 |
 |
 |
||
|
|
|
||
 |
|
 |
|
 |
||||||
| أبرز مواضيع المنتدى |
    |
|
 |
|
|
أدوات الموضوع |
|
|
|
||
|
|
|
||
|
|
|
|
|
||||||
| أبرز مواضيع المنتدى |
|
|
|
|
|
أدوات الموضوع |
|
#1
07-12-2007, 03:17 PM
|
|||||||||||||||||||||||
|
|||||||||||||||||||||||
|
نـايــــب زايــــر
السلام عليكم ورحمة الله وبركاته
ان شاء الله الموضوع ده عايز الم فيه معلومات عن النايب الزاير .. لانى ان شاء الله ناوى عليها واعتقد فيه منكم بيفكر فيها ..بس ناقصنا معلومات رحت امبارح مستشفى الحسين الأزهرى وسالت عن النايب الزاير .. عند شؤون الاطباء المهم قابلت واحدة اسمها مدام فاطمة وبصراحة كانت سلسة معايا فى اجاباتها وقالت لى المطلوب : شهادة البكالوريوس والامتياز و صورة البطاقة و ورقة بموقفك من التجنيد و موافقة من رئيس القسم اللى هتروحه و 100 جنيه فى الشهر وزى ماقال الدكتور تامر اننا هنحتاج موافقة جهة العمل او استقالة او اجازة بدون مرتب ويمكن الست ماقالتليش ع النقطة دى عشان انا قلت لها انى امتياز وبسال عشان بعد كده
سالتها : بيدققوا فى التقدير او فيه تقدير معين قالت لى لا .. طيب من الاخر يعنى فيه صعوبة وكده ولا ايه .. قالت لى احنا اسهل جامعة على فكرة فى النايب الزاير طيب فيه فلوس يعنى بتتدفع فى الاول وكده ولا ايه ... قالت لى لا ..بس هى ال 100 جنيه بتتدفع فى اول الشهر والتقديم امتى .. قالت اى وقت -------------- بعد كده طلعت على مستشفى احمد ماهر التعليمى سالت هناك عن شؤون الاطباء .. ردت عليا موظفة وقالت لى شؤون العاملين فوق فى الدور التالت .. قلت لها احنا امتياز وعايزين شؤون الاطباء نسال فيها عن حاجة .. قالت لى بصوت عالى وكانى استفزيتها  ..شؤون العاملين مسؤولة عن كله من اولالامتياز للاستشارى .." يعنى من الاخر احنا هناك تبع العاملين ".. قلت لها شكراا وطلعت المهم رحت لرئيسة الشؤون .. وبصراحة ماكانش عندها معلومات كتير تفيدنى بيها .. بقوللها فيه حاجة زى النايب الزاير عندكم او تعاقد مثلا او كده لقيتها دخلتنى فى حوار تانى وانتم ايه دلوقتى .. قلت لها امتياز قالت لسه التكليف ولما يخلص وتتوزع النيابات ممكن تاخدوا عندنا قلت لها السؤال تانى .. وشرحت لها .. المهم قالت لى اه عندنا ممكن تتدرب بفلوس ... وقالت : "تقريبا " عندنا بتدفع على الاسبوع او الاسبوعين .. قلت لها كم قالت لى 250 جنيه ورئيس القسم تجيب موافقته عليها قلت لها والفترة قد ايه يعنى .. كم شهر ولا حسب رئيس القسم مايحدد .. فكرت ثوانى وقالت حسب رئيس القسم مايحدد نزلت من عندها مش مرتاح اوى لكلامها .. حتى وانا نازل لقيت مشّـادة او خناقة بين اهل مريض وبين حكيمة تقريبا .. وحتى لقيت الحكيمة بتقول لها انتى اصلا "بيئة " بصراحة الكلمة رشقت فى ودانىوخاصة وانا رايح للمستشفى بعد مانزلت من الميكروباص ومشيت للمستشفى كنت ماشى فى حتة شعبية اللى هى فى ضهر المستشفى انما واجهة المتسشفى على شارع عمومى واسع ونضيف ماعلينا ... ياريت بقى اللى عنده معلومات عن النايب الزاير يقول عنها وكمان ان شاء الله لو جبت معلومات اخرى نناقشها هنا
