الموضوع: مرض الروشة او النيو كاسل بهدل حمامي...و خسرني فلوسي..هل هناك حل؟؟؟

السلام عليكم ورحمة الله

يا خبراء تربية الحمام بجميع انواعه

انا عندي مشكلة و بسبببها خسرت فلوس كتير

وهي : مرض الروشة او النيو كاسل

المشكلة اني لما بشتري الحمام..انا بشوفه في المحل كويس و بياكل و يشرب و يزوووم و يتخانق و عادي جدااا

بعد لما احطه في العشة بعد اسبوعين بالظبط...بتظهر عليه اعراض الروشة

(( يبطل اكل..و اسهال كتير اخضر...و حجمه يقل و يخس جامد... و بعدين يعمل الحركة المعروفة بتاعت هز الرقبة ))

والمصيبة انه مش بيعيا لوحده...بيعدي معاه 5 او 6

*******************************

هل فيه طريقة للحفاظ عليهم من الروشة اوعلاج ...؟؟؟ او تحصينات...؟؟؟

وده يتعطي للحمام الزغلول فقط ولا حمام الكبير عادي؟؟؟

وايه هي مواعيد التحصينات..؟

الروشه او النيو كاسيل مع الاسف لايوجد له علاج

ولما بيجي بيشيل كلو بالعدوى لانومرض معدي

الاجرائات

تعقيم المكان ب فورمالين أو فينول

4 ايام على مدة 21 يوم دون تربية

اي شيء في المده وده لقتل بويضات الفيرس

يعني ممكن تكون مكان التربيه بتاعك فيه بويضات الفيروس

عشان كده كل ماتجيب طير يتعدى

غير إلبتشتري منو

المرض ده ليه تحصينات سواء في العين او في ماء الشرب

لما تشتري طيور جديده بعد 21 يوم روح اشتري التحصين

وحصن طيورك ولما يكون عندك زغاليل تحصنهم كمان

وقدر الله ومشاء فعل ربنا يعوض عليك

وتحت امرك في اي وقت

رد جميل من الكوش
بس معلش انا هضيف حاجات صغيره لانى اتلسعت من الموضوع ده كتير
اولا اسال سوال انت بتربى فى سلاكه وكله مفتوح مع بعضه
ولا عيون وسطح ولا ايه بالظبط ؟
المهم احسن حاجه للموضوع ده ابتدى حمام من الاول خالص
حاول تبيع العيون القديمه دى او تجيب عيون جديده وتسيب
العيون القديمه هقولك تعمل فيها ايه
اهم حاجه لمربى الحمام لازم يكون عنده ركن بعيد عن الحمام
يعتبر ذى الحجر الصحى وده ممكن تستغل فيه العيون القديمه
المهم يوجد مصل بيتباع كده مصل ضد الروشه وده كويس جدا
وده ليه جرعات حسب عمر الحمام وده عباره عن
حقن بتتاخد تحت الجلد فى رقبه الحمام
ودى جرعاتها بتبدا من عمر الزغاليل اللى بتبدا تلقط بتاخد 3 شرط
والحمام الكبير بياخد 5 شرط
وده بيعطى للحما فى نهايه كل فصل
الوقت المعروف للروشه هو عند تغير الفصول من الشتاء للصيف والعكس
حيث انه يصب الزغاليل بكميه كبيره نظرا لعدم تحملها تغيرات الجو المفاجئه
الوشه معديه وبسرعه رهيبه
يجب عند شرائك اى فرد جديد لا تضعه مع باقى الحمام الا بعد حوالى اسبوعين
لملاحظته ومعرفته حالته الصحيه
الروشه ليها علاج بس فى الحالات الاولى منها ولكن عند شدتها فليس لك
الا ان تقول ربنا يعوض عليا
علاج الروشه محتاج صبر حامد جداجداجداجداجدا
لانك هتبدا تاكل الفرد وهتشربه وطبعا بسرنجه مش بفمك
