الموضوع: ممكن معرفة متطلبات التنسيق لحاملي الشهادة الثانوية من خارج مصر؟

السلام عليكم


انا خلصت ثانوية من برا مصر



ممكن أعرف ايه متطلبات التنسيق للجامعات وامتى هيبدأ؟




وجزاكم الله خيرا

ان شاء الله نتيجة تنسيق المغتربين بتظهر بعد تنسيق القبول للثانوية العامة المصرية يعنى حوالى النصف الثانى من اغسطس

بالنسبة للاجراءات حضرتك بتتوجه لمكتب التنسيق الموجود بجامعة القاهرة لتقديم الاوراق المطلوبة وسحب الملف والاوراق بتبقى عبارة عن الشهادة وجواز السفر واى طلبات اخرى هتلاقيها موجودة فى الملف

اما بالنسبة لملء الرغبات فبيكون من على النت من موقع الحكومة الالكترونية
حضرتك بتتابع وكل دولة بيبقى ليها تنسيق مختلف بيظهر فى اول سبتمبر ان شاء الله وبيتم اعلانه على موقع الحكومة الالكترونية ايضا

وتابع معانا لاى معلومات جديدة ان شاء الله

بالتوفيق

لكن انا سمعت انو مطلوب اثبات سكن زي وصل كهربا او فاتورة تليفون باسم الأب او الأم ؟ طيب بالنسبة للي معندهوش بيت في مصر ( ساكن ايجار يعني ) يعمل ايه !!

عادي هات اي وصل للمكان الللي انتا مأجره وكمان اكيد جواز السفر بتاعك مكتوب فيه عنوانك في مصر فين وده ممكن تقريبا يكون كفايه علي ماأذكر اعمل سيرش علي شروط القبول للشهادات المعادله لان انتا كده شهادتك اسمها شهاده معادله وربنا يوفقك

اوعا تنسا استخراج صورة من شهادة الميلاد وإلا هتدب مشوار من جامعة القاهرة للأٌقرب سجل مدني وساعتها احتمال يجيلك ضربة شمس في الحر الاحنا فيه ده انا اخويا اتسوح لما كان بيقدملي عشان نسي شهادة الميلاد

ولازم طبعا وصل نور او كهربا ومعرفش ينفع ايجار ولا لا بس هتلاقي تليفونات في موقع التنسيق اتصل واسأل واعرف كل حاجةعشان تروح جاهز وهتلاقي طابور طوووووووويل

السلام عليكم ورحمة الله وبركاته

اليك اخى الفاضل الاوراق المطلوبة بالظبط للتقديم:


* تقديم أوراق الطلاب للمكتب:

لا تقبل أوراق بالبريد بل تقدم مستوفاة بواسطة الطالب أو أحد أقاربه وذلك مقابل إيصال بالاستلام علما بأن الأوراق المطلوبة من كل طالب يتقدم لمكتب التنسيق هي:

1. طلب الالتحاق " استمارة 555 تنسيق" أول ورقة بالدليل تنزع وتملأ وترفق بالأوراق المقدمة للمكتب ولا تقبل الأوراق بدونه.

2- الشهادة الأصلية الداله على النجاح في الشهادة المعادلة مستوفاة لجميع التصديقات.

3- الشهادة الاعدادية أو بيان تسلسل دراسي كامل لسنوات الدراسة وصورة من الشهادات الدراسية بالنسبة للشهادات الأجنبية.

4- شهادة الميلاد أو مستخرج رسمي منها.

5- بالنسبة للطلاب الحاصلين على شهادة الثانوية الإنجليزية يجب تقديم شهادة تفيد أن المواد التي درسها على النظام الممتد ( Extended) وليس على النظام الـ ( Core) .

6- عدد (6) صور شخصية يدون عليها اسم الطالب والدولة الحاصل منها على الشهادة.

7- بطاقة الاختيار.

8- بيان ترتيب رغبات الطالب.

9- استمارة 2 جند(للطلاب الذكور فقط) توجد بمكاتب البريد يكتب فيها اسم الطالب والعنوان والتوقيع.

10- اثبات سكن باسم الوالد أو الوالدة أو ولي الأمر ( إيصال كهرباء- الغاز - التليفون ) وذلك قبل ثلاثة أشهر من ميعاد التقدم الى مكتب التنسيق.

- بالنسبة للطلاب الحاصلين على شهادات معادلة من الدول العربية والأجنبية يلزم إضافة ما يلي :

( أ ) صورة لإقامة ولي الأمر بالدولة الحاصل منها الطالب على الشهادة لمدة لا تقل عن الفترة التي يحسب على أساسها مجموع الطالب في الثانوية العربية أو الأجنبية.

(ب) صورة جواز سفر الطالب مدون به تاريخ دخول وخروج الطالب لهذه الدولة مع الاطلاع على أصل إقامة الطالب أثناء حصوله على الشهادة.

(ج) التأكيد على ضرورة الإقامة الشرعية للطالب في البلد التي حصل منها علي شهادة الثانوية المعادلة والتصديق عليها من السفارة أو القنصلية المصرية.

بخصوص اعتماد الشهادة الثانوية من خارج مصر :

كيفية التصديق على الشهادات:

تصديق الشهادات معناه اعتمادها ويكون اولا من الجهة التى أصدرتها ثم من وزارة الخارجية بالدولة المعنية ثم من السفارة المصرية بهذا البلد والمستشار الثقافى المصرى بالامريكتين ودول روسيا وشرق أوروبا أو تصديقها من سفارة البلد الحاصل منها على الشهادة والموجودة بجمهورية مصر العربية ثم الخارجية المصرية ولاينظر للشهادات غير المصدقة أو التى لايتم تصديقها من سفارات ج.م.ع بالخارج أو الخارجية المصرية .