الموضوع: الموضوع الرسمى لوظيفة خدمة العملاء بالشركة المصرية للإتصالات -اخوكم فى الخدمة

السلام عليكم
السادة المشرفين والأعضاء
أعرفكم بنفسى مبدأيا
اخوكم / مصطفى الشهابى
24 سنة
خريج تجارة انجلش 2007
تقدير جيد قسم محاسبة
اخصائى خدمة عملاء بالمصرية للإتصالات ( 111 ) بقالى اكتر من سنة والحمد لله
انا عامل الموضوع للرد على أى إستفسار بخصوص الإعلان اللى نزل فى الأهرام الجمعة قبل اللى فات
وربنا يقدرنى وأقدر أرد على كل اللى انتوا عايزينه
وربنا يوفق الجميع للخير دايما
أرجو التثبيت من الإدارة لأهمية الموضوع
تحياتى للجميع

طب ازاى وانا مصطفى الشهابى بردو

اخوك من المنصوره ورايح 4 اداره اعمال ينفع الوضع ده ولا محاسبه ولا ايه

أهلا بيك يا درش
انا كمان على فكرة من الدقهلية من مركز ميت غمر بس عندى إقامة فى القاهرة
الوظيفة عايزة واحد يكون خلص يا درش الدراسة وموقف التجنيد وتقدير جيد ومش مهم القسم سواء محاسبة او إدارة
بس لازم يكون إنجليزى
يلا شد حيلك السنة دى وإن شاء الله ربنا يوفقك

مصطفى باشا حبيب قلبى ايه اخبارك واخبار الدنيا انت متعرفنيش طبعا اعرفك انا مين انا السيد صلاح يا حبى

المشاركة الأصلية كتبت بواسطة elsalah77

مصطفى باشا حبيب قلبى ايه اخبارك واخبار الدنيا انت متعرفنيش طبعا اعرفك انا مين انا السيد صلاح يا حبى

ابو السيد حبيب هارتى
اخبارك ايه يا معلم ؟؟؟
يارب تكون بخير دايما
ربنا يوفقك إن شاء الله يا جميل
منور الموضوع

يا ريس انا عايز استفسر هى دى شركه الاتصالات المصريه بتاعه التليفونات الارضى ولا شركه اتصالات بتاعه خدات المحمول و كمان انا خريج اكاديميه المستقبل ومعايا كل الورق المطلوب

طب بما انك شغال خدمة عملاء هناك
يا ترى المرتب بتاع الموضوع ده كام ؟؟؟

طب انا تجارة انجلش اسكندريه بمقبول ينفع اقدم ولا ميفعش ولازم التقدير

المشاركة الأصلية كتبت بواسطة ner0o0n

يا ريس انا عايز استفسر هى دى شركه الاتصالات المصريه بتاعه التليفونات الارضى ولا شركه اتصالات بتاعه خدات المحمول و كمان انا خريج اكاديميه المستقبل ومعايا كل الورق المطلوب

اخى الكريم
دى الشركة المصرية للاتصالات بتاع التليفونات الارضية
اما شركة المحمول إسمها إتصالات مصر
لو انت خريج اى اكاديمية بس تجارة انجلش وتقدير جيد خلاص يبقى تقدم على طول
وربنا يوفقك

المشاركة الأصلية كتبت بواسطة gurdy

طب بما انك شغال خدمة عملاء هناك
يا ترى المرتب بتاع الموضوع ده كام ؟؟؟

اخى الكريم
المرتبات بتاع خدمة العملاء فى الشركة بتبدأ من 900 ج إلى 2000 على حسب مكانك ووظيفتك بالظبط
بس خلى بالك ممكن تقول انه مش حلو اوى المرتب بس فى مميزات تانية كتيرة
زى التأمين وإنها حكومة يعنى محدش يقدر يمشيك منها لو اتثبت
وكمان فى بدلات تانية بتاخدها بتزود المرتب ده غير الارباح اللى بتتوزع كل فترة والزيادات السنوية
وفى النهاية ده مرتب محترم بالنسبة لشغل 8 ساعات وفى شركة حكومة وكمان مبدأى وقابل للزيادة
وربنا يوفق الجميع

