الموضوع: بخصوص الأجهزة الكهربائية للمتزوجين أفضل الماركات

غسالة اديال ودى احسن انواع الغسالات لان كمان قطع غيارها متوفرة
والسخان يونيفرسال
والبوتجاز يونيفرسال بردوا
والثلاجة توشيبا وتحفة جدا وكل اللى جربواها شكروا فيها جدا
بالنسبة للتوستر فالكاميتال احسن مركة وهو تركى وسعره معقول
اما المكرويف فانا منصحش بيه عشان ليه اضرار كتير على الصحة وعلى العموم انا اسمع ان براون ومنونيكس احسن الانواع
والمحضرة الطعام فالبراون احسن حاجة طبعا من غير كلام وبيقولوا ان الكاميتل هى كمان كويسه
والمكنسة والمكوة بناسونيك وبلاش المكوة البخار اعطلها كتير
وكنت عايزة اسال ايه عيوب السخان الدجيتال

مشكور جدا على الموضوع المفيد

اولا ازي حضرتك
ثانيا انا هموت واشتري ثلاجه زي بتاعتك وياريت لو مستغني عنها تقول
هههههههههههههههه
لا بجد والله انا عايزه ثلاجه زيها جايبها منين بالسعر ده يارييت ترد عليا بسرعه لاني بجهز
الله يرضي عليك

اولا شكرا على الموضوع المفيد جدا عندى استفسار يا ريت لو حد عنده خبرة فى الديب فريزر ياترى احسن حاجة موجوده ايه والتليفزيونات بنفكر نجيب كيرا لانه نازل عليه عرض ولو حد يعرف مكان اسعاره كويسة فى المنصورة او المحلة وشكرا جزيلا

والله ياشباب بعد رحله بحث وعناء طويله عن الأجهزة
اتشريت الأتى
1- ثلاجه 14 ايدال زانوسى ايطالى ( فى نوع تانى مصرى تقريباأقل ب 500 جنيه )
2- غساله إيدال زانوسى مش فاكر 14 او 18 رنامج برده ايضالى
3- بوتاجاز إيديال زانوسى 5 شعله 90*60
4- تليفزيون سامسونج الترا سليم فيت بلو سى ديزاين تحفه بجد وسعره حلو جدا 1090 جنيه تقريبا
ايديال خدمه ومراكز صيانه معقوله جدا وشيك أوى الحاجه بتاعتها والتليفزيون السامسونج ماشاء الله ممتاز رغم ان كتير نصحونى بالتوشيبا
دعواتكم بقى انا فرحى 12/02/2010 ان شاء الله

موضوع جميل، لكن محدش يعرف غسالة الأطباق إيديال بس إلي هيا بتغسل كل حاجة، يعني حِلل والكلام ده .. بكام؟؟

انا دلوقتي جبت سخان غاز ايديال ومش عارف ازا كان كويس ولا ومحتار ياتري ابدلوا بسخان يونيفرسال ولالا
وجبت غسالة ايديال 18 برنامج العبد
وثلاجة كريازي 20 قدم
وبوتجاز يونيفرسال
ياتري ف انواع احسن من كدة ولالا
و اية رايكم ف الحاجات دي
ومش عارف اجيب المكنسة والمكواة و التليفزيون نوعهم اية
ياريت حد يفيديني

المشاركة الأصلية كتبت بواسطة القط الاسود2006

انا دلوقتي جبت سخان غاز ايديال ومش عارف ازا كان كويس ولا ومحتار ياتري ابدلوا بسخان يونيفرسال ولالا

وجبت غسالة ايديال 18 برنامج العبد
وثلاجة كريازي 20 قدم
وبوتجاز يونيفرسال
ياتري ف انواع احسن من كدة ولالا
و اية رايكم ف الحاجات دي
ومش عارف اجيب المكنسة والمكواة و التليفزيون نوعهم اية

ياريت حد يفيديني

اعتقد ان السخان يونفرسال افضل والمكنسه بانوسونيك تقفيل يابانى والتلفزيون توشيبا والمكواه بانوسونيك ...

