حملة بنك الطعام ، كله يدخل يشارك

[White Cat]

بسم اللـــــــــــــــــه الرحمــــــــــــــــــــن الرحيـــــــــــــــــــــــم

من أسبوع تقريباً ، وعلى شاشة قناة الأوربت فى برنامج "القاهرة اليوم "، عرض تحقيق عن مشروع خيري فى مصر وهو " بنك الطعام المصري" ، وأعتقد أن الكثيرين قد سمعوا بهذا المشروع من قبل ، وأعتقد أن الكثيرين ممن سمعوا عنه من قبل لم يضعوه في اعتبارهم أو لم يتوقفوا عنده كثيراً لإيمانهم المطلق بأن مصر تسير من سئ لأسوأ ، وأن اى شئ جيد لابد وأن يكون أمامه مقابل.
وأعترف أنني كنت واحدة من هؤلاء الغير " متفائلين" بمستقبل مصر ، حتى شاهدت أنا وبعض الأعضاء معنا هنا فى المنتدى التحقيق المعروض ، واندهشنا بالفعل للمستوى الرائع الذى يقدمه هذا المشروع ، وهذا دفعنا للقيام بحملة لمساندة هذه المشروع الرائع والمشرف ، والذي يدل بالفعل على أصالة الشعب المصري ، وحبه لمساعدة الخير.
ودفعنا ذلك أيضاً للبحث عن موقع البنك ونعرف عنه معلومات اكتر واكتر ، وسنضع هنا بعض المعلومات التي وجدناها على الموقع:
ما هو بنك الطعام?

•كيان خيري تنموي هدفه توفير وتوصيل الطعام للأيتام وكبار السن والأرامل والأسر المحتاجة و الأشخاص غير القادرين على العمل و الكسب
تقوم فكرة بنك الطعام المصري على تلقي التبرعات النقدية و العينية والأغذية غير المستغلة الفائضة عن طريق جمعها من مختلف الشركات والهيئات والمؤسسات و الأفراد و الاستفادة منها في توفير الطعام بصفة دورية للمحتاج الحقيقي والاستثمار في بعض المشاريع الإنتاجيه لتوفير فرص عمل للشباب وضمان موارد ثابته للبنك

يعنى الموضوع كله خيرى، بيقدم خدمات للغير قادرين على توفير السلع الغذائية ، ومااكثرهم فى مصر ، وللاسف هم فى تزايد

لمزيد من المعلومات ، موقع البنك من هــــنـــا

ولو انت مش بتحب الرغى والتدوير فى النت ، ممكن تشوف التغطية المميزة اللى عملتها قناة الاوربت على الموضوع ده

الجزء الاول

الجزء الثانى

الجزء الثالث

الجزء الرابع

لا نود التحدث كثيراً عن المشروع بقدر ما نود أن نتحدث عن كيفية مساعدة المشروع ، المشروع ده يا جماعة ممكن يكون بداية لمشاريع تانية كتير نقدر نغير بيها بلدنا للاحسن ، وبايدينا مش بايد الحكومة.بس قبل مانتكلم عن ازاى نساعد المشروع ، ممكن حد يسألنى ،

إحنا ليه أصلا هانساعد؟

الأسباب كتيرة جدا ، اولها سبب دينى بحت
عاوزة أسالك سؤال وتجاوب عليه بينك وبين نفسك ، إنت فاكر الخطايا اللى ارتكبتها فى حياتك من ساعة ما اتولدت لغاية دلوقتى ولا لا؟
طب فيه ذنب محدد انت بتعمله وعاوز تبطله ومش قادر؟
تفتكر انت لو قابلت ربنا دلوقتى هاتقابله ازاى؟تفتكر انت عملت بما فيه الكفاية فى دنيتك من حسنات عشان تكون مستعد لاخرتك؟

