الموضوع: نفسى اجيب هدية لخطيبى ومش عارفة... محتاجة مساعدة

ممكن يا جماعة انا محتاجة مساعدتكم ضرورى
انا نفسى اجيب هدية لخطيبى بمناسبة عيد ميلاده بس مش عارفة اجيبله ايه فممكن حد يساعدنى بسرعة لو سمحتوا علشان عيد ميلاده قرب

بجد اجمل هدية تقديمها لخطيبك
هو ان انتى تحسيسية انك مهتمة بية وبحياتة ومشاكلة تعرفى من عينية من طريقة كلامة من النهيدة اللى بيتنهدها ان فية حاجة ولو بتعملى كل دة
يبقى كلمة بحبك اجمل هدية
ولو بتقوليها يبقى مافيش غير تفضل معاة على طول يفتكرك بيها دايما حاجة عمرها متخلص او تنتهى وفكرى انتى اية الحاجة اللى عمرها ماتنتهى

أولا انا اتحطيت فى المزنق ده قبل كده والحمد لله ربنا أكرمنى وخلانى اعرف اجيب ايه

ثانيا وده اهم ما فى موضوعى .. ان احلى هدية بتكون الحاجة اللى حبيبك محتاجها .. يعنى مرة قال قدامك انه عايز يغير الساعة بتاعته .. الولاعة بتاعته ضاعت قريب .. شوفى اى حاجة نفسه تكون عنده وحاولى تفتكريها وهاتيهاله

ثالثا دى مجرد اقتراحات ممكن تجيبيها :

ولاعة شكلها شيك

علبة سجاير معدن يحط فيها السجاير بتاعته

ساعة شكلها شيك مش لازم تكون ماركة يعنى

محفظة جلد طبيعى

ميدالية مفاتيح فضة

قميص ( BTM )شكله شيك

بلوفر ( جنيدى ) شيك وخصوصا اننا داخلين على الشتا

كرافت شيك لو بيلبس بدل أو مش بيلبس أكيد هايلبسها فى يوم من الأيام

سماعة موبايل حلوة

زجاجة برفان بس على شرط تكون من نوع كويس ( والله هدية حلوة ) تكون اسكادا .. هوجو .. لازم تكون ماركة حلوة

لو له فى الكتابة ممكن تجيبى له قلم ماركة ويكون حلو

لو بيشيل أوراق ممكن تجيبى شنطة جلد طبيعى شيك

برينتر ( طباعة كمبيوتر ) HP ومش هاتكون غالية ب200 أو 250 جنيه

وفى اقتراحات تانية

قفص عصافير فيه عصفورتين حلوين

لو بيحب الحيوانات ممكن كلب صغير يربيه

لو بيحب النباتات ممكن قصيص زرع شكله شيك وفيه نبتة حلوة مثلا نبات القطيفة .. شكله حلو وصغير وبيطلع ورد لونه نبيتى وجميل
.............

ممكن مع الهدية اللى هاتختاريها تجيبى صورة تجمعكوا مع بعض وتحطيها فى برواز شكله حلو

وممكن مع الهدية تكتبى له جواب حب مليان غرام ورومانسية وتحطيه فى ظرف مقفول

وعلى العموم لو جات لى افكار تانية هاقولك عليها

ربنا يوفقك انتى وهو فى الحلال ان شاء الله

شكرا يا do00ody على اقراحاتك الحلوة بس ممكن تقولى على اقتراحات تانية please

احسن حاجة تجيبها بجد
برفان يكون جامد
وانا هديكي اسامي برفانات
دي اجمد برفانات بنستخدمها احنا الشباب

1- دانهيل دي زير بلو
2- هوجو انيرجي
3- هوجو بوس
4- روشاس
5- جان بول
6- جوب
7- سلطان العرب (خليجي)
8- اكسجين لانفان

وبلاش حكاية القمصان والحاجات دي
لان ممكن تضايقة زي اي شاب
هو برفان زي ماقولتلك اشد حاجة
وشكرا

