الموضوع: الاعمال الكامله لصلاح جاهين "يرجى التثبيت"

صلاح جاهين



السيرة الذاتيه


إنه.. محمد صلاح الدين/ بهجت حلمى/ أحمد حلمى/ حسن المهدى/ على/ عامر المهدى/ السيد الشريف/ صقر/ جاهين. الشهير بـ "صلاح جاهين".
اغتوى بالمحال.. عشق الصعب، وطوع المستحيل... افترش خياله بساطاً نسجه من خيوط أفكاره وألوان أحاسيسه، وحلق به فوق المدن والقرى... دخل كل بيت وكل قلب، أبت نفسه التكلف، فخلق دنياه بسيطة .. رقيقة .. تشع منها أنوار الطفولة، وتملأ أرجائها ملامح البسطاء.
البسطاء .. تلك الكلمة السحرية التى أخرجت جنى الشعر ومارد الرسم، وهى نفسها التى استمد منها القوة فى ضعفه، والبهجة فى حزنه.
استطاع صلاح جاهين ببساطته وتلقائيته التعبير عن كل ما يشغل البسطاء بأسلوب يسهل فهمهه واستيعابه، وهو ما جعله فارساً يحلق برسومه وكلماته ويطوف بها بين مختلف طبقات الشعب المصرى، بل كانت جواز سفره لمختلف البلدان العربية التى رددت كلماته حَفْزاً للعمل والانجاز.
رغم الشهرة الواسعة التى حظى بها صلاح جاهين ورغم إجادته الحديث عن مختلف الموضوعات ـ كما يقول عنه المقربون منه ـ لم يُجِد الحديث عن نفسه؛ فأوكل المهمة لأشعاره لتعبر عن مكنونات نفسه.
ولد صلاح جاهين فى 25/12/1930 م بحى بشبرا فى شارع جميل باشا.
وصلاح جاهين هو الأكبر بين إخوته.
والده المستشار بهجت حلمى الذى تدرج فى السلك القضائى بدءً من وكيل نيابة حتى عُين رئيساً لمحكمة استئناف المنصورة.
كانت ولادة صلاح جاهين متعثرة تعرضت أثنائها والدته للخطر، فوُلد شديد الزرقة دون صرخة حتى ظن المحيطون أن الطفل قد ولد ميتاً، ولكن جاءت صرخة الطفل منبهة بولادة طفل ليس ككل الأطفال.
وكانت لهذه الولادة المتعثرة تأثيرها، فمن المعروف أن الولادة المتعثرة تترك آثارها على الطفل فتلازمه طول حياته وقد تتسبب فى عدم استقرار الحالة المزاجية أو الحدة فى التعبير عن المشاعر - سواء كانت فرحاً أو حزناً، وهو ما لوحظ فى صلاح جاهين الذى يفرح كالأطفال ويحزن لدرجة الاكتئاب عند المصائب.

صلاح طفلاً:
عُرف عن صلاح جاهين فى طفولته الهدوء - رغم كونه الابن الأكبر والأخ الأكبر لثلاث شقيقات هن: بهيجة، وجدان، وسامية، وتصغره الأخيرتين بفارق زمنى كبير. لذا توثقت علاقته بشقيقته السيدة بهيجة. فكان شديد الحنان والتسامح مع أخته، حتى أنه كان يتطوع للدفاع عنها عند عقابها إذا ما أخطأت فى حقه.
ومن طبيعة جاهين الهادئة كانت هواياته الهادئة والرقيقة، فكان يهوى صنع الألعاب اليدوية الدقيقة ومنها العرائس لأخواته مقلداً بذلك والدته التى كانت تصنع بعض اللعب بالطين.
أيضاً ورث جاهين هواية القراءة عن والدته - السيدة أمينة حسن - التى كانت تروى له القصص العالمية والأمثال الشعبية بأسلوب سلس لطالما عشقه، فعملت على غرس كل ما تعلمته من دراستها فى مدرسة السنية، ثم عملها كمدرسة للغة الانجليزية فى طفلها النبيه الذى تعلم القراءة فى سن الثالثة. كما لعبت مكتبة جده السياسى والكاتب أحمد حلمى (شارع أحمد حلمى بشبرا يحمل اسمه) - زميل ورفيق الزعيمين مصطفى كامل ومحمد فريد ـ لعبت تلك المكتبة دوراً كبيراً فى إتاحة مجموعة كبيرة من الكتب فى شتى المجالات أمام القارئ الصغير.
ومن هذه المكتبة المنزلية نشأ ولعه بالمكتبات التى كانت أول ما يبحث عنه فى كل محافظة تنتقل إليها الأسرة برفقة الوالد الذى حتمت عليه وظيفته كثرة الانتقال.
تمتع صلاح جاهين منذ صغره بموهبة "الحكى" فكان يقرأ كل ما تقع عليه عيناه ثم يعيد روايته لشقيقاته بأسلوب شيق ومميز يحرص فيه على إيقاع الكلمات. فى سن الرابعة - أو ما دونها - نظم بعض الجمل مرحباً بضيف أباه د. على العنانى فقال: "كانى مانى ...
دكان الزلبانى ... د. على العنانى"، فبهرت هذه الكلمات البسيطة الطفولية د. على العنانى حتى أنه سجل إعجابه وتنبؤه له بمستقبل باهر على ظهر صورة أهداها للطفل الفصيح. كما قام بنظم بعض الكلمات على إيقاع دقات القطار على القضبان.
ولكن أول قصيدة حقيقية كتبها كانت وهو فى السادسة عشرة من عمره يرثى فيها الشهداء الذين سقطوا فى مظاهرات الطلبة بالمنصورة عام 1946 قال فيها:
كفكفت دمعى ولم يبق سوى الجَلََد
ليت المـراثى تعيد المجـد للبلد
صبراً ... فإنا أسود عند غضبتنا
من ذا يطيـق بقـاءً فى فم الأسد.
ورغم هذا الظهور المبكر لموهبة الشعر، إلا أن موهبة الرسم قد تأخرت فى الظهور حتى سن الرابعة عشر تقريباً، فلم تزد درجاته فى الرسم طوال طفولته عن 4 على 10.
ويرجع الفضل فى تفجر موهبة صلاح جاهين فى فن الرسم إلى مدرس الرسم فى هذه الفترة من حياته - الأستاذ الأرناؤوطى - الذى بوعيه وتفهمه منح للأطفال الحرية فى التعبير عن بعض القصص الخيالية وقصص من الأدب العالمى - مثل الكوميديا الإلهية - التى كان يقرأها عليهم لكسر قيود التقليدية، وهنا وجد الطفل صلاح جاهين متنفساً لقدراته الفنية الحرة فى الخروج والتعبير، فتفوق فى الرسم وشارك فى العديد من المسابقات الدولية لرسم الأطفال.
بشكل عام كان صلاح جاهين طالباً مجتهداً رغم اهتماماته العديدة وعدم رضاؤه عن الأساليب التقليدية فى التعليم وترحال الأسرة الدائم، فقد حصل صلاح جاهين على الابتدائية من أسيوط وعلى الثقافة من المنصورة، والتوجيهية من طنطا.

صلاح شاباً:
كان إيمان صلاح جاهين راسخاً بعدم جدوى التعليم بالأساليب التقليدية، ورغبته فى دراسة ما يهوى؛ فكان رفضه الشديد لضغط والديه عليه بدراسة القانون ليكمل مسيرة الوالد، ولكنه انصاع فى النهاية لرغبتهما والتحق بكلية الحقوق.
وكان من نتيجة عدم رضاؤه عن الالتحاق بكلية الحقوق أن تعثر فى دراسته، حتى أنه قضى فى السنة الأولى ثلاث سنوات متتالية حتى لحقته أخته ونجحا معاً فى السنة الأولى والثانية. ولكن لم يستطع صلاح جاهين أن يكبت بركان الفن داخله أكثر من ذلك، فكان رفضه هذه المرة قاطعاً لمحاولات والديه إقناعه بالعدول عن قراره، وهو ما أسفر عن مشادة عنيفة بينه وبين والده غادر صلاح جاهين المنزل على إثرها دون إطلاع أحداً على مقصده. فتوجه لبيت الفنانين بوكالة الغورى ثم سافر لعمه بغزة، وقضى فترة هناك عاد بعدها إلى القاهرة حيث قرأ إعلاناً عن وظيفة مصمم مجلات بالمملكة العربية السعودية، فتقدم لها ثم سافر دون أن يخبر أحداً، ولم يعلم والديه إلا بعد سفره بالفعل. ولكنه عاد مرة أخرى لمصر بعد أن تلقى خطاباً من والده يحثه فيه على العودة. ورغم التحاق صلاح جاهين بكلية الفنون الجميلة بعد ذلك إلا انه لم يكمل الدراسة بها أيضاً.

الحياة العملية:
بدأ صلاح جاهين حياته العملية فى جريدة بنت النيل، ثم جريدة التحرير. وفى هذه الفترة أصدر أول دواوينه "كلمة سلام" فى عام 1955.
وفى منتصف الخمسينيات بدأت شهرته كرسام كاريكاتير فى مجلة روز اليوسف، ثم فى مجلة صباح الخير التى شارك فى تأسيسها عام 1957، واشتهرت شخصياته الكاريكاتورية مثل قيس وليلى، قهوة النشاط، الفهامة، درشوغيرها من الشخصيات.
لقد كانت رسوم صلاح جاهين الكاريكاتورية مؤثرة للغاية، لدرجة أنها تسببت أكثر من مرة فى أزمات سياسية عديدة كان من أبرزها اختلافه مع الشيخ الغزالى بالكاريكاتور عند مناقشة مشروع الميثاق فى عام 1962، فاستباح طلاب الأزهر دمه وتظاهروا وتجمهروا أمام جريدة الأهرام. كما أجرى معه المدعى العام الاشتراكى تحقيقاً بسبب كاريكاتيراً انتقد فيه تقريراً حول نتيجة التحقيق فى شأن تلوث مياه القاهرة.
كما كان صلاح جاهين على شفا دخول المعتقل، فقد وُضِع اسمه على رأس قائمة المعتقلين أكثر من مرة - نظراً لما يعرف عنه من ميول يسارية ونقداً للنظام - لولا تدخل الرئيس جمال عبد الناصر شخصياً لحذف اسمه خمس مرات من هذه القائمة.
وخلال تلك الفترة لم تتوقف أعمال صلاح جاهين الشعرية، فأصدر ديوانه الأول "كلمة سلام" عام 1955، ثم ديوانه الثانى "موال عشان القنال" عام 1957 وفى نفس العام كتب "اليلة الكبيرة" أحد أروع إبداعاته والتى لحنها له سيد مكاوى أحد أقرب أصدقاؤه.
لقد مثلت الفترة الممتدة من 1959 حتى 1967 فترة النضج الشعرى عند صلاح جاهين والتى بلغت قمتها بصدور ديوانه "الرباعيات" عام 1963، ثم عام 1965 حين أصدر ديوانه "قصاقيص ورق"، وخلال تلك الفترة كتب صلاح جاهين أروع أعماله الوطنية التى تغنى بها العديد من المطربين ومنهم عبد الحليم حافظ مثل "صورة"، "بالأحضان"، "والله زمان يا سلاحى" الذى اتُخذ النشيد الوطنى المصرى إبان حكم الرئيس الراحل جمال عبد الناصر، وغيرها من الأعمال الوطنية التى بقت راسخة فى ذاكرة الشعب المصرى. وفى الفترة ذاتها كون صلاح جاهين جماعة "محبى ضوء القمر" عام 1961، كما قدم العديد من المسرحيات مثل "القاهرة فى ألف عام"، وكتب الأغانى والأشعار للعديد من المسرحيات مثل "إيزيس"، و"الحرافيش"، ولم يتوقف إنتاجه عند الأعمال المحلية، بل قام بالترجمة والإعداد مسرحياً لبعض المسرحيات الأجنبية مثل "الإنسان الطيب"، "دائرة الطباشير القوقازية". كما قدم الأغانى والأشعار للعديد من الأعمال الإذاعية مثل أغانى مسلسل "رصاصة فى القلب". وعرفاناً منها بأعماله المتميزة للأطفال - مثل مسرحيات "الفيل النونو الغلباوى"، "الشاطر حسن"، "صحصح لما ينجح"، "حمار شهاب الدين"، والعديد من الأغانى والصور الغنائية للأطفال - اختارته وزارة الثقافة - عام 1962- ليكون مسئولاً عن كل ما يتصل بتوجيه الطفل وثقافته. وانضم صلاح جاهين فى مارس 1964 لأسرة جريدة الأهرام ليكمل مسيرته فيها. كما نال صلاح جاهين وسام الفنون فى عيد العلم عام 1965. وعن هذه الفترة يقول صلاح جاهين عندما سُئل عن اجمل فترات العمر: "هى الفترة ما بين عام 1963-1967 ... الفترة دى كانت الذروة فى حياتى".
ولكن جاءت هزيمة 1967 لتكون بمثابة الضربة القاسمة لصلاح جاهين، فأصيب بعدها بالاكتئاب الذى لازمه حتى وفاته. وخلال هذه الفترة توقف عن كتابة الأغانى الوطنية؛ حيث اعتبر نفسه مشاركاً فى الهزيمة بأغانيه وأشعاره شديدة التفاؤل والحماس للثورة ولزعيمها جمال عبد الناصر، فلم يكن صلاح جاهين محباً لعبد الناصر فقط، بل كان مبهوراً به يراه قادراً على تحقيق مالم يستطع أى زعيم وطنى آخر تحقيقه. وعن حبه لعبد الناصر يقول: "أنا وقعت تحت مغناطيسية الكاريزما الموجودة فى شخصية عبد الناصر، ولكنى تعلمت أن انظر إليه بموضوعية..".
ولكنه استعاد توازنه وكتب من وحى حرب الاستنزاف "الدرس انتهى" بعد الهجوم الإسرائيلى على مدرسة بحر البقر، و"عناوين جرانين المستقبل" إثر الهجوم الإسرائيلى على مصنع أبو زعبل. ثم توقف عن الكتابة فترة طويلة كتب بعدها "المصريين أهمه" وكانت آخر أعماله الوطنية.
ورغم الحالة النفسية التى كان يمر بها صلاح جاهين، إلا أنه تغلب على آلامه واستطاع بقلب عليل تثقله الأحزان أن يزرع فى كل واحداً منا بذرة الأمل والتفاؤل والبهجة، فلم يستسلم وقرر أن يطرق أبواباً جديدة، فلم يكن المسرح والكاريكاتير والدواوين أن تسع موهبة صلاح جاهين المتدفقة كشلال لم تستطع أشد المصاعب أن توقفه، طرق صلاح جاهين باب السينما والتلفزيون ولم ينتظر حتى تفتح له الأبواب فقد كانت مفاتيحهما السحرية فى يده لينطلق بنا فى عوالم درامية، غنائية، واستعراضية. فقدم للسينما سيناريوهات أفلام "خللى بالك من زوزو"، "أميرة حبى أنا"، "عودة الابن الضال"، و"شفيقة ومتولى". كما قدم للتلفزيون سيناريو وحوار مسلسل "هو وهى"، فوازير "الخاطبة" و"عروستى"، استعراض "الأسانسير"، "هاشم وروحية"، وغيرهم الكثير. وقام صلاح جاهين بالتمثيل فى بعض الأفلام مثل "جميلة بو حريد"، "اللص والكلاب"، "شهيدة العشق الإلهى"، "لا وقت للحب"، وآخرها "المماليك". ولكنه لم يكمل فى هذا المجال. وعن أدواره فى السينما يقول: "كل الأدوار اللى عرضت على، كانوا بيختارونى عشان وزنى فقط ... أنا دخلت مجال التمثيل من باب الفضول".