اكيد كلنا مش عارفين احنا ارتكبنا ذنوب اد ايه ، واكيد مش عارفين هل الحسنات اللى عملنها وهانعملها هاتخلينا ندخل الجنة ولا لا، واكيد فيه ناس مننا – او يمكن كلنا – بنعمل ذنوب ومستمرين عليها ، ومش عارفين نبطلها او عاوزين نبطلها ومش عارفين
ايه علاقة الكلام ده بموضوع الحملة ؟ لا ليه علاقة وثيقة جداً
انت لما تتبرع لبنك الطعام مش دى تبقى صدقة عند ربنا سبحانه وتعالى ؟ ، انت فى الحالة دى بتساهم فى إطعام المساكين والمحتاجين ، وكمان أنت بتقرض الله قرضاً حسنا ، أنا؟ أقرض ربنا؟ انتى بتقولى ايه؟ ايوة انت بأى حاجة صغيرة بتساعد بيها اى انسان مسكين خلقه ربنا تبقى بتقرض الله قرضاً حسنا ، مش ربنا قال " من ذا الذي يقرض الله قرضا حسنا فيضاعفه له أضعافا كثيرة {البقرة: 245" ، وكمان ربنا سبحانه وتعالى قال " إن المصدقين والمصدقات وأقرضوا الله قرضا حسنا يضاعف لهم ولهم أجر كريم {الحديد: 18} والتي أوضحت بأن "المتصدقين والمتصدقات لا يتفضلون على آخـذي الصدقات، ولا يتعاملون في هذا مع الناس، إنما هم يقرضون الله ويتعاملون مباشرة معه، فأي حافز للصدقة أوقع وأعمق من شعور المعطي بأنه يقرض الغني الحميد، وأنه يتعامل مع مالك الوجود
ومن الاحاديث الدالة على اهمية الصدقة ، قوله صلى الله عليه وسلم : "ما تصدق أحد بصدقة من طيب ـ ولا يقبل الله إلا الطيب ـ إلا أخذها الرحمن بيمينه ـ وإن كان تمرة ـ فتربو في كف الرحمن حتى تكون أعظم من الجبل؛ كما يربي أحدكم فُلُوَّه أو فصيله"، ومنها: قوله صلى الله عليه وسلم : "من أنفق نفقة في سبيل الله كتب له سبع مئة ضعف" قال المباركفوري: "وهذا أقل الموعود، والله يضاعف لمن يشاء".معنى كده ان انت لو تصدقت بنية الصدقة ولو بحاجة صغيرة ربنا هايكتبلك حسنات لا أحد يعلم عددها الا الله ، فما بالك لو كانت صدقة خاصة باطعام يتامى او مساكين أو محتاجين ؟
مش بس كده ، الصدقة مش بس حسنات بتاخدها ، لا ، دى بتغفرلك سيئات انت ارتكبتها فى حياتك ، بجد ؟ يعنى انا لما اتصدق ربنا ممكن يغفرلى؟ اكيد، عارف ليه؟ اقولك ليه

جعل الله الصدقة سبباً لغفران المعاصي وإذهاب السيئات والتجاوز عن الهفوات، دلت على ذلك نصوص الكتاب والسنة، ومنها: قوله ـ تعالى ـ : إن الحسنات يذهبن السيئات {هود: 114} والذي هو نص عام يشمل كل حسنة وفعل خير، والصـدقـة مـن أعظــم الحسنات والخيرات فهـي داخـلة فيـه بالأولويــة، وقــوله ـ سبحانه ـ: إن المسلمـــين والمسـلـمـــات... والمتصـدقــين والمتصدقــات... أعد الله لهـــم مغفــرة وأجــرا عظيما {الأحــــزاب: 35} وقوله ـ عــز وجــل ـ: وسارعوا إلى" مغفرة من ربكم وجنة عرضها السمـوات والأرض أعـدت للمتقـين 133 الذيـن ينفقـون في السـراء والضـراء والكاظمـين الغيـظ والعافين عن الناس والله يحب المحسنين {آل عمران: 133، 134} والتي أفادت أن من أول وأجلِّ ما تنال به مغفرة الله للخطايا وتجاوزه عن الذنوب: الإنفاق في مراضيه سبحانه.
ومن النصوص الدالة على ذلك أيضاً: قوله صلى الله عليه وسلم : "تصدقوا ولو بتمرة؛ فإنها تسد من الجائع، وتطفئ الخطيئة كما يطفئ الماء النار"، وقوله صلى الله عليه وسلم : "والصدقة تطفئ الخطيئة كما يذهب الجليد على الصفا"، وما أخرجه البخاري في صحيحه في باب: الصدقة تكفر الخطيئة من حـديث حذيفـة ـ رضي الله عنه ـ وفيه: "فتنة الرجل في أهله وماله وولده وجاره تكفرها الصلاة والصدقة والمعروف"، ، وقال محمد بن المنكدر: "من موجبات المغفرة: إطعام المسلم السغبان". قال بعض أهل العلم عقب إيراده له: "وإذا كان الله ـ سبحانه ـ قد غفر لمن سقى كلباً على شدة ظمئه فكيف بمن سقى العطاش، وأشبع الجياع، وكساالعراة من المسلمين؟"

شفت ازاى انك ممكن بالصدقة تعفو عن ذنوبك وسيئاتك ؟ شفت الموضوع سهل ازاى بس انت اللى مش عارف ومش واخد بالك ؟ بس استنى هنا ، الموضوع مش بس حسنات وغفران للذنوب ، الكلام ده هاينفعك فى الآخرة ، طب انت نسيت الدنيا ؟ الصدقة ليها مزايا فى الدنيا كمان ؟ ازاى الكلام ده ؟ اقولك ازاى


