الموضوع: رابطة معهد الكفاية الانتاجية بالزقازيق

يا جماعة الى فى معهد الكفاية الانتاجية او الخريجين من المعهد
ارجو من كل طالب او خريج من المعهد الدخول وتسجيل اسمة وبياناتة داخل الموضوع وكل الى عندة اى معلومة جديدة او بيانات او محاضرات اضافتها لتعم الفائدة على الجميع

ابدا بتعريفكم بنفسى
انا اخيكم عبدالرحمن محمد عبدالوهاب
خريج من المعهد دفعة 2005
منتظرين جديد طلاب وخريجين المعهد
تحياتى

اية يا جماعة محدش خالص فى مصر متخرج من المعهد ولا اية انا شكلى دخلتة غلط
انا عايز والله عايز اساعدكو اى حد محتاج ولو اعلمة مبادئ المحاسبة الى تساعدك علشان تشتغل لحسن انا عارف ان المعهد محدش استفاد منة اى حاجة علشان تأهلة انة يشتغل

لا يا ريس في ناس بس مكسلين شوية :)



انا احمد الشبراوي
الفرقة الثانية تجاري
دة الميل بتاعي

واخبار المعهد على حسك ايه يا ريت لو فى اى حاجة وقفت ادامك او محتاج اى نصيحة متترددش واسألنى

ازيك يامان انا احمد العزازى من الزقازيق
بس خريج تجاره
ومرحب بتبن بلدى وياريت نتكلم

انا محمد عبد الرشيد خريج 2005 و نفسى اعرف فايدة المعهد ده ايه انا اقدر اقول انى بكالوريوس تجارة و اشتغل محاسب ولا لا

يعنى مردتش عليا يا اخ عبد الرحمن , انا فعلا محتار و اتخنأت مش عارف اذا كان المعهد ده ليه فابدة ولا لا لو سمحت ممكن ترد عليا .

اولا انا بتأسف على التأخير فى الرد لأنى مكنتش بدخل على النت الفترة الى فاتت دى
وبالنسبة بقى لفايدة المعهد فهوا والحمد لله دلوقتى بقى احسن بكتير من الاول احنا االول كنا بناخد بكالوريوس كفاية انتاجية شعبة تجارية
يعنى شعبة عامة مفيش تخصص لكن دلوقتى هما عملوا تخصصات فى المعهد ودة طبعا بيتيح فرص عمل اكثر بالتخصصات دى احسن ما تكون عامة
وانا سمعت انهم دلوقتى فى المعهد عملولنا سنه تخصص للى عايز يروح ياخدها وناس اصحابى فعلا راحوال وبيدرسوا حاليا فى السنه دى بس انا لسة ما اخدتهاش ان شاء الله هشوف الشهادة الى هياخدوها ولو هلاقيها تعادل بكالوريوسالتجارة او مكتوب فيها تخصص محاسبة اكيد مش هتأخر وهروح اخدها

وتكاليفالسنة دى تقريبا 1000 جنية وممكن تذيد حاجات بسيطة عن كدة

اللايحه القديمه زي حضرتك كنتوا بتاخدوا بكالوريوس كفايه انتاجيه شعبه تجاريه
انما احنا لايحه حديثه بناخد بكالوريوس كفايه انتاجيه تخصص محاسبه او خدمات استثمار او اداره او تسويق او خدمات حكوميه
اى تخصص من دول بتختاره هو اللي بيتكتبلك فى الشهاده وده معادل لبكالوريوس تجاره في اي من التخصصات دي
وطبعا كله محصل بعضه والارزاق بيد الله
ربنا يوفق الجميع

السلام عليكم جميعا انا دنيا

انا خريجه 2009 لائحه حديثه

أنا محمد عبد الرحمن ابراهيم
الفرقة الرابعة كفاية انتاجية
شعبة محاسبة
هل المعهد يتم مقارنته بالكليات التجارية الأخرى بعد التخرج أم لا ؟
وهل يمكننا من خلاله مزاولة مهنة المحاسبة في أي مكان بدون عواقب ؟
أرجو الافادة لوسمحتم

انا عاوز ادخل المعهد ده انا سمعت ان فى معهد للناس اللى بتشتغل وعاوزين ياخد درجه بكالوريوس هندسى

يعنى مثلا واحد بيشتغل فنى كهربا يدخل يدرس فيه ويبقى مهندس هو ده ولا انا غلطت

يا جماعة لو سمحتم ممكن صورة للشهادة التي يمنحها المعهد العالي للكفاية الانتاجيةلدفعة 2009
لو سمحتم بسرعة أو الارسال الى ايميلي

بسم الله الرحمن الرحيم
السلام عليكم ورحمة الله تعالى وبركاته
أنا لسه متخرجه السنه دى أنا دفعة 2009 تخصص محاسبه وكان التقدير التراكمى إمتياز فأنا مش عارفه أكمل وأحضر الماجستير ولا أيه وعايزه أعرف أزاى أعمل الماجستير وكام سنه وتكلفته
اللى يعرف يقول ليا من فضلكم
السلام عليكم ورحمة الله تعالى وبركاته