الموضوع: عيادة أمراض النساء والتوليد د.أحمد هانى

حضرتك انا كنت عاملة المنظار وبعد ما جت البريود كتب لي الطبيب علي clomid ثلاث مرات في اليوم وعلي agnucaston bionorica بردوا 3 مرات وعملت تحليل البرولاكتين في اليوم الثاني من البريود كان 7.4 ايه راي حضرتك والدواء الثاني بتاع ايه وشكرااااااااااااااااااااااااااااااااا

المشاركة الأصلية كتبت بواسطة ميرا محمد محمد

يعنى معنى كدة ان انا فضلى 14 اسبوع
يعنى انا كدة فى السادس

ايوة
لا انتي في السابع

المشاركة الأصلية كتبت بواسطة أروتي

السلام عليكم و رحمة الله
انا كنت قلت لحضرتك ان زوجتي كانت حامل و اجهضت في شهر تقريبا و بعد اخد الميزوتاك نزل دم و بعد كدا فترة مفيش ثم نزل لمدة 17 يوم مصحوب بالام جامدة في اولة و الدكتورة قالت ان في فرط نشاط في المبايض و اعطتها دواء cyclo progynova و حضرتك قلت ان دا معناة ان في تكيسات كتير و هي اخد الدواء و اول ما خلصت الحبوب البيضاء و بدأت في البني لقت وجع و نزل افرازات بني و بقالها يوم تقريبا علي كدا بني بدم و احيانا بني خفيف و دا كان ميعاد البريود اللي بتجيلها زمان
طيب هو ينفع تيجي الدورة في وسط العلاج دا ؟؟
و بعدين هي وزنها زاد اليومين دول علي الرغم من ان اكلها هو هو ا هل دا بسبب الحبوب ؟؟
و كمان بقت بتحس بدوار هو كان بيجيلها علي فترات و كانت بتاخد بيتاسيرك و الحمد لله مجاش من فترة بس برضة اليومين دول بتحس بالدوار و رجعت تاخد الحبوب تاني طيب هل دا عرض من اعراض الدوا مثلا ؟؟
و هل تبطلة و لا تستمر فية ؟؟
و جزاك الله خيرا مقدما

هي دي مش دورة بالزبط ده تنقيط بسبب لخبطة هرمونات مش مشكلة
الدوا بيزود شوية الوزن بس مياه اكتر منها دهون
لا الدوا ده مالوش دعوة وانا رديت على حضرتك في موضوع الأنف والأذن

المشاركة الأصلية كتبت بواسطة الشروق الشروق الشروق

حضرتك انا كنت عاملة المنظار وبعد ما جت البريود كتب لي الطبيب علي clomid ثلاث مرات في اليوم وعلي agnucaston bionorica بردوا 3 مرات وعملت تحليل البرولاكتين في اليوم الثاني من البريود كان 7.4 ايه راي حضرتك والدواء الثاني بتاع ايه وشكرااااااااااااااااااااااااااااااااا

تحليل البرولاكتين كويس
والدوا التاني ده مجرد فيتامينات
كلام كويس ربنا يسهل

مراتي حامل وفي الشهر ال 8 والهمجلوبين دلوقتي 9ونص ايه مدي خطوره ده عند الولاده؟؟؟؟؟؟؟

يعني يفضل اصلاح النسبة علشان لو حصل نزيف لا قدر الله ماتتعبش
الطبيب المتابع ليها يشوف نوع الانيميا ولو كانت نقص حديد هاديها حديد

بس ازاى حضرتك بتقولى ان انا فى السابع وانا تقريبا الحمل حصل فى شهر يناير يعنى شهر واحد والولادة فى شهر 10
فى عندى استفسار
اخت زوجى حامل فى تؤام وهى فى اخر السابع دلوقت وبتقولى ان الدكتور اللى هيا متابعة معاة كتبلها على دواء عشان ميجلهاش طلق بس انا معرفش اسمع الدواء دة سؤالى هو هل فعلا الدواء دة بيمنع الطلق عشان الواحدة متولدش بدرى قى السابع وكدة ولا دة كلام فاضى
وفى سؤال ثانى معلش انا كان صدرى صغير ودلوقت كبر شوية بس مش كتير يعنى طبعا بسبب هرمون الحمل المهم الحلمة بتاعة صدرى صغيرة وسمعت ان فى دهان بيدهن على الحلمة عشان تكبر عشان اعرف ارضع فهل دة صح وامتة بيتاخد يعنى فى الشهر الكام
وجزاك الله خيرا

المشاركة الأصلية كتبت بواسطة ميرا محمد محمد

بس ازاى حضرتك بتقولى ان انا فى السابع وانا تقريبا الحمل حصل فى شهر يناير يعنى شهر واحد والولادة فى شهر 10
فى عندى استفسار
اخت زوجى حامل فى تؤام وهى فى اخر السابع دلوقت وبتقولى ان الدكتور اللى هيا متابعة معاة كتبلها على دواء عشان ميجلهاش طلق بس انا معرفش اسمع الدواء دة سؤالى هو هل فعلا الدواء دة بيمنع الطلق عشان الواحدة متولدش بدرى قى السابع وكدة ولا دة كلام فاضى
وفى سؤال ثانى معلش انا كان صدرى صغير ودلوقت كبر شوية بس مش كتير يعنى طبعا بسبب هرمون الحمل المهم الحلمة بتاعة صدرى صغيرة وسمعت ان فى دهان بيدهن على الحلمة عشان تكبر عشان اعرف ارضع فهل دة صح وامتة بيتاخد يعنى فى الشهر الكام
وجزاك الله خيرا

