 |
 |
 |
||
|
|
|
||
 |
|
 |
|
 |
||||||
| أبرز مواضيع المنتدى |
    |
|
 |
|
|
أدوات الموضوع |
|
|
|
||
|
|
|
||
|
|
|
|
|
||||||
| أبرز مواضيع المنتدى |
|
|
|
|
|
أدوات الموضوع |
|
#1
01-01-2008, 12:34 AM
|
|||||||||||||||||||||||
|
|||||||||||||||||||||||
|
كل ما تريد ان تعرفه عن سنه الامتياز
 اهلا بكم اخواني واخواتي في الكفاح غير المسلح في مرحله جديده من عمركم الوردي.........قولوا امين  احب الاول انكم تفهموا بعض الخطوط العريضه لما انتم مقبلين عليه قبل منخش في النواحي الاداريه بالتفصيل انتم دلوقتي في مرحله الامتياز ودى يمكن تسميتها بال incubation period or transational zone بين مرحلتي الدراسه والعمل والممارسه الفعليه في الامتياز اياك ولو للحظه ان تظن نفسك بقيت دكتور بجد او ان خيالك المريض يقسو عليك ويبعدك عن ارض الواقع وتظن انك مخول بممارسه الطب بجد .........في رأيي انك اصلا قبل فير ست الماستر واحيانا في بعض التخصصات انت مش دكتور اصلا من غير ماستر انا بقول الكلام ده مش علشان احبطك او اتنطط علي معاليك ولكن لسببين اهم من بعض الاول انك لازم في مسيرتك الطبيه تعرف مقامك كويس وده يخليك محدد انت فين وهتطور نفسك لايه وكمان هيسهل تواصلك مع اللي حواليك فضلا عن انك هتتجنب الاخطاء والمصايب اللي في مهنتنا وفي بلدنا غالبا مش هتتحاسب عليها في الدنيا لكن دى المصيبه لانك تتعامل مع ارواح ناس او علي الاقل حاجات تتعلق بمستقبلهم حياتهم وحسابك عند الله عسير ثانيا بقي لما تيجي تختار شغل بلاش العيادات بلاش الحاجات اللي هتبقي مسئول مباشر فيها وهنتكلم بعدين عن الموضوع ده ان شاء الله
نيجي بقي للامتياز اهم حاجه نبتدي بيه هي اهدافك في الامتياز  الاهداف الهدف الاهم وبلا نزاع هو طريقك بعد الامتياز وده اول خطوة فيه هو تحديد التخصصو التخصصات عموما لا تخرج عن 3 اطارات عامه اولها ليها علاقه بالباطنه ودى تخصصات اهم مافيها القراءة والمذاكرة وانك تشوف حالات كتير وهي تخصصات كويسه جدا لبيتوع الصحه او التامين لانها بتعتممد الي حد كبير علي نشاطك ومذاكرتك وان كان منها تخصصات فيها interventions هتبقي واقع في الجزء ده منها لو مكنتش في الجامعه او في معهد تعليمي التخصصات دى علي رأسها cardiologyو ICU وبقيه تخصصات الباطنه العامه شبهها جدا تخصص الاطفال وكمان الاشعه والتخدير (ولو ان التخدير في الماستر بيعتبر تبع الجراحه لكن في الحقيقه هي باطنه ( تخصصات ليها علاقه بالجراحه ودى طبعا كل SPECIALS الجراحه اللي درستها في سته ومعاها النسا والرمد والانف واذن ودى كلها تخصصات برة الجامعه او المستشفيات التعليميه لازم تفكر ميه مرة قبل اختيارها الهدف تاني تحدد انت ناوى تكمل في مصر وتبقي سكه تكليف ونيابه عاديه وللا السفر برة والمعادلات بالنسبه لمعادلات امريكا واستراليا وكندا توكل علي الله وابتدئ في الامتياز بدرى بدرىويبقي في نهايه الامتياز تمتحن الجزء الاول منها الزمالات غير زماله الجراحه صعب تاخد فيها خطوة في الامتياز