وهتروح اى صيدليه بيطريه وتجيب مضاد حيوى كويس هيساعدك مع التغذيه
عند التاكيل تاكد من عدم وقوف الاكل فى حلق الطائر
وفى الاول الموضوع هيكون صعب جدا
انت هتحط الحبه فى فم الطائر وتفضل معاها بيدك حتى تصل للحويصله
اهم اما فى الموضوع هو قدره الطائر على الهضم
فان لم يهضم فالاحسن ان ترحمه وتزبحه
وبرضه من ضمن العلاج انك تخلى الطائر فى مكان واسع حيث يبدا فى التركيز
واعاده سيطرته على اعصابه
او حاجه هتحس ان الطائر بتحسن هتلاقيه بدا يشرب لوحده
وبعد كده الاكل وبعد كده اما الشفاء تمام او ان تعقد فيه
وعندما تعقد فيه وبتبدا تزول تدريجيا بس فى وقت طويل ولكن الفرد
سوف يشتغل عندك مجرد ان تعقد فيه
بالنسبه لنظافه العيون القديمه ممكن تعمل ذى ما الكوش قال
وممكن تعمل حاجه اسهل تجيب العيون تغسلها مره بالميه والصابون
وميه وجاز وتسيبها فى الشمس فالشمس سوف
تساعد على زوال رائحه الجار وقتل البكتريا والفيروسات والامراض
نصحتين صغيرين
1- حاول متخليش الحمام كله يشرب وياكل من حاجه واحد المفروض كل قص
وليه مكلفه والمسقى بتاعته
2- حاول تخلى كل قص فى عين ولو زغاليل يعنى تكون العين فيها 3 بالكتير
بحيث لاينتشر المرض وعند ملاحظتك لاى من اعراض المرض تجيب الحمام اللى فى العين كلها
وتعزل كل فرد لوحده
اهم اعراض المرض
قدره الطائر على الاكل ضعيفه
الاسهال المستمر
يقوم الطائر بترجيع عصاره لونها اصفر ودى اكبر علامه
واكيد الطائر هيخس
واتمنى ان اكون قدرت افيدك قليلا وربنا معاك
وياريت تقولينا انت بتربى انواع ايه؟

والله انا مش عارف اقول ايه...؟؟

الف الف شكر يا جماعة علي الرد و الشرح الوافي.... والله ما قصرتم

وبالنسبة لسوال ( عاشق الديفيدي )..انا بربي في المقام الاول : الحمام البلدي

بعديه الحمام الهزاز... بعديه كام فرد كده من الكشاكوة و التراكوة و كريزليات

****************************

اخر سوال :: ممكن اسم الدواء للتحصين ضد الروشة...؟؟

و المفروض انا اللي اعطيله الحقنة ولا الطبيب؟؟

انا للاسف ما بفهمش في الحمام بس رد رائع من الكوش و اضافة قوية من بودي

مفيش اسم دواء للتحصين
اسمه تطعيم ضد الروشه
وده بيكون شكله ذى اللبن كده
وبيحتفظ بيه فى درجه حراره منخفضه
وبيكون فى بتاع ذى بتاع المحاليل بس زجاج
وبيكون ب 100 جنيه وبيكفى 1000 حمامه
وفى واحد فى السوق بتاع السيده عائشه بيقعد بادويه
وسمعته حلوه وهتلاقيه عنده

اضافة ممتازة من بودي

متابعه جميله يا كوش
وكجهود رائع واللهى يا بودى
شكرا ليكوا

الف شكر علي الردود الحلوة

بص انا دكتور بيطري
اسم المرض نيوكاسل
العلاج اسمة هتشنر او لاسوتا
هتشنر بخاخ للعين ولاسوتا في ماء الشرب
بص هو لو جة عندك اعطاء المضاد الحيوي لا يؤثر علي المرض لانة مرض فيروسي
ولكن الوقاية خير من العلاج
يجن تنظيف المكان جيدا قبل دخول الطيور
والله ولي التوفيق