مش انا قولتلك اننا مانحسبش بالشهور علشان ماتحصلش اللخبطة دي مش انا قولتلك الحمل مش 9 شهور ده 40 أسبوع

الدوا بيساعد لكن مش بيمنع بمعني يمنع لو الرحم عاوز ينقبض ماحدش بيوقفه

انتي بتيجي من الشهر السابع تحطي فازلين وتدلكيها وتشديها لبره بالراحة بعد الفازلين كل يوم ربع ساعة 3 مرات

السلام عليكم ورحمة الله
دى اول مشاركة ليا فالمنتدى يادكتور انا متزوج من 6 شهور وزوجتى كانت حامل و فنهاية الشهر الاول اجهضت واستعملت ميزوتاك ,حدث نزيف لمدة 5 ايام ثم توقف وبعدها ب3 اسابيع حدث نزيف تانى لمدة 8 ايام وبدء فمعاد دورتها العادية يوم 18 فالشهر حتى 26 والشهر الى بعده اتاخرت الدورة عن معادها العادى وجت يوم 28 واستمرت 10 ايام حتى انهردا مستمره ,فاول خمس ايام كان النزيف عادى واستمر فالزيادة ,لون الدم احمر وفيه بعض تجلطات الدم باستمرار ,,,,, بالنسبة للحاله الصحية لزوجتى فهى كانت ديما بتعانى قبل الزواج من صداع مزمن بعد ماتصحى مالنوم وضعف مناعه وبعد الزواج كشفنا عند دكتور باطنه وعملنا تحاليل ووجدنا "تيفود" ومرض اسمه "بروسيلا" وسببه قطتنا ديما بتخربشها وبتتواصل معاها باللمس باستمرار والدكتور قال ان هى الى نقلتلها المرض وانه ممكن يسبب اجهاض اذا حدث حمل ووصفلها الادوية دى " vibramycin" & rimactane"" ,,حتى الان مفيش اى اعراض مصاحبة للنزيف الحالى من الام او هبوط او صداع ومش عارفين هل هذا اجهاض جديد او دورة عادية وهل حدث لخبطة فالهرمونات بسبب الميزوتاك ام ماذا ؟؟

وشكرا جزيلا ليك يادكتور ,, ربنا يجازيك كل خير ان شاء الله...

جزاكالله خيرا علي الرد و الاهتمام طيب معلشي الافرازات دي النهاردة نازلة شكلها غريب عارف حضرتك زي تراب و محطوط علية شوية مية و في هرش خفيف طيب بقي دي لخبطة بردة و لا التهابات عندها
و معلشي تاعبينك معانا

المشاركة الأصلية كتبت بواسطة mr.kooc

السلام عليكم ورحمة الله
دى اول مشاركة ليا فالمنتدى يادكتور انا متزوج من 6 شهور وزوجتى كانت حامل و فنهاية الشهر الاول اجهضت واستعملت ميزوتاك ,حدث نزيف لمدة 5 ايام ثم توقف وبعدها ب3 اسابيع حدث نزيف تانى لمدة 8 ايام وبدء فمعاد دورتها العادية يوم 18 فالشهر حتى 26 والشهر الى بعده اتاخرت الدورة عن معادها العادى وجت يوم 28 واستمرت 10 ايام حتى انهردا مستمره ,فاول خمس ايام كان النزيف عادى واستمر فالزيادة ,لون الدم احمر وفيه بعض تجلطات الدم باستمرار ,,,,, بالنسبة للحاله الصحية لزوجتى فهى كانت ديما بتعانى قبل الزواج من صداع مزمن بعد ماتصحى مالنوم وضعف مناعه وبعد الزواج كشفنا عند دكتور باطنه وعملنا تحاليل ووجدنا "تيفود" ومرض اسمه "بروسيلا" وسببه قطتنا ديما بتخربشها وبتتواصل معاها باللمس باستمرار والدكتور قال ان هى الى نقلتلها المرض وانه ممكن يسبب اجهاض اذا حدث حمل ووصفلها الادوية دى " vibramycin" & rimactane"" ,,حتى الان مفيش اى اعراض مصاحبة للنزيف الحالى من الام او هبوط او صداع ومش عارفين هل هذا اجهاض جديد او دورة عادية وهل حدث لخبطة فالهرمونات بسبب الميزوتاك ام ماذا ؟؟

وشكرا جزيلا ليك يادكتور ,, ربنا يجازيك كل خير ان شاء الله...

