المشاركة الأصلية كتبت بواسطة bondok25
اخى الكريم
هى شركتك قدمت لك ورقك للجوازات ولا لا ؟؟
اتاكد من النقطة دى الاول
لانها لو مقدمتش فعمرها ما هتعرف ان كانت الاقامات فتحت ولا لا
وممكن يكون ردها انها مفتحتش بناء على كلام الناس اللى حواليها
واغلب الشركات ان لم تكن كلها بتخاف تقدم اقامات لمصريين او سوريين خوفا من انها تترفض وتضيع عليهم رسوم تقديم الطلب
لان تقديم الطلب مش بيكون ببلاش فهم بيخافوا يقدموا الطلب ويدفعوا فلوس وفى الاخر الطلب يترفض
اتاكد الاول ان كانوا قدموا ورقك للجوازات ولا لا ولو مقدموش خليهم يقدموالك حتى لو انت اللى هتتحمل رسوم التقديم وبتكون على ما اتذكر 160 درهم فقط
ارسل لهم المبلغ وخليهم يقدمولك ولو اترفض الطلب يبقى هذا قضاء الله
اما لو اتوافق عليه فلله الف حمد وشكر وكده تقدر تسافر ولما تسافر تبقى تاخد الفلوس اللى دفعتها منهم لان رسوم التاشيرة من الالف الى الياء بتكون على الشركة
بخصوص انك تيجى سياحه فايوة ممكن تيجى سياحه بس هتكلف نفسك رسوم التاشيرة مش اقل من 1000 درهم بالاضافه الى انك لما تيجى موافقه التاشيرة هتضطر تغادر البلد وترجع تانى او تدفع بدل مغادة تقريبا 550 درهم (مش متاكد ان كان نظام بدل المغادرة على تاشيرات السياحه مطبق فى راس الخيمه ولا لا)
نسال الله التوفيق لنا ولكم جميعا
والله بصراحة مش عارف قدمت ورقي ولا لأ..بس أعتقد انها قدمت ورقي لأن الشركة بعتت ايميل لنا بتخبرنا انه تم الموافقة عليكم و لكن المشكلة الجوازات في الامارات رفضت اصدار التأشيرات لانها للاسف مقفولة حاليا و لكن الشركة حاليا بتحاول عمل حالة استثنائية ليكم..ده كان مضمون الايميل اللي جالي اول لما اتقبلت..و هية شركة كبيرة و مرموقة بصراحة فأعتقد انها مش هتستخسر انها تدفع رسوم التقديم ال 160 درهم دول..بالنسبة للسياحة ده كان عرض مني عليهم لكن للاسف هم رفضوا المبدأ ده تمام ولا أعلم السبب بصراحة..فما علينا غير الانتظار وربنا يفرجها من عنده.
227Likes
عنوان الرابط المتبادل
حول الروابط المتبادلة