تحفظ الصدقة المال من الآفات والهلكات والمفاسد، وتحل فيه البركة، وتكون سبباً في إخلاف الله على صاحبها بما هو أنفع له وأكثر وأطيب، دلت على ذلك النصوص الثابتة والتجربة المحسوسة؛ فمن النصوص الدالة على أن الصدقة جالبة للرزق قول الذي ينابيع خزائنه لا تنضب وسحائب أرزاقه لا تنقطع واعداً من أنفق في طاعته بالخلف عليه: وما أنفقتم من شيء فهو يخلفه وهو خير الرازقين {سبأ: 39ومن النصوص الدالة أيضاً على أن الصدقة بوابة للرزق ومن أسباب سعته قوله ـ عز وجل ـ في الحديث القدسي: "يا ابن آدم أَنفقْ أُنفقْ عليك، وقوله صلى الله عليه وسلم : "ما فتح رجل باب عطية بصدقة أو صلة إلا زاده الله بها كثرة"، وقوله صلى الله عليه وسلم : "ما من يوم يصبح العباد فيه إلا ملكان ينزلان فيقول أحدهما: اللهم أعط منفقاً خلفاً، ويقول الآخر: اللهم أعط ممسكاً تلفاً". وفي المقابل جاءت نصوص عديدة ترد على فئام من الخلق ظنوا أن الصدقة منقصة للمال، جالبة للفقر، مسببة للضيعة، فأبانت أن الصدقة لا تنقص مال العبد، وأن شحه به هو سبب حرمان البركة وتضييق الرزق وإهلاك المال وعدم نمائه، ومن هذه النصوص قوله صلى الله عليه وسلم : "ما نقصت صدقة من مال، وقوله صلى الله عليه وسلم : "ثلاث أقسم عليهن وأحدثكم حديثاً فاحفظوه، فأما الثلاث التي أقسم عليهن: فإنه ما نقص مال عبد من صدقة..."، والتجربة المحسوسة تثبت أن "المعونة تأتي من الله للعبد على قدر المؤونة"، وأن رزق العبد يأتيه بقدر عطيته ونفقته؛ فمن أَكثر أُكثر له، ومن أقل أُقِل له، ومن أمسك أُمسِك عليه.

يعنى من الاخر اللى هاتتصدق بيه هايرجعلك اضعاف مضاعفة ، مش بس حسنات ، لا هايقعدلك فى مالك واهلك وعيالك وصحتك ، يبقى عاوز ايه تانى؟
مش عاوز تانى ؟ اقتنعت؟ بس انا عاوزة اقولك حاجات كمان ؟ ايه؟ لسة تانى؟ صدقنى انا مقلتش كل اللى عندى
من مزايا الصدقة كمان انها ممكن تساعدك على التخلص من ذنب انت مداوم عليه ومش عارف تخلص منه ، ازاى؟
شوف الكلام الجاى وانت تعرف


تطهر الصدقة النفس من الرذائل وتنقيها من الآفات، وتقيها من كثير من دواعي الشيطان ورجسه، ومن ذلك: أنها تبعد العبد عن صفة البخل وتخلصه من داء الشح الذي أخبر ـ سبحانه ـ بأن الوقاية منه سبب للفلاح وذلك في قوله ـ عز وجل ـ: ومن يوق شح نفسه فأولئك هم المفلحون {الحشر: 9}، ويُذهِب الله بها داء العجب بالنفس والكبر والخيلاء على الآخرين والفخر عليهم بغير حق، كما أنها من مسببات عدم حب الذات حباً مذموماً، ومن دواعي نبذ الأثرة والأنانية، وعدم الوقوع في شيء من عبودية المال وتقديسه وهو ما دعا على فاعله النبي صلى الله عليه وسلم بالتعاسة والانتكاسة فقال: "تعس عبد الدينار وعبد الدرهم وعبد الخميصة... تعس وانتكس وإذا شيك فلا انتقش"
وفي المقابل فالصدقة تهذب الأخلاق وتزكي النفس وتربي الروح على معالي الأخلاق وفضائلها؛ إذ فيها تدريب على الجود والكرم، وتعويد على البذل والتضحية وإيثار الآخرين، وفيها سمو بالعبد وانتصار له على نفسه الأمارة بالسوء، وإلجام لشيطانه، وإعلاء لهمته؛ إذ تُعلق العبد بربه وتربطه بالدار الآخرة، وتزهده بالدنيا؛ وتضعف تَعلُّق قلبه بها.
ويدل لذلك قوله ـ تعالى ـ: خذ من أموالهم صدقة تطهرهم وتزكيهم بها {التوبة: 103}
كما يدل لذلك أيضاً قوله ـ عز وجل ـ: يا أيها الذين آمنوا إذا ناجيتم الرسول فقدموا بين يدي نجواكم صدقة ذلك خير لكم وأطهر {المجادلة: 12} والذي أبان الله فيه بأن الصدقة سبب لنيل الخيرية وطهرة للنفس من الأدناس وتخلية لها من الرذائل.