__________________
 زمالة الجراحة MRCS واسالة الجزء الاول والجزء التانى الزمـالـة البـريـطـانـيـة للبـاطـنـة و الأطـفـال نـايــــب زايــــر شهادة جديدة من الكلية الملكية لجراحة الأنف والأذن والحنجرة ------------ تفائلوا بالخير تجدوه.. وهننجح ان شاء الله ونحقق اللى نفسنا فيه ------------ 
|
|
#2
07-12-2007, 04:16 PM
|
||||
|
||||
|
متهيألى كلام الموظفة بتاعة احمد ماهر ده يشوبه شىء من التأليف و الخلط
نصيحتى: شوف انت عايز تتدرب فى انهى قسم و روح اسأل اى دكتور هناك و برده شوف المطرية و الساحل انا متهيألى المطرية جامد
__________________
USMLE full course DVDs 
|
|
#3
07-12-2007, 04:23 PM
|
||||
|
||||
|
فرصه القبول كبيررة
لكن المشكله انك مش هتمد ايدك في حاجه ولا عتتعلم في زاير الجراحه لان النايب الاساسي مش هيسيبك طبعا......وان كان يقال من مصدر موثوق ان في الازهر زاير الجراحه بيمد ايده وبيشتغل اسأل واتأكد ممكن بأجازة بدون مرتب بعد استلام التكليف ب 6 شهور بس هتبقي لاسباب اخرى زى رعايه الابوين وخلافه لكن للتعلم لا في سنه تفرغ للدراسه بعد الفيرست وليس قبل ذلك والاجازة دى علي حسب المديريه اللي انت تابع ليها بتحتلف من مكان لمكان بس خللي بالك ان الاجازة دى مش من مده خدمتك يعني لو نزل اعلان نيابات زاشترطوا سنه تكليف في اللي بيقدم هتبقي انت برة لانك مقضي 6 شهور بس انت عاوز نايب جراحه ايه بالظبط يا احمد عامه وللا حاجه special
__________________
أخر تعديل بواسطة taba05 ، 07-12-2007 الساعة 04:30 PM
|
|
#4
07-12-2007, 04:38 PM
|
||||
|
||||
|
بالمرة كمان نقول
في معهد الاورام النايب الزاير ممكن 3 او 6 شهور او سنه كامله السنه ب الفين جنيه تدفع مرة واحده الموافقه علي حسب القسم اللي انت ناوى عليه القصر مجانيه من غير فلوس بس جراحه صعب انك تشوف اوضه العمليات(انا رايح القصر اقدم خلال الاسبوع اللي جاى او اللي بعده لو تحب تسأل عن حاجه كلمني او تروح معايا لو حبيت) انت سهل توصللي اوى الورق في القصر زى المعهد صور من شهادات التخرج الامتياز البطاقه الخصوصيه موافقه جهه العمل او شهادة طبيبحر(كله صور مش عاوزين اصول)
|
|
#5
07-12-2007, 04:53 PM
|
||||
|
||||
|
يعنى اللى ياخد نايب زائر لازم برضه يكمل تكليفه الاول ولا ايه
|
|
#6
07-12-2007, 05:00 PM
|
|||||||||||||||||||||||
|
|||||||||||||||||||||||
شكرا يادكتور على ردك انا ناوى ان شاء الله على جراحة .. وفعلا انا اسمع ان مستشفى المطرية كويسة .. زى الجلاء كده واحمد ماهر وطبعا دول مستشفيات صحة ومافيهاش كلمة نايب زاير زى الجامعة انما تعاقد او تدريب لفترة محددة بفلوس وده اللى كنت عايز اسال عليه فى احمد ماهر ورئيسة الشؤون دى مادتنيش عقاد نافع ------- ياريت لو تقول لى على عنوان مستشفى المطرية وإزاى اوصل لها بالمواصلات لو تعرف .. واكون شاكر ليك
|
|
#7
07-12-2007, 05:05 PM
|
||||
|
||||
|
