الموضوع: التامينات الاجتماعيه انت تسائل وانا اجيب

السلام عليكم

اود ان اشكركم على هذا القسم لمحبي مصر

وتقديرا لهذا القسم اقدم لكم خدمه جديده على مستوى الانترنت كله اقدم لكم اي استشارة بخصوص التامينات الاجتماعيه المصريه وذلك لاني موظف في التامينات الاجتماعيه ومستعد للاجابه على اي تسأل لكم في اي تعامل من تعاملات التامينات الاجتماعيه في مصر

ستكون الاجابه خلال 24 ساعه

اتمنى ان تعجبكم الخدمه وان اقدم لكم فيها ما يفيدكم باذن الله

ايه الحلاوة دى ، على فكرة احنا هدفنا هنا إننا نستفيد من بعضنا فى الرابطة
بمعلومات و خبرات حياتية تنفعنا
بالاضافة إننا نغير من بعض سلوكياتنا الخاطئة علشان مصر نشوفها أحسن
و كمان إننا نحاول نبرز الايجابيات اللى فى بلدنا و نعزز انتمائنا و نحط حلول لسلبياتا

طيب هابدأ معاك بسؤال بسيط علشان أختى
المتعاقدين فى مصلحة حكومية بعقد مؤقت هل لهم تأمين اجتماعى ؟؟
و إذا كان هناك تأمين ،
فما هى قيمة ما يتم خصمه من المرتب بالنسبة للمتعاقدين الجدد ؟

منتظر ردك بإذن الله

مرحبا بيك Poetry-prince

مع ان سؤالك في التامينات والمعاشات اي القطاع الحكومي لكن هاجوبك من واقع الزملاء المتعاقدين

المتعاقدين معانا في التامينات الاجتماعيه حديثا مفيش لهم تامينات اجتماعيه وبالتالي مفيش لهم خصم من مرتباتهم

لكن في متعاقدين من فترات قديمه بيتخصم منهم تامينات ومعاشات وهيا تقريبا 11% من المرتب وعشان تتاكد ان لها تامينات تسال ان كان ينفع تطلع بطاقه تامين صحي ولا لا لو ينفع يبقى مؤمن عليها وممكن كمان تروح الى اقرب مكتب تامينات ومعاشات وبصورة من البطاقه تتاكد بالاستعلام على الكمبيوتر ان كان مؤمن عليها ولا وهناك هاتعرف الخبر الاكيد
شكرا لك على مشاركاتك في الموضوع

السلام عليكم
اولا شكرا جزيلا لك
ثانيا بالنسبة للتأمين انا الاول كنت بشتغل في عقد خاص وكان مؤمن عليا بس فعلا غير الحكومي مش بيتخصم
بس ف سؤال عندي هل سيضاف قيمة التأمين بالعقد الجديد علي القديم

السلام عليكم an an
عشان تضيف فترة التامين القديمه للجديده لو التامين الخاص بيك في المرة الاولى والثانيه في نفس مكتب التامينات بتضاف المده اليا على الكمبيوتر ( مثال على كدا لو انك مؤمن عليك في المرة الاولى والثانيه في مكتب تامينات الدقي هاتضاف اليا )

اما لو التامين الاول في مكتب تامينات والثاني في مكتب تامينات ثاني ( مثال لو ان المرة الاولى في مكتب تامينات الدقي والثانيه في مكت تامينات المهندسين ) هنا هاتحتاج تقدم حاجه اسمها طلب ضم مده وبتقدم الطلب دا في المكتب الاول في قسم اسمه قسم الارشيف او قسم اسمه قسم المعلومات تسال على رئيس القسم وهو يدلك على الموظف المختص باستلام طلبات ضم المدد

وطلب ضم المده دا يعني ضم الملف القديم لك على الملف الجديد يعني ضم ملفات لكن كله هايكون مسجل على الكمبيوتر برضو قبل ما تقدم طلب ضم المده

شكرا جزيلا للمعلومات واعتقد انه من نفس المكان
جزاك الله خيرا للمعلومات

العفو انا تحت امرك
رمضان كريم وكل سنه وانت طيب

شكرا جدا على عرض مساعدتك
جعله الله فى ميزان حسناتك

فيه سؤال ومشكلة صاعبة جدا

دلوقتى لو فيه محامى مقيد بالنقابة
وفى نفس الوقت المحامى ده وجد نفسه مجبر
انه يؤمن عليه فى التامينات الاجتماعية
لانه بقا صاحب عمل خلفا لوالده المتوفى
وبالتالى
لو امن هيتشطب من النقابة
لانه وفقا لقانونا لمحاماه
لايجوز لاى محام
بان يزاول اى عمل بجانب المحاماه