يبقي تصبر كده وخدهافي النيابه لما تبقي رسيت كده وفهمت الدنيا ماشيه ازاى ابدأبدرى حدد لنفسك تخصصين تلاته اقضي الامتياز عليهم ويبقي هدفك تعرف الاماكن اللي ممكن تقضي نيابتك فيها والبرايفت اخبارة ايه في التخصص ده وطبعا التحضير فيه ظروفها ايه دى اهم حاجات تسأل عنها في اى تخصص الهدف التالت الشغل وده احسن شغل واللي بيجيب فلوس فعلا هو اللي في معامل التحاليل والاشعه او في استقبال المستشفيات الخاصه بلاش شغل المستوصفات لانك ممكن تحس انك دكتور بجد ودى تبقي بدايه النهايه بجد هتخش سكه الفلوس وهتنسي اى احلام انك تبقي طبيب كويس ويبقي تفكيرك كله علي انك Money maker الشغل طبعا في المعامل مش هيضيفلك اى تعليم كطبيب بس اهو مصدر للفلوس بجانب التعليم في الامتياز طبعافي المكان اللي هنبقي نحدده بعدين  نيجي بقي للتعليم في الامتياز بصراحه مش مهم خااااااالص وكل اللى هتتعلمه لو مكنش في تخصصك يبقي ملوش لازمه بس مفيش مانع تتعلم برضوا الاساسيات العامه خصوصا في الطوارئ دى فعلا مهمه ايا كان تخصصك في المستقبل طيب احنا اتفقنا انك لازم برضوا تتعلم حاجه للي عاوز يتعلم حاجه في التخصص اللي هيشتغله بعد كده يروح فين بصوا بقي انت عموما ادامك طريق من تلاته الاول المستشفيات الجامعيه ودى في القاهرة وعين شمس فر منها فرارك من الطاعون اياك تروح رسميا هناك عاوز تروح سجل نفسك رسمي في اى حته تاني مفيهاش حضور كتير وروح كزاير في اى مستشفي جامعي خصوصا بقي تتعرف علي نواب هناك وتحضر المرور والستاف راوند وممكن عمليات كمان لو كنت من المتزحلقين وفي نفس الوقت ميقدرش يطلعك في مشاوير وديرتي وورك هيبقي اللي بيشيله اللي في المكان رسمي مش انت خد بالك ان كنت في الازهر او في الاقاليم فالمستشفيات الجامعيه في الغالب لووووز مقشر هتتعلم ومش هتشيل ديرتي وهتعيش حياتك(اسأل في محا اقامتك بقي المستشفي الجامعي ظروفه ايه) المعاهد والمستشفيات التعليميه احسن مكان ممكن تتعلم فيه في الامتياز وانت عليك العين من حد اكبر منك يعلمك وميسيبكش تتورط في الغلط لكن الموافقات عليها صعبه ولو ناوى عليها روح من الاول الامتياز لان بعد كده انسي تجيبها خصوصا القاهرة طبعا الصحه طبعا التعليم اى كلام بس هتاخد شغل السوق اللي بيجيب شغل وفلوس من الاخر كده وسيبك بقي من التعليم والقراءه وخلافه ده غير نوبتجيات الاستقبال اللي هتشيلها في الغالب وحدك بس لو كنت ناوى جراحه يبقي فرصه كويسه تمشى ايدك وتكتسب جرأه لكن المهارة تبقي في الجامعه او جراحي الصحه الكبار اللي مش هتشوفهم  بالنسبه للاجراءات بقي سنه الامتياز 12 شهر اتنين لكل من الباطنه الاطفال النسا والولاده الجراحه واحد لكل من التخدير الطوارئ يتبقي شهرين لتخصصين تختارهم بواقع شهر لكل تخصص اول كل شهر او شهرين علي حسب ترتيب جدولك تروح لشئون العاملين في الجامعه بتكتب فورمه هتحفظها بعدين انك هتاخد الشهر ده في الجامعه في الحاله غالبا بتسيبلهم الورقه وهم بيجيبوا موافقه رئيس القسم والامور توماتيكي توماتيكي او هتروح تمضيها