الموضوع: البنك الرئيسى للتنمية والائتمان الزراعى

السلام عليكم ورحمة الله وبركاتة
جزاكم الله خيرا على هذه المواضيع الهامة وربنا يصلح حالكم جميعا ويوفقكم لما يحبة ويرضاه
ياريت لو حضرتكم او احد الاعضاء الكرام يفيدنى انا انشاء الله عندى امتحان فى بنك التنمية والائتمان الزراعى الرئيسى لابناء العامليين ودى مش ميزة عشان احنا اكتر من الف واحد ثم اعتقد انى من اقل الناس ممستوى لاسباب هاذكرها انا عايز اعرف الامتحانات عبارة عن ايه ولو حد عندة خبرة فى المجال دة ثم مش عارف البس ايه وانا رايح الامتحان اصل انا مش متعود على لبس البدل ارجوا النصيحة من كل شخص عندة خبرة لوجة الله عز وجل واذاكر او اراجع ايه بظبط وانا اقل الناس عشان انا مؤهل متوسط وخد دورات لغة new interchange تبع وزارة الخدمة الاجتماعية وقالولى انة منهج الجامعة الامريكية بس للاسف انا مخدش حاجة فى الكمبيوتر يعنى شهادات بس عندى خلفية قلولى اعمل ايه وجزاكم الله خيرا
ايميلى عشان لو حد عندة معلومة على الخاص او مقدرش يكتب فى الموضوع
nedo1700@yahoo.com

طيب حد حتى يعبرنى لا حول ولا قوة الابالله

ربنا معاك في الامتحان بس اهم شي انك تكون قرائت في كل المجالات علاشان الامتحان بيكون شامل كل حاجه في الدراسه في المعلومات العامه

زده مش علي البنك ده بس انا بكلام عامه علي اي امتحان اما البنك بصراحه انا مش اعرف عنه حاجه ربنا معاك

بالنسبه للأمتحان
عباره عن أسئله فى محاسبه البنوك
أسئله عباره عن معلومات عامه عن الأقتصاد المعاصر
فمثلا اخر امتحان كان عباره عن الأندماج بين البنوك فى مصر
والفرق بين سعر الفائده المدين والدائن وسعر ألأتربنك
وعلى فكره اخر امتحان كان فى بنك التنميه كان فى17/4/2007
وداe-maile بتاعى لو عايز أى معلومات تانيه
el_bashmohaseb@hotmail.com
el_mohaseb1_hatem@yahoo.com

هل يمكن التقديم للبنك
ام ان التعيين مقصور على ابناء العاملين والواسطة فقط

انا بشتغل فى البنك اصلا واخر دفعة اتعينت لسه متعينة فى دفعة كانت فى 3/2007 الامتحانات بتبقى عبيطة اصلا ومش صعبة كان امتحان معلومات عامة ولا فى انجليزى ولا كمبيوتر مش تقلق يعنى ومتروحش ببدل ولا حاجة ده بنك الفلاحين خليكى هادى بس ومش تقلق وربنا يكرمك ومش تتعين فى عشان حتندم بس احسن من غيره جرب وربنا معاك
ولو محتاج اى حاجة ميلى
ceasermc4@yahoo.com
salam ya gamail

الحقيقه امتحان البنك اللى انا حضرته فى بنك التنميه كان عبارة عن امتحان اكاديمى شويه

يعنى كان فيه شويه معلومات عامه
اسئله عن اتفاقيه الجات واسئله عن المؤشرات الماليه و الميزانيه العموميه للبنك و حساب الارباح و الخسائر و سعر الانتربنك
كمان كان فيه اسئله عن البورصه
كان فى اسئله انجليزى عبارة عن مساله لعمل ميزانيه بالانجليزى
اما الامتحان اللى حضره الاستاذ ceasermc4 فهو كان امتحان تحصيل حاصل بمعنى انهم اصلا كانوا يعملون فى البنك بعقود وعقدوا لهم امتحان ليعينوا عن طريقه وكان الامتحان فى مقر البنك الرئيسى نفسه اما الامتحان الذى حضرته كان فى جامعه عين شمس