شفت اد ايه الصدقة حلوة؟ شفت اد ايه ربنا بيبارك فى مالك لو تصدقت ول بحاجة بسيطة؟ شفت اد ايه دينا حلو وسلس وجميل واد ايه ربنا رحيم وبيحبنا؟ يبقى ليه متتحركش؟ يبقى ليه متتصدقش؟

**************************************************
يتبع

__________________

البحث عن مواضيع لنفس العضو

[White Cat]

فيه ناس ممكن تقولى احنا عارفين الكلام ده كله ، وعارفين ان الصدقات بتغفر الذنوب ، وعاوزين نتصدق ، بس البلد اللى احنا فيها دى متستحقش، انا اعرف منين أن المشروع اللى معمول ده كويس؟ اعرف منين ان تبرعى او تطوعى ممكن يعمل فرق فى البلد ؟

لو انت بتحب البلد دى بجد من غير زواق فى الكلام ، ولو انت عاوز تعمل حاجة بجد للبلد دى عشان تبقى احسن ، يبقى لازم نشيل النظرة التشاؤمية دى من دماغنا ، ونؤمن ان البلد دى هاتتغير بينا احنا مش بايد حد تانى ، ولو كل واحد فينا فضل يعتمد على التانى انه يتحرك يبقى كلنا مش هانتحرك ولا هانعمل حاجة
مشكلة البلد اللى احنا فيها مش فى الحكومة ولا الحاكم ، المشكلة فينا احنا ، احنا اللى اخدنا على السلبية واللامبالاة وعدم الاهتمام بالآخر ، كله بيقول نفسى نفسى.
ولو انت عاوز تعمل حاجة ولو بسيطة للتغيير يبقى تشاركنا وتساعدنا وتدعم الحملة دى ،عشان تغير للاحسن ، وده مش كلام بحاول اقوله عشان اخلى الموضوع حلوـ لا ، احنا لو ماتحركناش ممكن نبقى فى مشكلة كبيرة وكارثة انسانية ، عارفين ليه؟ مش بس عشان احنا مش عاوزين نتغير ، لا ، عشان كمان للاسف فيه سلوكيات غلط فى غلط بنعملها كل يوم ومش عارفين اثرها علينا
من اهم السلوكيات الغلط اللى بنعملها ، واللى كمان مرتبطة بموضوع الحملة "الاسراف "، احنا مسرفين فى كل حاجة ،وخصوصا الاكل ، المشكلة اننا مقبلين على رمضان والاسراف بيبقى على ودنه ، وكأن الصيام ده مش لتطهير النفس من الذنوب والمعاصى ، لا ده عشان الناس تاكل وتتبسط ،والله فى ناس بتاخد رمضان ده تسالى اكل ونوم وفسح وخروج!!!!
ياجماعة الاسراف والتبذير مصيبة فى حد ذاته ، عارفين ازاى ؟ اقولكم ازاى
الإسراف والتبذير داء فتاك يهدد الأمم والمجتمعات، ويبدد الأموال والثروات، وهو سبب للعقوبات والبليات العاجلة والآجلة. فمن ذلك أن الإسراف سبب للترف الذي ذمه الله تعالى وعابه وتوعد أهله في كتابه , إذ قال تعالى: ﴿وَأَصْحَابُ الشِّمَالِ مَا أَصْحَابُ الشِّمَالِ (41) فِي سَمُومٍ وَحَمِيمٍ (42) وَظِلٍّ مِنْ يَحْمُومٍ (43) لا بَارِدٍ وَلا كَرِيمٍ (44) إِنَّهُمْ كَانُوا قَبْلَ ذَلِكَ مُتْرَفِينَ)
الإسراف والتبذير يؤدي إلى إضاعة المال وتبديد الثروة، فكم من ثروة عظيمة وأموال طائلة بددها التبذير وأهلكها الإسراف، وأفناها سوء التدبير، فاتقوا الله عباد الله فإن الله نهاكم عن إضاعة المال ففي حديث المغيرة قال: سمعنا رسول الله صلى الله عليه وسلم يقول: ( إن الله كره لكم ثلاثاً قيل وقال وإضاعة المال وكثرة السؤال) رواه البخاري ، كما قال الله تعالى: ﴿وَأَنَّ الْمُسْرِفِينَ هُمْ أَصْحَابُ النَّارِ﴾.
عباد الله إن الإسراف سبب من أسباب الضلال في الدين والدنيا، وعدم الهداية لمصالح المعاش والمعاد، قال الله تعالى: ﴿إِنَّ اللَّهَ لا يَهْدِي مَنْ هُوَ مُسْرِفٌ كَذَّابٌ﴾( وقال سبحانه: ﴿أَفَنَضْرِبُ عَنْكُمُ الذِّكْرَ صَفْحاً أَنْ كُنْتُمْ قَوْماً مُسْرِفِينَ﴾( وقال سبحانه: ﴿كَذَلِكَ زُيِّنَ لِلْمُسْرِفِينَ مَا كَانُوا يَعْمَلُونَ﴾). أيها المؤمنون إن من عقوبة الله تعالى للمسرفين أن جعلهم إخواناً للشياطين فقال سبحانه: ﴿وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُوراً﴾). فاتقوا الله عباد الله وذروا ظاهر الإثم وباطنه، واعلموا أن الإسراف يشمل جميع التعديات التي يتجاوز بها العبد أمر الله وشرعه سواء كان ذلك في الإنفاق أو في غيره فتوبوا عباد الله من الإسراف كله فإن الله دعاكم إلى ذلك فقال: ﴿قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ * وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لا تُنْصَرُونَ﴾(11). أيها المؤمنون إن ما تصاب به النفوس عند الغنى وكثرة العرض ووفرة المال التجاوز والطغيان قال الله تعالى: ﴿كَلَّا إِنَّ الْإنْسَانَ لَيَطْغَى * أَنْ رَآهُ اسْتَغْنَى﴾، فقد ظهر في حياة الناس مظاهر الإسراف والتبذير؛ فمن هذه المظاهر ومن تلك المعالم التي تورط فيها كثير من الناس اليوم الإسراف في المآكل والمشارب، فترى من الناس من يجتمع على مائدته من ألوان الطعام وصنوف الشراب ما يكفي الجماعة من الناس، ومع ذلك لا يأكل إلا القليل من هذا وذاك ثم يلقي باقيه في الفضلات والنفايات، فليت شعري أنسي هؤلاء المسرفون أم تناسوا أن من الناس أمماً يموتون جوعاً، لا يجدون ما يسدون به حرارة جوعهم ولظى عطشهم أم نسي هؤلاء قول الله تعالى: ﴿ثُمَّ لَتُسْأَلُنَّ يَوْمَئِذٍ عَنِ النَّعِيمِ﴾.
انت ناسى ان كل واحد فينا هايتسأل ؟ انت انفقت مالك وشبابك وحياتك كلها فى ايه؟
سيبك من عقاب ربنا فى الدنيا والآخرة ، بس عاوزاك تبص للصور دى وقارن بين ناس بتاكل وبتشرب وبترمى الاكل وناس تانية مش لاقية حتى نقطة المية