من اى استاذاو رئيس القسم ووترجعهالهم لو رايح الصحه بتاخد ورقه من الجامعه بترشيحك ليهمم وتروح بيها لمدير المستشفي بيحولها لرئيس القسم اللي انت رايحله يمضيها وتروح شئون العاملين يمضوها وتوديها الجامعه وخلاص كده في نهايه المده بتمضي اللوت بوك من النايب و رئيس القسم وتتختم سسواء في الصحه او الجامعه مهتفرقش الترتيب يختلف حسب مجموعتك في الجامعه اسأل لو ترتيبك نزل عالجدول علشان تعرف ترتب نفسك بيبقي عليك في جميع التخصصات نوبتجيات طوارئ بدلا من نوبتجيات القسم لو كنت في الصحه في الصحه فيه نوبتجيات طوارئ مع نوبتجيات النسا يعني جهز نفسك شهرين طحن طحن طحن لو في الصحه بالنسبه للي عاوز باطنه لازمن حتمن ولابد يبقي فيه كونتاكت ببتوع الباطنه في الجامعه ايا كانت الجامعه اللي هتتعامل معاها بقي في القصر وعين شمس خد الشهرين دول في اى مستشفي مركزي ز الحوامديه او العياط بس اسأل هناك فيه كام واحد امتياز لو عددهم كبير يبقي فل هيبقي جدولك يوم واحد في الاسبوع والباقي ارشق في القصر او عين سمس احضر المرور والستاف راوند وممكن تظبط مع النواب وتروحلهم بالليل في المرور بتاعهم هم ومحدش هيششلك شغل الا بمزاجك لانه ملكش عليك حاجه عكش لو كنت معاه اصلا هيسحلك ديرتي ومهيبقاش فيه وقت يعلمك حتي لو هو محترم وعاوز يساعدك الجراحه عليك وعالصحه تمد ايدك وتتجرأ وتاخد شغل السوق بس التعليم في الجامعه مش هتمد ايدك بس ممكن تقف تتفرج لو كنت بتمد ايدك ومعدى في الصحه ممكن تلقط حاجات كويسه تتطبقها في الصحه بقي الاطفال =الباطنه بالظبط والنسا جراحه بس في النسا حاول تحضر العياده اكتر من العمليات في الاول تشوف الفحوصات وامراض ال gynea وبعدين بقي ال obst التخديراهلا بيك يا معلم اروش شهر ببساطه دكتور التخدير عارف انك مش هتاخد تخدير وهو مش طالبه يشوفك اصلا وانت متلزموش حيث الديرتي في شغاله قليل ونايب الجراحه بيلهث ورا وعنده استعداد(اسف في اللفظ) يبوس الارض اللي بيمشي عليها علشان ميقرفوش فمش من الاخر مش محتاجك لكن لو وريته انك مهتم بالتخدير ولقاك لازقله هيظبطك ولو مشافش وشك متقلقش هيمضيلك برضه(عالم دماغها عاليه من الاخر) 
__________________
أخر تعديل بواسطة ™ ®€$$@¥ ، 30-12-2008 الساعة 05:13 PM 
|
|
#2
01-01-2008, 12:35 AM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
ياااااه يا رجل ياطيب بص لو عاوز تعرف الباسيك بتاع حلاقين الصحه يبقي ممكن في الامتياز ارشق في اى مستشفي عام في الصحه في القسم اللي انت عاوزه شهر وللا اتنين وهتتعلم كل حاجه ......بس سلمهم نفسك وظبطهم في نوبتجيات الطوارئ خصوصا المسالك انما الباسيك بتاع الكبار الدكاترة اللي بجد ده تبقي معلم لو جبته بعد سنه وللا اتنين نيابه مش امتياز ايا كان تخصصك الطب مشواره اطول واصعب من كده بكتير يا اخوانا والفرق بينك وبين المدرس او بعده الاستاذ كبير اوى اوى اوى اكب مما تتخيل دلوقتي الموضوع مش سهل يا جدعان خصوصا لو استاذ من اياهم التقال يعنني بجد وعلي حق كونك تتكلم وانت امتياز او نايب مع استاذ دى حاجه كبيرة اوى ولو مقدرتهاش يبقي متستاهلش الفرصه اللي جاتلك اصلا عموما المسالك بالذات لو مش جامعه بلاش خد جراحه عامه وابقي اشتغل معاها مسالك في الصحه لانك مش هتتعلم مناظير في الصحه بسهوله فخليك في الجراحه العامه الاول وبعدين المناظير هتيجي بعدين او استقاله ونايب زاير في الازهر .....