في ناس بتقول ان ماركت الأسكا ماركه ممتازه جدا اريد ملومات عن هذه الماركه افيدوناااااااااااااااااا
وعايز اعرف كمان اجيب غسالة اطباق ماركه ايه؟؟؟

افضل اجهزه

التلاجه توشيبا او ايديال

الغساله ايديال زانوسى 14 برنامج

السخان يو نيفرسال

الشفات توشيبا

البوتاجاز .... تكنو جاز الافضل على الاطلاق بجد روعه

ممكن حد يفيدنى بخصوص ايديال زانوسى بضمان اوليمبيك جروب وهى 18برنامج كلاسيك وشكرا

يا جماعه حد يقولى ايه رايكم فى ايديالزانوسى كلاسيك 18 برنامج بضمان اوليمبيك جروبللاهميه وشكرا

انا الحقيقه كنت بجيب الاجهزه بتاعتى من ايام الدراسه بتحوشي المصروف الحقيقه ومحدش يسألنى ازاى بس انا مجبتش تى شيرت من حوالى سنتين ونص :D المهم بالنسبه للاجهزه هجيبلكوا الخلاصه

التلاجه اكيد طبعا توشيبا التلاته باب انا جبت ال18 قدم لونها سلفر حقيقى ممتازه طبعا انا مشغلتهاش بس عندنا فى البيت نفسها بس 21 قدم وحقيقى ممتازه جدا جدا جدا جدا

بالنسبه للبوتجاز انا جبت بلت ان يونيفرسال طبعا انضف اجه فى السوق 4 شعله وواحده فى النص كبيره تقريبا هو 60*90 سلفر لونه وممتاز فعلا وفيه سيفتى عشان لو حاجه اتكبت عليه يطفى ويفصل عنه الغاز دى الجديده بقى مش زى زمان يفصل بس

بالنسبه للفرن فهو برده يونفرسال بلت ان شيك شيك شيك وغاز برده

التليفزونات انا جبت يونيفرسال LCD 32 بوصه ممتاز الحقيقه انا عندى واحد شغال فى البيت شغال ممتاز جدا بس للاسف مش لاقيه فى السوق تانى وجبت برده واحد LCD 32 سامسونج ممتاز برده وخفيف جدا جدا بدرجه ممتازه واعتقد ان اليونيفرسال والسامسونج احسن تلفزيونات كفائه وسعر
حاجه المطبخ كلها جبتها مولينكس تقريبا انا اشتريت مولنكيس وحطيتها

الغساله انا لسه بظبط عشان اجيب الفظيعه وايت ويل ممتازه جدا فى الشكل والاداء والسعر هى وغسال الاطباق الويت ويل برده

وحاليا برده فى انتظار التوضيب عشان اجيب فلتر للبوتجاز بس عشان المقاسات لانى افضل الى معاه مدخنه مش بفلتر بيتغير ده

المكوه اعتقد انها ناشونال يبانى بس عمتا مش فارقه موضوع المكوه ده ....... والمكنسه توشيبا 450 وات بيعلى ويوطى شيك واداء ممتاز .... والديفيدى فيليبس ممتاز برده

حاليا نفسى اجيب حاجه 40 بوصه lcd بس الاسعار مش مساعده اليومين دول فان شاء الله على اول السنه بقى


ادعولى اشتغل بقى عشان احوش بقيت فلوس التوضيب والاجهزه

المكنسه على فكره 1600 مش 450 خطأ مطبعى

طيب يا جماعة


بالنسبة للثلاجات


فيه شبه إجماع على التوشيبا


بس فيه واحد نصحني بال lg

وقال إن ال lg كان سعرها أعلى وعلشان كده ما كانش حد بيجيبها

لكن دلوقتي سعرها قل عن الأول


كمان التوشيبا ناس كتير إشتكت من الرفوف بتاعتها إنها بلاستيك


حد جرب ال lg الجديدة

يقولنا الأفضل دلوقتي التوشيبا ولا ال lg

وياريت نعرف الأسعار بالتقريب ومدة الضمان