صلاح الزوج:
"الحب سواء كنت متزوجاً أو لا ؟!، فى حالة عدم الزواج، هناك الحب الحر الذى تستطيع فيه أن تحب كل يوم واحدة. أما الزواج فهو أن تستقر وتختار واحدة تبنى معها الحب يومياً، فعندما تنقطع هذه الصلة وتفقدها تشعر أن هذه فترات ضاعت عليك!"
هكذا كان رأى صلاح جاهين فى الحب والزواج، فالزواج هو الاستقرار، لذلك تزوج صلاح جاهين مرتين، باحثاً عن الاستقرار والحب. فتزوج للمرة الأولى من "سوسن محمد زكى" الرسامة بمؤسسة الهلال عام 1955 وأنجب منها بهاء وأمينة جاهين. ثم تزوج من الفنانة "منى جان قطان" عام 1967 وأنجب منها أصغر أبناءه سامية.
الزواج الأول:
عشقت الفنانة سوسن زكى الرسم وأرادت الالتحاق بكلية الفنون الجميلة، لكن حالت الظروف العائلية دون ذلك فالتحقت بالعمل فى مؤسسة الهلال كرسامة، وهناك التقت بصلاح جاهين الذى كان يعمل فى مجلة التحرير التى يتم طبعها فى دار الهلال، فكان لقاءهما صدفة تعارفا بعدها وبعد فترة وجيزة وبوساطة أحد الأصدقاء تقدم صلاح جاهين لخطبتها ثم تزوجا فى عام 1955.
وعما جذبها فى صلاح جاهين تقول السيدة سوسن زكى: "كان رقيقاً فى معاملاته على كل المستويات ... إنساناً مهذباً ... نبيلاً فى كل تصرفاته ... كان متقدماً فى تفكيره ... بسيطاً فى كل المواقف ... بهرتنى طريقة تفكيره ... وأدهشنى أنه لم تكن لديه طباع متشددة مثل كل الرجال المصريين فى ذلك الوقت ... لكن أهم صفة كان يتمتع بها هى البساطة فى كل شئ".
وعن مرحه والطفل داخله تقول: "لما يبقى فاضى ومفيش حاجة يرسمها أو يكتبها، كان يغنى ويرقص ويتنطط فى البيت". كما رقص صلاح جاهين فى المستشفى عند ولادة أول أولاده بهاء.
كان صلاح جاهين صريحاً واضحاً فى كل شئ، فأخبر زوجته منذ البداية أن عمله هو أهم شئ فى حياته تليه هى، كما أخبرها أنه سيصارحها عندما يحب أخرى وهو ما حدث بالفعل فقد اعترف لها بحبه للسيدة منى قطان - زوجته الثانية - وهو ما كان سبب الانفصال بينهما بعد زواج دام 12 عاماً. ورغم الانفصال لم تتأثر علاقته بأبنائه أو أم اولاده فقد كان يهتم بهم فى المناسبات وكان حريصاً على أن يحضر لها الهدايا والتورتات فى عيد ميلادها رغم زواجه من أخرى.
وفى عام 1976 وبناءاً على رغبة صلاح جاهين عادت الحياة بينهما مرة أخرى وذلك لخوفه عليها وعلى أولاده، ولشعوره بالذنب تجاها. واستمرت الحياة بينهما - على الورق - حتى وفاته. "لم يكن خلالها زوجاً عادياً ... أو فناناً عادياً، بل كان مزيجاً من الحب والعطاء والحنان".
الزواج الثانى:
تزوج صلاح جاهين للمرة الثانية من السيدة "منى جان قطان" - الفلسطينية الأصل - ابنة الصحفية والأديبة جاكلين خورى التى هاجرت لمصر بعد حرب 1948 ولم تكن منى وقتها قد تجاوزت العامين. ورغم كونها الابنة الوحيدة إلا إنها قضت بعض طفولتها مع جدتها بعد انفصال والديها، والبعض الآخر فى مدرسة داخلية فى انجلترا اعتادت خلالها الأسلوب الأوروبى فى الحياة. ثم عادت لتقيم مع والدتها الصحفية بالأهرام آنذاك، فعرفتها على زملائها الذى كان صلاح جاهين أحدهم. ففى إحدى زيارتها للأهرام رأت صلاح جاهين يرسم مبناً أثرياً، فسألته عنه فأجابها أنه الأزهر واصطحبها فى زيارة لحى الحسين والأزهر. أما عن المرة الأولى التى قابلت فيها صلاح جاهين فكانت فى صيف 1963- وكان مسرح العرائس يعرض مسرحية "صحصح لما ينجح". فعشقت روح الطفولة الكامنة فى هذا الطفل الكبير، وهو ما افتقدته منى فى طفولتها.
وهكذا كان صلاح جاهين مرآة منى قطان للمجتمع المصرى الشعبى، فرافقته فى رحلاته لهذه الأماكن دون ضيق، فلقد أحبت هذه الأماكن من عشقه لها وتفاعله مع روادها البسطاء.
"- البنت دى فيها حاجة مختلفة. ذكية ولبقة وحساسة أنا بقى أموت فى كده.
- بتحبها؟
- حب إيه يا عم ... فيه ناس الحب خسارة فيهم ... وناس تانيين الحب بالنسبة لهم يبقى حاجة .. مش قد المقام .. أهى البنت دى واحدة منهم. مخلوق مختلف .. عيب لما الواحد يقول أنه بيحبها .. لأن الكلمة دى اتقالت ملايين المرات فى ملايين السنين عن ملايين الملايين من المخلوقات العادية .. اللى ما فيهاش حاجة ولا ميزة من مزاياها هى."
هكذا وصف صلاح جاهين زوجته منى قطان فى فترة تعارفهما الأولى فى مسلسله الاذاعى "الزير وغطاه" الذى يروى قصة حياته.
بدءا صديقين واستمرت صداقتهما لمدة ثلاث سنوات تقدم بعدها لخطبتها وكان متزوجاً فشعرت منى قطان بالذنب خوفاً أن تكون سبباً فى هدم كيان أسرة، ولكنه كان قد قرر الانفصال عن زوجته الأولى. فتمت الخطبة رسمياً فى صيف 1966، وكان من أسعد أيام صلاح جاهين، وفى هذا اليوم استوحى فكرة الأغنية الوطنية "صورة". ثم بدأت التحضيرات للزواج، وخلال تلك الفترة كان صلاح يشعر بالقلق، يشعر وكأن شئ سيحدث، وتحققت مخاوفه وحدثت نكسة 1967، فتزوجا فى عام 1967 فى حفل بسيط على غير ما كان معداً، فتم عقد القران فى الشهر العقارى؛ إذ أن منى قطان كانت تحمل الجنسية اللبنانية.
وعن طبيعة العلاقة بينهما تقول منى قطان: "الإحساس بالإلتزام هو الذى جعله يدخل كلية الحقوق ولا يكمل دراسته بها، ويدخل كلية الفنون ولا يكمل الدراسة أيضاً ... ولذا فالعلاقة بيننا لم تكن علاقة زواج والتزام، بل كانت علاقة صداقة قبل كل شئ."
وعن تعلقه بها يقول صلاح جاهين: "ماذا جعلنى أتعلق بزوجتى ؟! ربما فيها الكثير من أمى، حتى بعض العادات السيئة مثل الكلام الممزوج بلغة أخرى .. فأمى حتى الآن نصف كلماتها بالإنجليزية، وعندما قابلت منى قطان وجدت فيها هذه الخصال الأنثوية المتعبة .... والدتى أروع امرأة قابلتها وأحببت زوجتى لأنها تشبهها."
ورغم الهزات العنيفة التى تعرض لها زواجهما - ومنها مشكلة عدم الانجاب لمدة 13 عاماً ومرض صلاح جاهين بالاكتئاب، وهو ما جعلهما يقررا الانفصال ثم تراجعا عنه - إلا أن هذا الزواج احتفظ "بوسامة الروح".
"على رغم فارق السن بيننا، واختلاف الديانة - لأننى كنت مسيحية - وكذلك اختلاف الثقافة والتربية، إلا أن صلاح جاهين احتوانى كامرأة واستطاع أن يخترق كل الحواجز التى كانت بيننا".
فكان صلاح جاهين - كما تقول عنه منى قطان - يقف إلى جوارها كصديق أولاً - ثم كزوج - فى أصعب المواقف ومنها على سبيل المثال وفاة والدتها، "شعرتُ رغم إرهاقى أنه لا يفعل ذلك بصفته زوجى، ولكن بصفة صديق".
ورغم إيمان صلاح جاهين بموهبة منى قطان التمثيلية، إلا أنه لم يحاول فرضها على أى من المخرجين لتقديمها كنجمة، فاكتفت بأدوار صغيرة فى بعض الأفلام مثل "أميرة حبى أنا"، "خللى بالك من زوزو" الذى كتبه صلاح جاهين خصيصاً لمنى قطان، ثم قامت ببطولته الفنانة سعاد حسنى لدواعى إنتاجية. ولم ترهقه هى - رغم حبها الشديد للفن، ورغم مساعدته العديد من الفنانين والفنانات - بطلب المساعدة لتشق طريقها فى عالم الفن شديد الوعورة؛ لذلك كانت الحياة بينهما مستقرة ومفعمة بالحب والحنان فكانت له بمثابة الأم، وكان لها بمثابة الأب الذى حرمت منه فى طفولتها. فتقول له منى قطان: "أتحت لى الفرصة أن نعيش فى مجتمع شرقى دون قيود، صديقان دون افتعال، احترمت ظروفى، احترمت آدميتى، ودأبت على حمايتى بعاطفتك ووجدانك".
صلاح الأب:
كان صلاح جاهين يهتم كثيراً بأبنائه فكان دائماً بجوارهم عندما يكون لأى منهم مشكلة، فكان أولاده أصدقاؤه وكان هو صديقاً لهم. فحرص على اللهو واللعب مـعهم، فكـان
يلعب بالعرائس مع ابنته سامية - أصغر أبنائه - مقلداً أصوات جميع العرائس، وعندما أعربت ابنته الكبرى أمينة عن رغبتها فى الارتباط بأمين حداد، وقد كان وقتها صلاح جاهين فى لندن يجرى عملية القلب المفتوح، ابتسم ابتسامة سعادة وقال لها: "يا مغفلة فى حد يتجوز حد أحلى منه ... دا ينفع نجم سينمائى".
كذلك لم يبخل على أى من اولاده بالمشورة سواء فى حياتهم الخاصة أو العملية، فتنبه لموهبة بهاء المبكرة فى الشعر وسعد بها سعادة غامرة، ولكنه لم ينس دور الموجه فطالب ابنه بضرورة المحافظة على الأوزان عندما عرض عليه بهاء أول مجموعة أشعار كتبها - وقد كان فى المرحلة الإعدادية، ولما كان الطفل بهاء لا يدرك معنى الأوزان، تولى والده شرحها له بطريقة بسيطة وسهلة، فيقول بهاء جاهين: "بدأ معايا بوزن "مستفعلن" لأنه سهل، وقرأ لى قصيدة "دموع ورا البرقع" وقعد يخبط على رجله محدثاً نوعاً من النغم الموسيقى، يومها عرفت يعنى إيه وزن". واستمرت نصائح الأب لابنه حتى وفاته.
هكذا كان صلاح جاهين هادئاً حنوناً صادقاً محباً لكل من حوله، عشق فنه فعشقه الناس، فكان ريشة ترسم أرواحهم قبل صورهم. لقد كان ضميرهم ينبههم ويضحكهم على أحزانهم قبل أفراحهم، فكانت "الدنيا ربيع"، "والحياة لونها بمبى"، و"بكرة أجمل من النهاردة".



من مشاركاتي

هل تريد تعلم العبرية

الافضل و الاسوأ فنيا لعام 2006
العبرانيين تاريخ و ديانه

و الان نبدأمعا دخول عالم صلاح جاهين الفني مع رحله جميلة مليئه بالمشاعر مع ازجاله.

و سنبدأ معا بالازجال الجاهينية البادئه بحرف الالف.

اتكلموا

اتـكلموا .. اتـكلموا .. اتـكلموا ...
محـلا الكلام ، ماألزمه وماأعظمه.
فى البـدء كانت كـلمة الرب الاله ،
خلقت حياه ، والخلق منها اتعلموا …
فــاتــكلمـوا


فى البـدء كـانت كلمـة الـرب الالـه
روح بجناحين شطار ، وصار للكون مداه.
آخر مطافهـا ، جت وحطت ع الشفـاه ،
لما البشر مـلكوا الوجود ، واستحكموا …
فـاتــــكلموا


الـكلمة أيد ، الـكلمة رجـل ، الـكلمة باب ،
الـكلمة نجمـه كهربيــه فى الضبـــاب
الـكلمة كوبـرى صـلب فـوق بحر العباب ،
الجـن يا أحبــاب ، ما يقــدر يهدمــه…
فــاتــــكلموا

الـرمـل مـرمـى تحت قبـة السمـــا ،
مشتـاق لقطـره من المطـر فيها النمــا ،
مـلايين سنين عمــره ماداقهـا ، انمـــا
فيـه كلمـة تقـدر فى المراوى تعومه …
فــاتــــكلموا

فيه كـلمة تقـدر تـزرع البور حـور ضليل ،
وكـلمة تقـدر تـجعل الـكوخ بيت جميل ،
وابـو العيـال والجـلابية الهـــلاهيـل ،
فيه كـلمه تعطيـه مـال ، وكـلمة تهندمـه ،
فـاتـــــكلموا

لكـم السـلام ، يا ملفوفيـن حـول اللـهب ،
يا غواصـين فى القـلب ع الـكلمه العجب ،
فى البــدء كانت كـلمة الـرحمـن سـبب
ومـا عـادش غيـر الحـق كلـمة تتممه ..
فـاتـــــكلموا




اتنين صباحا

النـور ملـو الشـــوارع ،
ومليــون راديــو والــع ،
السـاعـة اتنين صبــاحـا ،
لـكين إيــه المــوانــع !

.. الخـلق رايـحـه جـايـه ،
والـدنيـا لســه حـيــه ،
مليـانــه بـالهـــأو أو ،
وزعيـــق القهــوجيـــة .

. . واحــد يقــول لواحـد :
خـليك يــا عــم قـاعـد ،
التانى يقـول لـه : شــكرا ،
ده انــا م المغـرب مواعـد ،
فيه ســهره لســه عنـدى ،
فى بيت فـــلان افنــدى ،
ح نـاكــل حـاجـة حلوه ،
ونشـرب تـمـر هنــدى ..
واللـى تـروح دالقـه جـردل ،
فـوق حضــرة المبجــل ،
طـبعا صـاحبنـا يـزعــل ،
وينفجــر شــتايـــم …
والحـى كلـه يـوصـــل ،
مــابين مصــلح ولايـم ،
اللــى يـقـــــــول :
يـــا جــمــاعــة …
واللـى يقـول : يـا بهايـم ..
ومطـــرب الاذاعـــة ،
يصـرخ ، وف وجده هايـم ..
ولو طـرطـقت ودنــك ،
فى وسـط دى الـعظـايـم ،
تســـمع مسـحراتــى ،
بـطـبله صــوتها واطـى ،
بيقـــــول :
اصحى يا نايم .

احنا التلامذه

يـا عـم حـمـزه ،
احـنا التـلامــذة.
جن وبلاوى مسيحه – من غير مؤاخذه ـ
نـكبر مـا نكــبر،
الله أكــــــبر،

طول الزمان ع الامتحان داخلين مبارزه!
هل من مـبـارز؟
هل من مناجــز،
هل من معارك فى البلد دى ، لسه عايـزه؟
هل من منــادى؟
ونفير جـهــادى؟
قال لك: أجل! .. لسه العجل فى رمله غارزه!
لسه فى طــريقـــنا للأمــــال،
والـرمله مــن كــل جــهــــه..
زقــه مـــع زمــيـلكم جـمـال،
يــا عـقـولـنـا يـا مـتـنـبهـه!
الـرمله حـلـوه ع الـبــــلاج،
حـلـوه عـلـى بــاب الـفــرح،
لكـن لـحـد كـده وبــــــلاش،
أحــسـن شـعــورى بـينـجرح.

اسفخص عـلى لــون الاصـــفرار
والـفقر، والـخــوف والـمـــرض
مـاشـفـتـه الا ودمـى فـــار،
وحلـمـت بـيـه زال ، وانـقـرض.
كابـس عليـنا الشــئ ده لــيـه؟
هـو انـجليز؟ ..
والا تتـــر؟ ..
دوكهم خـطـر، قـمنـا عليـه ،
ريـاح مـا خلتلوش أتـــر.

. . كان برضه أمـشيـر زى ده،
كان برضه فـبرايـر كــده،
قمنا جـموعــا حــاشـده،
سـلاحـنـا أنـشـودة فـدا..
احنا الجـواب، واحـنا الـنـدا،
واحنا الـتـلامذه الـمـنجده ..
يا عم حـمـزه مـاشـفتناش؟
. . الـدنـيـا شـافت دمـنـا،
حنه ، علـى ايـديـن أمـنـا،
حلفت يكـون عـيـد باسـمـنا،
عيد ، ابتدا ولا انـتـهـاش ..
يا عـم حـمـزه ،

" لا مـــــاليـف *" وهــمــزه
لأ . . مش عاوزين عيشـة وارثين
ولا دنــيـا جـاهـــــزه.
ده أبو ســـد عالى،
سهــران ليـــالى،
زى التلامذه ف لامتحان ..
يـا عـم حمــزه.


--------------------------------------------------------------------------------

* لاماليف : يعنى " لا "




اجمل ما فيهم


يـا بنـت يـام الـمـريلـه كـحـلى ،
يـا شمـس هـالله ، وطـالله م الكـولـه ،
لـو قلــت عنـك فـى الغـزل قـولـه ،
ممنـوع عـليــا ، والا مسمــوح لـى؟

أنـا احب اقـول الشعـر فى الحــلوين ،
والحـلـو اقـوله : يا حـلو، فى عيونـه ،
ولـو ابـتــديـت بشفـايفـك النـونـو ،
مـايـكفـيـنـيش فيهـم سبـع دواويـن !

يـا مـلاك يـا جنيه، يـا سـت الحسـن ،
يـعـجـبنـى توهـانـك فى أحلامــك ،
يـعـجـبنـى شد الخصـر بحـزامـك ،
يـعـجـبنـى أخدك للكـتب بالحـضـن .

.. راحـوا الصـبايـا، والصـبايـا جـم ،
أجمـل مـافـيهم مـين ، غيـر بنـتـى ؟
وأجمـل مـافيكى يـا بنتـى ، ان انتـى ،
فـى عـنيكـى مـن نينتى .. حنـان الأم !





الادب

العــلم قـــال

ان العيــال ،

يـلزم لانتاجهم رجال ،

ويـــا النســـا


وايه كمان العلم قال ؟ ..

قال لك ضرورى شـخص واحد بس ، علشان كل طفل ،

وضــرورى بــاب ،

وضــرورى قـفـل.

وضرورى حب ، انشالله ثانية.

ده ف بنـد حفظ النـوع …


لـكين بقى فى الأدب ،

قريت "نـهـايـة الأرب"


وفلاسفه مش من العرب ، ومن العـرب ،


وكلـهم قــالـــوا الكــــتاب


له فن تانى ، فن معـروف مـن زمـان.


يا فرنسواز هانم ساجان ! ..




اكتوبر

مـن غيـر مـا نتفـاخــــر ونتبــاهـى

لا بـالـــــــرايـات اللـى رفعنـاهـا

ولا بـالحصـــون اللـى انتـــزعنـاهـا

ولا بـالـــدروع اللـى مــــزعنـاهـا

ولا بـالــــدمــوع اللـى ابتلعنـــاهـا

علـى الضنــى الغــالـى وحجبنـــاهـا

وحيـاة عيـون مصــــر اللـى نهـواهـا

واكتـوبــر اللـى كمـا النشــور جـاهـا

بـلاش نعيــد فـى ذنـــوب عملنــاهـا



أنـا اتعـس اللـى بـــدعهـا وجنــاهـا

ومـازلـت تحـت عقـــابهـا وجــزاهـا

وحيـــاة ليـالـى ســود صبــرنـاهـا

واتبــددت بالشمـــــس وضــحـاهـا

نكبــح جمـــاح الـزهـــو ، مـع أنـه

مـن حقنـــا ، ونحمـى النفـــوس منـه

ولـو " العبــور " سـالـونـا يـوم عنــه

قـول : مجـرد خطـــــوة خـدنـاهـا !