عموما عاوز تاخد جراحه في الامتياز خصوصاسبيشيالات روح الحسين الجامعي
والله يا احمد لاده غلط ولا ده غلط...الخلاف في القصه دى كما يقول الفقهاء من الخلاف السائغ الذي لاضير في الاخذ بأى من الرايين المشكله بقي في ايه ان اللي بياخد طريق اتعلم كل حاجه ده بييجي علي اخر الامتياز بيبقي مش عارف هو عاوز ايه وده الخطر بجد ولو كان قرر حاجه بيبقي معرفش عنها اللي هو عاوزه كله بص في الامتياز اهم حاجه علي الاطلاق اتعلم طوارئ مهما كان هتاخد ايه بعد كده وممكن شويه نسا علي اطفال خفيف خفيف كده.....بس يا معلم بعد كده شوف انت عاوز ايه وارشأكما تحب لان اي حاجه غير دول واللي انت عاوز تتخصص فيه هتتعلمه في الامتياز هيتنسي ومش هتستفيد بيه حاجه
لا ملهاش لازمه يا رجل ريح نفسك وروق عالاخر وعيش حياتك مهم اوى اوى اوى في الامتياز تعيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــش حياتك 
بصي يا دكتورة كل شهرين في الامتياز او برانش يعني يعتبروا مستقلين وليهم ورق وحدهم النقل ممكن جدا تروحي شئون العاملين في جامعتك تاخدى جواب الترشيح تروحي بيه الوزارة وتقوليلهم عاوزة اروح مديريه كذا (قولي اسم المستشفي وهم هيعرفوا مديريه ايه) تاخدى جواب التحويل من الوزارة الي المديريه يدوكي جواب توزيع للمستشفي اللي انتي عاواها بس يفضل قبل متروحيلهم خدى موافقه المستشفي الاول وتروحي بيها لانهم ممكن يبعتوكي اى حته مش عاوزها
علي حسب التخصص اللي انتي عاواه بيفرق من مكان لمكان وتخصص للتاني بس حتي لو مش هتتعلمي هيفرق تتعرفي الدنيا عامله ايه في القاهرة لو ناويه تكملي هناك مش هيبقي اول نزول ليكي في النيابه
كارديولوجي ----تخدير-----مسالك------الي حد ما ال ICU -------الجلديه ممتازين في بني سويف الباطنه العامه-----الاطفال يمشوا الحال مش وحشين اوى يعني بس الفرق كبير في القصر غير كده وبلا استثناء ...............بلاش كلام احسن انا تقريبا اعرف كل نواب الجامعه في معظم التخصصات متلبسيناش الغلط يا دكتورة بقي
روحي علشان تعرفي هتستحملي الغربه وللا لا التعليم مش مشكله دلوقتي اوى بالنسبه للتخصص ده بس اهو تفهمي هم بيعملوا ايه بالظبطمشكله الاشعه انه تخصص لا ندرس عنه اى شئ في الكليه وممكن جدا تروحي المعهد انا امتياز التخدير بتعي خدته هناك لما تنوى بس لو موصلتيش ابعتيلي وانا ادلك عالطريق بس هو سالك يعني زى ماشرحت فوق بس مش هتروحي الوزارة الورقه من الجامعه عندك في بني سويف للمعهد علطول بس كده
الموضوع ده متعلق جدا بشخصيتك حازمه وبتخلص وعارفه انتي عاوزة ايه وللا متشتته والكلمه توديكي وتجيبك من الاخر كده حددى من الاول تخصصين تلاته جربي حالك فيهم واثبتي علي واحد فيهم وانتهت ابدأى تفكير بقي هتحسني نفسك في اتخصص ازاى وعاوزى توصلي لحد فين فيه
