لوّن صفحتك
لوّن صفحتك
|
|
|
#1
24-02-2006, 03:11 PM
|
||||
|
||||
|
حصريا ولاول مره على اى منتدى عربى شرح كامل وشامل للعملاق ((EasyCAFE))
   بسم الله الرحمن الرحيم والصلاه والسلام على اشرف المرسلين وخاتم النبيين ورحمه الله للعالمين سيدنا محمد وعلى آله وصحبه اجمعين بناء على طلب عدد كثير جدا من الاعضاء قمت بعمل شرح لبرنامج ((ايزى كافيه)) وهوغنى عن التعريف وممتاز فى اداره السايبر والبرنامج لمن قام بتجربته هو واحد من افضل برامج التحكم فهو يقوم بحساب وقت للاجهزه وتحديد وقت فتح وغلق الجهاز اوتوماتيكيا دون تدخل منك كل ما عليك هـو ضبط الجـهاز عـلى وقـت معين وبـعدها يـقوم الجهاز (بفصـل)نفـسه اوتوماتيكيا وليـس غلق وسـوف نـعرف الــفرق بـينهـم اثنـاء عمليه الـشرح وخـلاصـه الكـلام فـان هــذا الـبرنـامـج وبـدون مبـالغه يـقـوم بتوفـير 70 % مـن مجهودك واللى جـرب البرنامج يعرف الكلام ده والـلى مـجربش ميعرفش ايه الـلى فـايته بسم الله نبدأ اولا : قم بتحميل البرنامج + الكراك فى الرابط التالى genius_amns وبعد فك الملف المضغوط سوف يظهر لك البرنامج بالشكل التالى  قبل كل شى يا جماعه لازم تفتحوا دماغكم معايا عشان البرنامج شرحه طويل وعايز تركيز ركزوا معايا لو سمحتوا ومن فضلكم الهدوء التام التــــام لازم نعرف ان البرنامج بيتسطب على الجهاز ((السيرفر بطريقه)) وعلى الجهاز(( الكلاينت)) بطريقه تانيه خالص خليكوا معايا اولا خليـنا الوقت فى عمليه تسطيب الجهاز السيرفر قـم بتسطيب البرنامج من هنا  وخليك مع الصور واحده واحده عشان متغلطش فى حاجه            البرنامج هيطلب منك ريستارت وافق على عمل Restart  كده يبقى البرنامج اتسطب تمام والايقونه ظهرت على الديسكتوب زى ما انت شايف  كده جه وقت الكراك برضوا خليك مع الصور   نكمل فى الصفحه اللى بعديها
__________________
  موضوعاتى فخر مواضيع موقع الدي في دى العربى شخصيات غيرت التاريخ (( توماس اديسون )) رجل الألفيه ملف شامل بالصور حصريا ولاول مره على أى منتدى عربى شرح كامل وشامل للعملاق EasyCafe شخصيات غيرت التاريخ (( أسحق نيوتن )) ملف شامل بالصور
أخر تعديل بواسطة ahmedanas ، 05-03-2006 الساعة 09:54 AM 
|
|
#2
24-02-2006, 03:11 PM
|
||||
|
||||
|
بعد ما ما تاخدها روح لمجلد البرنامج فى program files
هتلاقى اسمه Tinasoft حطه هناك  بعدين خد منه للدسكتوب عشان مش كل ماتحتاج تشغله تدخل ملف البرنامج (( قديمه انا عارف)) اتفقنا انك هتاخد Shortcut اعمل زى اللى فى الصوره بالظبط  بعد كده هتلاقى البرنامج عندك على الدسكتوب زى اللى فى الصوره شغله ومتخافش    طبعا كله دلوقت هيسأل ايه هيه الباسورد هيه EASYCAFE بس خلى بالك الباسورد لازم تكون بالاحرف الكبيره هيعنى Caps Lock لازم يكون مفتوح وانت بتكتب الباسورد  بعد كده هتظهر لك الشاشه ديه  معنى كده ان السيرفر اتسطب معاك بنجاح والحمد لله وكده يبقى فاضل خطوه واحده للسيرفر وهيه استخراج