الفية بن دنلوب

( 1 ) ألفيــة خفيـــة المســـــالك ،

أصـعب من ألفيـة بـن مـــالك .

( 100 ) بالانجليـزى يـا شهـاب الـدين ،

اكتــب مـن الشمــال لليميــن .


( 200 ) والعـربى يـا طـالـب المعـالى ،

فاكتـب مـن اليميــن للشمــال .


( 300 ) معلـومة – والجمـع معلـومـات

العلـم ، لا دلــع ومفهــومـات .


( 400 ) اعلـم هنـا ، ونحـن عند الشـط ،

أهـم شـئ هـو حسـن الخــط .


( 500 ) السن ضع فى الحبر ، واحذر البقع .

إذ ربمـا فـوق الكـراريـس تقـع .


(600) إذ ربمـا فوق الكـراريـس تقــع .

مواظبـاً ، سلــــوكـه حميـد .


( 700 ) باشكـاتبـاً ، إن كان فى الديـوان ،

أو مـن رجـال الطـب والبنيـان .


( 800 ) العلـم – يـا مـولاى – للتوظف ،

لا – يا جعلت فـداك – للتفلسـف .


( 900 ) يقـولهـا العلامــة بـن دنلـب ،

وليـس يبغى – قط – أى مكسـب ..


( 1000 ) فهل الذى كان زمانا قد جبـر ؟ ..

والمبتدأ لو جاء ، هل يأتى الخبر ؟ ..



--------------------------------------------------------------------------------

* أرجو قراءة هذه الأبيات بلهجة فصحى ركيكة، مع الإهتزاز إلى الأمام والخلف.

الانتصار

فيه لسـه ركـن ف قلبى عـاوز يبتسـم
أرض الجـزاير لسـه تحـت الاحـتلال
أنا قلت مش ممـكن بـــلادى تنقســم
أرض الجـزاير جـزء من أرض القنـال


وخــرجت ثايـــر
رايـــح الجــزاير


ونسـيم بلادى معايـا طـاير بالبشـاير


للانتصـــــــار



مشيت مشيت لون الجـراح ما غابش عنى
مشيت مشيت جـوه الريـاح اهتف واغنى
يا سـهرانين الليـل عـليـكم السـلام
شـدوا الزنـاد شـدوا انتصـارنا وقربوه
بـكره الليـالى تعـود ويمـلاها الغـرام
وكـل طـفل ينـام سـعيد فى حضن ابوه


يـا دم يـا احـمـر
ع الـزرع الاخـضـر


أهل الجـزاير بـدروك علشـان تـزهـر


للانتصـــــــار



هناك هناك فـوق الجبـال آخـر طـريقى
هناك هناك وسـط النضـال واقف شقيقى
بنظـرة مليانـة حنـان ضــم الـوطن
ضـم السـنابل ضـم أغصـان الـزتون
ورفع سـلاحه وخـط فى جـبين الـزمن
ميعـاد لحـــرية بـلاده راح يـكون


وأنا سـبت أرضــى
وفيهــــــا وردى


رايـح الجـزاير بالرصاص أأدى فرضى


للانتصــــــــار



راح ننتصـر ونشوف ســلام وايام جديدة
راح ننتصـر ونعيش كـرام فى بلاد سعيدة
وانا حامشى وامشى وامشى وامشى ف سكتى
واوصـل واضـم إيديـا لألـوف الألـوف
وانـزع مـن المسـتعمرين حــريتــى
وانشـد مـع الثـوار وإحنـا فى الصـفوف


أنـا جــاى ثـايـر
ويـا الجــــزايـر


ونسـيم بـلادى معايـا طـاير بالبشـاير


للانتصــــــــار

الهه

ايــزيس بتحب بـــوذا ،
وكـيـوبـيـد الســـبب.
بـاخوس سقـاهـا بـوظه ،
شـــوف قــلة الأدب ؟

حتحـور ، ومناف ، ونبتون ،
والـه بقــرون وديــل ،
طـلعوا الأولـمب هيلتـون ،
واتعـاركـوا فى الأوتيــل.

زيــوس اتحـــدى رع ،
فـى بـورصــة البشـر.
أبـوللو قـاللو هـــــع ،
فشــر فشــر فشــر !

والـكـل نـزلـوا ركـبـوا
عـربـيـات فـارهــه ،
ان خسـروا والا كــسبوا ،
الـكــل آلــهــة !

الى المفاوض الاسرائيلي

مسـتر اليـاهـو بـن آليســار
ياللـى عيـونـك كلهــا أفكـار
فكـر . . فكـر زى مـا تخـتار
بـس اتـذكـــر


انـك مش وحـديـك المــكار !


ولا انـك وحــديك الـوطــنى
اللـى بيقـول قلبى على وطــنى
وعلى الأطـفال اللى ف وطــنى
وعلى الخضـرة
وعلى النضـرة
وعلى الأزهـار
وعلى الأطـيار
والـدانتيـللا ف شــبابيك الـدار
والبمبنى اللى ف لوحـات رينوار
إلى آخـر قـواميـس الأشـعار !
شـوف يامبجل ..
لـو كـان واحـد فينـا اتمـكن
من صـاحبه ماكنشى كل ده صـار
كان واحـد بس اللـى تـرفرف
اعــلامـه ويلبـس تـاج الغـار
والتــانى يتجــر مسـلســل
خلف المـركبة موسـوم بالعـار
لـكن جـرى ايه ؟
قـاعدين كده ليه ؟
وسـبايا مفيش ليه يـا عزيزى ؟
قال لك ده ماعادشى " فرن ايزى "
حـرب نهايـة القـرن العشـرين
نهـايتهـا فنـاء البنـى آدمـين
المنتصرين والمــنهزمين
والناس اللى واقفين ساكتين
يتفرجـوا على العاب النار.
آدى القصــة
من غيرغصـة
مـن غير ولا حقـد دفـين ولا تـار
علشـان كـده مسـتر بن اليســار
مـوجود ويانــا علـى الطـاولة !
علشــان فشـلت كـل محــاولة
لسـياســة الارغـام والاجـبـار
فى العـالـم كلـه كبـار وصغار !

والان ورينـــا ابتســامـاتـك
ابتسـامات حلـوة ان جيت للحق
انمــا لــو حجبـت نيــاتـك
ح نقـول لك آسـفين لأ .. لأ .. لأ
مســتر اليــاهـو بن آليسـار
أنت مـش وحـديـك المــكار !

امانه يا للي

أمانـه ياللى على بـاب الانتخاب داخـل ،

من قبل مســك القلـم ، والخط ، تتماهــل.

اسأل ولادك ، فى سرك ، بكره عاوزين إيه ؟

الحـكم يظـهر ، وتلقى الحــل بالساهـل.

عاوزين أمـان يابا ، عاوزين لاشتراكيـه ،

مدخول كفايــه ، وعدل على الجميع شامل.

الأرض فى ايـدينـا يابا ، وعندنا الفواريـق

عـاوزيـن قلوب ثورويه ، تدح وتناضـل ،

عــاوزين قلوب ثورويه ، تدح وتناضـل ،

عاوزين ايدين ثورويه ، تشقلب التـربــه ،

تخلى عزبتنا تدى الغله بالـــكامـــل ،

عاوزين عقول ثورويه ف مجلس الامــه ،

رايده اللى رايدينه ، عارفه الحق م الباطل ..

اختــار لنا يابـا ، خلق تغيـر الدنيــا ،

ولاعندنـاش فــرق بين الست والراجــل ،

ولاحـد يخدمنـا ، جنب زعيمنـا ، غير يابا

المثقف الثـورى و "الفـلاح" و "العامل" . .


آدى اللــى فيــــهم !

و في المره الجايه نكمل الرحله

و الان نستكمل الرحلة مع الازجال الجاهينيه

حرف الباء

برافو برافو

مـن قـدم السـبت يــلقى الحــد قدامـه

كلمــة قالوهـافى معنى الجــد ومـقامـه

واحنـا اللى شـفنا زماننـا ومعجزاته نقـول

من شاف بنـا السـد شاف الغـد فى ايامـه


بـرافـــو بـرافـــو بسـطـويسـى

بـرافـــو بـرافـــو فـلاديمـيــر

دشـنــوا الـحـــديـد بـفـــودكـا

والـحـجــر بـلمــون عصـيــــر



تـلـتـمـيـت مـلـيـــون بـــراوة

ع الـشـطـــــارة والـذكـــــاوة

والـبـــــراعــة والـحـــــلاوة

ومـصـــــر والـعـمــل الـكبيــر


ســــد جـبـــار مـــــالـه زى

والـنـهـــاردة الـعـيـــد يـا خـى

عـيــد يـبـشــــر بـاللـى جــى

واللـى جـى كـتـيـــر كـتـيـــر


عـيـــد لتمجـيـــد الـصـــداقـة

والـعـمـــل بـكـــل طــــاقـة

لـجـــل تـدخــــل الإضــــاءة

كـل كـوخ فـــــلاح فـقـيـــــر


لـجـل تـشـتـغــل المـكـــايـن

علـى كيــف كيــف الـزبـــايـن

والـرمـال تـطــــرح جـنـــايـن

والايـــديـن تـطــرح فـطـيـــر


لـجـل تـخـضــــر الـصـحــارا

ويـرقـصــوا فـيـهــا الـعـــذارا

وابـنـى يلـعــب ع الـجـيـتـــارة

أم أوتــــــار مـن حـــــريــر


كـان كـفـــاح مـلـيــان مـــرارة

كـان كـفـاح مـلـيــون جـيـفــارا

ضـد عــراقـيــــل الـحـضــارة

تـحـت لـهـالـيــب الـسـعـيـــر


فـتـنـا يـا ولاد فـى الـحـضــــارة

كـل تـفـجـيــرة انـتـصـــــارة

والـقـلــوب فـيـهــا الـحــــرارة

طـاغيــة علـى حــر الـهجـيـــر


والـقـلـــوب فـيـهـا الـمعـــالـى

شـــعلـة فـى الـضــلام تـــلالـى

يـنـقـلــب كـحـــل الـلـيــالـى

حـنــة حـمـــرة ومـونـوكـيـــر


حـنــــــة مـعـــــرف والا دم

الـمـهـــــم بــل الأهـــــــم

الـنـهــــاردة الـســـــد تـــم

وابـتــدا الـــريـف يـسـتـنـيــر


غـنـى يـا عـصـافـيــر وهـيصـى

واهــتـفــى يـا جـمــاهـيــــر

بـرافــو بـرافــو بـسـطــويـسـى

بـرافــو بـرافــو فـلاديـمـيــــر

بعد الفطار

عينى غفلـت حبتيـن ، بعـد الفطــار
كل عام وانتـم بخيـر رمضـان كـريم
عينـى غفلت ، م التعب طـول النهـار ،
والمجـاهده ، والمناهده ، وسين وجيـم ،
لحظــه والتانيــه ، وبعد اللحظتيـن ،
جـانى احسـاس إن حـد دخـل قعـد ،
وابتـدا يسبـح ، وابص بنـص عيـن ،
نص قلبـى انسـر ، والنص ارتعــد .
شفت بيـرم .. أيوه بيـرم .. أيوه هوه ..
لبـده مصـــرى ، جلابيـه مغربـى ،
شمله شامى ، سبحـه من أرض النبـوه .
حـد مايعـرفش بيــرم والنبـــى ؟..


شفت بيـرم ، بالصديـرى اسكندرانـى ،
شفته ، متلفـع بشـال من العـــراق ،
والحزام يمنى ، وعطر الايد سـودانى ..
حـد ما يعـرفش بيــرم يا رفـاق؟ ..


- ضحـكته المـره اللى بتنقط عســل .
قلت : خيـر إنشـالله . قال : فين الديوان.
فين " ديوان بيرم " . مابطلتوش كسل ؟ ..
قلت لـه : معلهش . قـال معلهش إيـه !
وناتـايـه عن بلــدنا يـا ولــد ؟ ..
البعيد عن عينهـا ، يا حسـرة عليـه ..

يا بلـدنا ، يا حلـوه ، آه منـك بلــد !


قلت له: راح نحتفـل بــك. قاللى : لا ،
احتفـالكــوا وفــروه علـى نفسكـو .
قلـت له: ح نشيـد بفضـلك. قاللى هـا ،
فضـلى فين ، إذا كنتو ناسيين درسكـو ؟


قلت له: علمنـا: بيـرم قاللى : شـوف ،
الميـاتـــم فى الأزقـــه ملطعـه ،

أنا مش عايز كراسى صفـوف صفـوف
أنـا .. صفُّـولـى حـروف المطبعـة !



بنت و ولد

البنــت فــارت والولــد خنشــر ..
يا داهيـة دقـى ! .. ألـف بعـد الشـر ..
يـاريتهــا كـانـت نزلــة شــعبيه ،
والا وجـع فـى البطــن .. يتدبـــر .
الا اللى نابهـم ، كان قضــا وصــابهم ،
مالـوش دوا ، ولا طــب ، ياسى أنـور .
البنــت فـى الاعــدادى – لســـاها ،
كـان إيـه لـزوم الغصــن يتـدور ؟ ..


والا الـولد ، ده يـادوب دخـل ثانــوى ،
ليه خده ينطر شوك ، بدا – المنظــر ؟ ..
مـش لمـا بس يكملـوا علومهـــم ؟ ..
ماكانـش يومهــم ، يا النهــار لاغبـر!
لوكان عليــا .. لا واد ، ولا بنيـــه ،
أخلـى فيهــم " مللــى" يتغيــــر ،
غيـر لما يبقـوا أسـاتـذه ، بماهيــه ،
وبيـت جميـل ، مفـروش على صغيـر!

بهاء ابني

عنيا بتزغلل
و عقلي متبرجل

و شركة الطيران
قالت:قوم انزل

مسافر اليابان
و الوقت كالثعبان

دي شنطه و ده باسبور
اه يانا يا غلبان

دماغي مخووته
وطافح الكوته

و خلاص على السلم
و بابوس و بسلم

قاللي بهاء ابني:
احكيلي حدوته

حرف التاء

تحويل مجرى الاردن

وقفـه يـابن عـم . .
واحنـا كــم وكــم ،
واللى بيجــرى بيننا ،
ميــــه ، والا دم ،
واه يـانـهـر أردن ،
ريــحك شايـله هــم

وقفــة جـدعنــه . .
وقفـــة فـلاحـين ،
علـى راس القنـــا ،
علـى قلـب اللـعيـن.
وقفــة جبــاريـن ،

بداريـن تقــــاوى ،
وقفــة كــداحــين ،
حمـاليـن أســـاوى ،
نشــايين نشــاوى ،
بنــاييـن عــلاوى ،
حفـاريـن مــراوى ،
فى الصخـر الضـنين.

وقفــة سهــاريــن ،
تنقـــال الحــكاوى ،
عنهــم ، والغنــاوى ،
أدهــم الشرقــاوى ،
وبهيـــه ويـاسيـن.

وقفـــة مؤمنيـــن ،
عــارفيــن ربنــا ،
صـابرين من سـنين ،
لــيــوم المنـــى ،
وآخــــرة المتــم ،
وقفــة يـابن عــم ..
وقفـــة عيــد لنـا.

والشـاطـر يخـاطـر ،
ويقـرب هنـــــا ،

تركي بجم

تركـى بَجَم .. سِكِر انسـجم
لاظ شقلـبــاظ
اتغـاظ هـجـم
أمـان أمـان .. تركى بجـم



دبــور جبـــان من غيـر زبــان
زنــان كـبير .. يمضـــغ لبــان
يســـمع نفيـــر يـخـاف يبــان
أمـان أمــان .. تـركــى بـجـم



سوس بـازافـان .. اقطــع لســان
عــربـى واقف لـك ديــدبـــان
ادخــل تـمـوت جنــات مـكــان
أمـان أمـان .. تــركــى بـجـم


سـيكتير زمـان .. سـيكتير كـمـان
ادخــل ح نضــرب فـى المـــلان
خـــليك تقــــول أنــا جلفـدان
ولا ينفعــــوك الأمــريــــكان

تفريقه

أنا بغبغـــان من "أفـريقــه".
حـافظ نصـوص كهنـه عتيقـه.
بحـريـن وست جبـال عـديت ،
قـزحت نص الدنيـا ، وجـيت..
اللى لقيتـه ف أمــريقـــــه


نفس الكــلام ..
نفس الكــلام ..
نفس الكــلام ..



( 1 )

"كلام الرجل الأبيض"
أبيـض ، وفنطــازيـــه
ومـراتـــى المظيــــه
وربنــــا اصـطفـانــا ،
عشـان حمــرة قفـانــا ،
وشيلنــا الأمــانـــة ،
اللـى تقــل الـرزيــــة.


( 2 )

" كلام الرجل الأسود "
أسـود ، ودمـى حـامـى ،
حـامـى الحمى يا حامى ،
مافيناش لـونـكم ولـوننا،
الــكون ده كـله كوننا ،
مـامـا مـديـاهولنــا …
ومشهــده المحــامـى.


( 3 )

" كلام الرجل المحامى "
محـامى كبيـر قانونجى ،
وفى الــكلام بـرنـجـى
شـايب وشـكلى رائــع ،
فـاهـم كـل الشرائـع ..
لابيض – وده رأى شائع –
أبيض ، والزنـجى زنجـى


( 4 )

" كلام الولد الأبيض "
والله " الجلاس " ما ادوقه ،
يا الزنجى ينـول حقـوقه !
تلميـذ ، وبـاستهجــى ،
لكن فى الــرأى .. حجه ،
العـالـم بــده رجــه ،
عشــان تمسـح فروقـه !