في أحد الأماكن وجدت هذه الصورة[/font]

قد تكون صورة عادية أو فلنقل مقبولة

!ولكن مارأيكم بهذه



!ليست واضحة

نقربها إذاً أكثر

وأكثر للتتضح الكارثة



عادي ! طبيعي ! وغير مستغرب أبداً

مادامت ولائمنا بهذا الشكل




ومادامت مهازلنا بهذا الفحش
هذا صحن ضخم جدا وضع فيه أحد اثرياء الخليج ثلاثة جمال كبيره وثلاثه صغيره وسبعه خرفان من الحجم الكبير





لا تسأل أي المشكلة فالجواب واضح

لاحظ عدد المدعويين وقارنه بكمية الطعام الهائلة


!أما نستحيي من الله

!ألا نخشى أن تزول هذه النعم التي لم نشكر الله تعالى عليها

ألم نسمع قول الله تعالى

{وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}

وقوله تبارك وتعالى
{ثم لتسألن يومئذ عن النعيمِ}

!بماذا سنجيب عندما نسأل عن هذا النعيم

! فلماذا كل هذا التبذير والإسراف

!..لا تذهبوا بعيد فلم ينته الموضوع بعد

تعالوا نتأمل حال أخواننا المسلمين الذين أبتلاهم الله بنقص من الأموال والنعم

'هل مددت يدك لغيرك يوماً لتجد 'قوت يومك

..إذاً فأحمد الله ربك على نعمته

وأنظر لحال هذا

!أتظن أن هناك مايعصمك من أن تكون مكانه

لا وربي إلا أن الله شاء لك أن تعيش حياة كريمة
!..ولكن أتضمن أن تستمر على هذه الحال


ألديك عائلة وأطفال؟
!هل رأيت يوماً طفلك يموت جوعاً وأن لا تجد ماتطعمه

عذراً أنا لا أتحدث عن أفخر انواع الحليب والشكولاه
'أنا أقصد مايكفي 'ليعيش فقط



..إذا فأحمد الله ربك
فكثيرررر من أطفال المسلمين يموتون جوعاً


!ماهو لبس أطفالك في الشتاء؟
سأعذرك إن بدأت بسرد تلك الماركات
ولكن ألومك لو ذكرت أسماء أشهر المحلات التي تشتري منها عشرات الالبسة الشتوية لأطفالك لتلبس شهر أو شهرين ثم يكون مصيرها كالعادة سلة المهملات

!!فأنظر لأطفال المسلمين ماذا يلبسون


نعم ! لا تندهش ، فهناك أطفال لا يجدون مايلبسونه، ولا حتى أبسط الملابس



هل سألت نفسك يوماً ماذا يأكلون؟

!نعم أنه الفتات

الفتات الذي تدوسه أنت وغيرك دون أن تلقي له بالاً

هل تخيلت يوماً أن الجوع قد يصل بالإنسان ليرضى أن يأكل أي شيء؟
!!!نعم أنا أعني ماأقول أي شيء


!هل سألت نفسك ماذا ستفعل لو لم تجد الماء
..بالطبع سأعذرك لو قلت سنشتريه من أقرب مورد للمياه

