الموضوع: ::هنا::رابطة أطباء أمراض الكلى((الكلى الصناعي))..Nephrology

انا سعيد بمشاركتك وردا على استفسارك بخصوص المجموع هما مش بيشترطوا تقدير معين فى الباطنه عشان تسجل فى الكلى طبعا لازم تكون جايب جيد على الاقل فى الباطنة عشان تسجل فى اى من فروع الباطنة"صدرية جهاز هضمى قلب ......" واحسن الاماكن اللى ممكن تتعلم فيها الجامعات وبعد كده التامين الصحى نظرا لان حالات الكلى بتبقى حالات مزمنة وتحتاج متابعات كتير فالمريض بيروح التامين الصحى اولا وبالذات مرضى الفشل الكلوى وبعد كده مستشفيات الصحه واغلب المستشفيات التعليمية بها وحدات غسيل كلى كويسة
وعلى فكرة امراض الكلى مش بس حالات الغسيل احنا عندنا دكتور الكلى بيتابع اغلب مرضى السكر عشان زى ما انتوا عارفين من مضاعفات السكر تاثيرة عى الكلى وبيضيبط الظغط واغلب المرضى بيدخلوا فى الفشل الكلوى نتيجة مضاعفات لامراض كتيرة فلازم تبقى تعرف ازاى تتعامل مع باقى الامراض وعلى فكرة اغلب الجامعات هتبدى تفتح التسجيل فى امراض الكلى من الدوره التسجيليه القادمة وهتبقى كل الجامعات تدى ماجستير كلى منفصل مش ماجستير باطنة عامة زى ما بيحصل الان
واى خدمة على اى استفسار فى اى وقت سلاااااااااااااام

السلام عليكم ورحمه الله
انا طبيب مقيم جراحه مسالك مركز غنيم بالمنصوره واحب ارد على بعض النقاط
1. اعلان النيابه اللى فى الدفعه ليس معروفا هل هو يتبع غنيم ام لا لآن المركز بياخد نواب الكلى من وزاره الصحه عن طريق اعلان فى الجرايد الرسميه وفى هذا العام حصل مفاجأه انهم بعد ما كانوا يشترطوا ان المتقدم يكون من خريجى طب المنصوره السنه دى لغوا هذا الشرط
2.بالنسبه للنواب الكلى الجداد هذا الموقع مفيد جدا جدا فى dialysis هوللدكتور نبيه انور الغوالبى www.dialysis-tips.com

يا سلام

لم اكن اتوقع ان فكرتي بتكوين رابطة لاعضاء المنتدي العاملين او الراغبين في العمل في مجال امراض الكلي سيلقي هذاالترحيب

و ارحب بالدكتور حسام و علي فكرة انا قابلت بعض من زمايلك اللي تجحوا في المسابقة ده و هم الان منتدبين في التامين بالقاهرة 3 شهور اليس كذلك؟ مش ده المسابقة اللي اتعادت 3مرات؟


المهم عشان اللي بيسال اني اقول: ان التخصص ده له مزايا و بعض العيوب لكن عيوبه ممكن تتغلب عليها و لو اتغلبت عليها يبقي انت جمعت تخصص مليان مزايا


و ده من واقع خبرتي الضئيلة__شهرين فقط منذ استلمت النيابة_


و ده اللي هنتكلم فيه تباعا

و اسف لاني اطيل الغياب عن الموضوع لكن البركة فيكم

المشاركة الأصلية كتبت بواسطة سمير عطية

انا الاسعد بوجودى فى الرابطة، طبيب تدريب يعنى تدفع فلوس علشان تحضر و تتعلم فى الجامعة وطبعا مفيش مرتب وماينفعش اقدم على نيابة غير بعد3/2008 ان شاء الله انا ناوى على كلى،بالمناسبة هو حضرتك دفعة كام و شغال فين ،و يا ريت حضرتك تقول لى على الكتب اللى تنفعنى وانا لسة فى البداية وجزاك الله كل خير

اسف يا دكتور سمير لو اتاخرت عليك

اللي أنا شايفه في موضوع الكتب ده ان قراءاتك لازم تشمل 3 اتجاهات((كلينيكال))



1-dialysis

يعني فكرة الغسيل الكلوي و انواعه و تركيب الماكينة و الفلتر و المواد المستخدمة في الغسيل و المضاعفات التي تحدث للمريض اثناء الغسيل و كيفية التعامل معها

و انا رايي انك تبدا الاول بالاتجاه ده

ليه؟

مش لان ده اهم الاتجاهات لا

و لكن لسببين

1- لان ده هو شغلك او 90%من شغلك لو انت في مستشفي صحة يبقي لازم تتقنه

2-عشان لو عايز تشتغل برايفت في مراكز غسيل الكلي الخاصة



و الاتجاه الاول ده فيه كتابين مشهورين و جيدين

1_oxfordhandbook of dyalisis

2_hahbook of dyalisis


و الكتابين كويسين


الاتجاه الثاني في القراءة


امراض الكليclinical nephrology



لان ده اللي المفروض تكون متميز فيه عن باقي اطباء الباطنة العامة



الاتجاه الثالث

الباطنة العامة و ده مهمة جدا جدا

و القاعدة بتقول((عمرك ما هتبقي دكتور كلي كويس الا لو فهمت باطنة عامة كويس))

و ما اكثر الكتب الجيدة فيها

و لعل من الكتب المفيدة في نظريdavidson




, وللكلام بقية

يا جماعة انتم فين يا ريت نقدر نفيد بعض فى التخصص دة
انا احمد نايب كلى فى القاهرة
فكرة الرابطة دى ممتازة ياريت تفضل حية على طول

المشاركة الأصلية كتبت بواسطة دكتور سعيد

المهم عشان اللي بيسال اني اقول: ان التخصص ده له مزايا و بعض العيوب لكن عيوبه ممكن تتغلب عليها و لو اتغلبت عليها يبقي انت جمعت تخصص مليان مزايا


و ده من واقع خبرتي الضئيلة__شهرين فقط منذ استلمت النيابة_


و ده اللي هنتكلم فيه تباعا

و اسف لاني اطيل الغياب عن الموضوع لكن البركة فيكم

لو سمحت يادكتور ممكن توضحلنا العيوب دي ايه بالظبط؟؟

أنافي نهاية امتيازى وبفكر في التخصص ده..

