الموضوع: أصفرار فى جلد اليدين

السلام عليكم...
عندى حالة من الخمول والكسل من حوالى شهرين و كف أيدى بهتان ولونه أصفر وتحت عينى أسود أوى وضربات قلبى سريعة ..ياترى دى أعراض أيه مع العلم بانى معنديش أى حاجة فى الكبد غير شوية أنزيمات مرتفعة شوية بسبب بعض الأدوية اللى أخدتها لكن معنديش فيروسات والحمد لله..شكرا

ممكن تقولي

ايه الادويه الى انتا اخذتها..؟

أنا شاكك في مرض مش خطير اوى ولكن أبغى أتأكد أول من الادويه الى انت بتأخذها .. فياليت ترد علي عشان برضوا أسألك كم سؤال وأفيدك بحالتك

وشكرا


أخوك


Med Student

ممكن تدينا بس شوية معلومات اكتر
يعنى انت اصلا كنت بتاخد علاج ايه و لايه و لمدة قد ايه ؟؟
و ايه اللى خلاك عملت انزيمات كبد اصلا ؟؟
و عملت ايه كمان ؟؟؟؟؟؟؟؟؟

عدنا

ياليت لو تقولنا اي تغير حصل في جسمك

يعني مثلا زاد وزنك ولا حاجه ..

بمعنى أتكلم أكثر عن الاشياء الى تغيرت في جسمك


لان صعبه اعطيك تشخيص على اعراض زي كذا .. لازم تراقب نفسك وتشوف ..

وشكرا

اه وزنى زاد فعلا ومش باخد أدوية بأنتطام

بس وزنى زاد بسبب أنى باكل كتير أصلا وكنت زمان بمارس الرياضة بأنتظام ودلوقتى بطلت أعمل رياضة فدا سبب زيادة وزنى ويعنى هو المرض خطير أوى كدة أنا روحت لدكتور باطنة ولو كان شاف حاجة كان قالىى؟؟

أنا عملت تحليل على أنزيمات الكبد لأنى كنت بعانى من خمول وكسل ونوم كتير لكن التحاليل أثبتت أنى ماعنديش أى فيروس فى الكبد..وكنت قبلها باخد مضادات حيوية عشان كان عندى شوية مشاكل فى اذنى وفكى بس هى دى حالتى.

انت عملت تحليل دم كامل cbc ولا لأ؟
ماتقلقش انت 99% ان شاء الله معندكش حاجة
انت بس شكلك موهوم و خواف شوية
اطمن مفيش حاجة ان شاء الله
قولى كمان هو الدكتور عمل ايه معاك يعنى ؟؟؟؟

أخي الفاضل:
بعد إذنك تفضل بعمل تحاليل وظاف كلى:
- urea
- creatinine
دي أهم خطوه دلوقتي بعدما عملت وظايف كبد .. و يا ريت ترفعلنا صوره من نتائج تحاليل وظائف الكبد و الكلى هنا عشان نشوفها و نقيمها
ألف سلامه عليك و إن شاء الله يكون الموضوع بسيط
السلام عليك

بص ياسيدى
ضربات قلب سريعه+هالات سوداء+اصفرار الكفين
يبقى احتمال كبير يكون فيه انيميا يبقى لازم تعمل التحاليل اللى الاطباء الافاضل طلبوها منك وخاصه Cbc