ال خلى بالك معــــــــايا ناتى الان الى عمليه استخراج ال اى بى من الجـــــــهاز السيرفر وهذا ال Ip هو الذى سيحدد الجهاز الســـيرفر اى الجهاز الذى نريده ان يصبح هو المتحكم فى باقـــــى الاجـهزه خلــــيك مــــع الصـور واحـده واحــده اولا افتح قائمه Start ثم اتبع الصور   بعدها تقوم بكتابه هذا الامر كما موضح بالصور ipconfig  بعد كده هتظهرلك حاجات كتير ملناش دعوه بيهم اهم حاجه Ip Address كما فى الصوره الرقم اللى يظهرلك قصاد Ip Address اكتبه فى ورقه او احفظه عشان هنحتاجه بعدين ((مهم جدا))  اما الآن وقد انتهت عمليه تسطيب البرنامج على الجهاز السيرفر واستخراج ال IP بنجاح تاتى الآن مرحله تسطيبه على الاجهزه التابعه 
|
|
#3
24-02-2006, 03:12 PM
|
||||
|
||||
|
نأتى الآن الى عمليه تسطيب البرنامج على الجهاز الكلاينت ((Client))
نقوم بتسطيب البرنامج من هــذه الايكونه كما هــو موضح فى الصوره  خلى بالك كويس قوى من الحته اللى جايه ديه فى السيرفر كنا بندوس next على طول لا هنا بقى اختار الاختيار التانى زى اللى موجود فى الصوره تمام اهم مرحله فى تسطيب الكلاينت  بعد ما تعمل الخطوه ديه صح كمل التسطيب عادى زى اللى فى الصور   كده البرنامج اتسطب خلاص اختار Yes لبدء تشغيل البرنامج   هنا البرنامج بيطلب منك IP اى بى بتاع الجهاز السيرفر اللى احنا جبناه من شويه طبعا اتفقنا ان انت حفظته او كتبته فى ورقه هات ال IP وحطه زى الصوره ودوس OK  بعد كده هتظهرلك الشاشه ديه على الجهاز الكلاينت معنى كده ان البرنامج اتسطب بنجاح على الكلاينت طبعا الخطوات ديه اعملها على كل الاجهزه اللى عندك اللى انت عايزها تبقى كلاينت  طبعا كـل ما هتسطب البرنامج عــلى جهاز هيظهر هناك عـلى الـجهاز السيرفر ((طبعا انت كل شويه هتروح تبص على السيرفر عارف انا الحركات ديه )) بعد ما تخلص كل الاجهزه ارجع للسيرفر هتلاقى الاجهزه كلها ظاهره وكده يبقى خلصنا تسطيب البرنامج على الكلاينت والسيرفر وندخل بقى على ال Option اللى فى البرنامج طبعا لما بتفتح السيرفر بتلاقى الاجهزه كلها ظاهره عندك بس هيكون لونها ازرق زى كده  نبدا شرح اوبشن البرنامج واحده واحده خليك مع الصور اولا ندوس Right Click كليك بيمين الماوس على اى جهاز تظهر مجموعه من الخيارات كما هو موضح بالصوره اول اختيار وهو Login لفتح الجهاز بدون وقت معين  لو عايز تعرف الوقت بتاع الجهاز اللى انت فتحته ب Login هتلاقيه جنب كلمه Time Used تحت بص على السهم  هذا الخيار لفتح الجهاز بوقت معين وانت تختار الوقت كما هو موضح بالصور وتختار اذا كان هذا الجهاز سوف يكون فى فتره العاب او دخول للانـترنت  ونختار الوقت بالدقائق كما فى الصوره يعنى لو عايز تكتب ساعه اكتب 60 نصف ساعه 30 وهكذا  وبعد انتهاء المده التى حددتها سواء ساعه او نصف ساعه يقوم البرنامج بفصل نفسه اوتوماتيكيا ومعنى ان البرنامج يقوم بفصل نفسه هو ظهور الشاشه الزرقاء كما بالصوره فى الاسفـــــــــــــل