( 5 )

" كلام الرجل الأفريقى "
يا ليـل .. والبـدر .. بمبـى ..
يا ليـل .. وألـم فى جنبـى ..
يا ليـل .. مقـدرش انـام بـو ..
يا ليل .. و "لومومبا " قام بـو ..
يا ليـل .. أنا سجنى بـامبـو ،
وان ماكسرتوش .. ده ذنبـى !


عزيزى درش ..
زعـلان قـوى من "أمـريقـه" ؟
علشــان حـكاية التفـريقــة ؟
عــاوز صــراحـة وحقيقـة ؟
الحــل يابنـى ف "افــريقه" !
الأصـــل لمـا يـــــزول.
الظــــل برضــه يــزول !
سـلـم على خـالتـى شفيقــة !

حرف الحاء

حديث تليفزيوني

سـيــداتـى آنســاتـى ســادتـى . . .
ده حـديـث ، عـن مشكـلات الـوحـدتـى .
يـامـا قـالـوا فـى السيـاسـة وكـرروا ،
يـامـا نـاس فى الوحــده باتـوا يفكـروا ،
كلهــم ، قـالـوا كـلام جـدا غلــــط !
ومحــدش صـــح ، غيـر أنـا فقــط !
أنـا عنـدى فكـــره ، لكـن مـدهشــه ،
وكبيـــره ، ولـذيـــذه ، ومنعشـــه .
الطـريقـه يـا شعــوب يـا عـربيــه ،
انكــم مـاتـلبســوش الجـلابـيــــه .
لـمـا كلـه يـبقـى لابــس بنطلـــون ،
تبقـى وحــده مـن هنـاك لحـد هــون !

الحرب مش نزهه

الحــرب مـش نـزهة ومـش تفـاريــح
مـش طبـل أجـوف يمـلا سمـع الريـــح
الحــرب لما تبقـى حــرب صحـيـــح
مـعـنـاهـا مـوت وألـم ودم يـسـيــح
راجـل لراجـل .. مـش بنــات قنـازيــح
على كتفهـم مــدفـع فشـنـك صفـيـــح
وشمـال يميـن يستعـرضـوا المفـاضيــح
ويـرقصــوا نهـودهـم بشكـل قـبـيــح


ويصـوروهـم مـأجـوريـن سـنـاكـيــح
سـايقين بطل مصـرى ف كـرامتـه جريـح
ويقولـوا دول أسـروه .. كـدب صـريـح !
ده كـان فـى يـونيـه اللى ماشـافـش قتـال
ودخلنـا فـى اكتـوبــر رجــال لرجــال
" إرحـم يـا مصــرى " بقـم يقولـم قـال
ويسحسـوا الأنـدال دمــوع تمـاسيــح .!

حرف الدال

دعايه انتخابيه

آلـوه . . آلـوه . . يـا أمــم.
تـعـالالـى لالـى يـا مـحتـرم.
الحــــمـد لله ، انـــكـــم
مـابتعـرفـونيش كـــلكـــم.

لــو كنتـو عــاوزين أسـطوات
أنـا أسـطى سـواق الـفيــات"
وإن كـنتو عـاوزيـن فـلاحـين
أنـا عنـدى حـبـة فــداديــن

والا انتـو عــايزيـن يـاتـرى ،
مـرشـحايـــه مـغنــــدره ،
مــتبـــدره ، ومـتحـمــره ،
إذا كـان كــده ، فـأنـا ( ..... )

دموع ورا البرقع

أنـا لوحــدى مفيش حــاجــه
مجــرد إســم متشـخبط على ورقه
فى إيـد واحـد مدير أصله قومسيونجى
يقدمـهـا لتـركـى والا لـخواجــه
لا يــعرف عـربــى ولا شــفقه
يـروح مـاضى بقلم باركر بلا فرنجى
أروح مــرفـود
وأصــبح إسـم متعـلق على اللوحـه
تشـوفه زمايلى فى الجايه وفى الروحه
يـفوت عامـل فى إيده نص شقه بفول
يـقف ويــقول :
يـا عـالـم ربنــا مــوجـــود
مفيش مـهـرب مــن الـتوفـــير
وعامنـول مـارفـدوا كـتيــــر
ويـدخل وحــده فـى المصــــنع
ونـا أطــلع
أنـا لوحــدى

أنـا لوحـــدى مفيش حـــاجــه
مجــرد اسـم فى الجلسـه بيتنـادى
مـا بين ميت إســـم وزيـــادة
وجـدول جلسـتى مليان ... والقاضى
مـهـوش فاضـى
يناديـلى أقـول له يـا سـعادة البيـه
مـديـر المصـنع الدباح قطع عيشى
يقـول لى عشــان جـريمــة إيـه وينـزل أسـئلة يسـألهـا ضـبيشـى
وقـدامـه قانـون عقـد العمل ودوسيه
واســمـى عليـــه
ونضـارته وحبابى عنيه
ونا مجـرد تلات كلمات على الأوراق
أســـامينـا أنـا ووالــدى
وإسـم اللـى اتـرحـم جـدى
مايسـألنيش ويسـأل نفسـه باسـتهزاء
عـن الأوراق
وعـن اثبات
بمســتندات
أقـول لـــه مــفيش
يقول لى خلاص ما تفلقنيش
ويتمـزج محـامى الشـركة ويـهقهق
خـلاص القاضى أنهى المشكلة رسمى
ولا اتـرافـع ولا دافــع ولا زعـق
وفيه أسـماء ينادوا عليهـا غير إسـمى
وحيـد .. مـدحت .. شريف .. سامى
يخشـوا الجلسه بمحامى
ونــا أخــــرج
وروحـى مـن الشـقا بـتعـــرج
أنـا لوحـــــدى

أنـا لوحــدى مفيـش حــاجـــه
مـجـرد اسـم كاتبه ف دفتر الأحوال
جـدع ظـابـط بـولـيس فـرحـان
بنجمـه يـمين ونـجمـه شــمــال
يقشـر مـوزه ويأشـر
علـى المحضـــر
ويبعت عسـكرى يجيبنى مع المحضـر
وأصـبح اسـم يتـكفن بـكل لســان
مـن الســــكان
بـعيـد عـن بيتـكــو يـام فــلام
خــلاص بــيبيعوا عفش فـــلان
وح يـطــير الجهـــاز كــلــه
بـوريـه ونـحاس وربـطـة فـرش
وصـاحـب المــلك يـفضــل لـه
تـلاتـه جـنيـه وسـتين قـــرش
وتـمشــى مـراتــى بـعيالـهــا
عشـان تـاكـل فـى بـيت ابــوها

هنــاك فيـه نـاس يــحبـوهــا
أوصــلهــــا
وفى السـكة تـقـول ربـك يـعدلهـا
واشـوف كـل الـدمـوع بتفور وبتلمع
ورا البــرقــع
أقـول لازم نـعدلها
وتـدخل هيا بعيالها
ونــا أرجــع
أنــا لوحــدى

--------------------------------------------------------------------------------

يناير 1952 - فى أعقاب حريق القاهرة


و تستمر الرحله.............

و نستكمل الرحله مع القطار الجاهيني حيث ما زلنا في محطة الازجال

حرف الراء

راس السنه

ويسـكى ، بـرانـدى ، نبيت ، كــونيـاك ،

بيــره ، فـــــودكـــــــــــا ،

عرقــى ، مــريســـه ، أرمنيــــاك

هنــا وهنــاك ..


صـين ، مصـر إيطـاليـا ، أمـريــكا ..

تشـا تشـا تشـا ، تانجـو ، مـازوركــا ..

أفـريقيـا بتـرقص دلـوكــه وســامبـا،

روسيـــا بتــــرقـص بــولـكــا

احـنـا بنــرقص بـــلدى ودبــكـه


طراطير وشرايط ورق اصفر وازرق واخضر ،

ووشوش خنازيـر ، ومـلايكه ، وجن احمر ..

اللـى بيضــحـك ، وبيســــــكر ،

واللـى بيبــــكى وبيفـــــــكر ،

لـكن كلـه أؤكـد لك يا عزيزى – بيستنظر

شــئ واحــد ، هـو الـراس الخاصة بعام

مش عارف كام !

إنما يا سـلام ..


بقـى بعد الطـراطـير ، والبـكا ، والرومبا ،

لو هـــذا الـراس مــاظهــــرش ..

لو هذا العام – اللى احنا بنستناه – ماحضرش ..

علشــــــــان

انضربت كذا بومبه !!

رد...

الشـــارع قــال للحــــارة :

إخـييـــــه ..

ريحتـك طعميـه ، وفـول وبصـارة ..

آيييـــــاه ..

كـل بيــــوتـك بغــــدادلـى

مـافيهـــــاش تكييــــــف

وبيبانك نازله لتحت، بدال ماهى طالعه لفوق،

ولا حتـى ليكـى رصــــيـف ،

ستاتك بلـدى ، وليـل ونهـار ع العتبـه

قاعـديـن كــده جــوق ..

رجـالتـك نكتـه وعجبــه ،

ولا يعـرفو ذوق ،

وعيـالـك دول ،

نسـانيـس مقـاصيـف الـرقبـه ،


الحـــاره ردت رد ..

خلى الشـارع ينسـد !

رساله الى جندي

يابن عمـى ياللى فى الخـط الأمـامـى
لك ســـلامــى ،
وسـلام أطفـالى ، ومـراتى ، وأبويا ،
وامـى ، واخـوالـى وعمـامـى …
كلهـم فى خيـر ومشتـاقين إليــك ،
كلهـم متلهفيـن تـرجـع لنـــا ،


وكـمان من عنـدنـا يسلـم عليـك ،
كروان الفجر ، والبط اللى سابح فى القنا ،
وإبراهيـم وحسـين وماتعـدش أسـامى


يـا ابـن عمـى ،
ياللى عنوانك فى خـط النار بعيـد ،
شـد حيلك ، كلنـا ويـاك هنــا ،
مـدفعك جبنـاه حسب وصفك شديد ،
من دمانا صبيناه صلب وحديد، قاسى وعنيد،
صـــب منه ع الأعـادى كرهنـــا.
خــد من الرجعيـــه تــــارك ،
خلى كل الدنيا تسمع فرقعة رعد انتصـارك ،
والجـميـع يـا نــور عيوننـا ،
فى انتظـــارك




رجز

على قـراب السيف ، ارتــكز.
وعلى رنيـن السيف ، أرتـجـز.
جـردت نصل الشعر ، من قراب
النحو ، والإعراب ، والإغراب ،
من أجـل مايشفـى ، ويشتفـى ،
من أجـل مايـكفى ، ويـكتفى.

فى حـربـكم .. ياغـزوة الندم ،
ياأوصيـاء الشعـر ، يـا قمم ،
يامن فقـدتـم عمـركـم هبـا ،
أهـلا بـكم ، وألف مـرحبـا ،
أردكـم – أنـا أقـل القوم –
أصـدكم ، بلفظ كـل يــوم :
بكـلام قلب النـاس فى الخفـا ،
وبهمسـة الـمحب فى الصفـا ،
وبزعقـة الفـلاح فى الحقـول ،
لما الغـراب ينقـر البقــول ..
فى وقتنـا ، ما ينفـع الحجـى ،
إلا نـعـوت الــذم والـهجـا.

عجبــى ، ويـا عجبـى لآلهـة
فـى جبـل " الاولـمب " تافهة ،
مـا قـدرت تـكلم البشـــر ،
فحـررت شـكوى – كما الدرر –
وقـال عـرض الحال : يا وزير ،
نـحن الموقعيـن ، نستجيـر ..
الـخلق لا تهـوى سوى الجديد ،
سـوى الـكلام الحـق والمفيـد ،
والعيـن يا مـولاى ، مبصــرة
واليـد يـا مـولاى ، قاصــرة.
ارأف بنـا ، وانـظـر لغلبنـا ،
اقـذف بنـا فى وجـه شعبنـا ،
قـل ان فن غيـرنـا حــرام ،
وتفضـلوا بقبـول الاحتـرام ،



ووقــعـــوا :

الـعـزى …

هُبَــلْ ..

طُبَـــلْ



وهـكـذا ، تمـخض الجبـــل !
يـا خيبــــة الأمـــــل !

قال القدامـى : الضـرب فى الكـذا
كـذا ، وطبعـى يــكره الأذى ،
وربمـا أرثــى لبؤســكــم ،
يـا مضـحـكى الثـكلى بيأسـكم ..
لـكن ، أوان الهـزل – للأسـف
مضـى ، ويـوم حسابــكم أزف.




روزنبرج

فى الرواية الأمريكـانـية ... العصـابة

تـقتل اللـى تخـاف لـيفـتن للنيـابه

الـزعيـم يـأمـر بسـحبه جوه غابـه

والرصـاص يـعـمل عزومـه للديابـه

أصله كان يعرف حاجات فـوق اللزوم

والقتيل عمـره ما ينطـق أو يقـوم ..!



والعصــابة الأمـريكية العـالميـة ..

مش بتسـرق ميـه والا خمسـميــه

لأ .. دى بتقشـط شـعوب م الانسـانيه

والسـلاح ذره وقـنابـل ميـكروبيـه

واللى يفضـح جـرايمـها يـتقتـل

زى روزنـبـرج ومـراتــه إتـل



الـوليـفــه يقتـلوهــا والـولـيف

لجل ما يمـوت السـلام فوق الرصـيف

السـلام حـلم الشـعوب كـابوس مخيف

للـى بيبيعـوا السـلاح قبـل الرغيف

والقضاه فى الخدمـه يا ايـزنـهور

كلهـم فى إيدين فـخامتـكم كـور



يحكموا حسـب القانـون وانت القانـون

اللى حـاكم ع البـلاد تصـبح سـجون

الدولار يمــلا المحـافـظ والبـطـون

والـدموع تمـلا الحناجــر والعيـون

والسلوك يتوهجوا مـره فـى مـره

لجل ما تموت نفس كانت عايشه حره



الشعوب مشـيت حزينـه فى الشـوارع

والمكن نـام جـنب عمـال المصـانع

لمـا وقفـوا للحـداد بـعد الفظـايــع

اللى روزنبـرج شـافها وهو راجــع

للعـدم ... فى نهاية الفصل النهائى

م الرواية ... على كرسى كهربائى



كـل قـوه فى الطـبيعه يـقتلوبــها

كـهربـا وذره وغيــرهـا يبتلوبـهـا

الشـعوب فـى كـل يـوم ويمثـلوبهـا

والشعوب قـوتهـا مخزونـه ف قلوبهـا

للسنابـل والمناجـل والزهـور

لما يـفنى الظـلم والمكن يـدور



المكن حـايـدور وحـايـدور بانتظـام

لجل ما الانسـان يـعيش حـر بسـلام

والسـما حايسـدها جـيش الـحمـام

فوق أراضـى مصـر وجبـال فيتنــام

وف أميركـا نفسها والناس تقول

إن روزنبرج عـايش على طول



--------------------------------------------------------------------------------

* مايو أو يونيو 1953

حرف الزاي

الزباين

اللــى زيــك وبيشــتغل بالأجـــره
واللـى زيـى ولـه مـاهيـة مســوجره
طـول حياتنـا نـعرق عـلى رغيف عيشنا
والنهـارده مـا يفيضـش حـاجـه لبـكره

طــول حياتنــا نعرق على رغيف عيشنا
طــول مـاعشـنا ماعمرنــاش حوشـنا
المسـاكـن والأكـل نـاتــفين ريشــنا
والمـلابـس جــايين لنـــا بالقـــدره

بـعنــا روحنــا بالجمــله والقطــاعى
للشـيطـان والخـواجـه والإقطــاعــى
واشــترينـا بصـــــحتك ودراعــى
يـوم زيـاده بــرا القبــور الغبـــرة

يــوم بيـوم بالـعـرق كتبنـا حيـاتنـا
وكتبنــا قصـــة حيـــاة أبهــاتنــا
وقصــة الخــلق كــلهـم إخــواتنــا
اللـى شــاربين كاســاتنا قطـره بقطـره

نــاس كـتير فـى البــلد دى زيـك وزيى
كلنـا مـولـودين فـى أحــوال تـعيـى
القـرف مشـــترك فـى حيــك وحــى
فـى الحســين والإمـام وغمـره وشـبرا

فـى المــحـله والـمنزلـه وبـور سـعيد
وبنـى ســويف وكـفر شـكر ورشـــيد
والبـلاد البـــعيد فـى آخـر الصـــعيد
والبـلاد اللـى أرضــها لسـه صـــفرا

كـنت باشــرب عصـير قصـب من مـده
والمـعلـم واقـف قصــــاد العــــده
ينشــف العـــود ده يــلتفت للــعود ده
شـفت تـفل الــعيدان تــلول خدت عبره

شـفت تفـل القصـب وشـفت الـزبــاين
اللـى ممصـوص واللى جـميع عضـمه باين
كـلنـا مهـلوكـات عــدد ومـــكــاين
كـلنـا ممضــوغين على ضــبه فاجره !

حرف السين


سكس ابيل

عطشان يا صبايا
دلوني على السبيل

في قلبى ولعه قايده
من كتر السكسابيل

شكل الصبايا يهبل
في لبس المناطيل

رحت لحكيم يداوي
نار القلب العليل

فتح الكتاب و قال لي
عندك عقدة خليل

و خليل ده عجلاتي
في درب المهابيل

و اللي قال الكلام ده
استاذ عالم جليل

اسمه فارويد و لازم
نعملك لك تحاليل

يا بهيه و خبريني
ع اللي قتل القتيل

قتلوه السود عيونك
و اللا الهم التقيل

و احكم يا قاضي المحاكم
بالعدل و الدليل

قال : اللي جيبه فاضي
ممنوع يعشق جميل



سلم التطور

فى البدء خالص ، كنا سردين فى البحور،

لقينـاهـا بـايخـه ف حقنـا.

صرنا سحالى ، بجناحات زى الطيور،

دايـرين نلقط رزقنـا ،

طحـلب ودود ..