السلم عليكم ورحمة الله اسمي مصطفي عبدالسلام وأنا طبيب مقيم باطنة قسم 3 جامعة المنصورة ووحدة امراض الكلي انا باقي من النيابة شهور قليلة وإن شاء هاستلم مدرس مساعد اخر العام انا سعيد بالتعرف عليكم

اهلا بك يا دكتور Sasa

و نحن سعداء بحضرتك جدا معانا

الف شكر يادكتر سعيد على الرابطه الجميله دى


فعلا الواحد عنده اسئله كتير عن النفرولوجى ووجود رابطه زى دى هيسهل علينا كلنا الامور


وبكرر الشكر تانى دكتر سعيد

المشاركة الأصلية كتبت بواسطة momyaismomya

انا اسمى حسام على نائب امراض كلى فى مستشفى الهلال بالتامين الصحى سوهاج ومنتدب فى مستشفى جمال عبد الناصر بالاسكندرية وانا دفعة سبتمبر 2005 هتقولوا ازاى مع انى معداش عليا سنه فى التكليف ديه حكايه طويله من الاخلر كده ديه كانت مسابقة للتعيين فى التامين الصحى بسوهاج عشان هيفتحوا مستشفى جديدةاللى اسمهاه الهلال وكان من شروطها الغاء التكليف والغيت تكليفى واصبحت طبيب فى التامين الصحى مش فى الصحة بس تعيين مش بعقد وليا حتى الان 3شهور وعلى فكرة ده تخصص حلو جدا ومطلوب جدا فى الخارج وتخصص سهل نوعا ما مش زى الباطنة العامه على فكره انا ناوى ان شاء الله اسجل ماجستير فى شهر 4 فى جامعه اسيوط اللى هى الوحيده اللى بتسجل ماجستير كلى مش ماجستير باطنة عامة"على حد علمى انا سالت فى عين شمس والقاهرة وطلعوا مش بيدوا ماجستير كلى على طول لازم يكون معاك ماجستير كلى الاول"معلش انا طولت عليكم بس فرحت لما لقيت تجمع للتخصص اللى بحبه واكيد الدكاترة اللى بيحبوه وده رقمى لو حب حد يسال على اى شئ فى اى وقت وده
0161234946
ومعلش ممكن مبقاش قاعد كتير على النت فى الفترة القادمة عشان انا متغرب الان فى الاسكندرية زى ماقولت سابقا ومعلش مرة تانية عشان تقلت عليكم سلام بقى

ممكن ياجماعه حد يقولنا ايه هو نظام الماستر فى اسيوط؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة drdiaaeldin

السلام عليكم ورحمه الله
انا طبيب مقيم جراحه مسالك مركز غنيم بالمنصوره واحب ارد على بعض النقاط
1. اعلان النيابه اللى فى الدفعه ليس معروفا هل هو يتبع غنيم ام لا لآن المركز بياخد نواب الكلى من وزاره الصحه عن طريق اعلان فى الجرايد الرسميه وفى هذا العام حصل مفاجأه انهم بعد ما كانوا يشترطوا ان المتقدم يكون من خريجى طب المنصوره السنه دى لغوا هذا الشرط
2.بالنسبه للنواب الكلى الجداد هذا الموقع مفيد جدا جدا فى dialysis هوللدكتور نبيه انور الغوالبى www.dialysis-tips.com

لو سمحت يادكتور الاعلان ده لسه سارى وممكن اقدم فيه ولا خلاص؟ ولو لسه ايه الشروط؟؟؟؟؟؟؟؟؟؟؟؟؟

يا دكتور حسام انت بتقول ان احنا لازم نحضر ماستر باطنه قبل ماستر كلى ولا ايه
ياريت تركز على المعلومه دى

يا تري ايه حكايه ماستر الكلي ده
وايه المواد اللي في الفرست والسكند
والرساله في الاول ولا في الآخر

والاهم
هل في دبلومة كلي ولا لأ

المشاركة الأصلية كتبت بواسطة d_eooo

يا دكتور حسام انت بتقول ان احنا لازم نحضر ماستر باطنه قبل ماستر كلى ولا ايه
ياريت تركز على المعلومه دى

ياريت يا جماعة الاجابة؟؟؟؟

وكمان لو الاجابة بنعم هل يمكن استبدال احدهما بدبلومة؟؟؟؟؟

افيدونا افادكم الله

[QUOTE=xavix;1048423898]ياريت يا جماعة الاجابة؟؟؟؟

وكمان لو الاجابة بنعم هل يمكن استبدال احدهما بدبلومة؟؟؟؟؟

افيدونا افادكم الله[/QUOT


ممكن تاخد دبلومة باطنه وبعدين ماستر نفرولوجى

مش عارف بقه فيه دبلومة نفرولوجى ولا لا