الموضوع: أريد أن أعرف كل شئ عن الترسة ( السلحفاة المائية )

أريد أن أعرف كل شئ عن الترسة ( السلحفاة المائية )
ماذا تأكل؟؟؟؟؟
كيف أجعلها تاخد عليا ؟
كيف أزين لها الحوض ؟؟؟؟؟؟
و هكذا يعنى
و شكرا

الاخ العزيز
دى بعض معلومات عن طلبك وايلى عنده اكثر هيفيدك جدا ان شاء الله

***السلحفاة من ذوات الدم البارد جسمها محمى بدرقة صلبة و الدرقة تتكون من صفائح قرنية صلبة
, وهي تغطي جسم السلحفاة لحمايته. كما يمكن معرفة عمر السلحفاة بعد الأشكال الهندسية على
سطح القوقعة،

خصائص عامة : -
ليس للسلحفاة أسنان لكن شبه منقار قرني تطحن به الطعام , الدرقة فى الترسة البحرية تكون أكثر تسطيحاً
لتناسب السباحة في الماء و السلحفاة البحرية تعيش في الماء العذب للأنهار ومعظمها يعيش في البحار والمحيطات

الغذاء : تتغذى على الأحياء المائية الصغيرة وهي تعتبر العدو الأساسي لقنديل البحر ذلك أنها الحيوان
الوحيد الذي يحد من تكاثره ، ولذلك في الأماكن التي يكثر بها صيد الترسة البحرية ، تتكاثر القناديل بشكل كبير
وخصوصاً في فصل الصيف. و لكن بالنسبة لتربيتها فى احواض السمك فيفضل وضعها فى احواض منفصلة
لانها مغرمة بعض ذيول الاسماك و مطاردتها و هذا قد يؤدى الى موتها كما انها لن تتوان عن التهام الاسماك
الصغيرة من الولدة او الجوبى الصغير فهى غذاء شهى لها و اذا كنت تربيها فى حوض زجاجى فيمكنك
اطعامها قطع صغيرة من الخس و الدود الحى و يمكنك ايضا اطعامها الاكل المخصص للسمك على شكل حبيبات

التكاثر: السلاحف سواء البرية والبحرية شأنها شأن بقية الزواحف تضع البيض ، ولذلك فالسلاحف البحرية
تبحث عن الجزر الغير مأهولة فتحفر حفرة لتضع فيها البيض ليحظى بالدفء وحين تفقس البيوض ،
تنطلق الصغار بشكل غريزي الى الماء لتستكمل دورة حياتها، وهي لا تخرج من البحر إلا عند وضع البيض

و بالنسبة لسن التكاثر للسلحفاة المائية فهو يبدأ من 15 عام فأكثر و التفرقة بين الذكر و الانثى امر ليس
بالهين و يحتاج الى خبراء او هواة محترفون لانك لن تستطيع التفرقة بين الاثنين فى الاعمار الصغيرة
و قد اجتهدت فى البحث عن اذا كان يمكن تفريخها فى الاسر او عند المربين لكنى لم اصل لشىء
حتى الان

حلوة المعومات دى يارورى وتصدقى انى اول مرة اعرف ان السلحفاة من ذوات الدم البارد
هههههههه

السلام عليكم ورحمة الله وبركاته
أخى جلادييتور انا كنت سألت السؤال ده من فترة ممكن تشوف الموضوع والردود ان شاء الله تستفيد
http://dvd4arab.com/showthread.php?t=945625

ده بالنسبة للمعلومات النظرى, اما عن تجربة شخصية بقى ف فى البداية (اول شهرين تقريبا ) بتاكل أكل السمك عادى
بعد فترة مش بيملى عنيها مش بيشبعّها أوى يعنى فلازم تنوّع فى الأكل
فيه جمبرى مجفف بيتباع فى محلات السمك ده بيموتوا فيه, بس لازم تقطعوا حتت صغيرة عشان يعرفوا ياكلوه
تقطعوا مشششششش تدقّه عشان هايبقى بودرة,ومش هايتّاكل, اسألنى انا
كمان ممكن تجيب دود مجفف, يعنى اذا نفسك حلوة

خليك دايما متابع أكلهم , بياكلو ولا بيسيبوا الأكل فى المية, وحاول مش تحط أكل زيادة عشان بيبوّظ المية بعد فترة

حكاية التعود دى بتيجى مع الوقت, بس على فكرة بجد والله, هما بيحسوا بالحنية جدا يعنى من وقت للتانى امسكهم فى ايدك وطبطب عليهم بشويش كأنك ماسك كتكوت هتلاقيهم استكانوا كدة وهديوا ويمكن يناموا كمان

بالنسبة للحوض, فحط فيه مية بنسبة محترمة كدة عشان يعوموا ويغطسوا براحتهم
انمـــــــــــا
لازم تكون حاطط حاجة عالية يقفوا عليها لما يتعبوا من العوم, على فكرة أصلا السلاح مش بتتفس فى المية كمان هى بس بتقدر تكتم نفسها مدة كبيرة

فاضل ايـــــه

ااه المية تتغير باستمرار, عشان دى اللى بيشربوا منها
انا عن نفسى بغير المية مرتين يوميا
ربنا يقدرك بقى

تحياتى