ودود وطحلب ، كل يوم ف بقنا ،

شــئ مش تـمـام !

طـب نبقـى إيـه ؟ .. قال لك : قـرود !

أصـبحنا يـا مبارك ، قـرود ..

برضك زهقنا ، وقلنا : لأ ، نبقى بشر

وبشـر بقينـا ، وايـه بـأه ؟ ،

أهـو ليـل نهـار غلب وشـقـا ..

أيـن المفـر ؟ !

أنـا عندى حـل معتبر ..

نبقـى غجـر !




السيد عبد العاطي البيروقراطي

السيد عبد العـاطـى البيـروقـراطــى ،
مـن " بيروقـراط" مركـز مش فـاكر ايه ،
كل بـلدهـم بهـوات سبحـان العـاطـى ،
الكاتب بيـه ومـديـر المصـلحة بيـــه ،

والسيد – عبد العـاطـى البيـروقراطــى
راجـل دوغـرى ، فـاهـم إيه اللى عليه ..
راجـل يعـرف امتـى ينخنخ ويطـاطـى
وكمـان يعـرف امتـى يدلـدل رجليــه.

ييجـى المـكتب ، بـدرى بمواعيـد ظباطى ،
والساعـة اتنين ولا ورقـة تـكون فى ايديـه.
فنـان فى الشغـل ، وفنـه أرستقـراطـى ،
الفن فقط للفن ، بتضـحـــكوا ليـــه ؟
لا تقوللى مصـالح شعب ولا كــلام واطـى ،
الهـدف السـامى عـلاوه تـلاتــه جنيــه.

والسيد عبد العـاطـى البيــروقـراطــى
" السد العـالـى " ف نظـره .. اسمه دوسيه !




حرف الشين

الشدايد

الله يجـازى الـشــدايــد كـل خـيــــر يـا ولاد

الـبـوتقــة الـضـيـقـة القـايـدة بـغيـر وقـــاد

تحكـم مـا بيـن المعــادن مـن ضعــاف وشــداد

وتقــول .. وقالــت لنـا علـى كـل شـئ بحيــاد

بشـراكـى يـا مصــــر يـا أشـرف وطـن وبـلاد

معـدن ولادك شـديـــد البـــأس كلــه عنـــاد

لا ينكســـر مـن محــن ولا ينتنـى فـى جهـــاد

مصقـول كـأنـه المــرايـة يـوضــح الأبعـــاد

فـى ضيـه شـاف الشبـــاب : الحـــق والحقــاد

الثــورة فـى خضـمهـا وكيـد خصـمهـا المنكــاد


أبـو عقـل شــريــر وفكــر حقيـر ورأس فســاد

قـرصـان بحـور الحيـــاه لـص الميــاه والــزاد

نهـض الشبـــاب يـد واحـدة ونبـض قلبـــه ازداد

ع الكتـف مدفـع وفـى الأحضـان دفـاتــره جــداد

قـال يـا أعــادى الليــلادى بكــرة بعـده معــاد

بـيـنـى وبـيـنـكـم وبيـن الغـــل والأحقـــاد

أمـا انتـى يـا عـدوة الانســـان فـى كـل مهــاد

انتـى " يـا أميـة " يـا لعنـة ثمــود علـى عــاد

مـا ابقـاش شبـاب مصـــر لو مـا كنـت أمحيكـى

واقطـع بقيـة الطــريـق بـالثـــورة للأمجــــاد





حرف الطاء


طرزان

يــــــــوم الـخمـــيــس،
واللـــب، والأحــلام، فـى كـيس
طـــرزان بـيغـطس فى الـهويس.
طـــــــــرزان جــــدع،
طــــــرزان شـــديــــد،
دراعـــــه أجمــد م الحـديـد.
قـزقـزت نــص اللــب، هــاه ..

طـرزان بيصـرخ: عـا عـا عـاه ..
خــــنـــــق الأســــد،
طـحن الـدمـاغ، عـجن الجـسـد ..
قـرقشـت بـاقى اللب، من غير قزقزه،
طـرزان صـرخ قـال: عـاعـاعاه..
صـــرخـت أنــا كـمــان وراه.

ولـمـا قال لشيتا: يا امـه زغرطى ..
وحـط رجله ع التـعيس، فـوق التراب،
حطيت معاه رجلى ، بدون جزمة وشراب،
ورسمت بعـيون الخـيال، بدل الأسـد،
محمود أفنـدى حسين .. مدرس الحساب!




حرف العين


العلم

كـم ألـف مـرة يـا علـم يـا مـجيـــد
قـدام صفـوفنـا مشـيت خفيـف وسعيـــد
ومشينـا خـلفــك ننشــد الأنـاشـيــد
ونـشبـعــك بـالـحـب والـتـأيـيــد


كـم ألـف مـرة كــل صـبح جــديـــد
قبـل الضـبـاب مـايـنـقـشـع ويـبـيـد
شـفنـاك بـتصـعـد سـاريـة التـمجـيـد
وهـتـفـنـا ليـك وحـييـنـاك بـالايـــد


يـا بــؤرة الوطـنـيـة والـتـوحـيــد
يـا مصــدرالالهــام لـكـل مــريــد
نـمـوت وتبـقـى مـرتـفـع وعنـيـــد
على كـل شبــر ف مصــر يا صنـديـد
ولو فضـل فى الـدنيـا مصــرى وحيــد
رح يرفعـك يـا علم يـا مصــرى أكيــد
بكـل قلــب شـجــاع وزنـد حـديــد


اثــبـت مـكـانـك فــوق عــلاليـنـا !
فــوق كـل قـمـة مـن جـبـال سـينـا !
وعلى العــريـش رفــرف وكـون زينـة !
واكتب فى كـل قصـيــدة سـطر جـديـد .



عيون البقر

الزجل ده غزل فى عيون البقــر،
يا حلاوة عـيونـه الوســاع ! ..
مـافيـهاش ولا نقطـة ضـيـاع،
فـيها ليـل، بس من غير سهر..
فيــهــا بحـــر غويــط،
فـيـهـا صـــبـر عـبيــط،
زى صـبــر الـشــجـــر!
يـا حــلاوة عيــون الـبقــر

شـعرا شـبهوا عيون حريمهم بها،
ونا شاعر، ولـه واحـده بيـحبها..
إنـمـــا يـسـتـحـيــل! ..
سـيـبـنـا م الـشــعـــرا،
احــنـا نـاس فـــقــــرا،
واللى يعشق فتاه، فيهـا م البقرة.
يـبقـى لـمـؤاخـذة تـــور!

و تستمر رحلتنا مع الازجال الجاهينيه
لو ليكم اي تعليقات او طلبات خاصه لاعمال صلاح جاهين انا تحت امركم كلكم

حرف الفاء

فزوره

حـزر فـزر .. واحــد "مستـر" ،
يصـحى من النـوم وشـه مزنهـر ،
يشـرب "فيتامين" قبـل مـايفطـر

يفطــر زبــده ، وفينــو مقمـر ،
ومـربـه ، وبيض بــكذا محمـر ،
ثم القهـوه – لجــل يعمـــر –
ثــم لبانــه ، ثــم يعفـــر ،
ثــم يقـوم لك كــده يتمخطــر ،
يـكبش أوراق – لونهـم أخضـر –
أكـوام أكـوام ، آخـر منظــر ..
يمـلا جيوبـه ، ويمشـى يفنجــر ،

يركـب "كاديلاك" طالعـه تزمجـر ،
يشـرب "ويسكى" مـلـو الأنجـر ..
ولا عنــده همــوم ، ولا متعـكر ،
وف حضــرتنـا مش بيفـــكر ،
وإن جت سيــره ، لا يتـذكـــر ،
أصـله ف نفسـه ، ومش متبحــر ،
ولا يـعجبوش اللـون لاسمـــر ،
غيـر فى البـدلـه – لما بيسهـر –
. . . إنمـا خفــه ، ودمـه سـكر ،
مين بقـى هـوه ؟ مش راح أفسـر ،
واضـح جــدا .. حــزر .. فـزر.



فنجان قهوه

قمـت النهــاردة الصبـــح منحــرف الـمــزاج

خـانقـت دبـان وشى وشتمتـه فى سـرى وابتسمـت

أنـا أصــلى لو جـاهـرت كـان حصــل انبعـاج

فكتمـت حلـق البيـر بغطـاه الشهيـــر ثم انكتمـت




عيـل فـى سـن المـدرسـة قـاللـى : يـا حـــاج

- وأنـا زرت بيـت اللــــه لكين مـا اسميـش كده

ووليـه حـبـلـى قـالتـهـا تـانـى .. عقلـى وج ..

أنـا اسـمــى مسـيــو كيـت وكيـت يـا سيــدة

لابـس مثقــف زى تـوفـيــــق الحـكـيـــم
ببيـريـه وتلفيحـة



أفــوت بشكــل سليــم فـرنســى صمـيـــم

آخد " كافيه " فى " سان ميشيل " فى باريس على الريحة

واسـرح واهـيـــــم ورا كـل تـســريحـة



ولمـا فقـت مـن الهيــام

لقيتنى واقـع يـا حــرام



فـى مقـلــب الـزبـالـة والدبـان أمـــــم

يتـوددوا لـى بــدفء مصــــرى ويقـولـولـى
قـوم يـا حـاج



مـا يـقـع غـيــر الـشـاطـــر يـا حـــاج

وألـــف ألـــف ســـلامـة لـيـــــك ..
يا عم الحـاج .




في الجنة

ابـريــق دهــب
ومخده من ريش النعام ..
تشرب سيادتك ، تنجعص آخر غرام ،
ترفع عينيك تـلاقى منجـه مدلدله ،
وفـاكهــــه يــامـا ، متلتلــه
أصناف من اللى الكليو مش عارف بكام ،
منجه ، وفراوله ، وموز ، وتفاح ياوله ،
وخـوخ وبـرقوق م التمام
يــــــاللعجب ،
البرتقان ويا العنب ،
فى غصن واحد .. يا سلام !

جلا جـلا ، يامحتـرم جـلا جـلا.
كــل الأمـــور متســهلــه.
تطلب حواجب نمل ، والا قلوب دبب ،
تحضــر ، بســرعـة مــذهلة ،
ماعليكش إلا بس تفضـل تشتهـى ،
تطـلب وتطـلب فى حاجات لا تنتهى
كـله يجــــاب ،
ماهى جنه طبعـــا يا مهــاب ..
لكن مافيش غير بس شئ واحد وحيد
لـو تطلبـه ، لا يستجـــــاب ..
أنك تعوز تخـرج من السور الحديـد.

في النادي

أولادى ،
كان نفسـى يتشـقلبوا فى الشـمس قصـادى ،
ونا قاعـد كـده ومبلـم ، فى مـكان هادى ،
ومـراتى معاهـا شـنطه ، وفيها شـطائر ..
آكـل ، وارمــى الفتـافيت للطـــائر ..
وف حـجـر مــراتـى دمـاغى تمـيل ،
أحـــلـــم لـى حـلـم جــميـل ،
حـلــم بتـاع أيهـا بنـى آدم عــادى ..

عنــدى صــــــاحب ، جــــن ،
تنـــــــــه يـــــــــزن ،
النــادى . . النــادى . . النـــادى ..
حــادى بادى ، سـيدى محمد البغدادى ،
وانضـــــمينــا لنــــــــادى

يــــا ولادى ..
فين انتـم ؟ ويا أصحابنا يادادى !
فـــين مـامـا ؟
فـاتت م الناحيادى !
واللحظة فين اللى اقعد فيها وابلم ؟
مقدرش يـا فندم ..
فيه واحد جنبى ، كان بنكير ، واتأمم ،
ومصــــــمم ،
يتـــــــكلم ،
فى الوضـــــع الاقتصـــــادى ! ..





في ايطاليا

فى ايطاليـا "فينوس" بتبيع "بونبون".
فى ايطاليـا "جـوبيتر" سواق تـكس.
فى ايطاليـا "ابـو للـو" واقف جون.
فى ايطاليـا ملايـكه . . وفيهـا العكس

فى ايطاليـا مسـتودع تمـاثيـل ..
مـرمـر ، وبـرونـز ، وبشـريـه ..
كونتات ، بـارونـات من أصـل نبيـل ،
مــاشيين ، بمــلامــح أثــريـة ..

أعـاجيب فى إيطاليـا كتيــر تـلحس
بس الأعجب ايـــه – تتصــور ؟
فى ايطاليـا كمـان "ملـكة اليزابث" . .
بس الملكـــة اليزابث تــايـلر !!



في دمشق

السـت مــرات البيــه
دوبت الجـزمـه عليه.
قــال إيــه ..
مابقاش بيجيب طلباتها جميعا ليه ؟



اشـمعنــى ايــفون ،
اللـى ف لبنــــان
جـوزهــا انطــون
إداهـا "ترواه مليـون"



علشــــان
سيارة ، وشبشب ، وجونلة ، ويخت ، وسوتيان.
والسـت مــرات البيـه التانـى كمــان ،
لسـه مناقشتهم ، بالليــل ، فـى البلــكون.
سايبـه العـلامـات الزرقـا تحت عنيــه



واتـلم البيــه ع البيـــه ،
وهمس بالخطــــه اليــه ،


عملوا المشـروع ، ونهوا الموضـوع ، بأمان ..
وتمـرد قال فى دمشق ، وزيطة ، وشغل جنان.



وزمـــــان ..


قالهــا خواجـه نـابليون
يا خبيبى ضرورى ضرورى تفتش ع النسـوان !

[CENTER]حرف القاف


القمح

القمـح زى الـدهب بينـادى شـرشرتك
وزرعـة القطــن مسـتنيه منقـرتــك
وجاموسـتك الحـلوة يم المسـقه وبقرتك
لازم لهـم حضن والا اتنين حشيش أخضر
وتجيبهم الـدار وتتعشــى فى منـدرتـك

يـا عـازق الأرض مـين غيرك حايرويها
يـا زارع الـغلة يـا مـنبت تقـاويهــا
مـين اللـى حايضـمهـا والا يـدريـها
لـو كنت مـانتاش هنـا لا قـدر الله يوم
ومين حـايعلف بـهايمـك والا يســقيها

يابـو العـيال العـيال ع الفـرن نعسانين
حاضـنين لعبهم جمال باركه وعرايس طين
والصـبح يابو العـيال حايقومـوا فرحانين
لو كنت مـانتاش هنـا لا قــدر الله يـوم
كان مـين ح يـفرح قلوبـهم بالمحبة مين

ليـام دى ع الجسر بتفوت ناس ماهيش منا
تقلـع الــزرع وتبهـدل فى نســواننـا
وتخطـف اللقمـة من أولادنـا وتــهيننا
وكل مـا يفـوتوا تحصـل معـركة حامية
ونصـبح الصـبح والشـهداء فـايـتيننـا

ليام دى ع الجسـر بيفـوتوا انجليز أنجاس
سـايبين بـلادهم وجايين يدبحوا فى الناس
ما يعرفوش السـلام وما يـعرفوش النـاس
بيحـرتـوا بالسـيوف وبيزرعـوا فى الدم
صـدق اللى قال مجرمين لم عندهم إحساس

لو كنت عــايز تعيش فى سـلام وحريـة
لو كنت عــايز تعيش للـزرع والميــه
لو كنت عــايز تعيش وتــربـى ذريـه
قـوم طـهر الـبر بالخنـجر وبالمـدفـع
من جـنس دوده انجليزى فى أرض مصريه





--------------------------------------------------------------------------------

* نوفمبر 1951 - معركة القنال




قصه

كان فيه ولد صغير
عنده اتناشر سنه

عيل مفعوص و قصير
و غاوي فتونه

بيمثل درو في ذهنه
لشخص عظيم الشأن

و يوماتي يحلق دقنه
مع انه مالهش دقن

بالموس و خلاص و يحرت
المجنون البعيد

لحد ما دقنه كبرت
قال لك ده اليوم ده عيد

ووقف قدام مرايته
يتنطط م الفرح

اكمنه حسب روايته
زي باباه انجرح

تع شوفه بقى النهارده
راجل بيه قد الحيط

و صداغه كل فرده
فيها من القطن غيط

يحلف ع النار و الميه
محو حالق جمعتين

و دي قصه فلسفيه
مغزاها في كلمتين

شرم برم , يا حلوللي
هأو او , اش اش

ترالااللي , امان يا لالاللي
حرنكش , طظ فش.




حرف الكاف


كوكتيل

حـفـلـة كـوكـتـيــل دبـلـومـاسـيـة


فـى منظـمــة دولـيـة

أصــوات دردشــة هــاديـة ونـشـطـة

تشبــه فقـاقيـع شمبـانيـا فـرنسـيــة

ريحة السيجـار العطـريـة

بعـض الازيـاء الـوطنيـة

بعـض صـوانـى المـزة


بعـض الكئــوسـات رايحــة وجــايـة

الســوفيتـى بيشــرب طـبعـا فــودكـا

الصــينـى بيتصــور جنـب الـويسـكى

والأمــريـكـى بيـاكـل كافـيـار حـاف

وصـل الضـــيـف الاســـرائـيـلـى

ذو الـضـــحـكـة الـعـســــلـيـة

سـلــــم علـى كـل الـبـشـــريـة

واسـتـلــم الكـاس بـحـمــاس فنــان

وطلــب م الـكـابـتــن تـلـج كمــان

وشـــرب وشـــرب

كـــاس الانســـان فـى كـل مـكــان

كـــاس الـرجـــالـة والـنـســـوان

كـــاس الـعــواجـيــز والـشبـــان

كــاس الـيــابــان

لـــبــنــــــان

وكـمـان لـبـنـــان

وطلع بالجـزمـة ع التــرابيـزة الجـانبيـة

ومـشـى بالجـزمـة ع الأكـلات الشـعبيـة

ورقع ضـحكـة وعمل العملة اللى مـش هيـه

خـلـــى الـمـطـــــرح تــواليـت

اتـكـهــرب جـو الـحـفـلـة الرسـميـة

واتقـــــــال لا لا … لا لا .. لا لا …

دى غـلـطـــة فـى الاتـيـكـيـــت !






