الموضوع: اى خطأ حدث في جهازك اوعطل فقط اكتبة هنا وسأجد لك حل وانا في الخدمة

بصوا يا شباب اى رسالة خطأ او عطل حصل في جهازك فقط قولى هنا وانا في الخدمة وتحت امركم ويا رب ربنا يساعدنى وأجاوب على كل اللى انتو عايزينة من أخطاء الجهاز والمشاكل المتزايدة كل يوم في أجهزتكم

أنا الهارد بتاعي وقع من مسافه عاليه نسبيا المهم بعديه بقت حرارته تزيد بشكل كبير جدا البادات بقت فيه بطريقه كبيره حتى إن الدرايف c أغلب الأفلام و الألعاب اللي عليه بطلت تشتغل و السبب إن الهارد مش عارف يقرأ في السيكتور اللي فيه هذه الملفات

أنا عايز برنامج كويس يلغي البادات من الهارد بحيث ما يكتبش عليهم أصلا

علما بأن الهارد western caviar 80 gb malysia

و أيهم أفضل ماكستور و لا ويستيرن و لا سيجيت

و شكرا جزيلا

بص يا سيدي أولاً انا حدثت معايا نفس المشكلة ولكنى الحمد لله أتغلبت عليها بكل بساطة مع البنامح اللى في المرفقات دة البرنامج دة جامد جداً بيساعدك انك تشيل اي شئ خطير او بادة تؤثر على صحة الهارد بتاعك وانا بستعملة شخصياً البرنامج كامل بالسيريال في المرفقات اتمنى البرنامج يحوز على أعجابك ويساعدك والبرنامج متوافق مع اي هارد شوفتة او هتشوفة في حياتك. بعد ما بتصطب البرنامج بيطلب منك ديسك عشان تدخلة في الفلوبي وبعد كدة بتعمل زى ماهو موجود في الصورة دى وبيشتغل على الفلوبي بتاعك وبيعملك حاجة كدة زى ماتقول ديسك أستارت اب وبعد كدة تطفي الجهاز وتعمل البوت الفلوبي ديسك طبعاً من الأوبشن بتاع البوردة وتحط لديسك والبرنامج يشتغل وتحددةلة الهارد بتاعك وهوة هيشتغل على هاردك وهيشلهولك
ونصيحة : حاول تفرمت قبل القصة دى "مش إجباري بس مقترح عليك كدة"

وفي أنتظار ردك

عزيزي انا عندي كومبيوتر محمول نوع evo compaq notebook n610c به كارت شاشة ATI mobility radeon 7500 32 k الجهاز يعمل بشكل جيد ولكن عند تشغيل الالعاب مثل البليارد و IGI وبعض البرامج تتجمد الصورة وتظهر الشاشة بعد ذلك بالوان قليلة 4 bit ولا تعود الا باعادة التشغيل

و انا لدى مشكلة عند تشغيل الالعاب بتقطع مع العلم ان كارت الشاشة بتاعى 128 و رمات 512 ايه الحل ؟!

بالنسبة للأستاذ اللى معاه الكوميوتر المحمول انا مش هقدر أساعدك لأنى ممرتش بالتجارب دي قبل كدة وأما الأخ الثانى اكيد اللعبة مش هتقطع لو البروسيسور بتاعك عالى اما لو البروسيسور بتاعك مثلاً 1.7 ممكن تقطع شوية. ولو البروسيسور بتاعك عالى يبقي دة عيب من النسخة او التعريف بتاع الكارت وحاول تعرفة تانى من الأسطوانة الأصلية بتاعتة اللى جاية معاة. وممكن برضة تكون العيب من اللعبة ولو كان العيب منها شيلها وانقلها تانى على نضيف من أي حد من أصحابك. ومستني ردك يا X00.