وفى نفس الوقت لازم يامن عشان مايحصلش مشاكل مع التامينات
لان التامين اجبارى
ومافيش اى حد يتنقل العمل باسمه
حضرتك عندك حل للمشكلة دى؟؟

مع العلم
انه مش عاوز يسيب النقابة
لقوة كارنيه النقابة
وفى نفس الوقت
مش عاوز يسيب العمل

المشاركة الأصلية كتبت بواسطة magicnet2007

مرحبا بيك poetry-prince

مع ان سؤالك في التامينات والمعاشات اي القطاع الحكومي لكن هاجوبك من واقع الزملاء المتعاقدين

المتعاقدين معانا في التامينات الاجتماعيه حديثا مفيش لهم تامينات اجتماعيه وبالتالي مفيش لهم خصم من مرتباتهم

لكن في متعاقدين من فترات قديمه بيتخصم منهم تامينات ومعاشات وهيا تقريبا 11% من المرتب وعشان تتاكد ان لها تامينات تسال ان كان ينفع تطلع بطاقه تامين صحي ولا لا لو ينفع يبقى مؤمن عليها وممكن كمان تروح الى اقرب مكتب تامينات ومعاشات وبصورة من البطاقه تتاكد بالاستعلام على الكمبيوتر ان كان مؤمن عليها ولا وهناك هاتعرف الخبر الاكيد
شكرا لك على مشاركاتك في الموضوع

شاكر ليك متابعتك و الرد السريع
نرجو الاستمرار على نفس النشاط و أهلاً بيك معانا

المشاركة الأصلية كتبت بواسطة kinglasnar

شكرا جدا على عرض مساعدتك
جعله الله فى ميزان حسناتك

فيه سؤال ومشكلة صاعبة جدا

دلوقتى لو فيه محامى مقيد بالنقابة
وفى نفس الوقت المحامى ده وجد نفسه مجبر
انه يؤمن عليه فى التامينات الاجتماعية
لانه بقا صاحب عمل خلفا لوالده المتوفى
وبالتالى
لو امن هيتشطب من النقابة
لانه وفقا لقانونا لمحاماه
لايجوز لاى محام
بان يزاول اى عمل بجانب المحاماه

وفى نفس الوقت لازم يامن عشان مايحصلش مشاكل مع التامينات
لان التامين اجبارى
ومافيش اى حد يتنقل العمل باسمه
حضرتك عندك حل للمشكلة دى؟؟

الواحد حب يرد تانى لما لقيتك بتشارك
أزيك يا محمد ... مختفى فين يا راجل ؟؟ و أخبارك أيه
كل سنة و أنت طيب
هيه مشكلة عويصة لكن نأمل إن الأخ الكريم صاحب الموضوع يحاول يلاقيلها حل

و بعد تفكير طويل بالنسبة للموضوع
وجدت إنه من المناسب نقله لقسم دردشة محبى مصر
نظراً لأن الموضوع فيه تبادل للخبرات و تبادل أطراف الحديث و ليس مجرد لسرد معلومات و بنهايتها ينتهى الموضوع
فالموضوع جميل و متجدد و يقوم على تقديم النصيحة و الخدمة بلا مقابل
ربنا يجازيك خير أخى الكريم صاحب الموضوع

السلام عليكم
مش شرط ان حضرتك اللى يتأمن عليك ممكن اي حد من الورثه بدل منك عادي جدا لانه ممكن يتأمن على اي حد من الورثه

ولو انك الوريث الوحيد ممكن تروح للمفتش اللى ماسك المنطقه بتاعتك وهاتقوله التالي : انا محامي ومينفعش التامين عليا وعايز يتامن على عامل بدل مني في الحاله دي ممكن يتامن على عامل بس هاتقدم صوره من كارنيه النقابه وممكن تجيب له خطاب من النقابه انك محامي مقيد بالنقابه عشان يدعم موقفك
وانا متابع معاك في اي جديد في موضوعك

بالتوفيق ان شاء الله

شكرا لك Poetry-prince على تواصلك معانا وانا باذن الله مستمر معاكم دائما واسال الله عز وجل ان يجعل العمل هذا فيه العون والمساعده والخير لكل المصرين

فكرة الموضوع جميلة جداً وان شاء الله
هكون متابع معاكم جزاك الله خيراً

شكرا لك The Innocent Angel انا معاكم دائما لمساعدتكم في اي استفسار

واسال الله الكريم في شهر الله الكريم الشفاء لوالدك