|
|
#4
01-01-2008, 12:41 AM
|
|||
|
|||
|
موضوع ممتاز و رائع يا مصطفى
شكرا على المجهود القوي
|
|
#5
01-01-2008, 01:00 AM
|
||||
|
||||
|
مجهود جميل جدا
ربنا يبارك فيك يادرش
__________________
 زمالة الجراحة MRCS واسالة الجزء الاول والجزء التانى الزمـالـة البـريـطـانـيـة للبـاطـنـة و الأطـفـال نـايــــب زايــــر شهادة جديدة من الكلية الملكية لجراحة الأنف والأذن والحنجرة ------------ تفائلوا بالخير تجدوه.. وهننجح ان شاء الله ونحقق اللى نفسنا فيه ------------
|
|
#6
01-01-2008, 02:34 AM
|
||||
|
||||
|
خلاص انا عن نفسى بأمر الله ناوى على الاورثو
و غالبا هروح احمد ماهر ان شاء الله عشان هو اقرب تعليمى لى و برده زى ما انت قلت هعرف الاساسيات بتاعة كل برانش فى الشهرين بتوعه و غير كده راشق فى الاورثو ان شاء الله بس بفكر انى انزل ابص فى استقبال القصر و الدمرداش كده بشكل غير رسمى و فى حاجة كمان مش عارف اذا كنت هستفيد من التدريب فى صيدلية ولا لأ مادام ناوى على جراحة؟؟ انت ايه رأيك؟؟ بالنسبة بقى للبرايفت الى انت قلت عليه ده الواحد يوصله ازاى يعنى ياريت لو تظبطنى كده فى حوار معمل ولا حاجة يا مصطفى
__________________
USMLE full course DVDs  أخر تعديل بواسطة ghadanfar ، 01-01-2008 الساعة 02:35 AM
|
|
#7
01-01-2008, 04:26 AM
|
||||||||||||||||||||||||||||||||||||||||||||||
|
||||||||||||||||||||||||||||||||||||||||||||||
منور الموضوع يا كبيرنا وشكرا لردك
واياك يا احمد بيه
|
|
#8
01-01-2008, 04:30 AM
|
||||||||||||||||||||||||||||||||||||||||||||||
|
||||||||||||||||||||||||||||||||||||||||||||||
فكرة تمام وهيترحب بيك جدا هناك
استفاده ماديه ممكن .........انما تعليم لا علي فكرة الشغل في صيدليه اكتر برايفت متعب في الامتياز وشغله ممل ودخله مش اد كده انت تأمر من عنيه أستلم انت الامتياز واستقر في مصر انا وان شاء الله ربنا يقدم الصالح....انت خيرك سابق يا معلم
|
|
#12
01-01-2008, 03:37 PM
|
|||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||
امين شكرا يا محمود ده بعض ما عندكم
جزانا الله واياكم يا دكتور .........شكرا لردك الجميل
جزانا واياك يا دكتورة ربنا يوفقنا جميعا الي ما يحب ويرضي
|
|
#13
01-01-2008, 08:04 PM
|
|||
|
|||
|
شكرا جزيلا لك على مجهودك الرائع والمتميز فعلا
وجزاك الله كل خير انا لسه مخلص امتحانات سنة سادسة اول امبارح بس "ادعولي بقى في النتيجة ربنا يكرمنا ان شاء الله" انا من طب المنوفية و ناوي ان شاء الله اخد الامتياز في القاهرة واكمل هناك حضرتك كنت قلت لو واحد بيفكر في الزمالةالبريطانية للباطنة مثلا ,يذاكر في سنة الامتياز عشان يمتحن اول جزء اول مايخلص امتياز؟؟ ولا في راي تاني؟؟ وتنصحني اروح فين من المستشفيات التعليمة؟ وشكرا جزيلا
|
|
| أدوات الموضوع | |
|
|
