المشاركة الأصلية كتبت بواسطة hero_xp10
اخى حازم
موضوع احسن رياضة قتالية ده سؤال بيواجه الجميع وكثيرا ما نتعرض له
ولان كل رياضة مختلفة الفكر والفلسفة القتالية عن الاخرى فصعب جدا المقارنة بينهم بهذا الشكل
ولا احد يستطيع الحكم على رياضة بالقوى واخرى بالضعف
لان كل رياضة لها مزايا وعيوب ولكن من وجه نظر اللاعب وخصوصا المبتدأ لا يرى العيوب المتعلقه بها وحتى لو رآها قد يكون من الصعب اى يصدقها لانه بالطبع يحبها باختياره لها وصعب على الانسان ان يحب شئ ويصدق ان له عيوب
وقبل البدأ فى الحديث بما يتعلق هذا الموضوع احب ان افرق اولا بين الرياضة استخدامها كرياضة فقط ام استخدمها فى الدفاع عن النفس
انت تكلمت عن رياضة الجودو بالطبع انا أراها رياضة رائعة فعلا فهى متميزة فى جانب الطرح بشكل رائع
ولكن لها عيوب ايضا لو نظرنا لها من ناحية رياضة دفاع عن النفس
فهى تعتمد بشكل كلى على الطرحات مما يعنى لازم تكون قريب من الخصم ولازم تمسكة عشان تعرف تتحكم فيه
ودى تعتبر نقطة لا يستهان بها فى الدفاع عن النفس ففى رياضات اخرى لاتمكن الخصم من مجرد الاقتراب منه ورياضات اخرى متخصصة فى الافلات من جميع المسكات التى تتخيلها بل وعكس الحركة على الخصم مما قد يبب خلع المفاصل المستخدمة فى الحركة
ففى مواجة الجودة ارى ان الايكيدو والتشن نا تبين مدى عيوب رياضة الجود لاستخدامها فى الدفاع عن النفس
ومع ان الايكيدو فن دفاعى من الدرجة الاولى الا انى لا استطيع ان اقول عنه ايضا افضل فن قتالى
لانه يعتمد على مسك حركات الخصم والاقتراب منه بالطبع ولو فى مواجهة بعض الالعاب القتالية الاخرى تجد منها من لا يعطى الخصم فرصة لمجرد الاقتاب وكل حركاته مباغتة وسريعة
وفى نفس الوقت ايضا لو قارنت الجودة كلعبة مع الكيك بوكس او الموتاى ستجد ان لاعب الجودو لازم يقترب من الخصم ودى فرصة لاى لاعب منافس انه يديله اى ضربة قبل تنفيذ احد الحركات ودى هتوقف على حسب ايهما الاسرع
وفى وجهة نظرى ان جميع الالعاب الرياضة رائعة ولكن لاتوجد لعبة كاملة من حيث الدفاع عن النفس
لو بتفكر بناحية الدفاع عن النفس فلا يجب عليك ان تكتفى برياضة واحدة بل فكر فى ممارسة كل ما يناسبك وتستطيع تحمل تمارينه فجميع الرياضات مكملة لبعضها
شكرا على ردك يا غالى
بس انا أحب أوضح ان الجودو مش طرح و بس و لكن الجودو عندنا لحد الحزام البنى بيبقى كله حركات طرح و كسر و خنق و لكن من الحزام البنى بقى و انت طالع يبتدى الجودو الحقيقى و هو الكاتات و طرق الدفاع عن النفس و دى فيها ركلات بالقدم و فيها لى مفاصل زى الأيكيدو بالظبط
نيجى بقى لأشهر عيوب الجودو و اللى الناس دايما بيتكلمو عنه و هو أن لاعب الجودو دايما بيلعب و هو لابس بدلة و ممكن فى المواقف الحياتية يواجه ناس مش لابسين هدوم من فوق مثلا او لابسين هدوم هتتقطع و مش هينفع يسيطر عليهم بيها... و الجواب بقه ان الناس برة بيدربو جودو من غير بدل فى بعض الأحيان و بيتعلمو ازاى يعملو حركات الجودو من غير بدل