يادوك انا معت من كل زمايلى اللى ف الازهراو عين شمس ان موضوع الفزتور ده بيكون مكانته ووضعه ف القسم حسب الظروف يعنى ممكن واحد فزتور ف مكان كل اللى ف المكان بيركبوه وواحد تانى مظبط نفسه وله حد ف القسم هيتظبط ويتعلم عادى جدا وفيه اقسام اصلا benign بطبعها معندهمش العقد دى لكن انا اعتقد ان انسبهم وارخصهم واسهلهم هو الازهر انا شخصيا عاوز فزتور طب طبيعى وتاهيل ان شاء الله ف الازهر او عين شمس لانى عرفت ان دول احسن مكانين فى هذا التخصص
اللى اعرفه بالنسبة لحتة التكليف او الاجازة دى انك يااما تجيب ورقة طبيب حر يعنى تستقيل او تضرب ورقة او تجيب اجازة او موافقة جهة العمل فى بعض الاقوال بالتوفيق ياجميل وهقولك حتة كده لو انت عرفت حد يظبطك بريفت فى مستشفى صاحبها استاذ جراحة ف احد الجامعات المناسبة ليك كفزتور لو خدت شفتات جىبى هناك هتكون فرصة تتعرف عالراجل وتقف معاه ف عملية مثلا او تكلمه ف الموضوع وهو يسهلهولك دى مجرد فكرة جاتلى يعنى
__________________
  "This part of my life,I call ,riding the bus!"  "مكبوتة ف قلبى احلام محسورة وحطام افكار أيتام مبتورة وآمال مطوية بتعافر فيا وكأن اوانى كان لسه شوية !" dr-volcano A man's mind once stretched to a new idea,never returns back to its original dimensions!! "ان لى نفسا تواقة" عمر بن عبد العزيز رضى الله عنه
|
|
#8
07-12-2007, 05:29 PM
|
||||
|
||||
|
شكرا يادكتور " taba05 " على ردك وتفاعلك معايا فى الموضوع
بخصوص ان النايب الزاير مش هيمد ايده ده كلام سمعته قبل كده بس اتضح لى ان فيه مبالغة كبيرة ... إذا كان هنا فى المنصور نايب الزاير فى الجراحة بيشتغل وحتى له سلطة على النواب اللى هيتثبتوا بس اتعينوا بعد منه .. سلطة بالاقدمية يعنى اصغر نايب بيشيل الديرتى ورك .. يعنى تغيير ع الجرح والذى منه.. وده من كلام واحد صاحبى لسه متعين نايب جراحة فى جامعة المنصورة وهو من الاوائل بس مش فاكر ترتيبه .. يعنى مش زاير وقاللى انهم شغالين كلهم .. النواب العاديين والفيزيتور حتى قاللى انهم فيما معناه بيزاحموا بعض ع الشغل بس الواحد عايز ياخد نايب زاير فى مكان فيه شغل كتير وناس كويسة زى الازهر سمعت عنها كلام كويس اوى من ناس اصحابى كانوا فيها امتياز وحتى واحد صاحبى كان هناك نايب.. كذلك برضه سمعت عن مستشفى احمد ماهر كلام كويس اوى بس الواحد معرفش يوصل لمعلومات كويسة بخصوص التعاقد معاهم --------------------- سيبك من موضوع الاجازة دلوقتى .. مش ده اللى يهمنى حاليا اللى يهمنى حاليا اعرف تفاصيل اكتر عن تقديم للنايب الزاير او تعاقد للتدريب مع مستشفى زى احمد ماهر او المطرية --------------------- بخصوص معهد الاورام .. اللى فين بالظبط ؟ يعنى القاهرة .. انا اسمع ان فيه واحد فى دمياط كمان تقصد اى واحد ؟ وبعدين هوه كمان الاورام فيها اقسام ؟ جديدة دى عليا .. والتكاليف دى انت متاكد منها ؟ ----------------------- فكرة كويسة انى اجى معاك .. احب طبعا اجى معاك ضيفنى عندك ع الايميل بعد إذنك عشان نتفق هتروح امتى spacer5 عالهوتميل او spacer5_5 عالياهو
|
|
#9
07-12-2007, 07:16 PM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||