حرف اللام


لاجىء

حـابس ضــناه بين ضـلوعه

يـابـس وحـايـموت بجـوعه

قـاعـد ما يـعملش حـاجــه

لابـس هــدوم مش بـتوعـه

لاجـئ قـابـلته فـى غــزه

ولـه عـــيـون مشـــمئزه

راحـت فلســــطين وراحـت

الـبيــارات لـمــا لاحــت

عـلى التــلال الـمــدافـــع

وريـحـة الحــرب فـاحــت

وفـى الصـفوف الطــويـلـه

جــرجــر عيـالـه النـحيله

شــيع جنـازة الــوطـــن

لـحـد لـمـا انــدفــــن

والقــاتـل الــوغـد سـاقه

قـدامــه مــن غيـر كــفن

ميت وقبــــره الـخـــلا

والغســـل ســـيل الـفـلا

الـرمـل يســخن ويـبــرد

وهــو هـايــم مشــــرد

مـع الطـابـور اللـى رايــح

إلـى المصـير الـمـجـــرد

وفـى الطــابور ألـف أسـره

وخمســميت ألـف حســـره


حســرة عـذارى حـزانــى

ع الخـوخــه والبـرتـقانـه

اللـى الشـبـاب لـم قطــفها

والمــوت خطــفهم خـوانـه

يـا ويـل كـعوبـك يـا لـميـا

الــرملـه لسـعتهـا حـاميـه


الـــرمـل ســاخن بيـــكوى

خـالـد بيصـرخ ويـعــــوى

مـجنـون فـى أول حــيـاتــه

" يـحـــرق سـماه إيش بسوى "

وتســتمـر الـــجنـــازه

وللـجبــال اهـــــتزازه


الـحـرب ســحقت أمـلهــم

لـمـا صـبح فـى خـيـالهـم

زى الـرمـال بيـخوضـوهـا

زى الطـحين اللـى جــالـهم

مـن الإيــديــن السـمينــه

اللـى رمتـهـم رهـينــــه

علـى الـرمـال كـومـوهـم

تـحت السـيول نـيمـوهــم

وكمموا مــــعين بسـيســو

مـن بـعـد مـاكـمموهـــم

علشـان مـعين الـمنـاضــل

بيقـول يـا ويـلك يـا قـاتـل

يـا معين يـا صـوت الضـحايا

إرعـد بصـوتـك مـعـايــا

إرعب عـــدوى وعـــدوك

راح ننتصــــر فى النهايـة

خـلـى اللى حـابس دمـوعـه

يبــكى بـفرحـة رجـوعــه


للـــبيـــارات الـحبيبــه

بــعـد الـرمــال الـرهيبـة

اصــرخ فى شـعبك وقـول له

ســاعة خـلاصـك قـريبــه

انــهض وكــافــح وطـهر

البــرتـقــال راح يـزهـر



--------------------------------------------------------------------------------

* ديسمبر 1952

حرف الميم

المجتمع

المجتمع ليام دى مسـكين ، عنده برد ،
مـزكـوم ، وحـالتــه بـالـقوا ،

فـى الاجزاخـانه شفتـه بيجيب الدوا ..
وســـأل على منــاديــل ورق ،
وحشـر فى جيبـه منهــا طــرد ،
أصله – يا عينى – قبل ما يروح السبق ،
خد دش سخن ، وتنه خارج فى الهوا ..
بقــى ده كــــلام ؟

مع انـى يـامـا قلت له : يا مجتمـع ،
شوف صـحتك ، وماتفتكرش إنك جدع ،
الـجـو بــرد مش تمـام ،
بـلاش أمـور الشيطنه ،
بــلاش دلــع ،

واوصف له حالة الجو تانى ، وأنصحه ..
يـقـول لـى : سيبــك ، جو إيه ؟
بـــونـجــــور يــا بيـه ..
ماتقول لمصـلحة السياحـة ، تصـلحه !
آدى يـا سيـــــــدى المــجتمع !

المماليك

زمن المماليك
حاجه رومانتيك

ابطال حواديت
تحت الشبابيك

رايحين جايين
بهدوم كده شيك

بوشوش حمرا
لون عرف الديك

راكبين على خيل
الله يعطيك

يعملوا حركات
يضربوا مزازيك

يلعبوا بالسيف
لعب يسليك

يضحكوا وياك
و يغزوه فيك

غير الخوازيق
بقى و المشايك

و اسياخ النار
اللي تدفيك

حاجه تخليك
تشكر اهاليك

اللي ما ولدوك
زمن المماليك



مدد

بـيرم يا تونسـى ، بـديـع أيا خيرى ،
مـدد مـدد ، يا شـيوخنا يا أقطـاب ..
احضـرنا يا حسـين يا شـفيق مصرى ،
والنـجـدة يا عبد السـلام يا شـهاب ..
والنـجـدة يـابـن الليـل وابو بثينة ..
يـا سعيد يا عبده ، يا مصطفى يا حمام ،
مـحمـود يا رمزى نظيم ، تعال الينا ..
ومـدد يـا عبد الله النـديم يـا امــام ،

مـدد يـا عزت صـقر ، يا خليل نظير ،
مـدد يا شـيخ يـونس يا قاضـى مدد ..
هاتوا الزجل ، شماريخ ، وصواريخ تطير،
لسـه الحـاجـات ايـاهـا .. ماليه البلد !




معنى الكلام

معنى الكـلام – والسلام – فيه دوشه ع المسكن.
معنـى الكـلام .. صلوا ع اللى القلب له مسكن
معنـى الكـلام .. امسكوا فى أصل السبب مسكا
أصـل السـبب دوله ناميه وراميه فوق خالص ،
والهمـه فى القمـه واخـدة حـدهـا خالص ..
خـدوا منى كلمة ، وحكـمه من دهب خالص :
"مين فيها خـالص ، ومين مش فيها يتمسكن "

معنـى الكـلام – بالتمام – يا حـكم يا محلى ،
نـغنغ ، ولعلـع ، بتنظـيم ريفـى ومحـلى ،
الكـل تنه ف محـله ، وتنـى فى مـحلـى ،
نتغـدى ونحـلى ، ونزور بعض فى المسكن !



ما اقدرش انسى البشر

مـوجود على الأرض دم كـتير وله أصـحاب
ماشـيين على الأرض لسـه مانتهوش لتـراب
قاعـدين على البـرش لسـه من ورا الأبـواب
لاهـديـن ورا القرش لسـه وبيطـولوه بعذاب
عـايشـين على الشمس والطين هما والأعشاب
عـاملين لترس المـكينه سيور من الأعصـاب
حـارقين فى فـرن القمينه عضـمهم أخشـاب
رايـحين وجـايين غـلابا مظـلومين أغراب

مـوجـود على الأرض دمـع كتير وله أسباب
فى عيـون مـرات الشـريد اللى شبكها وغاب
وف قلبها اللى الشـباب عجز فى قلبه وشـاب
وف صـحنها اللى صـبح بعد الحـكايه خراب
ودمـع بنت الطـريق صـادق مهـوش كداب
يبـكى طـريقها الطــويله وقـلة الأحـبـاب
يبـكى خطـاها الـذليله بين كـلاب وديــاب
يـكتب على الأرض للعـالـم أمـر حســاب
والأرض تشـهد على دمـوع طفل نام ع الباب
ودمعـة الطـفل م الحـرمـان بتمـلا كـتاب
كـلام عن العـدل بين الأبـريـاء وعتــاب

موجود على الأرض موت وجروح وشوك وخراب
جـنب الـزهـور والطـيور والمنظـر الـجذاب
جـنب الـخدود والنهـود وعـواطف الـعـزاب
مـوجـود جـنود مجرمين ناقصين قرون وأنياب
مسـتعبــدين أرضــنا ومنجسـين لاعـتـاب
مقـدرش أنسـى دا كـله واتـوه أنا فى شـعاب
مقـدرش أنسـى البشــر متـوزعين أســلاب
بين الحـرامـى دالاس وتشـرشـل النصــاب
واوصـف جمـال الغروب والشمس نازفة سحاب
مـلـزوم أحس بـألـم وانـزف قصــايد نـار
تضـحك لنا مـن بعيـد أيـام حـاتبقى شـبـاب



--------------------------------------------------------------------------------

جدة - يناير 1954




موال عشان القنال

يـجـعل كـلامى فـانـوس وسـط الفرح قايد
يـجـعل كـلامى عـلى السـامـعين بـفوايـد
يـجـعل كـلامى ولا نـاقـص ولا زايـــد
احـنـا فى وقت البنا مـاحناش فى وقت كــلام
يـجـعل كـلامى حـجـاره ومـونـه وحـدايد

فين الكـــلام اللـى زى الـــورد والـحنـه
أرميــه ســـلام وانقـله مـواويـل تتغنــى
على شـبـاب انقتـل فى حـــب أوطــاننـا
شـال السـلاح فى يـمينـه وقـال يـا بـلـدى
نـدرن عـليـا لاخليــكـى ولا الــجنــه

وان عشـت يـا مصـر لامشـيـكى بـرجـليا
اهـدى مـراكـب مـحبـه للســواحــليــه
واهـدى البحـاروه بــحب عينيـا بـإيـديــا
واهـدى الصـعايـده بأنفاسـى نسـيم وســلام
واخـلى قـلبى حـديـد واهـدى الصـنايـعيـه

شـال السـلاح فـى يـمينـه وقـال يـا بـلداه
جـالـه الرصـاص من شـمـاله مال .. يا ولداه
قـام مـن وراه ألـف من شـال السـلاح وفـداه
حـل العـدو عن بـلادنـا وأصـبحت حـــره
آدى سـبب مـاالجـدع بيقول يــا بـلـــداه

عينـى رأت فى نـواحـى دنشـواى أفـراح
لـمـا اللـى دق المشـانـق فيهـا راح وانـزاح
وكـل فـردة حمـام طـارت بـألف جـنــاح
حتـى المشـانـق بـقت يـوم الجـلاء مراجيح
وسـمعت صـوت غنـوة الفـلاحـه والفـلاح

يـا حـمـام البـر سـقف
طـــــــير وهفهف
حــوم ورفـــــرف
عـلى كــتف الحـر وقف
والــقـــط الـغـلـه
سـلامـات يسـعد صباحك
دى بـلـدنــا
خـد بـراحك
يـا حـمـام افـرد جـنـاحــك
تسـلم انشـالله
يـا رفـاقـه الـجـو خــالى
وحـمـامـنـا
فـى العـلالى
يـامـا كـان الـدم غــالى
والطـبيب الله
يـامـا راح نسـمع بشـاير
طـلى يـامـه
يـام صـابر
مـا بقـاش ع الجسـر غادر
مـاشـى يتسـلى
مـا بقـاش ع التـل غيرنا
والـحبــايب
بتنـاصــرنا
يا حمـام انـزل فى خيرنـا
والـقـط الـغـله

حـل الـعـدو عـن بـلادنـا سـالمه يا سلامه
وخـلاص ماعدنـاش فـى دارنـا غرب ويتامى
الـخيـر حـايبقـى حـدانـا فـى البـلـد ياما
لما تـزيـد الغيطــــان ونقيم مصــانـعنـا
الـخيـر يــكفى الـجميـع ونـعيش بـكرامه

فـين الــكلام اللـى زى الفـل واليـاسـمين
على حـبـايب نـعسـنا وبـاتـوا سـهرانين
صـاحيين ولـكن قصـادهم حـلـم للصاحيين
ع النيـل نـقيم سـد عـالى هنـاك ورا أسـوان
عشـان تـزيـد الغيطـان ويشـبعوا الـجعانين

بـاتـوا العيـون سـهرانين يبنـوا ف خيالهم سد
من حـبـهم فى الـوطـن .. السـلك منـه اتمد
والـكهربـا وصـلوهـا لـحـد آخــر حــد
طـلع الـحـديـد م الصـخور ومصـانع اتقامت
طـلع النهـار ع الأمـل خـلـى الأمـل يشـتد

الســد عـالـى وغـالـى مين يـرسـملنـا
حـلف الـخـواجــا مـا يتقـدم ويـديـلنـا
غـير لـمـا يـمـلك غيطـاننـا ونـخلنا ونيلنا
قفلنا بـابنـا فـى وشــه وقلنا روح يـاديـب
النـدل نـدل الـمثل بيقـول ويـحــكى لـنـا

خـلاص ما عدناش نطيق عيشة المرض والجوع
نشـقى ونـهلك لمسـتعمر خسـيس ونصوع
إحـنـا اللى خلصـنا ع الاقطـاعى والمقطـوع
خـلاص رمينـا المـذله مـن ورا ضـهورنــا
ورفعنـا راســنا واصـبح حسنـا مســموع

الشـعب كـلـه نـطـق بلسـان زعيمنـا جمال
قال إحـنـا نـاس أغنيـا وبـلدنـا فيهـا قنـال
إحـنـا اللى عـاملينـه واحـنـا أحـق بالأموال
ميـه وعشـريـن ألـف مـاتـوا وهـم بيمدوه
ولـمـا عـاد القنـال الشـعب غنــى وقــال


يـا ســـايـق الـغليــون
عـــدى القنــال عـــدى
وقبــل مـــا تــعــدى
خــــد مــننـــا وادى


ده اللـى فـحت بـحـر القنــال .. جـدى
بـحـر القنــال يــا كتـرهـا رمـالـه
وجـدنـا فــوق الـــكتـاف شــالــه
بـحـر الـقنـــال اتبـدلــت حــالــه
وجـدنــا مـتهنـــى بـــعيــالـه ...


واحـنـا على الشــطين
مفـتـحـين الـعـيـن
عـارفين طريقـنا منيـن
واللى صــديقنـا فيـن
يا سـايـق الـغليـون


دى أرضــنـا .. وأرضــنـا لينــــا
ضــرب الرصــاص للى يـعـادينــــا
دى أرضــنـا وتــرابهـا أجـــدادنــا
ضــرب الرصــاص للى يـعـانـدنــا



النـخـله للطــالـع
والأرض للـــزارع
وبــكره للصـانـع
والـكون أهـو سـامع
يا ســايق الغــليون



المـال حــلال ... دم وعـرق ودمــوع
يــا بنــايين ابنـولنــا فى المشــروع
المـال حــلال حــا يرخـص الغـالــى
يـا بنــايين ابنـولنــا فـى الـعـالـى


المسـطـرين فى الإيــد
والـعـزم عـزم حـديـد
حـانبنـى عـهـد جـديد
ونـعيش زمـاننـا فى عيد
يـا ســايـق الـغليـون



الشـعب واقف على شـط القنـال ... كـلـه
وكـل غليـون يفوت ينــده لـه ويـقول لـه
سـيب اللى مغلـول يـموت من حسرته وغله
إحـنـا حـفرنـا القنـال بإيدينـا واسـناننا
وطـردنـا منـه غـريب ما بقاش حايوصل له


سـيب اللى مغلـول فى لندن وف باريز مغلول
يشـد شـعره ويصـرخ م القـرون مخلول
يـهـاتـى .. لم حد يسـمع صـوته مهما يقول
هـو حـايلطـم ويـخبط راسـه فى الحيطـه
واحنا حانمشى ف طريقنا للهدف على طول


ايــدن يقــول:

إزاى قـنـاة السويـس يـا اخـواننــا تتأمم
ده مـوش كـلام .. أمـال احنا ازاى حانتسمم ؟
ناكـل منين ؟ بـعدمـا عدمناكـى يا أسـهم ؟
مافيش كـلام زى ده . يـاللا ابـعتوا الاسطول
يقف قصـاد مصـــر .. عند الأمـر يتقدم !


شعـبـان يقـول :

بـاردون يـا إيـدن أنـا راجـل عـلى قــدى
لـكن حـاجـاوب عليك واخـد معــاك وادى
مين اللى شـال بـالغلق على كتفه ؟ مش جدى ؟
مين اللى سف التـراب والوحـله ؟ مش جدى ؟
مين اللى مـات م البـلاوى الزرقا ؟ مش جدى ؟
والميـه دى ماشيه فين ؟ مش ماشيه فى بلادنا ؟
خــلاص يـا إيـدن آدينــى قلت لك ردى


ايــدن يقــول :

لـكن دى شـريـان مهم عشــان بريطـانيا
وفـوق كـده لسـه فيه بـرضـه حاجات تانيه
بخصـوص فـرنســا وأمـريكـا وألمـانيـا
ما أقـدرش أسـيب القنـال فى إيد جمال وحده
أحسن حاجات " موش كويس " تجرى فى الدنيا


عوضين يقـول :

إزاى تـجيب سـيرة الشـريـان وانـا جــزار
عمـرى ماشفتش خـروف أو عجـل والا حمـار
له عـرق نـاقـص .. وموجـود عند سـابع جار
كـل البهــايـم عــروقهـا جـوه جتتـهـا
أمـا أنت راجــل علـى رأى الـمثـل فشـار


ايــدن يقـول :

أضـمن منين المــلاحـه تسـير بـحـريــه
وان العـواقب ســليمـه ميــه فـى الـميــه
لازم قنـاة السـويس مـاتـكونش مصــريــة
لازم قنـاة السـويس إحـنـا اللـى نـحـكـمها
ونـديـر شـئونـهـا وتبقــى الاســم دوليــه


جـابـر يقـول :

مـن صـغر سـنى وأنـا ريـس علـى الـميـه
شـايـف جــميع المــراكب والمـراكـبيــه
رايـحـه وجـايـه فـى خيـر وسـلام وحـريه
مـن بـور سـعيـد للسويس لـم فيـه ولا قـارب
الا وانـا بـقلبـى حـارسـه وشـايـله فى عينيا


بـلاش يـا إيـدن تقول حــريـه وتـدجــل
ده كـل شـئ فى التاريخ مـكـتوب ومتسـجل
وانت حســابـك مـع الـحـريـة متأجــل
بـلاش تقول اسـمهـا واسـمع زعيمنـا جـمـال
وهو بـيـكـلم الأحــــــرار وبيجـلجـل


ايــدن يقـول :

هـاتـوا الـدول تـجتمع فـى الـمؤتمـر هـاتوا
هــاتــوا دالاس بـالعجـل مــن دولارات
وهـاتـوا بينـو يـعينـه فـى منـــاوراتــه
ايــاك نـعـود للقنــال بحكـايـة التـدويـل
ويـعـود لنـا عـهـد لاسـتعمار ولــذاتـــه


محمـود يقـول :

خـلى الـدول تـجتمع فـى الـمؤتمـر خـلـى
يـحـكم دالاس ع الــدول ويقـول ويـمللــى
يـحـكم علينـا ويـعــزل فينــا ويــولــى
دى مـؤامـره مش مـؤتمــر واحنا مانقـبلهـاش
واحنا مـا نـعرفش مــؤتمــرات تــرلللـى !