هذا الخيار ((لفصل)) الجهاز وليس ((غلق)) واحنا خلاص عرفنا الفرق بين فصل وغلق فصل يعنى هتظهر الشاشه الزرقاء بدون ما الجهاز يتقفل  هذا الخيار لتغيير الجهاز بمعنى اذا كان هناك شخص يجلس على جهاز معين وعايز يقوم يقعد على جهاز تانى متقلقش اختار الاختيار ده والبرنامج هيحفظ الوقت من اول ما الجهاز التانى اتفتح يعنى البرنامج بيكمل على الوقت بتاع الجهاز اللى قبله مش بيبدأ من جديد  لما تختار الاختيار ده البرنامج بيديلك قائمه بالجهزه اللى فى فتر راحه يعنى الاجهزه اللى مش شغاله زى اللى فى الصوره وانت اختار الجهاز اللى انت عايز تنقل عليه  هذا الخيار اذا قمت بفتح جهاز بوقت معين ثم اردت اغلاقه والخروج منه نهائيا يعنى تفصل الوقت بتاعه  والفرق بين هذا الاختيار وبين Logout هو انك عند اختيار Logout يمكنك فتح الجهاز ليستكمل من وقت ما تم فصله عن طريق هذا الاختيار  هذا الاختيار اذا قمت بتحديد وقت معين لاى جهاز ثم اردت زياده الوقت قبل ان يتم فصل الجهاز 
|
|
#4
24-02-2006, 03:13 PM
|
||||
|
||||
|
نستكمل الشرح
هذا الاختيار يمكنك من اخذ سكرين شوت Screen Shot للجهاز الاخر اى مشاهده مايدور على شاشه الجهاز الاخر عن بعد  مثال  اما هذا الخيار يمكنك من غلق البرامج او صفحات النت او الالعاب من الجهاز الآخر  عند الضغط عليه تظهر لك شاشه بها جميع البرامج او الصفحات التى تعمل على الجهاز الآخر اذا اردت اغلاقها اضغط بيمين الماوس سيظهر لك خيارين الاول وهو لغلق الشى الذى قمت بتحديده فقط يعنى لو كنت عايز تقفل الياهو ماسنجر بس دوس عليه بيمين الماوس ثم اختار الاختيار الاول Close Application كما هو موضح بالصوره  اما اذا اردت غلق جميع البرامج النشطه اختار الاختيار الثانى كما هو موضح بالصوره بالاسفل  اما هذا الخيار فهو لتحميل اى شى الى اى جهاز من الاجهزه الكلاينت وهناك خيارين اما للتحميل للجهاز الذى قمت باختياره فقط او التحميل لجميع الاجهزه  اما هذا الخيار فهو يقوم بنفس وظيفه الخيار السابق ولكن بعد القيام بتحميل الملف الذى تريد رفعه الى الجهاز الآخر فانه يقوم بتشغيله اوتوماتيكيا وينصح بالا ترفع ملفات كبيره الحجم  اما هذا الخيار للتحكم فى اعدادات الصوت بالجهاز الكلاينت سواء رفع الصوت او خفضه يعنى لو حد مزعج اكتمله الصوت خالص  اما هذا الخيار يمكنك من الدخول على الشيرنج فى الجهاز الآخر يعنى Shared Files اى حاجه انت عامللها شيرنج  اما هذا الخيار يمكنك من فتح اى صفحه نت على الجهاز الكلاينت عن طريق كتابه العنوان الذى تريد فتحه وهو يقوم بالفتح على الجهاز الاخر  مثال  هذا الخيار لمعرفه معلومات عن الجهاز الذى قمت بتحديده يعنى الجهاز ده كام برتشن والمساحه الفاضيه والمساحه المستغله  مثال  هذا الخيار ايضا لقفل البرامج النشطه فى الجهاز وقد قمنا باستعراضه مسبقا ولكن للعلم  هذا الخيار باين من شكله مش محتاج شرح  وهذا الخيار ايضا واضح لاظهار او اخفاء قائمه ستارت Start Button  وهذا الخيار ايضا لاخفاء او اظهار شريط المهام  كوبايه شاى وراجع تانى  