عندي مشكله في الويندز ارجو من سيادتكم حلها
اليوم شغلت الجهاز ولا حظت ان جميع البرامج لاتعمل وكذلك جميعالايقونات لاي شئ فعندما اضغط على اي ايقونه لبرنامج او اي شئ تظهر لى هذه الرساله
this operation has been cancelled due to restrictions in effecton thise computer please contact your system administrator
فما الحل وشكرا

النسبة للألعاب التقيلة ممكن تستعملالبرنامج دة لتسريع الألعاب ماعليك إلا تضغط على كلمة Warp Speed وهوة هيشوف شغلة ويسرعلك جهازك كويس بعد ريستارت واحد والبرنامج كامل في المرفقات
----------------------------------------------------------
وبالنسبة للأخ اللى مفيش حاجة شغالة معاه شكل الجهاز كدة واحد دخل في User Accounts ونيل الدنيا والحل انك تخش في اللى هقولك علية دة
Start
Settings
Control Panel
User Accounts
Create a new account
Name the account
وتختار كلمة
Administrator
واحنا في الخدمة يا معلمين

شكرا يا باشا
واقترح تثبيت الموضوع

السلام عليكم
الف شكر على الموضوع
انا عندى ماذر بورد جيجا بايت وعليها بروسيسور 1200 توالتون
ومركب رامه 128 المشكله هى انه عندما اضفت رامه اخرى 128 من نفس النوع اسبيكتيد الجهاز كل ما
يجى يشتغل يظهر كلام غريب فى صفحة البدايه التى بها الرامات والبرسيسور اضغط f1 فيبدا التحميل
وقبل ان يقوم بتحميل الوندوز يحدث ريستارت للجهاز وهاكذا مع انى جربت الرامات على جهاز اخر وتعمل
فقمت بتركيب رامه 256 فتحدث نفس المشكله ماعدا انه يدخل على الويندوز وعند فتح اى برنامج او اى شىء يحدث ريستارت فما الحل مع انى اعتقدت انها ويندوز وغيرتها ونفس العيب كما هو وانا الان الجهاز يعمل على رامه واحده128 والاخرى مركونه ارجو الافاده ولك الشكر

بص يا سيدي
من الممكن ان الرامة الجديدة تكون معفرتة الجهاز شوية وانا اقترح عليك انك تصطب ويندوز بتاعك من جديد حتى يتم ملائمة الرامة الجديدة المعفرتة مع الجهاز.
وثانى حاجة انا عايز منك الظبط كل كلمة طلعتلك في صفحة البروسيسور والرامات بتاعتك عشان اقدر احلل المشكلة صح لانى عايز شرح للخطأ وافر شوية
وأرجو الرد عليا في أسرع وقت

يا رجاله الواد ده انا اعرفه دي ما بيعرفش يعمل اسكان للجهاز اسالوني انا انا عارفه كويس هيه عشره يوم دي معرفه 19 سنه الواد ده فاشل مع العلم ده اخويا بس تصدقوا الوواد برضو شكله بيفهم انا عجبني الموضوع قلت اما اخش اتفرج طلع يشرف ههههههههههههههههههههههههههه

عزيزي انا عندي مشكلة مجننتني وطلبت المساعدة فلا مجيب ويمكن ليس مكانها هنا
ولكنني قرأت العنوان فدخلت وباين عليك صاحب خبرة ماشاء اللة عليك والله يزيدك من علمه
المهم عملت فورمات لجهازي ونصبت ويندوز ميلينيوم وفوجئت بكارت الشاشة لم اجدله تعريف ونوعه
s3 vision 864 pci
وانا بانتظار مساعدتك وساكون شاكرا لك ذلك كل الشكر

الحمد لله قدرت أجبلك التعريف بتاع كارت الشاشة بتاعك متوافق مع كل نظمة التشغيل
أتفضل تعريفين زى الفل لو واحد عمل القلة التانى أنشاء الله يشتغل
واتمنى انك ترد عليا وتقولى حصل اية معاك عشان أعرف أشتغل ولا مشتغلش

عندي مشكلة عويصة أوي لما أشوف ليها حل ولا لأ
الهارد مش بيقرا في الويندوز
مع إنه بيقرا في صفحة التعريفات اللي في أول الويندوز :5headache :5headache :5bomb: :5bomb:
أعمله أيه ؟
أنا عارف إنك قدها وقدود :D :D :D :D