اتـلمـوا فى الـمؤتمــر وانـفضـوا واتـلمـوا
ســبع ليـالــى ولا اتـفقـوا ولا اتـلمـوا
وقف دالاس يـقتــرح .. شـبيلوف حبس دمـه
وعـم بينـو وقف يـــاخـد بـإيـد عمـه
كـريشـنا قـام لـه وراح واخـده علـى مشمه
إيـدن صـبح يبـكـى من قـهره ومـن غمــه
يـا ميت نـدامـه عليك يـا مؤتـمـر لنــدن
حتـى اللـى راكــن عليك زودت لـه هـمـه


فين الـكـلام اللـى زى الشـومـه والنبــوت
ينـزل على اللـى معادينـا المـجـرم الممقوت
اللـى على نـهبنــا وســـلبنا حـايمـوت
إيـدن زعيـم الـدجـل .. أبـو شـنب فضــه
شـايب وعـايب .. خــدوه ياولاد حـارتنـا توت


قـالــوا العـيــال :

يـا ولاد حــارتنــا تــوت
هـاتــوا قــوام نبــــوت
يــمــوت البــرغـــوت
إيــدن خــلاص حـايمـوت
حـايمـوت مـن الـخضـــه
أبـــو شـــنب فضــــه
تـفيــت عـلـى شــنبــه
قـام الشـــنب صــــدى
صـــدى بـقـى خـــرده

يــا مصـــر يــا ورده
شـــــال الــحمــــام
حـــط الــحمــــــام
عـلى كــل إيـد فـــرده



يـا مـيت حـلاوه عليك يا جنس بنـى آدم
غصـبن عن اللى عـديـم الأصـل بنى آدم
الـوحش سـعران وبرضــك إنت بنى آدم
دالاس وبينـو وإيــدن سـعرانين ووحوش
واحـنـا معـانـا عليهـم كـل بنـى آدم


يـا ميت حــلاوه عليك يـا أخ يـا عـربى
دقـيت طـبولك وقـلبك دق بـالعربــى
وحـملت مـدفـع معانـا وقلت بـالعربـى
عـاشـت قناة السويس مصــريه عـربيـه
طــول ما ف بـلاد العرب من قال أنا عربى


يـا ميت حـلاوه عليك يـا جزايرى يا ثـاير
يـاللـى ماعـدتش تشوف لا بيوت ولا سراير
وان قـال جـمـال أدبـى الأنـدال على بينو
تـخلى كـاس المــرار ع المعتديـن دايــر


يـاللى بـدعتو السـلام على شـط نهر السند
ياللـى انتو ويانا ايـد على ايد وزنـد ف زند
واقفيـن مـع الحـق ضـد الافـترا والعنـد
بـانـدونـج لمت شـعوبها المخلصـة وقالت
عليـكـو منا السـلام يا سـاكنين الـهنـد


بـانـدونـج من أندونيسيا سـاقت المراسـيل
يـردوا فى الـمؤتـمـر ع الكدب والأباطـيل
ثـابتين فى وسـط العواصف أقوى م الأساطيل
سايرين مـع الـحـق والـحـريـة بيدافعوا
عن كـل نـخـله وعود أخضر فى وادى النيل


وسـمعت م الشـرق صـوتك يارفيق شبيلوف
طـالع مع الشـمس طـايف ع الممالك طوف
يـرمـى الفزع فى القلوب المجرمه والخوف
واقف فـى صـف الشـعوب حـافظ تعاليمك
وشـعب روسـيا ميتين مليون رفيق شبيلوف


وخمسـميت ألف ألف اتطـوعوا فى الصـين
شـايـلين سـلاحهم عشـاننا ومسـتعـديين
إن مصــر نـادت فى ليله يصـبحوا جايين
وإن كـل واحـد نفخ نفـخه تـهب ريـاح
مـاتخـلى فـوق الوجـود مسـتعمرين حيين


وحتى فى انـجـلترا .. سمعت نـاس أشراف
واقفـين لإيـدن يقولوا كـفايـه يا خطـاف
سـودت عيـشـة بـلدنـا بلعنـة الأحــلاف
إرمـى السـلاح من يمينـك واسـمع الكلمـه
لازم علم مصــر يفضـل ع القنال رفـراف


وسـمعت صـوت بيتـكـلم فرنســـاوى
بيـرد ع المفتـرى ويقـول بصــوت داوى
عمال فـرنسـا مـاينخـدعوش بـدعــاوى
عمال فـرنسـا وشـعب فـرنسـا ويا الـحق
والـحـق له نـاس بتـتـكلم فـرنســاوى


الـحـق له نـاس بتتـكلم بـكـل لسـان
عـارفين مقـام الحيـاه عايشين فى كل مكان
يـكافحوا لجـل السـلام وسـعادة الإنســان
مـايعرفوش فـرق بين أسـمر وبيـن أشــقر
الـكـل لازم يعـيش .. لازم يعـيش فى أمـان


إيـدنـا فى إيـد كل من طلق الحمام فى سماه
إيـدنـا فى إيـد كل من نصـر السلام وحماه
إيـدنـا فى إيـد كل من جـاد للسـلام بدمـاه
إحـنـا ورانـا شـعوب الأرض سـانديننـا
واللـى وراه الشـعوب يـا فـرحتـه وهنــاه


فـين الــكلام اللـى زى الـدم لمـا يسـيل
من قلبـى يفضـل يدوى ف سمع جيل ورا جيل
لحـد آخـر الزمـان يـجـرى فى موج النيل
ويطير حـمـامـة سـلام على مصـر والدنيا
يــروى حـكاية بـلدنـا وينـشـد المواويـل



--------------------------------------------------------------------------------

* أغسطس 1956




موال لرواد الفضاء

سـألت عن بختى ، قـالـوا النجم له أحـكام ،
نـجمك فى يـوم يرفعك ، ويضعضعك أيـام ،
إن مال يمين تتنصف ، وإن مال شمال تنضام ،
وإن راق تـروق دنيتـك ، وياداهيتك لو غـام.

نـزل الطاعون ع البلـد ، قالوا النجوم تتلام ،
والحـرب قـامت ، قالوا لنا : نجم وابن حرام ،
واقف فى وسط السمـا ، شـاهر علينا حسام ،
نـجوم وياما قصص .. ونجوم ، وياما كلام ..

وفجأه فجـأه كـده ، فجـأه مفاجـأة تمــام ..
انقض م الأرض ع الملـكوت ولـد ضرغام ،
رائد فضا .. واللى بعده .. وبعده. صبحوا زحام .
احنا البشـر فين ، نجـوم السعـد تيجى قوام .
ياللى انتو فـوق ، اسحبوهـا عندنــا بنظام ،
وزقـوا نجـم الحـروب ارمـوه فى برج سلام.

وأمـا نـجمـى أنــا …
قــولـو له يضــحك لـــى ..
ونفضــوه لو سمحتـم .. إن لقيتـو غيـام.





حرف النون

ناصية الشارع

بالأسـبريـن ... والسـكاكــين
وبـالمســدس مـقتـولـــين


عـلى أعـمـدة كـل الـجرايـد مصـلوبين



شـبان صــــغــــــار


أزهـار فى فـجـر العمـر ما شافتش النهـار
متـكلبشين فى الزنــازين أو مـغروزيـن
فى الطـين فى قصـر النيل وعايزين غطاسين



ع المشـرحـة إنسـان نـحيف
بشـنب خـفيف أصـفر لطـيف


خـدوده من قيمـة يــومين مش محـلوقين
صــوابعه من شــرب السـجاير محروقين
عينيــه على جــدار الفـراغ متسـمرين



وعلى الـجبين رفــرف ســـلام المـيتين
مـا تســــألوش كـــان اســـمه إيـه
إسـمـه على المحضـر بـقى المـجنى عليه
إسـمـه بـقى الـجثة فى أوراق الدوســيه
ما تسـألوش عن قصـته كـان مـوتـه لـيه
المسـألـة صــبحت فى إيـد المسـئولـين



عـلى ذمـة التـحـقيق سـجين
إنسـان حـزين
فـى قلبه إحسـاس الـغريــق
مالـهش عـون
فى دمـاغه أكـتر من حـريـق


لابـس قمــيص مربـعـات وبنطـــلون
وف رجـله صـندل مـن زمـان مالهش لون


يبـص عـلى آخـر الطــريق
يـلاقيـه مـا بين رجـليه تمـام
ثـابـت عـليـه الاتــهــام
وحيـاتـه بين النـاس حــرام
حـرام عـليـه يـركب تـرام


حـــرام عــليــه الأتــوبيــــس
حـــرام عـليـه الأرصـفة والفـوانـيس


والمــدرســـة والســينمات


مـكتوب عليه يـعيش مابين المـحـابـيس


فـــى اللـــومــانــات


ما تســـألوش ده يبـقى مـين


شـفتوه وبتشـوفوه كـتير فى الـجـرانين


بـــلاش ســــــــؤال
عـلـى كـــــل حــــال


المسـألة صـبحت فى إيـد المســـئولـين



على نـاصـية الشـارع أمـين
واقف مـع حسـين واسـمـاعين
وبنيــامـين
متســـرحـين ومشــمريــن


وشـوية يـوصـل مصـطفى وعبد السـلام


ويبتــدى يـحمى الـكـــلام


ويــغمزوا بــعينـهم ويمـكن يشــتموا
ويـقولـوا لـفظ بـذئ وهمــا بيضـحـكوا
ماتفرحـوش لما تشــوفوهــم من بــعيـد


نـازلـين هــزار وقـزقــزه


ومـاتقــلوش يــاريت زمـان التلـمـذه
يـعـود علينـا مـن جديـد
بـيشــتموا
وف كـل قـلب صــراخ يـحـاول يكتمـه
بيضــحكوا
وف كـل صـدر عويـل ونـار راح تهـلكه
وتفرتـــكه
ماتفرحــوش
وفــكروا إزاى نــحـوش
اللـى حايشـــرب له قـزازة أســبرين
واللـى حـايـطعن أمـه أربـع سـكاكـين
مـن قبـــل مـا الميت يـــمـــوت
مـن قبـل مـــا الأيـــام تــفـــوت
والمســألة تصــبح فى إيــد المسـئولين.





نهاية الاسطوره

أدى نهــايـة الكبـــــر والمبـــاهـاه

والكـــدب لمـا يصـــدقـه اللـى رمـاه

لحـد مـا الصــدمـة تجـى مــداهمــاه

ومحـولـة الخمــــرة إلـى مقـــايـاه

وممــرغـاه ينــدب علـى قتـــــلاه

بنـى إســـرائيـل العقــــل منهم تـاه

فى متـــاهـة الأسـاطيـــر يـا ولـداه

والحقـــد ضـيع رشــدهـم وطفـــاه

خلطــوا ما بين البطـــش والمعـــاناه




واحتــاروا : هم غــلابا والا عتـــــاه

شعـب اتلعــن م الـــرب والا حــابـاه

والـــــرب رب الكــــــون والا أداه

مخصـوص لهـم ؟ سبحــانـه فى عليـاه !

الـرد جــالهم يعـــدل المــــوازيـن

على أيـد جنــود من مصـــر ، بنى آدمين

لا مختــارين م المـــولى ولا مـلاعين ..

بس الـوطـــن لابـد يحمــوا حمــاه !





حرف الهاء


الهلال الجديد

هل هـلالك شـهر مبـارك ،
يشبـه ضحـكه سهيـانــه.
ضحـكه مخبيــة ، معبيـه ،
ضحـكه مليـانـه
أسـرار خفيانــه.
آه يانا يا جديـد من سـرك ،
آه يـانـا .. يـانـا.



غمضـت عينيــا على هـلالـى ،
ونـدهت لأصــغر أطفـالــى ،
ســيبتـــه دروســــــه
لـجل استفتـح شهـرى بصـورته ،
وف قــورتــه أبـوســـه ،
واستنى الـخيـر مـن دنيـانــا ،



أنـا بـوستـــه ، وفتـحــت ،
بـصـيت لـه ، وسـرحـت ..
كان راخـر برضـه ، بيضـحك لى
ضحــــكه ســهيانـــه ،
مليانــه أســـرار خفيــانــه
. . . يـا محتــــار يــانــا.






حرف الواو


و قال يا بلد

نعــم . . بورسعيد الفـكرة والبرهــان ،
فـى لمعـة عيونـه مـن مـيدان لـميدان ،
فـى بـرق انفجار الصخر ، فى مصنع انفتح ،
فـى طـلقة صـاروخ ، أو فى ارتفاع بنيان ..

حــى العـرب صـامد ! ..
علــم العـرب صـاعد ،
بإيـديـن عــرب خــلان
وجمـــــــال ..
وجمــال بيتكلــم ،
ويصـحى ، ويعلـم ،
ويسـلم الفتيــان ،
وطن ، مالوش غالب ،
مايميلش على جانب ،
ويبادى بالاحسـان ..
وطـن بـلا صحرا ،
وطـن بـلا فقـرا ،
وحياة بـلا أحزان ..


وقال : يا بـلد ، خلينـى واحــد مـن العـدد.
قالـت له البـلد : مـا فـى ســواك ربــان.
وقـال : يا بـلد ، عاهـدينى ع الصـبر والجلد.
قالـت له البــلد : كـفك يــابو الشــجعان!





وكيل

و بهيه في المحاكم
شدت واحد وكيل

عند البوفيه كان واقف
بيشرب جنزبيل

و الجنزبيل ده اصله
للصوت مالوش مثيل

مكتوب عليه في مجلد
"مرافعات هابيل"

يشرب منه المحامي
يمسح اجدع زميل

و يفحم النيابه
و يقصف النخيل

و بهيه ماشية جنبه
في كوريدور طويل

تشرح له و هي تبكي
و تبلل مناديل

و تقول له : كتير عليا
يقول لها : قليل

اتنين ريال يا وليه
مبلغ تافه ضئيل

خدي بالك م الفصاحه
و من العلم الاصيل

و الاش لما يحصل
مفعول الجنزبيل

عنها و دخل ع القاضي
دخلة ابو زيد تقيل

خبط الترابيزه و قال له
انا طالب التأجيل




حرف الياء


يا سلام يا دكتور

أظـن ، ياملهمـانـى الفـن والأشعـــار.
وقلبى : بلاصــك ، اللى بتطلعى به الفجر ..
من بعد اذنك ، بلاش – النوبه – م الترعـة ،
امليه لى من عند ابو البالطـو النضيف لابيض ،
وقولى له ، يازينة الجدعان ، صباح الخـير ..

حلال عليك المـدارس ، والأدب ، والعلـم ،
حلال عليك غلب أهلك فيك ، عشان تكبر ،
وتبقى عالـم ، حكيم ، تشفى البلد م الداء ..
وتقول: يا " بلهارسة"، ياهارسه القلوب، روحى ،
وتعالوا يا فلاحين ، خـدوا بعض بالأحضان.

الفلاحيـن صـفر ، لـكن صـلبهـم جامـد ،
شـالوا الجبـال ، قلقلوهـا ، وهـم لسه صفر ،
اشحال بقى ، لما يجـرى الـدم فى خدودهم ،
بدال ما يجرى – مع الروح نفسها – فى البول.
وقولى له : يازينـة الجـدعان ، براوه عليك ،

ندرن علينـا ، نهـار ما بالسـلامـه نقـوم ،
لنعملوه عيـد ، وترقص فيـه أمـواتنـا ! ..
أجدادنـا من عهد فرعون ! .. كلهم نادريـن ،
م المـوت يقوموا ، وييجوا ، ينقطـوا الزفة !
يا سلام يا دكتور .. ده يوم زى " الجلاء " ذاته.





--------------------------------------------------------------------------------

* إلى علماء جامعة الاسكندرية ، واكتشافهم الذى سيقضى على البلهارسيا





يا وحوي

من قبل رمضـان بجمعـه الهرس دار فى الـدار
شـالوا الموبيليا وحطـوا العـفش بالمـنـدار
بالمـكنســه دور وبالفـرشـه سـبع تـدوار
صـبح البلاط زى خـد المزمزيـل نـاعـم
والشـقه بصـت لهيلتـون نفسـه باسـتحقار

جابـو قمـر ديــن وتين وزبيب وصـنيبر
ومكسـرات فـى شـكارات مقفولــة بالمـيبر
فاضـل فـى شـعبان تلات ايـام ياشــحيبر
راح تعمـلم ايـه فى رمضـان ابقـوا تعالو لنا
والكل بـات فـى حسـابات تلخم يهود خـيبر

رمضـان دخل . . كـل عـام وانتم بخير قالوا
مشـاوير كتير مشـوروا واتحطـوا واتشـالوا
علشـان كنافـة " ميـدان الست " واحتـالـوا
حتى الـولـد لمـا راح – واتهربـد القفطـان
اضـطـر ينـزل معـاه البيـه يجيبهـالـه

ومـن حـوارى " الحسين " راحو اشتروا الطرشى
خيـار ولفت وبصـل ولمـون قديـم مـحشـى
فوق البوفيـه رصـوا برطماناتـه ولاسـاعشى
أحمـر وبنـى وبمبــه وعنبـرى واصـفـر
ويومين يا دوبـك ده كلـه يـروح مـا يـرجعشى

السـمن نـازل يـرف . . وكانـوا جـايبين كوم
والبيت معبـأ بريحـه قـلى طــول اليــوم
فيشـاوى بالليـل ومـن بـدء النهـار النـوم
ولا شـغله ولا مـشـغلة غير بـس " ياوحوى "
والـكل فاطـرين ياعينـى ولم لهم فى الصـوم.