|
|
#5
24-02-2006, 03:14 PM
|
||||
|
||||
|
I'm Back
اما هذا الخيار فهو لقتل الجهاز الكلاينت والمقصود بقتله هنا هو خروج الجهاز عن دائره التحكم اى انك تفقد ميزه التحكم فى الجهاز بمعنى ان انك متعرفش لا تراقب الجهاز ولا تقفله ولا تفتحه ولا تعمل فيه اى حاجه وانا بصراحه مش عارف اللى اخترع البرنامج عمل الخيار ده ليه  اما هذا الخيار للتحكم فى الاجهزه الاخرى ولكن التحكم هنا يتمثل قى اخفاء لوحه التحكم او اخفاء اعدادت الشبكه او حتى اخفاء بارتشن كامل  مثال لاخفاء البارتشن D كما فى الصوره  اما هذا الخيار فهو لقفل الاجهزه الكلاينت كلها بوقت معين  اذا اردت اغلاق الاجهزه كلها بعد ساعه فافعل كما هو موضح بالصور  هذا الخيار لاعاده تشغيل الجهاز اى لعمل Restart  هذا الخيار لاعاده تشغيل الاجهزه التى فى فتره راحه اى التى لا تعمل  هذا الخيار لاعاده تشغيل جميع الاجهزه  اما هذا الخيار فهو لغلق الجهاز وطبعا انتو عرفتو ان الخيار الاول لغلق الجهاز الذى اخترته والخيار الثانى لغلق الاجهزه التى فى فتره راحه والخيار الاخير لكل الاجهزه  وبالمثل بالنسبه لعمل Logoff  هذا الخيار لارسال رساله الى الجهاز الذى قمت باختياره  مثال  نأتى الان الى هذا الشريط بالاعلى المحدد بالسهم  هذا الخيار لمعرفه معلومات عن البرنامج والاتصال بهم من خلال الفاكس او رقم التليفون طبعا محدش له دعوه بيه لحسن يعرفوا ان البرنامج معموله كراك ويقفشونا  هذا الخيار لتغيير اللغه  مثال طبعا كله يختار انجليزى اللى هو تالت اختيار  هذا الخيار لاخفاء البرنامج ووضعه بجوار الساعه بدلا من شريط المهام  هذا الخيار لتغيير اسم المستخدم وكلمه المرور الخاصه بالاجهزه الاخرى ولا انصح بتغييرهم الا فى الضروره القوى  هذا الخيار لتغيير الباسورد الخاصه بالجهاز السيرفر Admin يعنى بدلا من EasyCafe قم بتغييرها الى اى باسورد تريدها  مثال 
|
|
#6
24-02-2006, 03:16 PM
|
||||
|
||||
|
اللى الصور مظهرتش عند يحملها من هذا الرابط genius_amns هناك بعض الاشياء والمعلومات والخبايا فى هذا البرنامج بس عشان تكونوا عارفين الحاجات ديه مبتطلعش لاى حد بس ياللـه عن ما حد حوش الجهاز الكلاينت لو انت عايز تفتحه من غير امر من الجهاز السيرفر اقعد عليــه ودوس كليك يمين هيــظهرلك ويندو window هيطلب منك كـلمه مرور واسم مستــخدم قدام اسم المستخدم اكتب Tinasoft قدام الباسورد اكتب easycafe بس المره دى بالاحرف الصـــغيره العاديه حاجه تانيه لازم تكون عارف انك متقــدرش تعمل shutdown او restart للجــهاز الكلايــنت طول ما easycafe متسطب عليه طيب افرض ان الجهاز السيرفر فيه مشـــــكله او الويندوز وقع او اى حاجه ((بتحصل على فكره )) بص يا باشا هتروح دايس على المفتاحين win+l هتبص تلاقى خيارات القفل قدامك وكده تقدر تقفل الجهاز بامان بدل ما تقفله من الكيسه وتتعرض لمشاكل