ولكن أنظر ماذا يفعل من لا يجد الماء




فأحمد الله على نعمه التي لا تعد ولا تحصى


هل فكرت يوماً بالنعمه التي تعيشها؟

!هل تدرك ماذا يعني أن تموت أم بين يدي طلفها؟



!لا تظن أني أعرض عليك صور من نسج خيال أحدهم

..بل هذه كلها صور واقع مر يعيشه أخوانك المسلمين في بقاع العالم


أعذرني عزيزي القارئ سأختم بهذه الصورة
لن أعلق أنا عليها
سأدع التعليق لك
ولكن سأقول شيئين الأول أن هذا الطائر لا يأكل إلا الجيف
!بالتالي ماذا ينتظر؟

!!!!!ثم مالذي يحميك لو أرادك الله أو أبنك أو قريبك مكان هذا الطفل



[font=Arial Black]قال تعالى
{ أَمَّنْ هَذَا الَّذِي يَرْزُقُكُمْ إِنْ أَمْسَكَ رِزْقَهُ بَلْ لَجُّوا فِي عُتُوٍّ وَنُفُورٍ}

وأعلم أن دوام النعم وحفظها يكون بشكر الله تعالى عليها
فقد قال سبحانه وتعالى
{ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }

فالإسراف والتبذير قد يكونان سبباً ليس في زوال النعم فحسب بل بهلاك العباد والبلاد
قال تعالى

{ وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا }

فلينظر كل منا حوله ولنستشعر حجم النعم التي أنعمها الله علينا
ولندرك جميعاً حقيقة كرم الله سبحانه وتعالى معنا وبخلنا على أنفسنا وإسرافنا

ديننا حث على الكرم ولكنه في الوقت نفسه حرم الإسراف

فليس كرماً أن تدعو شخصين على كبش
ولا حتى أربعة على جمل


وتذكر أخوانك المحتاجين في كل وليمة .. وصدق أو لا تصدق
أن قطعة واحد قد تكفي عائلة كاملة


وإن كنت لا بد مسرف فأضعف أضعف الايمان أن توصل الفائض من الطعام لإحدى الجمعيات الخيرية ، أو تتصل عليهم ليرسلوا مناديبهم لاستلامها

هاه؟ شفت؟ صدقنى ، الاتنين مسلمين زى وزيك ، بس فيه فرق ، دول ناس مسرفين فى الاكل والشرب والملذات ، ودول ناس بيموتوا من الجوع، تحب بلدنا تبقى كده؟
احنا على فكرة لو سكتنا ممكن نبقى فى يوم من الايام كده ، مفكرنى ببالغ ، لا طبعا مش ببالغ ، البلد ممكن تضيع مننا لاننا سكتنا ومحاولناش نتغير ، البلد ممكن تدخل ياما فى مجاعة او ثورة كبيرة محدش يقدر يسيطر عليها ، تحب بلدك تبقى كده؟ ، البلد فعلا فى طريقها لكده ، شوف الصور دى وبعدين نشوف

[IMG]

[/IMG]

[IMG]

[/IMG]

[IMG]

[/IMG]


شفت احنا فى طريقنا لكده ، ممكن نبقى كده ، ويمكن دول كويسين شوية ، فيه فى الارياف والقرى محافظات الصعيد ماهو أدهى وأمر

************************************************** *

طيب ، دلوقتى نتكلم فى موضوع الحملة ، بعد ماتقرى الكلام اللى فوق ده اكيد هاتبقى واحد من تلاتة:
1- مش فى دماغك وعندك لا مبالاة ، يبقى تخرج من الموضوع من اساسه، احنا مش عاوزين غيرالناس اللى عاوزة تساعد وقلبها على نفسها وعلى البلد وشكرا لتشريفك الموضوع.2-

