|
||||
|
(2) * توتا تاخد نفسها اللى كان مكتوم : - ياااااااه .. تانى ضلمه .. * نقنق : - بس تصورى هنا الذ .. دفا . * توتا (تعقد حاجبيها) وتبصلها وتقول بهدوء شديد : - نقنق ... - نعم ؟ - انتى عندك برد ؟ - لا . - يعنى مناخيرك مش مسدوده ؟ - لا * بأعلى حس بغيييييييييييييييظ : - انتى مش شااااااااااااااااامه الريحه اللى ف بطن الولد .  * نقنق توشوشها وتخبطها ف جنبها وتقولها : - طب بس بس .. صاحبتك نوسه جايه هناك اهى . - طب سيبهالى !! * توتا وهيا بتضحك اوى : - ايه جبتى الطلبات من السوق ؟ * نوسه بخنقه : - ادى عيب النقط اللى نوت اديوكيتد not educated .  * نقنق وبدأت تتعصب منها هيا كمان : - ايوه يعنى عايزه ايه مش فاهمه ؟ * نوسه بقلق : - يعنى الولد هيفضل شايلنا كده كتير .. اكيد هينزلنا ف اقرب محطه .. وساعتها هنقابل نقط بيئه بيئه .. يعنى مش نضيفه بجد . * توتا وهيا بتتكلم بجد : - يا بنتى خليكى ناضجة بقا .. وقابلى نقط اشكال والوان .. عيشى حياتك وبلاش الانغلاق ده .  *نوسه : - والله انتو ما فاهمين حاجه !! *توتا : - انا عموما متأكده انى هبقا مبسوطه بحياتى الجديده برا .. ولما ننزل هتشوفى .
أخر تعديل بواسطة The Blue Heaven ، 17-01-2008 الساعة 04:40 PM
|
|
#4
17-01-2008, 04:44 PM
|
||||
|
||||
|
(3) (فى مكان اخر بالخارج) - ماما !!!!!  - نعم يا حبيبي . - انا ... - ايه ؟ - انا ... - يا نهار ابيض .. طب اعمل ايه دلوقتى احنا ف الشارع .. طب مقلتش واحنا عند عمتك ليه ؟ * الولد شكله هيبدأ يتعصب ويستخدم سلاح العياط .... - نأه .. انا مث أتل . (لا انا مش قادر)  - طب بص .. شايف الكشك اللى هناك ده روح كده بالراحه وانا واقفه جنبك اهو .. بس ف الضله كده علشان الشمس جامده اوى عليك . * الولد يبصلها بعصبيه : - تيب !! (فى نفس الوقت فى الداخل) - انتى حاسه بالزق ده ؟ *توتا وهى فرحانه : - يا بنتى خلااااااااااص .. احنا نازلين للحريه .. * نقنق بصوت واطى : - تفتكرى يا توتا هقابل شاب امور كده ومتشيك تحت بجد ؟ - يا ابنتى الحياه كلها تحت ... عيشه .. ميه راكده ومطر .. واصحاب جداد .. وشباب زى القمر .. ده احنا هتعييييييييش . (الولد بينقى اقرب اسفلت مولع .. وبيعمل عملته السودا ) - توتا باعلى صوت بفرحة عمرها : انا شايفه النووووووووووور .. خلاص الحريـ.... و( تسسسسسسسسسسسسسسسس)
|
|
#5
18-01-2008, 12:50 AM
|
||||
|
||||
|
ههههههههههه
قصة جميلة وخفيفة يا جميل.. ضحكتني بجد مستني منك الجديد إن شاء الله
__________________
|
|
#6
18-01-2008, 03:04 AM
|
|||||||||||||||||||||||
|
|||||||||||||||||||||||
اتمنى ان توتا ورفاقها من الباحثات عن الحرية فعلا رسموا على البسمة على وجهكنورت ..
|
|
#7
18-01-2008, 03:31 AM
|
||||
|
||||
|
جامد ياباشا والله
توتا هاتدور على الحرية لحد ماتروح لقبرها :) ههههه شكرا ياجميل على القصة الخفيفة دى تحياتى
__________________
 °¨¨¤¦ دســـــــوق مــدينتــي... مدينة التـــاريخ وعروس فرع رشيـــــد ¦¤¨¨° °¨¨¤¦ Robin Hood 2010 لــقــاء الســـــحـــــــاب ¦¤¨¨° °¨¨¤¦ رحـــال فى جنـــــــــة مـــــصــــــر سيـــنـــاء ¦¤¨¨° °¨¨¤¦ جبروت طواحين هولنديه مكسوره ! ¦¤¨¨°   إذا سبني نذل تزايدت رفعة............وما العيب إلا أن أكون مساببه ولو لم تكن نفسي علي عزيزة .............. لمكنتها من كل نذل تحاربه يخاطبني السفيه بكل قبح ................فأكره أن أكون له مجيبا يزيد سفاهة فأزيد حلما ..................كعود زاده الإحراق طيبا أذا نطق السفيه فلا تجبه ................فخير من إجابته السكوت فإن كلمته فرجت عنه .................وأن خليته كمدااا يموووت ابيات للأمام الشافعي رحمة الله عليه
|
|
#8
18-01-2008, 02:56 PM
|
|||||||||||||||||||||||
|
|||||||||||||||||||||||
لا على فكرة توتا جامدة اوى وشقية ميتخفش عليها  ههههههههههه نورتنى يا جميل
|
|
#11
19-01-2008, 09:49 AM
|
||||
|
||||
|
ههههههههههههههههه
لا جميله بجد ... اضحك الله سنك ... وكله كوم و التسسسسسسسسسسسسسس دي كوم تاني ... وانتهت كلماتي
__________________
وَاللَّهُ مُتِمُّ نُورِهِ وَلَوْ كَرِهَ الْكَافِرُونَ [/center]
واقع التنصير في مصر " موضوع شديد الخطورة" وانتهت كلماتي 
|
|
#12
19-01-2008, 03:21 PM
|
|||||||||||||||||||||||
|
|||||||||||||||||||||||
فعلا لكل شيىء اكثر من وجهة نظر ورؤية .. واحيك على رؤيتك الخاصة بكفاح شبابنا عفوا .. ونورت توتا ورفاقها ..
|
|
#13
19-01-2008, 06:52 PM
|
|||||||||||||||||||||||
|
|||||||||||||||||||||||
شاكر لكون احدى رحلاتك يا سندباد كانت لاحدى موضوعاتى الف شكر سندباد
|
|
#14
19-01-2008, 08:52 PM
|
||||
|
||||
|
فعلا انا حسيت برضه انها تشبيه للصراع الطبقي وبعدين الصراعات
والامال اللي بيفضل الشعب يعيشها لحد ما...........؟ ايه الكلام الكبير اللي انا بقوله ده؟؟؟ ميرسي ليك علي توتا
__________________
اللهم انك عفو تحب العفو فأعف عنا اللهم اتنا في الدنيا حسنه وفي الاخره حسنه وقنا عذاب النار احيانا يجمع القدر بين اثنين لا يجمع بينهما سوي الحب لهذا كان الحب كافيا لان نبقي معا الي الابد بتعرف تتعامل مع اصحابك صح؟ الــعــار اسكندريه..خارج نطاق الخدمه improve your languge
|
|
#15
20-01-2008, 12:51 AM
|
|||||||||||||||||||||||
|
|||||||||||||||||||||||
هههههههههههههههههه دة السر كلة ف التسسسسسسسسسسس اللى ف الاخر دى وعلى فكرة توتا ورفاقها لم تنتهى قصتهم بعد
|
|
| أدوات الموضوع | |
|
|