اولا لازم تتعالج بشكل كامل الاول قبل الحمل
وكمان القطة تتعالج وتاخد تطعيمات

مافيش معنى لمحاولة التفرقة بين اجهاض في ميعاد الدورة والدورة نفسها لانه عمليا ماتعتبرش حمل اصلا وماتفرقش

الميزوتاك مالوش دعوة بالهرمونات خالص

المشاركة الأصلية كتبت بواسطة أروتي

جزاكالله خيرا علي الرد و الاهتمام طيب معلشي الافرازات دي النهاردة نازلة شكلها غريب عارف حضرتك زي تراب و محطوط علية شوية مية و في هرش خفيف طيب بقي دي لخبطة بردة و لا التهابات عندها
و معلشي تاعبينك معانا

طالما في هرش يبقى في التهابات في الحالة دي تزور الطبيب علشان يشخص نوع الإلتهاب ويوصف العلاج المناسب

اولا لازم تتعالج بشكل كامل الاول قبل الحمل
وكمان القطة تتعالج وتاخد تطعيمات

مافيش معنى لمحاولة التفرقة بين اجهاض في ميعاد الدورة والدورة نفسها لانه عمليا ماتعتبرش حمل اصلا وماتفرقش

الميزوتاك مالوش دعوة بالهرمونات خالص

يعنى يادكتور النزيف ده دورة عادية ؟؟؟ وهل فى خطورة على حياتها لو استمر وهل فى حاجة نقدر نعملها عشان نوقفه ؟؟؟

حضرتك تقصد الفازلين العادى اللى فى الصيدلية

المشاركة الأصلية كتبت بواسطة mr.kooc

يعنى يادكتور النزيف ده دورة عادية ؟؟؟ وهل فى خطورة على حياتها لو استمر وهل فى حاجة نقدر نعملها عشان نوقفه ؟؟؟

لازم تروح للدكتور علشان يحاول يوقفه وكمان يطمئن على نسبة الهيموجلوبين عندها يعني الموضوع يعتبر طارئ لغابة مالدكتور يطمنك
طبعا في خطورة لو هيموجلوبينها نزل كتير وبسرعة

المشاركة الأصلية كتبت بواسطة ميرا محمد محمد

حضرتك تقصد الفازلين العادى اللى فى الصيدلية

أيوة بالظبط

دكتور ف البداية جزاك الله خيرا ع متابعتك للمرضى
انا يادكتور انسة عندى 24 سنة البريود عندى مش منتظمة بتتاخر كتييير من اول ماجت ع فكرة
هى حاليا مجتش عندى بقالها شهرين وزيادة اخر مرة جاتنى فيها كانت اول 3 اللى فات وفى اخر الشهر نزل دم بس ف البول وقعد 4 ايام وع فكرة الدم متجمد وبعد كده مجتش ومش عارفة اعتبر دا بريود ولا ايه
وانا خايفة اووووى لانها اول مرة تتاخر كده كانت اكتر حاجة بتتاخرها اسبوعين
وحاليا بحس بالم بسيط اسفل البطن بس بيروح مش ع طول
مع العلم انى عملت سونار ع البطن من 4 سنين واكتشفت بالصدفة ان عندى تكيسات ع المبيض
طمنى يادكتور انا قلقانة وخايفة اوى

المشاركة الأصلية كتبت بواسطة soso 2000

دكتور ف البداية جزاك الله خيرا ع متابعتك للمرضى
انا يادكتور انسة عندى 24 سنة البريود عندى مش منتظمة بتتاخر كتييير من اول ماجت ع فكرة
هى حاليا مجتش عندى بقالها شهرين وزيادة اخر مرة جاتنى فيها كانت اول 3 اللى فات وفى اخر الشهر نزل دم بس ف البول وقعد 4 ايام وع فكرة الدم متجمد وبعد كده مجتش ومش عارفة اعتبر دا بريود ولا ايه
وانا خايفة اووووى لانها اول مرة تتاخر كده كانت اكتر حاجة بتتاخرها اسبوعين
وحاليا بحس بالم بسيط اسفل البطن بس بيروح مش ع طول
مع العلم انى عملت سونار ع البطن من 4 سنين واكتشفت بالصدفة ان عندى تكيسات ع المبيض
طمنى يادكتور انا قلقانة وخايفة اوى

حضرتك واضح ان في اضطراب هرموني يا ريت تزوري طبيب أمراض النساء علشان يعملك اللازم
مهم قوي تعملي سونار على الحوض
وكمان يا ريت تروحي لمركز أشعة تعملي كمان تعملي سونار بطن وكمان تعملي تحليل بول

السلام عليكم
انا كنت النهاردة عند الدكتورة بتاعتى وعملت سونار والدكتورة تقريبا زى ماحضرتك قولتلى معاد الولادة انشاء الله فى اول 10 ايام من شهر 10 الجاى
المهم انا اصلا رفيعة وبطنى مش كبيرة قوى وكمان دة اول حمل لية والدكتورة بتقولى ان وزن الجنين نص كيلو فهل دة غلط ولا طبيعى
عندى سؤال تانى عن غشاء البكارة بس مش عارفة ينفع اسأل حضرتك ولا لأ فايريت حضرتك تقولى ينفع اقول السؤال ولا لأ
وجزاك الله خيرا