2-عاوز تساعد بس مش هاتقدر ، لا تقدر تساعد اكتر حتى من اللى يقدر يساعد ـ ازاى؟ هاقولك :
* ممكن تطوع فى المشروع ،وده مش عيب ولا غلط ولا حرام على فكرة ، فى اوربا والدول المتقدمة بيتطوعوا، مش ده احسن من قعدة النت او الكافيه او النوم طول النهار الخ، اسمك بتشغل وقتك فى الصيف ، وبتعمل حاجة لنفسك بانك تساعد فى توصيل الحسنة لاصحابها ، وكمان بتعمل حاجة لبلدك ، وصدقنى عمل الخير طعمه حلو جدا .
* لو مش قادر تنزل وتتطوع بايدك ، فيه حاجات تانية ،حاجات ممكن تغيرك انت كمان للاحسن ، شوف انت بتاخد مصروف اد ايه ، وبتعمل بيه ايه ، بتصرف اد ايه على الموبايل ، وبتصرف اد ايه على الاكل ، ويمكن بعد كده بترميه او مش بتكمله ، او ساعات تجيب اكل فى البيت تحطه فى التلاجة وتنساه بعدها تلاقيه باظ ، كلنا بيحصله كده، طب بدل ما تضيع فلوسك على حاجات ممكن مش ليها لازمة ، وفر فلوسك على حاجة مفيدة تقدر تساعد بيها غيرك ، ممكن بالفلوس دى تشترى سلع زى السكر والزيت والشاى او اى حاجة تقدر عليها ـ وتوصلها باديك للبنك ، يااااااااااااه انت يبقى ليك حسنات متقدرش تتخيلها لانك تعبت ووفرت وجيت على نفسك عشان تساعد المجتاجين ، انا بجد مش قادرة اتخيل فرحة ربنا بيك اد ايه .
* لو افترضنا انك مش قادر تساعد خالص ، وفيه كتير كده على فكرة ومش عيب ، ممكن تساعد من خلال انك تنشر الموضوع فى كل المنتديات والمواقع اللى انت بتدخلها ، تخيل الثواب بقى المرة دى ، هاتاخد الموضوع كده هيلا هوب بضغطة ماوس وتحطه فى منتدى تانى ، شوف كام واحد هايدخل الموضوع ويعحبه ويساعد ، انت هاتاخد ثوابه ، شوف كام واحد هاينشر الموضوع فى كام منتدى غيراللى انت بتدخله ، وانت قاعد تاخد حسنات وانت قاعد قدام الجهاز ، وشوف كام واحد قاعد يدخل وعاوز يساعد ، انت عارف ممكن عداد الحسنات يضرب من كتر العد ، وكلها حسنات شغالة جارية طول مافيه ناس بتحاول تنشر الفكرة او تساعد .، ده غير طبعا أنك تقدر تاخد لينك الموضوع بكل بساطة وتحطه فى توقيعك ، وكل ما تدخل ناس اكتر التوبيك وتساعد كل لما حسناتك تزيد.


3- انك فعلا تقدر تساعد مادياً ، وده المهم فعلا ، لان البنك مؤسسة خيرية لا تهدف للربح ، ومحتاجة تبرعات مادية وعينية ، وعلى فكرة غير انك ممكن تساعد بالفلوس او بالمنتجات ، تقدر تعمل كل اللى فات ده كمان ، ويابختك بالحسنات اللى هاتجيلك ، شوف هاتساعد كام واحد ، شوف هاتكون السبب فى فرحة كام طفل وكام اسرة ، شوف مقامك عند ربنا هايبقى ازاى .

************************************************

دلوقتى نتكلم عن طرق التبرع والمساعدة

1- لو عندك فيزا ، تقدر تدخل هـــنــــــا
وتملى البيانات الخاصة بيك وتحدد المبلغ اللى هاتتبرع بيه

2- لو مش عندك فيزا وعاوز تدفع فلوس او تحول من رصيدك ، فرقم الحساب الخاص بالبنك هو
888777 لدى البنوك التالية:
•بنك مصر
•البنك التجاري الدولي (CIB)
•البنك الأهلي المصري
•بنك فيصل الإسلامي
•البنك العربي الأفريقي الدولي
•بنك الأهلى سوسيتيه جينيرال NSGB
•بنك كاليون Calyon

3- تقدر تتبرع على طول لمقر البنك فى 92 شارع التحرير برج ساريدار –الدور العاشر – الدقى
وللمراسلة على :
info@Egyptianfoodbank.com
ولو انت عاوز تتطوع مع البنك ادخل هنا :

واملا الاستمارة وساعد فى توصيل الاكل للناس المحتاجة
وده رقم تليفون البنك لو انت عاوز اى معلومات تانية :
16060او الرقم ده 02-25080000

يارب نكون قدرنا نعمل اى حاجة ولو صغيرة لنفسنا وبلدنا ، يارب البلد دى تتغير للاحسن على ايدينا

__________________

البحث عن مواضيع لنفس العضو

[مختارمختار]

موضوع ممتاز جدا ربنا يوفقنالما فيه الخير

__________________

البحث عن مواضيع لنفس العضو

[White Cat]

إقتباس المشاركة الأصلية كتبت بواسطة مختارمختار موضوع ممتاز جدا ربنا يوفقنالما فيه الخير

بشكر حضرتك جدا على وجودك معانا بس نتمنى انك تنشر الفكرة كمان فى منتدى الاهلى
او حتى تحط لينك الحملة فى توقيعك
شكرا

__________________

البحث عن مواضيع لنفس العضو

[ahm212121]

ربنا يجعله في ميزان حسناتك اختي مي و كل من شارك معكي في هذا العمل.

بالفعل هناك فائض كثير عن احتياجاتنا يضيع في سلال القمامة ، يا ريت فعلا كل واحد يقدر يساهم بهذا الجزء المهدر.

انا لا اقول انتقص من طعامك او وفر جزء من غذائك ، فقط الجزء الذي يضيع و ترميه ، تصدق به.او تصدق بمقابله.

عندنا في مصر بنقول : مافيش حد بيموت من الجوع ، و ده حقيقي الحمد لله عندنا في مصر ماحدش بيموت من الجوع.

الحمد لله مناظر و صور المجاعات الموجودة بالصور ليست لدينا في مصر و ان شاء الله ابدا لن يصل بنا الحال الى هذا المستوى.