لا تقلق نهائيا من الامتحان

وفقك الله

يا جماعه انا ارى ان الموضوع مثبت واسمه مناسب
البنك الرئيسى للتنميه و الائتمان الزراعى
ارجوا ان يكون هذا الموضوع هو رابطه للعاملين ببنك التنميه على الدى فى دى
والرجاء من جميع العاملين الدخول و المشاركه

صندوق جديد ببنك التنمية
برأسمال 100 مليون جنيه
وافقت هيئة سوق المال علي تأسيس صندوق استثماري جديد لبنك التنمية والائتمان الزراعي تحت اسم الصندوق الماسي برأسمال 100 مليون جنيه.
صرح المحاسب/ علي شاكر رئيس مجلس إدارة البنك بأن الصندوق الجديد يستهدف تكوين محفظة متنوعة من المنتجات والأوراق المالية بالعملات الأجنبية باستثمارات نظيرة بالبورصة المصرية والبورصات العربية والعالمية

قيمة السهم 100 جنيه والحد الأدنى 500 جنيه

اشكرك على الاضافه

وللتوضيح اكثر
هى و ثائق وليست اسهم
وهناك اختلاف بين الاثنين من الناحيه القانونيه و الاقتصاديه
ومن حيث الشكل و المضمون

وفعلا الحد الادنى للاكتتاب 5 وثائق وبدون حد اقصى

ازيكم يا جماعة وثائق صندوق الاستثمار الجديد اللى فى البنك دى حتبقى جامدة جدا اولا شركة كبيرة هى الى ماسكة الصندوق وهى هيرمس وهى اكبر شركة تدوال اوراق مالية فى الشرق الاوسط
العائد بتاعه تراكمى ودورى يعنى عائد كل 6 شهور بينزل لحسابك من ايرادت الصندوق وكمان قيمة وثيقة الصندوق بتزيد يعنى احسن ماتكون حاطط فلوسك فى توفير او وديعة لان كدا بتلغى اثر التضخم معاك لانك بالقيمة السوقية
وبالنسبة للرابطة اشطة جدا واللى عند اى اخبار فى البنك الجميل الكميل بتاعنا يدخل ويقلها او حد عايز يسال عن حاجة ونظبط بعض
ودعواتك ربنا يكرمنا ونسيبه قريب
سلام يا رجالة

اول خبر اهو وفقا لتصريحات ا/ على شاكر الزيادة فى المرتبات فى خلال شهر او شهرين بالكتير

المشاركة الأصلية كتبت بواسطة ceasermc4

ازيكم يا جماعة وثائق صندوق الاستثمار الجديد اللى فى البنك دى حتبقى جامدة جدا اولا شركة كبيرة هى الى ماسكة الصندوق وهى هيرمس وهى اكبر شركة تدوال اوراق مالية فى الشرق الاوسط
العائد بتاعه تراكمى ودورى يعنى عائد كل 6 شهور بينزل لحسابك من ايرادت الصندوق وكمان قيمة وثيقة الصندوق بتزيد يعنى احسن ماتكون حاطط فلوسك فى توفير او وديعة لان كدا بتلغى اثر التضخم معاك لانك بالقيمة السوقية
وبالنسبة للرابطة اشطة جدا واللى عند اى اخبار فى البنك الجميل الكميل بتاعنا يدخل ويقلها او حد عايز يسال عن حاجة ونظبط بعض
ودعواتك ربنا يكرمنا ونسيبه قريب
سلام يا رجالة

اول خبر اهو وفقا لتصريحات ا/ على شاكر الزيادة فى المرتبات فى خلال شهر او شهرين بالكتير

ربنا يسمع منك يا باشا

انا محاسب فى فرع البحيرة وفكرة الرابطة ممتازة

المشاركة الأصلية كتبت بواسطة fahmykhatab

انا محاسب فى فرع البحيرة وفكرة الرابطة ممتازة

فرع البحيرة منور انا فى قطاع اسكندرية