ممكن تجيبي ميدالية فضة مثلا

أو ممكن محفظة جلد أو شوفي ممكن هو يحتاج ايه

ممكن يكون محتاج حاجة ولما تيجيبيها يفرح بيها أوي دي أهم حاجة طبعا

ممكن ساعة شيك مثلا أو نظارة شمس بس دي لازم يكون معاكي يجربها على وشه


ده اللي في بالي دلوقتي

اولاً واخيراً :اتصلي بالليل وصحيه من النوم واحكيله بحبك

* إذا كانت خطيبك بدخن

ولاعه نوع (zebo) مع كامل الاكسسوارات
فلتر للسجاير
* وكمان لوكان مابدخنش

مداليه فضه محفور عليها اسمك واسمه
محفظه جلد طبيعي تكون نوع فاخر / مكتوب عليها اسمه ورقم الموبايل الخص به

علبة عطر من فرهنايت او هوجو بوس
ماكنه للحلاقه
ساعة يد فاخره
* إذا كان شغله على مكتب
طقم اقلام فضه
* إذا كان صنايعي
صندوق عده كامل

* محضورات ( ما تجيبيها)
بلوزه قميص الخ...
علكه للتخفيف من الدخان او اي اسلوب اخر للاقلاع عن التدخين

بصى يا gersya22 سيبك من الحاجات التقليدية دى واسمعى فكرتى
انتى تروحى تتفقى مع محل ورد محترم وتختارى بوكية ورد كبيييييييييييييير اوى على قد ماتقدرى وطبعا كله يكون ورد أحمر بلدى وقوليلهم يبعتوه على عنوان الشغل بتاعه - ولو مش بيشتغل يبقى على البيت - وميعاد التوصيل يكون يوم عيد ميلاده
وطبعا من غير كارت ولا اى حاجة وشوفى حيعمل ايه اول مايوصله البوكيه وان شاء الله حتدعى لى
وبالتوفيق ان شاء الله

اه صحيح نسيت اقولك ماتجبيش سيرة عيد ميلاده قدامه خالص ولا تقولى له حاجة واعملى نفسك ناسية عشان المفاجاة تكون أقوى

المشاركة الأصلية كتبت بواسطة Donia

بصى يا gersya22 سيبك من الحاجات التقليدية دى واسمعى فكرتى
انتى تروحى تتفقى مع محل ورد محترم وتختارى بوكية ورد كبيييييييييييييير اوى على قد ماتقدرى وطبعا كله يكون ورد أحمر بلدى وقوليلهم يبعتوه على عنوان الشغل بتاعه - ولو مش بيشتغل يبقى على البيت - وميعاد التوصيل يكون يوم عيد ميلاده
وطبعا من غير كارت ولا اى حاجة وشوفى حيعمل ايه اول مايوصله البوكيه وان شاء الله حتدعى لى
وبالتوفيق ان شاء الله

اه صحيح نسيت اقولك ماتجبيش سيرة عيد ميلاده قدامه خالص ولا تقولى له حاجة واعملى نفسك ناسية عشان المفاجاة تكون أقوى

لا عجبتني الفكرة دي قوي يا دنيا
عارف فيها شوية اثارة علي ارتباك
حلوة بجد تخيلي المنظر وهو واقف حيران كدة ههههههههه
اساسا شكل عيد الميلاد فات بقالة سنة واكتر
واحنا ولا احنا هنا

هههههههههه اعملى كل دة

بجد يا جماعة انتو قلتولى على افكار حلوة وشكر خاص لـ donia

المشاركة الأصلية كتبت بواسطة gersya22

بجد يا جماعة انتو قلتولى على افكار حلوة وشكر خاص لـ donia

العفو يا قمر بس ماتنسيش تطمنيناوبالتوفيق ان شاء الله

هديتك ليه ان انتى تفكرى فيهان انتى تجيبى له هدية وشكراااا

كفاية أنك بتفكرى فية وبتفكرى تجيبيلو هدية
دى والله أجمل هدية