الحمد لله رب العالمين الذي جعل مصر بلد الخير الوفير. و اهلها اهل الكرم و الجود.



ارجو بالفعل من كل شاب قادر على المساهمة حتى و لو بمجهوده ، ان يشارك في هذا الثواب.
ارجو من كل قادر و كل من لديه فائض في الطعام ان يساهم بهذا الفائض لسد حاجة اخواننا من الطعام.

__________________

البحث عن مواضيع لنفس العضو

[alaalden11]

جزاكى الله كل خير على الموضوع الرائع وانك ذكرتى الواحد فعلا انه يشكر ربنا على النعمه اللى معاه
وربنا يقوينا على فعل الخير ونشرة ومتنسيش ان الدال على الخير كفاعله وجعله الله فى ميزان حسناتك

__________________

البحث عن مواضيع لنفس العضو

[alaalden11]

جزاكى الله خيرا لانكى ذكرتى الواحد اه يشكر ربنا على النعمه اللى معاه
ومتنسيش ان الدال على الخير كفاعله وجعله الله فى ميزان حسناتك
وربنا يوفقنا لعمل الخير ونقدر نساعد باى حاجة

__________________

البحث عن مواضيع لنفس العضو

[noralanor]

مشكورة جدا و جزاك الله خير

و دي تعتبر حملة مفيدة جدا جدا لكل إنسان سواء كان للإنسان الي هيساعد في هذا البنك أو للإنسان الي هيستفاد منه

من لم يهتم بأمر المسلمين فليس منهم

__________________

البحث عن مواضيع لنفس العضو

[bogyasa]

بارك الله فيكي اختنا مى على هذه التذكرة وهذه الدعوة الهامة

{ وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا }

صدق الله العظيم

لكى كل التقدير وان شاء الله يتعاون هذا البلد وتتكاتف جهود شباباها وأهلها ليكونا نعم العون فى هذه المسألة

__________________

البحث عن مواضيع لنفس العضو

[hamoda5005]

الحمد لله الذي جعلنا مؤمنين موحدين من أمة سيدنا محمد خير المرسلين والصلاة والسلام على النبي المجتبى والرسول المصطفى وآله وصحبه ومن تبعهم بإحسان إلى يوم الدين.

جزاكى الله كل خير يا مــــــى

قال الله تعالى:

بسم الله الرحمن الرحيم

{واعتصموا بحبل الله جميعاً ولا تفرقوا واذكروا نعمة الله عليكم إذ كنتم أعداءً فألف بين قلوبكم فأصبحتم بنعمته إخوانا وكنتم على شفا حفرة من النار فأنقذكم منها كذلك يبين الله لكم آياته لعلكم تهتدون ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون}.

صدق الله العظيم

..........

بسم الله الرحمن الرحيم


{وتعاونوا على البر والتقوى ولا تعاونوا على الإثم والعدوان}.

صدق الله العظيم

وقال الرسول ( صلى الله عليه وسلم )

* كونوا على الخير أعوانا *

صدق رسول الله ( صلى الله عليه وسلم )


ان شاء الله سيتعاون كل مسلم مع اخيه المسلم فى هذه الحمله .

__________________

البحث عن مواضيع لنفس العضو

[el nor]

ماشاء الله عليكي ياقطتنا وعلي مجهودك يلا ياشباب الكل يساعد باي طريقه انشروا المواضييع لاهليكم اقاربكم اصحابكم في كل مكان ساعدنا حتي ننهض بهذه البلد العزيزه

__________________

البحث عن مواضيع لنفس العضو

[el nor]

اللهم بارك في جميع مشرفي الزمالك في من ساهم في تثبيت الموضوع وجعله في ميزان حسناتهم
يكون جبال حسنات باذن الله
يارب
يارب

__________________

البحث عن مواضيع لنفس العضو

[ENG_ESSAM_CRASH]

فينك يا بنتى مش باينه خالص ....

والله بدور عليكى فمنتدى الاهلى مش لائيكى خالص ههههه

ادام طعام و اكل انا معاكو

مش برضو احنا اللى هناكل .؟؟؟؟

هههه ربنا يقدرك على فعل الخير والله

و يارب كدا تدينااا من الحسنات الىل اعده تلهفيها دى كلها ههههه

__________________

البحث عن مواضيع لنفس العضو

[ibrahemyoussef]

شكرا ليكى يا مى وفعلا لابد من التكاتف جميعا فى وجه
هذا التيار الذى وان لم نتصدى له سوف يهلك شعبنا
تقبلى تحياتى على موضوعك الاكثر من رائع

__________________

البحث عن مواضيع لنفس العضو

[ENG_ESSAM_CRASH]

معلش الرد اتكرر مرتين

بس انشاء الله نحاول نعمل فرق و نشارك فالمنظمه الخيريه الجميله دى

والف شكر على مواضيعك الجميله دى يا مى و ربنا يجازيكى خير يارب و برضو 97.5 % ههههه

__________________

البحث عن مواضيع لنفس العضو