المشاركة الأصلية كتبت بواسطة eslamavitch

طب انا تجارة انجلش اسكندريه بمقبول ينفع اقدم ولا ميفعش ولازم التقدير

اخى الكريم
للاسف الشروط واضحة لازم التقدير يكون جيد
عموما مفيش نصيب تقدم فيها
بس انا بنصحك تطور نفسك وتحاول تقدم فى اماكن تانية وربنا يوفقك

السلام عليكم
ياترى هما مدوا فترة التقديم ياجماعه انا من المنصورة بردوا

السلام عليكم ورحمة الله وبركاتة
انا من الاسكندرية وتقديري جيد مرتفع من جامعة عمالية قسم ادارة اعمال دفعة 2009 هل فترة التقديم مفتوحة ولو عاوز ائدم ائدم ازاي و هل الوظيفة دي متاحة في الاسكندرية يا ريت حد يئولي لاني مسمعتش عن الاعلان ده ابل كده
وبالنسبة لموضوع الانجليزي انا خدت كورسات انجليزي لكن الدراسة عندنا في الجامعة كانت بالعربي فايه النظام

المشاركة الأصلية كتبت بواسطة mmez

السلام عليكم
ياترى هما مدوا فترة التقديم ياجماعه انا من المنصورة بردوا

المشاركة الأصلية كتبت بواسطة amir_13337

السلام عليكم ورحمة الله وبركاتة
انا من الاسكندرية وتقديري جيد مرتفع من جامعة عمالية قسم ادارة اعمال دفعة 2009 هل فترة التقديم مفتوحة ولو عاوز ائدم ائدم ازاي و هل الوظيفة دي متاحة في الاسكندرية يا ريت حد يئولي لاني مسمعتش عن الاعلان ده ابل كده
وبالنسبة لموضوع الانجليزي انا خدت كورسات انجليزي لكن الدراسة عندنا في الجامعة كانت بالعربي فايه النظام

إخوانى الكرام
دى شروط وتفاصيل الاعلان بالظبط من موقع الشركة نفسه
من المقيمين فى المناطق الأتية:
القاهرة- دمنهور-كفر الشيخ – الغربية – المنوفية- القليوبية- الدقهلية- دمياط - أسيوط
شروط الألتحاق:
لسيانس السن- أداب- تربية (لغة أولى أنجليزية أو فرنسية) أو بكالوريوس تجارة ( قسم اللغة الأنجليزية) تقدير لا يقل عن جيد
ان يكون المتقدم من خريجى عام 2004 و ما بعدها
ان لا يزيد السن عن 30 عام المستندات المطلوبة:
عدد 2 صورة شخصية
صورة بيان الموقف من التجنيد
صورة شهادة الميلاد
صورة شهادة التخرج
صورة البطاقة الشخصية (الرقم القومى) على ان يكون عنوانها مطابقاً للمنطقة المتقدم بها موعد و أماكن التقديم:
المتقدمين داخل القاهرة:
قطاع التدريب بالشركة المصرية للأتصالات – 5 ش المخيم الدائم بجوار جامعة الأزهر – الحى السادس – مدينة نصر ابتداء من الأحد الموافق 23/8/2009 إلى الخميس الموافق 3/9/2009. المتقدمين خارج القاهرة:
تقدم الطلبات إلى إدارة شئون العاملين التابعة لكل منطقة معلن عنها ابتداء من الأحد الموافق 30/8/2009 إلى الخميس الموافق 3/9/2009.

بالنسبة للغة لازم تكون شهادة الكلية نفسها لغات يعنى آداب انجليزى او فرنساوى او تربية بردو لغات كمان التجارة لازم تكون انجليزى والتقدير جيد
عموما ربنا يوفق الجميع

سؤال يا استاذ مصطفى
هو الاخصائي خدمة العملاء ايه طبيعة شغله؟
بيعمل ايه ؟
هو اللي بيطلع الفواتير مثلا؟؟؟؟؟؟؟؟؟؟
و لو ممكن اعرف الامتحان بيتحدد معاده بعد كام يوم من اخر يوم لتقديم الاوراق و بيكون امتحان في ايه ؟
الفين شكر لو رديت يا زعيم