الموضوع: انترفيو البنك الاهلى

ارجو المساعدة, عندى انترفيو فى البنك الاهلى يوم الاتنين وياريت حد يقولى بيكون الانترفيو عامل ازاى خصوصا انى عرفت ان فى 3 حيعملوا الانترفيو بليز اى حد عندة اى معلومه تفيدنى يقولها بسرعه. ميرسى جدا

هو طبعا الى حد علمى انه 3 افراد هاسالوك و بتخش 3 افراد بس ما تخافش

اسئله عاديه جدا بس الابتسامه الظريفه لازم تبقى موجوده و توكل على الله

شكرا جدا على ردك بس انا كنت عايزه اعرف بيسألوا فى ايه يعنى مثلا معلومات عامة ولا ايه بالضبط علشان انا عايزة احضر كوبي للانترفيوز ميرسى اوى

انا بعت لحضرتك رساله خاصه وصلت؟

يارت كل اللى راح المقابلة انهاردة ( الأثنين 9 - 6 )

يقولنا أيه اللى حصل معاه والأسئلة كانت عن أيه

وهل المقابلة فردية أم جماعية ؟

شكراً...

طيب ياترى التلاته دول بيسالوا فى أيه وهل الأسئلة بالعربى ولا بالإنجليش

المشاركة الأصلية كتبت بواسطة monmon_254

ارجو المساعدة, عندى انترفيو فى البنك الاهلى يوم الاتنين وياريت حد يقولى بيكون الانترفيو عامل ازاى خصوصا انى عرفت ان فى 3 حيعملوا الانترفيو بليز اى حد عندة اى معلومه تفيدنى يقولها بسرعه. ميرسى جدا

ربنا يوفقك انشاء الله فى الانترفيو بتاعك بس بعد اذنك كان عندى سؤال هو انت امتحنت امتى علشان انا لسه ممتحن يوم الاحد هو كان فيه امتحان انجليش قبل يوم الاربعاء الى فات وشكرا جدااااااااااااااااااااااااااااااااا

يا جماعه اللى راح الانتر فيو بتاع البنك الاهلى ياريت يقولنا اتسئل فى ايه عشان انا عندى انترفيو برضه بكره

يا جماعه ازيكو
مين فيكو خلص الانترفيو بتاع البنك الاهلي؟ والبنك رد ولا لسه؟
انا مش عارفه اي اخبار

المشاركة الأصلية كتبت بواسطة kovi_colors

يا جماعه ازيكو
مين فيكو خلص الانترفيو بتاع البنك الاهلي؟ والبنك رد ولا لسه؟
انا مش عارفه اي اخبار

مفيش لا حس ولا خبر والله

ان شاء الله خير يا شباب..
البنك بدأ يكلم الناس فعلا.. وبيحدد معاهم ميعاد انترفيو تاني ..
بس المرادي مع مدير Hr
هم كلموا واحد صاحبي وحددوا معاه الميعاد يوم 22/06
والمرة دي في البرج.. مش في الاستراحة زي المرة اللي فاتت
وان شاء الله خير ..
ويكلومني و يكلموكم كلكم.. ونبقى جماعة هناك :))

أنا فقدت الأمل ياريس خلاص والبنك الأهلي مش امله يعني علشان حد يشتغل فيه أنا اتدربت فيه لمده سنه وفيه موظفين في الفرع عندنا سبوه وراحو بنوك خاصه.

بس ليه انترفيو تاني؟ هما ليه مطولين كده؟
انا مش عارفه هل هما فعلا عايزين ناس ولا زي كل مره عايزين وسايط؟

ارجوكم يا جماعة حد يساعدني
انا من ضمن المتدربين اللي امتحنوا يوم 16/6 اللي فات في مبني البرج
وكمان كنت مقدمة عالنت في الاعلان اللي نزل بالانجليزي من فترة
انهردة اتفاجأت ان البنك بيتصل بيا بيقولي اروح يوم التلات مبني البرج في الـ hr علشان املي ابليكيشن
ياتري دا تبع امتحان التدريب ولا دا تبع الاعلان
والابليكيشن اللي هملاها نظامها ايه يعني فيه انترفيو واسئلة ولا ايه بالظبط
ارجوكم محتاجة مساعدتكم

بليز يا جماعة اللي يعرف حاجة عن الانترفيو او اللي عمل انترفيو قبل كدة في البنك الاهلي يقولنا الاسئلة
ارجوكم