الموضوع: حساب في البنك الاهلي المصري

انا دلوقتي عاوز اعمل حساب في البنك الاهلي المصري وكنت عاوز اطلع كارت atm و visa مع بعض في كارت واحد كنت هاوز تفاصيل الحكايه ديه وهننكلف كام

الحساب الجارى ايداع 2000 جنيه ومصاريف 60
حساب التوفير ايداع 525 ومصاريف 35 والحسابين ينفع تعمل ليهم كارت atm
حساب التوفير الفائدة سنوى 6.5% نصف سنوى6.3% ربع سنوى6.1% شهرى 5.9%
والفيزا credit card بتجنب جزء من الحساب ضمان للفيزا والفائده 1.5% شهريا يعنى 18% سنوى

أنا ينفع اطلع كارت اسحب به من atm وكمان استخدمه فيزا ولا لا

المشاركة الأصلية كتبت بواسطة benokyo490

الحساب الجارى ايداع 2000 جنيه ومصاريف 60
حساب التوفير ايداع 525 ومصاريف 35 والحسابين ينفع تعمل ليهم كارت atm
حساب التوفير الفائدة سنوى 6.5% نصف سنوى6.3% ربع سنوى6.1% شهرى 5.9%
والفيزا credit card بتجنب جزء من الحساب ضمان للفيزا والفائده 1.5% شهريا يعنى 18% سنوى

مشكورررررررر

المشاركة الأصلية كتبت بواسطة roma2100

أنا ينفع اطلع كارت اسحب به من atm وكمان استخدمه فيزا ولا لا

مينفعش لان ATM دا اسمه debit card
visa اللى قصدك عليها اسمها credit card
ومينفعش كارت واحد يجمع النوعين مع بعض

بس انا اخويا شغال ومطلع كارت من بنك cib ينفع يسحب منه من اي ماكينه وكمان لما يدخل اي محل بيشتري به اي حاجه

يبقى عمل فيزا وبس مش atm
أنا عندى حساب فى البنك الاهلى وكان زمان بالدفتر لكن من كذا سنة لغوا الدفاتر وخلوا كله حسابات جارية وبيديلك رقم الحساب على كرت .
وأنت من حقك تطلع فيزا على الحساب ، ديه تقدر تسحب من أى ماكينة عليها كلمة فيزا أو ماستر كارد _ على حسب النوع اللى معاك _ بحد أقصى 4000 جنيه يوميا أو تقدر تشترى مباشرة من أى محل زى منا ساعات بعمل :)

بس مصريفها كام ^^ مش فاكر والله ... أنا كنت عملتها من فترة ، روح وسأل عليها بس قلهم أنك عايز تعمل فيزا مش atm ... يعنى تقدر تستخدمها كده أو تشترى بيها على طول :)

بس والله انا سحبت لاخويا من ماكينه الصراف الالي عادي ومن اكتر من كاكينه عادي وروحت بيها انا وهو اشترينا حاجات من سيتي ستارز

المشاركة الأصلية كتبت بواسطة roma2100

بس والله انا سحبت لاخويا من ماكينه الصراف الالي عادي ومن اكتر من كاكينه عادي وروحت بيها انا وهو اشترينا حاجات من سيتي ستارز

يبقى دى debit card عادى بتقدر تسحب وتعمل مشتريات
مثلا فى باركليز تقدر تفتح حساب جاري ب 1000 جنيه ومصاريف فتح الحساب مره واحده 20 جنيه
ومصاريف شهريه 15 جنيه ومصاريف visa electron 35سنويا
ودى تقدر تسحب فلوس او تعمل مشتريات بيها

