الموضوع: استفسار عن مساجد عقد القران فى القاهرة

السلام عليكم انا عايز اكتب كتابى ان شاء الله قبل رمضان يعنى فى شهر 7 الجاى بأذن الله فياريت اللى عنده معلومات او ارقام تليفوم لمساجد تكون فيها قاعات حلوة ودار مناسبات لعقد القران او اى معلومات عن الحجز اكون شاكر ليكم جداجدا.

فيه مسجد و دار مناسبات الشرطة ف صلاح سالم

http://www.aawsat.com/details.asp?se...&issueno=11049

ممكن تفاصيل اكتر لان المقال دا قديم وياريت ارقام التليفونات

للاسف لا .. لكن ممكن تبحث في جوجل .,

مسجد النور بالعباسيه
مسجد الرحمن الرحيم (العربي ) في شارع صلاح سالم

وبعد اذنك اسمه عقد زواج
لان عقد قران دى مأخوذه من النصارى
وتقدر تتأكد عن طريق البحث فى جوجل

طيب ممكن حد يفيدنى بارقام تليفون

اولا الف مبروك مقدما
انا كمان كتب كتابي في شهر 7 يوم 5 ان شاء الله

انا دورت زيك كده كتير من نص شهر 5 و معظم الجوامع الكبيرة محجوزه المواعيد المسائي فيها
كل الجوامع الاسعار اللي هاكتبها هي اسعار ايجار القاعة فقط بدون السيرفيس و المشروبات و اجرة المأذون و الفيديو

مشيخة الازهر تم الغاء مناسبات كتب الكتاب فيها

مسجد الشرطة ( صلاح سالم ) المواعيد الصباحي بـ 700 جنيه و المسائي بـ 800 و تأمين 100 جنيه ( متوسط المستوي )

مسجد الشرطة ( 6 اكتوبر ) لسة ماشتغلش ( عالي المستوي )

مسجد الرحمن الرحيم ( صلاح سالم ) 1250 المواعيد الصباحي و 1500 المواعيد المسائي و ده سعر اصغر قاعة بشيل لحد 200 فرد علي ما اتذكر ( عالي المستوي )

مسجد النور ( العباسية ) 650 جنيه ( رديئ المستوي )

مسجد ابو بكر الصديق ( مساكن شيراتون ) 1500 جنيه ( عالي المستوي )

مسجد ال رشدان ( مدينة نصر امام الاستاد ) مش متذكر بالظبط بس حوالي 600 جنيه ( رديئ المستوي )

مسجد جامعة مصر للعلوم و التكنولوجيا ( 6 اكتوبر داخل الجامعة ) 500 جنيه + 200 تأمين ( عالي المستوي ) و اسعة القاعة 250 فرد و السعر فعلا خمسمائة جنيه فقط لا غير و ده لانه مش معروف
و ده اللي انا حجزت فيه لتوافر المواعيد المسائية فيه

انا رحت مسجد الشرطة والرحمن الرحيم وسألت عالاسعار بس لكن ما سألتش عالحجز هل فعلا كل الحجز عندهم مليان شهر 7 يعنى مش هلاقى ميعاد فاضى فى 7؟؟

وعليكم السلام ورحمة الله وبركاته
الموضوع ده إن شاء الله يفيدك
أسعار وشروط لقاعات كتب الكتاب بالمساجد بالقاهرة
وفيه قاعة اسمها قاعة الروضة في مسجد الرحمن الرحيم دي انا روحتها بنفسي وحلوة أوي