أنا قلت ان رياضة الجودو أحسن رياضة و طبعا زى ما أنت قلت أنا ممكن اكون علشان بحبها شايف كده بس أنا قلت كده بعد ما شوفت أراء ناس كتير فى الرياضات الأخرى
لعبة زى الكراتية مثلا معظم تدريبها فردى يعنى أنت بتدرب كاتات و تدرب علشان تبقى أسرع فى الضربات و كده و لما أحيانان بيلعبو متشات بتبقى متشات بحذر شديد و بيحسبوها باللمس بالنقاط
لكن فى الحياة الطبيعية اللى قدامك مش هيسيبك تبقى براحتك و كمان لازم ضرباتك تكون قاضية لأن انت مش هتعمل زى فاندام و تعد نص ساعة تلاعبو و هاع و ياع لحد ما نفسك يروح أو زى جاكى شان فى الكنغ فو
بس فى الجودو كل اللعب و التدريب مع منافس قوى و بيقاومك بكل قوته فأنت بيبقى كأنك فى خناقة حقيقية و بطلع كل قوتك فى الحركات و فى محاولة أخلال توازن الخصم و ده مشابه جدا للواقع (و لا رأيكم أية.. ؟؟)
نيجى مثلا للتايكندو لاعب التايكندو من أول الحاجات اللى بيتعلمها فى اللعبة أنه ميخليش الخصم يقرب منه نهائى طيب هل فى الواقع هتقدر تضمن ان الخصم ميقربلكش !!!
و لو مثلا لاعب التايكوندو واجه لاعب جودو ... لاعب الجودو مش هيهاجم هيستنى هجوم التايكوندو و فى أول ركلة هيكون ماسك رجله و رزعه فى الأرض و نازل فوقه و ساعتها بقى بيبتدى شغل الكسر و الخنق اللى لاعب التايكوندو مش بيعرف يصده
حتى الملاكمة اللى فى رأى تعتبر من أقوى الألعاب لأنها حركات طبيعية للأنسان و دايما الواحد بيستخدمها فى الخناقات من غير تدريب و لا حاجة يعنى بالفطرة و طبعا لما الأنسان بيدرب عليها و بتبقى ضرباته سريعة و قوية مبيبقالوش حل و على فكرة البكس بتاع الملاكمة كان واخد أقوى ضربت يد فى برنامج علمى عن الفنون القتالية بيجى على قناه ناشيونال جيوجرافيك و كان متفوق على الكنغ فو و لما حسبه قوته أكتشفو أنه قادر أنه يجيب أرتجاج فى المخ و يسبب أغماء (حسب اللاعب طبعا)
بس الملاكم مجرد ما تمسك أديه مش هيعرف يعمل أى حاجة و انا شوفت ماتشات لكيك بوكس و جودو و الجودو كسب بكل سهولة هو خد شوية ضربات فى الأول لحد لما و قع الكيك بوكس و نزل فوقه و طاخ طاخ و خلص الماتش
نيجى مثلا للجوجيتسو البرازيلى اللى بقى مشهور قوى هنلاقى أنه كله لعب أرضى بس يعنى كأنه جزء من الجودو بس هما بيركزو فى اللعب الأرضى جامد بس لما بيلعبو بتوع الجودو مبيعرفوش يوقعوهم على الأرض علشان يشتغلو الشغل الأرضى بتاعهم مش كلهم طبعا فى ناس بتكسب بتوع الجودو بردو (أحنا متفقين ان كل لاعب و حسب مستواه)
بس أرجو انى اكون و ضحتلك وجه نظرى
و شكرا مرة تانية على ردك
عنوان الرابط المتبادل
حول الروابط المتبادلة