ممكن حضرتك تشرفنا فى اقرب فرع لبنك القاهرة ليك وتفتح حساب توفير
زى متحب بقا
عائدسنوى 6.56%او عائدشهرى5.93% او عائد ربع سنوى او نصف سنوى زى متحب
وبنحتاج من حضرتك الرقم القومى بس ومصاريف فتح الحساب 45ويطلعلك كارت atmفى خلال 4 ايام من فتح الحساب ودا اسمة MASTER DEBIT CARD ومصاريفة 5جم كل 3 شهور يعنى 20جم سنوياوالكارت مدته 3 سنين ودا يسمحلك انك تسحب من حسابك من خلال ماكينات بنك القاهرة على مستوى الجمهوريةاو اى ماكينة تحمل شعارVISA-MASTERوكل ماكينتنافى مصر بتقبل طبعا وكمان الكارت دة ممكن تستخدمةفى المشتريات فى اى مكان بيقبلMASTER زى مثلا سيتى ستارزاو كارفور مثلا بس المشتريات الى بتعملها بتتخصم مباشرة من حسابك عند الشراء
اما بقاVISAدى حاجة تانيةاسمهاCREDIT CARDوممكن نطلعلك واحد بضمان عينى يعنى نجمد مثلا 1200جم من حسابك ويطلعلك فيزا LIMIT1000 ودى بردة تعمل بيها مشتريات بس بيبقى فيها فترة سماح 55 يوم للسداداو ع الاقل 5%الحد الادنى من قيمة مشترياتك وبعد كدة بنحسب فايدة 1.5% شهريا
وحضرتك بس شرفنا وتحت امرك فى اى حاجة

بنك القاهرة"معا لغد مشرق"

المشاركة الأصلية كتبت بواسطة roma2100

بس والله انا سحبت لاخويا من ماكينه الصراف الالي عادي ومن اكتر من كاكينه عادي وروحت بيها انا وهو اشترينا حاجات من سيتي ستارز

يا حبى منا قايلك أهو .. أنا طلعت فيزا على حسابى الجارى وبسحب بيها من أى ماكينة تبع أى بنك عادى _ بس لازم يكون عليها كلمة فيزا أو ماستر كارد على حسب فيزتك _ وساعات بشترى بيها من المحلات عادى !!

يبقى عمل فيزا وبس مش atm
أنا عندى حساب فى البنك الاهلى وكان زمان بالدفتر لكن من كذا سنة لغوا الدفاتر وخلوا كله حسابات جارية وبيديلك رقم الحساب على كرت .
وأنت من حقك تطلع فيزا على الحساب ، ديه تقدر تسحب من أى ماكينة عليها كلمة فيزا أو ماستر كارد _ على حسب النوع اللى معاك _ بحد أقصى 4000 جنيه يوميا أو تقدر تشترى مباشرة من أى محل زى منا ساعات بعمل :)

بس مصريفها كام ^^ مش فاكر والله ... أنا كنت عملتها من فترة ، روح وسأل عليها بس قلهم أنك عايز تعمل فيزا مش atm ... يعنى تقدر تستخدمها كده أو تشترى بيها على طول :)

بس انا سحبت بيها من ما كينات مكنش عليها كلمه قيزا او ماستر كارد

السلام عليكم ورجمه الله وبركاته
فى معلومه احب اضيفها بما انى موظف فى البنك الاهلى المصرى ال atm الجديد بتاع البنك يشتغل مسحوبات من اى ماكينة بالاضافة لاستخدامه فى المشتروات من اى محل وايضا استخدامه خارج مصر وهيسحب معاك بعملة الدوله اللى انت فيها وده كله لان البنك اهلى المصرى ربط كروت السحب بمنظمات الفيزا والماستر زى كروت الفيزا تمام وبدون اى فوائد.

المشاركة الأصلية كتبت بواسطة rico7770

السلام عليكم ورجمه الله وبركاته
فى معلومه احب اضيفها بما انى موظف فى البنك الاهلى المصرى ال atm الجديد بتاع البنك يشتغل مسحوبات من اى ماكينة بالاضافة لاستخدامه فى المشتروات من اى محل وايضا استخدامه خارج مصر وهيسحب معاك بعملة الدوله اللى انت فيها وده كله لان البنك اهلى المصرى ربط كروت السحب بمنظمات الفيزا والماستر زى كروت الفيزا تمام وبدون اى فوائد.

تمام كده يا اباشا كنت عاوز اعرف كل حاجه عنها ايه الشروط وهتتكلف كام والحاجات المطلوبه مني

بص ياباشا انت محتاج 563 جنيه وانت رايح البنك متقسمه كالتالى:
* 500 حدادنى لفتح الحساب
*25 مصروفات
*3دمغه
*15 مصاريف اصدار الكارت
وطبعا ال 500 جنيه دول رصيد تقدر تسحب منهم من تانى يوم
*تاخد معاك بطاقه الرقم القومى وتكون ساريه (معداش عليها 7 سنين )
وهتستلم الكارت كمان اسبوعين بس كده ياباشا.