الموضوع: مش عارف أدخل على حسابي في الفيس بوك

كنت دخلت على النت بطريقة فيها بروكسي المهم من ساعتها كل ما اجي ادخل على الفيس بوك وادخل بينات الدخول يكتب لي انه لازم توثيق يأما انه يبعت لي كود على الموبيل يأما اتعرف على صور الناس اللي عندي واعرف هي بتاعة مين طيب انا رقم الموبيل غيرته من فترة والشريحة مش معايا دلوقتي ومينفعهش اغير الرقم اللي هو هيبعت عليه الكود تاني حاجة الصور طبعاً في ناس بتحط صور مواقف او صور فنانين مثلاً وانا معرفش دي بتاعة مين فيهم الحل ايه في طريقة ارجع بيها الأكونت ؟

بص يا باشا طالما الحكاية فيها بروكسى يبقى لازم تغير البروكسى و خاصة علشان انت فى مصر

مهو المشكلة كلها اني دخلت بطريقة فيها تغير بروكسي ومن ساعتها وكل ما بحاول ادخل بيقول لي الرسالة دي
"
نشاط تسجيل دخول غير اعتيادي - يرجى مراجعته


حاول أحدهم تسجيل الدخول إلى حسابك في فيس بوك من كمبيوتر أو جهاز هاتف محمول أو موقع آخر لم نتعرّف إليه.
يرجى إتباع هذه العملية السريعة لـ:

• مراجعة نشاط تسجيل الدخول
• ساعد على التأكد من أنّه لا يوجد من يحاول استخدام حسابك من دون إذن منك"

وبعدين بيديني كلمة بدخلها وبعدين يقول لي
اختر طريقة للتحقق من الصحة

يأما عن طريق الموبيل يأما عن طريق اني اتعرف على صور اصحابي
والمشكلة ان رقم الموبيل اللي مسجله في حسابي انا غيرته من فترة فمش هعرف استلم عليه اي رسالة
والصور اكيد مش كلها صور ناس في اللي بيكون حاطت صور مواقف والكلام ده فبالتالي مش هقدر اعرف الصور بتاعة مين

مفيش طريقة اقدر اعرف بيها ادخل لحسابي ؟

اعمل ريبورت في الفيس بوك وحاول تكلم فريق المساعدة بتاعهم وحاول تعمل ريبورت في الصفحة بتاعت الفيس بوك جوه الفيس بوك

شكراً يا جماعة المشكلة اتحلت الحمد لله
انا كان بيظهر لي طريقتين بس للتحقيق وهي بالموبيل والتانية اني اتعرف على صور اصحابي
لكن لما دخلت من نت عادي من غير بروكسي ظهرت لي طريقة تالتة وهي عن طريق الميل والحمد لله تم التحقيق واسترجاع الحساب
شكراً ليكم جميعاً