بص يا باشا انت بتتكلم عن جامعات اقليميه وهي تختلف كليا وجزئيا عن جامعات القاهرة وخصوصا القصر وعين سمس انسي صدقني ليه بقي الجامعات الاقليميه مهما كانت الواسطه بتلاقي الاتي فيه نواب برضو نسبه مش قليله بيتعينوا بدراعهم وان كان ليهم وسايط هم مش متأصلين في الوسايط هم اصلهم ناس غلابه والواسطه حاجه طارئه عليهم ولذلك بيتلاقيهم غلابه الاستف برضوا منهم كتير بيبقوا مش ولاد دكاترة ومنهم كمان اصلا اللي حضر في القاهرة وسابها لما نفسه هيداس وسط المصالح والفساد او سابها علشان يرجع بلده او اسباب اخرى ودول بيبقوا مستواهم العلمي ممتاز طبعا لكن برضوا بيغلب عليهم اصلهم الطيب المحترم وبيساعدوا الكل جامعات الاقاليم زى ما قلت البلد صغيرة والنايب اللي بيتعين حتي النايب السنيور بيبقي صاحبك يمكن من قبل الكليه اصلا ومينفعش ييجي يعيش عليك اللحظه دلوقتي يعني ولازم يسبك تتعلم عموما لو نزلت معايا هحاول اظبط نواب زمايلنا في القصر جراحه وهم يقولولك ويارب يخلف ظني ياسيدي نبقي مع بعض طبعا نايب زاير اى تخصص باطنه مش بس هيشتغل هيتسحل شغل الكلام عن الجراحات
اتكلمت عن الموضوع ده لانك بتقول يبقي الموضوع ده مشاركه متكامله عن النايب الزاير مش بس الموضوع الخاص بيك انت
انا بتكلم عن المعهد التابع لجامعه القاهرة وهو جنب القصر الفرنساوى بعد معهد السكر والكبد علطول ومتأكد طبعا الاقسام طبعا اللي هي زى الاشعه التخدير الباطنه الكلينيكال باثولوجي طبعا بجانب الجراحه يعني ده اللي فاكرة يمكن يكون فيه تاني الله اعلم
ضيفتك يا معلم ومستنيك تكلمني بعد العشا اوفي اى وقت براحتك
|
|
#10
07-12-2007, 08:19 PM
|
|||||||||||||||||||||||
|
|||||||||||||||||||||||
|
يادكتور " taba05 " انا بأجيب لك
مثال عن صديقى النايب فى الجراحة فى جامعة المنصورة أولا لان جامعة المنصورة متعبة وبعدين الامتياز عندنا مابيشتغلوش زى اصحابنا اللى راحوا حولوا امتيازهم فى الازهر او احمد ماهر التعليمى والكلام ده ماسمعتوش من واحد بس .. ده كذا واحد زميلى اكد لى انه اشتغل هناك حلو اوى يعنى اذا كان الامتياز بيشتغل هناك يبقى النايب الزاير هيبقى إزاى .. كمان صاحبى ده نايب فى اكتر قسم مش بأطيقه فى جامعة المنصورة وشفت مع القسم ده الويل فى امتحان الراوند والكلينيكال اخر السنة ومع ذلك والله نوابه لما تقف معاهم فى العمليات تلاقيهم من احسن النواب وحتى انهم فاهمين كويس ان الستاف الكبير ده معقّـدها مع الطلاب ----------------------
عندك حق ... الموضوع ده للمشاركة طبعا عن النايب الزاير مش ليـّـا انا بس --------------------- شكرا على الاضافة يادوك .. المسنجر اتشرف بيك
|
|
#11
10-12-2007, 11:08 AM
|
|||
|
|||
|
متكملوا كلام هنا مش على الايميل
عشان احنا متابعنكم :)
__________________
اذكرالله        ---------------------------------------------------- مكتبة الكتب الطبية تحميل مباشر متجدد
|
|
#13
10-12-2007, 03:27 PM
|
||||
|
||||
|
السلام عليكم ورحمة الله وبركاته