انت فى غنى عنها وبكده يكون البرنامج خلص ومسبناش ولا كبيره ولا صـغيره فيه وانا كنتا مستغرب اشمعنى البرنامج ده هـوه الـلى محدش حاول يشرحه خالص بس لما شرحته عرفت السبب وكنت هقف بس كـله يهون عـشان خاطر الديفيدى وادينا بنرد جزء من الدين اللى علينا البرنامج فعلا تعبنى قوى 3 ايام يا جماعه وانا بعمل الشرح عشان يظهر بالشكل اللى انتوا شايفينه ده ارجو ان اكون قد وفقت فى شرح البرنامج واعذرونى على اى تقصير وانا جاهز لاى استفــسار واللى تواجهه اى مشكله او عايز اى مساعده انا جاهز ولا تنسونى فى دعائكم شكر خاص للعضو Tahersan وللاستاذ Ahmedanas المشرف اخوكم genius_amns   
|
|
#7
24-02-2006, 03:35 PM
|
||||
|
||||
|
اقول ايه و الا اعمل ايه
الله عليك يا باشا اهو ده الشغل و الا بلاش انا ثبته علشان الناس تتعلم
__________________
 ahmedanas   مشرف منتدى شروح البرامج إداره المنتدى -سابقاً-Computer science - Cairo university if you want to ask me about any thing just send me a message on
|
|
#8
24-02-2006, 03:43 PM
|
||||
|
||||
|
اذا وعـــــــــــــــد المـــــــــــــــــــــــــؤ مــــــــــن صــــــــــــدق
موضو فعلا حصري ولو فية حاجة اكثر من التثبيت يستحقها وبجدارة
|
|
#9
24-02-2006, 05:11 PM
|
||||
|
||||
|
الف شكر ياباشااااااااا على البرنامج الهايل والشرح الجميل للبرنامج
|
|
#10
24-02-2006, 07:16 PM
|
||||
|
||||
|
|
|
#11
24-02-2006, 08:51 PM
|
||||
|
||||
|
اولا بالنسبه للى حضرتك قلتلى عليه انا بعته من حوالى اربع ساعات
وارجو السرعه فى التعديل. اما بالنسبه لكلمه عيب كده يا باشا ارجو التوضيح من سيادتك اذا كان هذا البرنامج محرم دوليا او برنامج قبيح أخر تعديل بواسطة genius_amns ، 24-02-2006 الساعة 08:52 PM
|
|
#12
24-02-2006, 08:53 PM
|
||||
|
||||
|
عيب فى اية يا استاذ احمد
يا جماعة فين الردود يا ريت اللى يحمل او يشوف يرد واعطى كل ذى حق حقة والراجل فعلا تعب على فكرة هى دى المو اضيع اللى يتقال عليها حصرى بقلب جامد
|
|
#13
25-02-2006, 01:55 PM
|
|||
|
|||
|
شكرا يا باشاعلى البرنامج الجميل واالشرح الرائع
__________________
أستـــــاذ ومحاضر الخــط العربى
اللهم انك تعلم سرى وعلانيتى فإقبل معذرتى وتعلم حاجتى فإعطنى سؤالى اللهم انى اسألك إيماناً يباشر قلبى ويقيناً صادقاً حتى اعلم انة لن يصيبنى إلا ما كتبتة علىْ والرضا بما قسمتة لى يا ذا الجلال والاكرام.
|
|
#14
25-02-2006, 03:31 PM
|
||||||||||||||||||||||||||||||||||||||
|
||||||||||||||||||||||||||||||||||||||
بهزر معاكوا اصل البرنامج ده بتاع اخفاء الملفات و تغيير المسار هههههههههههههههههههههههه
|
|
#15
25-02-2006, 03:41 PM
|
|||||||||||||||||||||||
|
|||||||||||||||||||||||
مقبوله منك يا أستاذ احمد
أخر تعديل بواسطة genius_amns ، 25-02-2006 الساعة 03:42 PM
|
 |
| أدوات الموضوع | |
|
|