و بتخلص الازجال الجاهينيه هنا و من المره الجايه قطار جاهين هيقف في محطه تانيه .

قريب اوي هرفعلكم ملف pdf عليه ازجال صلاح جاهين كامله انشاء الله

شكراً على هذا المجهود الرائع

تقبل تحياتي

منصــــــــور

المشاركة الأصلية كتبت بواسطة mansour elsayed

شكراً على هذا المجهود الرائع

تقبل تحياتي

منصــــــــور

انا اللي يشرفني ردك و يشرفني تقبل تحياتك و ادعو لك بالتوفيق و ارغب في دعاءك على اتمام الموضوع.

والله أنا بشكرك على مجهودك الجامد ده

ومن زمان وأنا نفسى فى مكتبة زى دى لصلاح جاهين

بأتمنى لموضوعك النجاح لأنه بالفعل موضوع يستحق

وأتمنى أن تمدنا بكل ماعندك من اعمال صلاح جاهين

تقبل تحياتى

السلام ختام

محمد

المشاركة الأصلية كتبت بواسطة mohammedgapr

والله أنا بشكرك على مجهودك الجامد ده

ومن زمان وأنا نفسى فى مكتبة زى دى لصلاح جاهين

بأتمنى لموضوعك النجاح لأنه بالفعل موضوع يستحق

وأتمنى أن تمدنا بكل ماعندك من اعمال صلاح جاهين

تقبل تحياتى

السلام ختام

محمد

شاكر جدا لمشاركتك و انتظر المزيد من اعمال صلاح جاهين و مني ليك و لمحبي صلاح جاهين ملفات pdf عليها اعماله كامله قريب جدا

و بنقف مع القطار الجاهيني لمحطة الرباعيات و زي ماتعودنا في محطة الازجال هنتعرف على الرباعيات بالترتيب الابجدي.

حرف الالف

احب اعيش و لو اعيش في الغابات

أحـب اعيش ولـو أعيش فـى الغابـات
أصـحى كمـا ولـدتـنى أمـى وابـات
طـائر . . حوان . . حشرة . . بشر . . بس اعيش
محـلا الحيـاة . . حتى فى هيئـة نبـات

عـجبى !!

احسن ما فيها العشق و المعشقه

أحسـن مـا فيهـا العشـق والمعشـقة
وشـويتين الضـحــك والتـريقـة
شـفت الحيـاة، لفيـت، لقيـت الألـذ
تغييـرهـا، وده يعنـى التعب والشـقا

عـجبى !!




اخطفني يالي تحبني ع الحصان

إخطـفنى ياللى تحـبنى ع الحصـان
الدنيا قالت يــوم فى مـاضى الزمان
إخطـفنى ياللى تحبنــى ع الفـرس
الدنيا قالت . . قم خطـفها الشــيطان

عـجبى !!




الارض شوك ايوه لكن هايش

الأرض شـوك أيـوه لكـين هايش
والحمـرة مش يعنى الطريق حايش
دى دمنـا السـيال . وبشـرة خير
ان انتى عايشـه . وان أنا عايش

عـجبى !!




ازاي شبابنا يقوم و ياخد دوره

ازاى شبـابنـا يقـوم ويـاخـد دوره
من غيـر صـراخ يئذيه ويجـرح زوره
يـا هلترى أحسـن لـه يقعـد سـاكت
أو ينتـرك ولـو خـرج عـن طـوره ؟

عـجبى !!




اعرف عيون هي الجمال و الحسن

أعـرف عيـون هى الجمـال والحسـن
واعـرف عيـون تـاخد القـلوب بالحضن
وعيون مخيفة وقـاسـية وعيـون كتيـر
وبـاحس فيهـم كـلهـم بـالحــزن

عـجبى !!




اقلع غماك يا تور و ارفض تلف

إقلـع غمـاك يـا تـور وارفض تلـف
إكسـر تـروس السـاقيـة واشـتم وتف
قال : بس خطوة كمان . . وخطوة كمان . .
يا اوصـل نهـاية السـكة يا البير يجف

عـجبى !!




انا شاب و لكن عمري و لا الف عام

أنا شـاب لـكن عمـرى ولا ألف عـام
وحيـد ولـكن بين ضـلوعـى زحـام
خـايف ولـكن خـوفـى مـنى أنـا
أخـرس ولـكن قـلبـى مـليـان كـلام

عـجبى !!




انا كل يوم اسمع

أنا كـل يـوم أسـمع . . فلان عذبوه
أسـرح فـى بغـداد والجزاير واتوه
مـا اعجبش م اللى يطيق بجسمه العـذاب
واعـجـب مـن اللى يـطـيق يعذب أخوه

عـجبى !!




انا قلبي كان شخشيخه

أنا قـلبى كان شخشيخة أصـبح جـرس
جلجلت بـه صـحيوا الخـدم والحـرس
أنـا المـهرج . . قمتو ليـه خفتو ليـه
لاف إيدى سـيف ولا تحت مـنى فـرس

عـجبى !!




انا اللي عشت

انـا الذى عشـت الزمن مضـيعة
بـروح حـزينة معـفنة مضعضعه
زرعت شـجرة سـنط لجل انجرح
لقيتهـا شـعر البنت ومفـرعـه

عـجبى !!




انا اللي عمري

انا الذى عمـرى اشـتياق فى اشـتياق
وقطـر داخـل فـى محطـة فــراق
قصـدت نبـع السـم وشـربت سـم
مـن كتر شـوقى وعشـمى فى الترياق

عـجبى !!




انا اللي بالامر

أنا اللى بالأمــر المحــال اغتـوى
شـفت القمـر نطـيت لفوق فى الهوا
طـلته مـا طـلتوش إيه انـا يهمنـى
وليـه … ما دام بالنشـوة قلبـى ارتوى

عـجبى !!




انا اله الوجد

أنـا إلـه الـوجــد رب الـهيــام
أضـرب بسـهم الوهـم وهــم الغـرام
وهــم الغــرام مـن كتر مـا هو لذيذ
رشـقت انـا ف صـدرى جمـيع السـهام

عـجبى !!




انا قلبي كوره

أنا قلبـى كـورة . . والفـراودة أكـم
يـامـا اتنطـح وانشـاط .. وياما اتعكم
واقـول له كـل ح ينتهى فى المعـاد
يقـول بسـاعتك ؟ والا سـاعة الحكم ؟

عـجبى !!




انا قلبي كوكب

أنا قلبى كـوكب وانطلق فى المـدار
حواليـكى يا محـبوبتى يا نور ونار
يلف مـهمـا يـلف مـابيكـتفيش
وتمـللى نصـه ليل ونصـه نـهار

عـجبى !!




انا قلت كلمه

أنا قلت كلمـة وكان لهـا مـعنيين
كمـا بطـن واحـده وتـوأمين زيـن
وشـينلو دنيا شـر . . التوأم الخير يموت
لو دنيا خير . . الشـر ح يعيش مـنين ؟

عـجبى !!




انا كانلي اب

أنا كانلـى أب . وكـان رئيس محكمة
سـتين سـنة . فى قضية واحدة اترمى
سـتين سـنة وطـلع بـراءة وخـرج
يشـكى الحياة والمـوت لـرب السـما

عـجبى !!




انا كنت شيىء

أنـا كنت شـىء وصـبحت شىء ثم شىء
شـوف ربـنـا . . قـادر علـى كـل شىء
هـز الشـجر شـواشيـه ووشـوشنى قال :
لابد مـا يمـوت شـىء عشـان يحيا شىء

عـجبى !!




انسان ايا انسان

إنسـان أيـا إنسـان مـا أجـهـلك
مـا أتفهـك فى الكـون ومـا أضـألـك
شمس وقـمـر وسـدوم ومـلايين نجـوم
وفـاكرهـا يـا مـوهـوم مخلوقـه لـك ؟

عـجبى !!




انشد يا قلبي

إنشـد يـا قلبـى غنــوتك للجـمـال
وارقص فى صـدرى من اليمين للشـمال
مـا هـوش بعيـد تفضـل لبكره سـعيد
ده كـل يـوم فيـه ألف ألف احتمـال

عـجبى !!




اه لو انا و محبوبي

آه لـو أنا ومحبـوبى جـزنا الفضـى
فـى سـفينة وحـدينا . . وأشـيا رضا
سـاعة صـفا تعجبنـا نرجـع لـهـا
والهـم قبـل ما ييجى … يبقى مضى

عـجبى !!




اهوى الهوى

أهوى الهـوى وهمس الهوى فى العيـون
وبسـمة المغـرم . ودمـعـه الحنــون
وزلــزلات الحــب نهــد الصــبا
اكـون أنـا المــحبوب . أو لا أكـون

عـجبى !!




اوصيك يا ابني

أوصـيك يا إبنـى بالقمــر والزهـور
أوصـيلك بـليل القاهـرة المســحور
وإن جـيت فى بالك .. إشـترى عقـد فل
لأى سـمرا … وقبـرى إوعـك تـزور

عـجبى !!




اوقات افوق

اوقـات افـوق ويحــل عنـى غبـايا
واشـعر كأنى فـهمت كـل الخبـايـا
وافتـح شـفايفى عشــان أقـول الدرر
مـا أقـولش غير حبة غزل فى الصبايا

عـجبى !!




ايديا في جيوبي

إيـديا فـى جيوبـى وقلبـى طـرب
سـارح فى غربة بس مش مـغترب
وحـدى لكـين ونسـان وماشـى كده
وبـابتعد … ما اعرفش … أو باقترب

عـجبى !!




ايش تطلبي

إيش تـطلبى يـا نفسـى فـوق كـل ده
حظــك بيضــحك وانـتى متنكـدة
ردت قـالت لـى النفس : قـول للبشـر
مـا يبصـوليش بعيـون حـزينـة كـده

عـجبى !!




ايه اللي خدته

إيه اللى خدتـه من مرور السـنين
يا قلبـى الا دمـعتك والأنـيـن
بتئن وبتفــرح وترجــع تحــن
مـع إن مـش كل البشر فرحـانين

عـجبى !!




ايوب رماه البين

أيـوب رمـاه الـبـين بـكـل الــعلل
سـبع سـنين مـرضان وعـنـده شـلل
الصـبر طيـب . . صـبر أيـوب شـفـاه
بـس الأكـاده مـات بـفـعل الـمـلل

عـجبى !!


انتظروا المزيد احبائي

حرف الباء



بحر الحياه

بحـر الحياه مليـان بـغرقـى الـحياه
صـرخت خش الـمـوج فى حلقى ملاه
قارب نجـاه ! . . صـرخت قالوا مفيش
غير بـس هو الـحب قـارب نـجـاه

عـجبى !!




بره القزاز

بره القزاز كـان غيـم وأمطـار وبـرق
مـا يهمنيش – أنا قلت – ولا عنـدى فـرق
غيرت رأيــى بعــد ســاعة زمـان
وكنت فـى الشـارع … وفـى الجزمة خرق

عـجبى !!




البط شال

البـط شـال عـدى الجبال والبحـور
ياما نفسـى اهـج … أحج ويا الطيـور
أوصـيك يا ربى لمـا امـوت … والنبى
مـا تودنـيش الجنـة … للجنـة سـور

عـجبى !!




بلياتشو

بلياتشـو قال إيـه بس فايدة فنونى ؟
وتلات وقق مسـاحـيق بيلـونـونى
والطـبل والزمـامـير وكتر الجـعير
إذا كان جنون زبونى زاد عن جنونى

عـجبى !!




بين موت و موت

بين موت وموت . . بين النـيران والنيران
ع الحبـل ماشـيين الشـجاع والجبـان
عجبى علادى حيـاة . . ويـا للعــجب
إزاى أنـا – يـاتخين – بقيت بهـلوان

عـجبى !!





حرف التاء


تسلم يا غصن الخوخ

تسـلم يا غصن الخـوخ يا عود الحطب
ييجـى الـربيع . . تطـلع زهورك عجب
وانا ليـه بيمضـى ربيع وييجـى ربيـع
ولسـه برضــك قلبـى حتـة خشـب

عـجبى !!





حرف الجيم


جالك اوان و عرفت

جــالك أوان وعـرفت مشـى الجنـايـز
كـيف شــفتهـا يـا عبـد رب اللـذايذ
قال : شـفت شـيل بالـحيل فـقير أو أمير
كمـا شـالـوا فـى الـخمامير فواضى القزايز


عـجبى !!




جالك اوان و وقفت

جـالك أوان ووقفت مـوقف وجــود
يا تجـود بـده يا قلبى يا بده تجـود
مـا حـد يقـدر يبقـى على كل شىء
مـع إن ـ عجبى ـ كـل شىء موجود

عـجبى !!





حرف الحاء


حاسب من الاحزان

حاسب من الأحـزان وحاسـب لهـا
حاسب علـى رقابيـك مـن حبلهـا
راح تنتهـى ولابــد راح تنتهـى
مـش انتهت أحـزان مـن قبلهـا ؟

عـجبى !!




حبيت.. لكن

حبيـت . . لـكن حب من غير حنـان
وصـاحبت لـكن صـحبه مـا لهاش أمان
رحت لحــكيم واكـتر لقيت بـلوتـى
إن اللى جـوه القـلب مش ع اللسـان


عـجبى !!




حتة محاره

حتـة محـارة وجـدتها فى يوم لقيـة
قـالت لى شـوف كيف الطبيعة شقية ؟
نظـرت للكـهف اللـى فيهـا ولـقيت
إن الطـبيعـة كـمـان … لا أخـلاقية

عـجبى !!




حدوته عن جعران

حـدوته عن جعـران وعـن خنفسـه
اتقابلـوا حبـوا بعض سـاعة مسـا
ولا قال لهـم حـد اختشوا عيب حرام
ولا حـد قـال دى عـلاقـة متدنسـه

عـجبى !!




حقرا

حقـرا وفـوق كوكـب حقـير محـتقر
فـى الكـون تكـون دنياكـو إيه يا بقـر
رملايـه من صـحرا؟ .. لكين إيش تقول
والكـون بحالـه جــوه عقـل البشـر

عـجبى !!




الحلو يم اليم

الحلـو يـم اليـم صـابح رايـح
سـارح فى حضن الميه سابح سايح
الحلـو داب فى البحـر . . قلت أدوقه
وجـدت لسـه البحـر برضك مـالح

عـجبى !!





حرف الخاء


خرج ابن ادم

خـرج ابن آدم م العدم قلـت : يـاه
رجـع ابن آدم للعـدم قلت : يـاه
تـراب بيحيـا . . وحى بيصـير تراب
الأصـل هـو المـوت والا الحيـاة ؟

عـجبى !!




خوض معركتها

خـوض معركتهـا زى جـدك مـا خاض
صــالب وقـالب شـفتك بامتعـاض
هـى كـده . . ما تنولش منهـا الأمـل
غير بعـد صـد ورد ووجـاع مخـاض

عـجبى !!




و لسه لنا لقاء

مجهود رائع رائع رائع
وموضوع مميز جدا لشخصيه انسانيه مميزه جدا




حبيت اشارك معاك بحاجه لو تسمح


البيانولا


أنا دبت و جــزمتى نعلهــا داب


من كتر التدوير ع الاحـــــباب


يا سلملم لو أعتر فى حبيـــــب


ده انا أرقص من كتر الأعجاب


! كدهه ! كدهه ! كدهه


أنـا قلبى مـزيكـه بمفـاتيــح


من لمسـة يغنى لـك تفاريح


مع إنـى مـافـطرتش وجعان


و مـعـذب و مـتـيم و جريح


باتنطط واتعفرت واترقص كدهه
! كدهه ! كدهه ! كدهه


بـيانولا و ألابـنضـه و حــركـات


أطلعى بقى يا نصاص يا فرنكات


أنا عازمك يا حبيبــى لما ألاقيك


على فسحة فى جميــع الطرقات


نتنطط نتعفرت نترقص كدهه



تقبل كل تحياتى وفى انتظار باقى طرحك الجميل

سارة

موضوع أكثر من رائع

وعندما يكتمل

فلا يوجد اى حجة لعدم تثبيته

اتمنى لك دوام هذا التألق

المشاركة الأصلية كتبت بواسطة hook eye

مجهود رائع رائع رائع
وموضوع مميز جدا لشخصيه انسانيه مميزه جدا




حبيت اشارك معاك بحاجه لو تسمح


البيانولا


أنا دبت و جــزمتى نعلهــا داب


من كتر التدوير ع الاحـــــباب


يا سلملم لو أعتر فى حبيـــــب


ده انا أرقص من كتر الأعجاب


! كدهه ! كدهه ! كدهه


أنـا قلبى مـزيكـه بمفـاتيــح


من لمسـة يغنى لـك تفاريح


مع إنـى مـافـطرتش وجعان


و مـعـذب و مـتـيم و جريح


باتنطط واتعفرت واترقص كدهه
! كدهه ! كدهه ! كدهه


بـيانولا و ألابـنضـه و حــركـات


أطلعى بقى يا نصاص يا فرنكات


أنا عازمك يا حبيبــى لما ألاقيك


على فسحة فى جميــع الطرقات


نتنطط نتعفرت نترقص كدهه



تقبل كل تحياتى وفى انتظار باقى طرحك الجميل

سارة

ميرسي اوي اوي على مشاركتك و انا اتمنى مشاركات تانيه اكتر و ارجو منك المتابعه.