سألت فى جامعة المنصورة عن النايب الزاير طلع الشهر بـ 200 جنيه ويدفع مقدم طبعا على الاقل لكل 3 شهور .. يعنى مش كل شهر او شهرين تدفع 600 جنيه لكل 3 شهور المدة ؟؟ ... قاللى سنة واحدة وممكن تجددها وال maximum 3 سنين طيب ينفع اقدم على ماستر ولا لاّ ؟ ... قاللى دى بقى تروح تشوف فى الدراسات العليا هناك تبعهم طيب التقدير بيدققوا فيه ولا ايه ... قاللى " يعنى " ع الاقل تكون جايب جيد .."اعتقد ده رايه الشخصى" المهم ... قاللى طبعا على " صور " شهادات البكالوريوس والامتياز والبطاقة وموقفك من التجنيد ... قلت له ايه بقى موقفى من التجنيد ده .. يعنى استنى لغاية ماروح اخر السنة الجاية واشوف هادخل الجيش ولا ايه ... قاللى تجيب ورقه انك مؤجل لك التجنيد قلت له ممكن واحد يدخل نايب زاير ويتطلب فى الجيش ويروح الجيش ويرجع تانى ... قاللى اه بس تجيب ورقة انك دخلت الجيش وكده " كل حاجة بالاوراق يارجّـالة " قلت له يعنى فيه صعوبة ولاّ ايه .. انا عايز جراحة .. قاللى الجراحة " حلو " .. يعنى يقصد مفيش صعوبة طبعا .. بجانب الكلام ده وضّـح لى انى بعد مااستلم التكليف والذى منه .. اجيب بعد كده موافقة جهة العمل .. او ورقة طبيب حر ان شاء الله لو فيه كلام جديد .. هاكتبه والسلام عليكم
|
|
#14
10-12-2007, 03:34 PM
|
|||||||||||||||||||||||
|
|||||||||||||||||||||||
طبعا النايب الزاير دى فى المستشفيات الجامعية مش فى مستشفيات الصحة ... انما التدريب ده بقى على حسب مافهمت من رئيسة شؤون العاملين فى مستشفى احمد ماهر .. بيبقى فترة محددة وبتقوللى على كل اسبوع او اسبوعين 250 جنيه تقريبا  مش واثق فى كلامها اوى الصراحة .. ومش عارف السعر ده مظبوط ولا لا انما فى مستشفى الجامعة ماسالتش عن التدريب بفلوس لو حد عنده معلومات عنه يقول .. وانا ان شاء الله هابقى احاول اسال عنه
|
|
#15
10-12-2007, 03:52 PM
|
|||||||||||||||||||||||
|
|||||||||||||||||||||||
بسم اللة الرحمن الرحيم واللة انا لى وجهة نظر انا شايف ان النائب الزائر يفضل يكون فى بلدة لية بقى لانك طوول اليوم هتموت من التعب والشغل يبقى لازم تروح تلاقى بيتك موجود دى حاجة الحاجة التانية من خلال اللى شفتة النايب الزائر واحد او بصيغة اخرى حظوظ يعنى ممكن تقول الازهر حلو او المنصورة حلوة وحظك انت اللى يبقى وحش يا جماعة لك لمجتهد نصيب اللى عاوز ياخد زاير ياخد فى اى حتة ولو اجتهدت هتفرض نفسك وهتتعلم والكل هيحترمك صاحبى زاير عضم فى الازهر وهو من المنصورة رجع تانى المنصورة وصاحبى زاير قلب فى المنصورة وهو ازهر بيحترموة هناك اوى وشغال زى الفل مش فكرة القسم حلو او الجامعة حلوة او وحشة الفكرة ان القسم يقبلك وخد مكان يكون مناسب ليك من ناحية السكن والاكل والشرب ومتقولش هاكل وانام فى المستشفى دة كدة كلام مش مظبوط اكيد هتحتاج مكان مناسب عشان تعرف تشتغل كويس فى القسم دة رايى البسيط ةلكم الشكر وربنا يوفقكم جميعا بالمناسبة يا احمد نصيحتى ليك وانت عارف انك اخويا خج فى المنصورة وسيبك من انك متعقد منها كونك طالب فيها حاجة وكونك دكتور بتشتغل حاجة انت مش بتاع بهدلة يا بنى ولك الشكر والتقدير
|
|
| أدوات الموضوع | |
|
|
