الموضوع: وظائف العمل المتاحة لخريجى كليه علوم قسم جيولوجى ؟

السلام عليكم انا اسمى ايمن طالب ف كليه علوم قسم جيولوجى
لو سمحتم يا جماعه انا نفسى استفسر عن حاجة ايه هى وظائف العمل المتاحة لخريجى كليه علوم قسم جيولوجى بالذات ف قطاع البترول ايه هو طبيعه عملهم و هل لازم يكون تخصص جيو فيزياء ولا لاء وهل الشغل بتاعهم بيتعارض مع شغل خريجى هندسة تعدين ولا شغلهم مكمل لبعض وكمان يا ريت نعرف هل شغل جيو كيمياء بيختلف عن فيزياء ولا لاء يا ريت يا جماعه توضيح من حد بليز لان انا مهتم بالموضوع دا جدا ونفسى بصراحة اشتغل ف قطاع البترول ودا اللى دخلنى القسم دا م الاول
ارجو التوضيح من حد عارف كويس ف الموضوع ويقدر يدى راى يفيدنا وكمان لو كان شغال ف البترول يبقى كويس جدا
سلالالالالالالالالالالالالالام

السلام عليكم و رحمة الله و بركاته
انا كمان خريجة جيولوجيا بس الوظائف فى اغلب الاماكن صعب الحصول عليها لان اغلب شركات البترول قطاع خاص انا حسه ان الدنيا اكترها وسايط

ههههههههههه
محدش رد عليكم
اصل انا كمان طالب فى علوم جيولوجيا
بس صدقونى
الدنيا صغيرة
بس كل اللى اكدهولنا الاساتذة الدكاترة
ان الموضوع مش تقديرات
الانترفيو هو اللى بيحدد
وفى كل الاحوال
هنعد فى البيت

السلام عليكم ورحمة الله وبركاته
في الاول انا عايز اطمنكم ان الشغل كتير بس لازم تكونوا جاهزين لدخول المجال ده اهم حاجة اللغة لازم تحاولو تنموها قدر الامكان وتفهموا منهج البترول,والwell logging كويس جدا وسيبكو من الصخور النارية والمتحولة والحفريات لان مجالهم ضيق جدا المهم الوظايف الي ممكن يشتغلها الجيووجي منها
1- شركات البترول طبعا وهي قسميين
A-ownerوفيها ممكن يشتغل حجات كتير زي well site geologist وغيرهم كتييرpetrophysics,geophysics,geoscientist

B-services
, ودي بقى فيها اقسام كتير مثل
-mud logging
-mud engineer
-MWD/LWD ( well logging)
-wire line (well logging
-bit engineer

بعد كده هنطلع بره مجال البترول وهي الحمد لله مجالات متنوعة الى حد ما
-1 الاسمنت
-2 السراميك
-3 المحاجر
-4 شركات المقاولات والاستشارات الهندسية ( جسات) واختبارات التربة
-المناجم
-هيئة المساحة الجيولوجية
-ظباط متخصصين في الجيش ( 6 شهور وبتعلأ نجمة)
-شركات حفر ابار المية زي regwa (دي بتاخد اي حد يقدم فيها)
-شركات المساحة
-الاماكن البحثية ( الطاقة النووية - معهد بحوث البترول .....)




اما بانسبة لفرق ما بين الاقسام فهو في معظم الاحيان مبيفرقش كتير الا ما ندر يعني كل الاقسام بتشتغل شغل اي قسم بس مش ديما عموما لو عايز رأيي فهو جيولوجيا او جيولوجيا وكمياء وبانسبة للاقسام الاخرى في هندسة البترول مفيش اي تعارض بينهم بس في حاجات ممكن يشتغلوها الاتنين خصوصا في القسم الثاني ن شركات البترولservices بس الجيولوجي عموما فرصة اكتر
وأطمنو يا شباب الشغل موجود بس اتتم اتعبو ودورو وطورو نفسكم
والي عايز اي معلومات انا تحت امره
انا مش دفعة قديمة اوي انا 2005 والحمد لله شغال في البترول وعقبال متبقوا كلكم ان شاء الله في احسن الشركات العالمية
أخوكم محمود

...........................................

شكرررررررررا

المشاركة الأصلية كتبت بواسطة a7med_3omara

السلام عليكم ورحمة الله وبركاته
في الاول انا عايز اطمنكم ان الشغل كتير بس لازم تكونوا جاهزين لدخول المجال ده اهم حاجة اللغة لازم تحاولو تنموها قدر الامكان وتفهموا منهج البترول,والwell logging كويس جدا وسيبكو من الصخور النارية والمتحولة والحفريات لان مجالهم ضيق جدا المهم الوظايف الي ممكن يشتغلها الجيووجي منها
1- شركات البترول طبعا وهي قسميين
A-ownerوفيها ممكن يشتغل حجات كتير زي well site geologist وغيرهم كتييرpetrophysics,geophysics,geoscientist

B-services
, ودي بقى فيها اقسام كتير مثل
-mud logging
-mud engineer
-MWD/LWD ( well logging)
-wire line (well logging
-bit engineer

بعد كده هنطلع بره مجال البترول وهي الحمد لله مجالات متنوعة الى حد ما
-1 الاسمنت
-2 السراميك
-3 المحاجر
-4 شركات المقاولات والاستشارات الهندسية ( جسات) واختبارات التربة
-المناجم
-هيئة المساحة الجيولوجية
-ظباط متخصصين في الجيش ( 6 شهور وبتعلأ نجمة)
-شركات حفر ابار المية زي regwa (دي بتاخد اي حد يقدم فيها)
-شركات المساحة
-الاماكن البحثية ( الطاقة النووية - معهد بحوث البترول .....)




اما بانسبة لفرق ما بين الاقسام فهو في معظم الاحيان مبيفرقش كتير الا ما ندر يعني كل الاقسام بتشتغل شغل اي قسم بس مش ديما عموما لو عايز رأيي فهو جيولوجيا او جيولوجيا وكمياء وبانسبة للاقسام الاخرى في هندسة البترول مفيش اي تعارض بينهم بس في حاجات ممكن يشتغلوها الاتنين خصوصا في القسم الثاني ن شركات البترولservices بس الجيولوجي عموما فرصة اكتر
وأطمنو يا شباب الشغل موجود بس اتتم اتعبو ودورو وطورو نفسكم
والي عايز اي معلومات انا تحت امره
انا مش دفعة قديمة اوي انا 2005 والحمد لله شغال في البترول وعقبال متبقوا كلكم ان شاء الله في احسن الشركات العالمية
أخوكم محمود

طبعا مشكور للاخ محمد التوضيح اللي ذكره
انا اخوكم طارق ودفعة قديمة شوية خريج 1999
بس الحمد الله شغال في البترول بردو
وفي شركة سرفيس
احب اققولكم ان فعلا اهم حاجه في الشغل اللغة ويسلام لو معاك لغة تانية
ويفضل يكون معاك انجليزي كلغة اولي
وفرنساوي كلغة تانيه وطبعا مش شرط
بس كل مكان معاك لغة كويسه هتكون فرصتك احسن

وان شاء الله بالتوفيق دايما

السلام عليكم يا ريت يا جماعه لوفيه شركات طالبه جيولوجيين حد يقول علشان فيه ناس كتيير محتاجه الموضوع ده وجزاكم الله خيرا

السلام عليكم أرجو الرد السريع من حضراتكم
أنا تقديري في سنة أولى يدخلني شعبة جيولوجيا\كيمياء.وانا بصراحه سألت عنه وكانت الاجابة انه ملهوش شغل لأنك بتدرس الجيولوجيا نص نص والكيمياء نص نص.وبالتالي مانتش طايل جيولوجيا ولا طايل كيمياء.وبصراحة كنت هاحول من الكلية بسبب كده. فأرجو الافاده.......وشكراً

يا جماعة انا لسا سنة اولي وبصراحة مش مهتم اوووي لان حاسس ان مش فلرقة معايا حاسس ان الاقسام ف جيولوجيا كلها شبة بعض وبعدين حاسس بعد كدا مستقبل الوظيفة ف شركات البترول مش هيبقي متاح ؟؟؟ ممكن حد يقولي اية الفرق بين جيو كيميا وجيوفيزيا وجيولوجيا عامة لو سمحتو ارجو الرد لان \ا هيفرق معايا كتيير ممكن ابتدي اهتم لو حسيت ان اللي ممكن ازاكرو هيفدني بعد كدا ......شكراا