الموضوع: زراعة الاسنان

السلام عليكم ورحمة الله وبركاته
انا عملت الموضوع ده علشان اطلب فيه النصيحة من الدكاترة بعد ما اشرح لهم حالتي

انا عندى اسناني الامامية اول اربعة بايظين خالص اللي هما في مقدمة الفم بس اللي مضايقني فيهم اكتر انهم جامدين ومش ملخلخين ومش كانوا بيوجعوني

روحت لدكتور علشان يشوفلي حل فقالي الحشو

بعد الحشو كنت مضايق جدا لانه كان حاططلي حاجة كدة علي اسناني من جوة انا مش عارف ايه هيا

وبعد كدة الحشو دة وقع وابتديت احس بالم في اسناني اثناء الاكل والشرب ( حتي المية بتوجعلي سناني لما بشرب )

وغير كدة بوظ منظر سناني اكتر لانهم بقوا متكسرين نتيجة للحشو

غير ان انا دلوقتي عندى التهابات نتيجة للحشو بس هيا ابتدت تخف

واسناني لسة بايظة ومش عارف اعمل ايه وكل الناس بتنصحني بزراعة الاسنان علشان كدة انا دخلت هنا وقولت اسال ناس متخصصين وهما يقولولي انا اعمل ايه وكمان كل اللي عمل زراعة اسنان يدخل يقول تجربته
واسف جدا لاني طولت عليك

اولا مرحبا بيك ونورت المنتدى الطبى

سؤال هل هى الاسنان العلوية ام السفلية

اذا كانت العلوية فا نصحك بعمل طربوش او كوبرى يغطى اسنانك ومن انواعه البورسلين وشكله الجمالى رائع


الحشو لما وقع الله اعلم هل ده حشو موقت ولا ايه لانى شفت عيانين كتير يختلط عليهم الامر وميجوش تانى خصوصا فى المستشفيات الحكومية

الالم بعد اما الحشو وقع طبيعى جدا و هو نعمة من الله عليك يعمل كمنبه للخطر المحدق باسنانك فتسرع بالعلاج


-------------------------------------------------------
ومين قالك ان الالتهابات دى من الحشو

ربما من حاجات تانية والتى منها اهمالك لنظافة فمك واذا كنت من اهل السجائر والشيشة عذرا يعنى فهذا سيكون الحال الطبيعى لاسنانك مع الزمن

بالنسبة لزراعة الاسنان تكون كحل اخير بعد خلع السنة

هو غالى نسبيا بمتوسط الفين ونصف جنيه للسن مثلا-تقريبا

له مميزاته الرائعة وعيوبه ايضا

----------------------------------------------------
بالنسبة للى عملو زراعة اسنان عند دكاترة عندهم خبرة وضمير غالبا بيرجع طبيعى جدا وبياكل ويشرب ومنظره بيبقى ممتاز
لانه شبه الطبيعى فى الشكل مع الفارق
--------------------------------------------------------
انت مطولتش خالص وانا مشبعتش من كلامك
وكنت مستنى تفاصيل اكتر
وشكرا

السلام عليكم ورحمة الله وبركاته

اولا عاوز اشكر حضرتك علي اهتمامك بالموضوع والرد عليه

اما بالنسبة لاسئلة حضرتك
هلي الاسنان العلوية ام السفلية

هي العلوية

وكمان انا مش حابب ان انا اعمل زراعة اسنان زكمان في ناس قالتلي علي الطربوش بس اللي قالقني اني كنت بسمع نفس الكلام عن الحشو ومن دكاترة كانوا يقولوا ده هيدارى العيوب بتاعة اسنان وبيبقي في تبييض للاسنان بيخليها طبيعية وبعد ما عملت الحشو فوجئت بتغير بسيط جدا في الاسنان

فا علشان كدة انا عاوز اشوف شكل الطربوش ومنظرة علي حد عمله وجرب

اما بالنسبة للالتهابات فا اللي قالي انها من الحشو دكتور صيدلي
روحتله لان اسناني كانت هتموتني وكان عندى امتحان تاني يوم وبصراحة اداني برشام مريحني

نرجع تاني لموضوع الزراعة

حضرتك بتقول انها ب الفين ونص للسن الواحد

انا اعرف ناس عملتها باقل من كدة بكتير جدا وفي وقت قليل مع العلم انهم خلعوا الاسنان لنفس اسبابي وزرعوا اسنان غيرها

وياريت حضرتك معلي تقولي ايه عيوب زراعة الاسنان ومزاياها

طبعا الصيدلى ممكن يكون بيفتى وانا شوفت بلاوى من الصيادلة و اخر حالة كانت للأسف سرطان فى الفم و بسبب صيدلى عامل نفسه جراح فم واسنان الحالة بقت مأساة و تقريبا لحظة كتابة السطور دى الست حتكون مش معانا تقريبا
اما بالنسبة للغرس فهو الحل رقم واحد على مستوى العالم لتعويض الأسنان المفقودة انا بنصح بأن لو الجذور بتاعت اسنانك تنفع يتعمل عليها تركيبة يبقى افضل
بس لو فى سنة مخلوعة فالأفضل الغرس
بالنسبة للغرس اقل سعر شوفته كان 1500 جنية و كان دكتور مش شاطر خالص و بيستخدم غرسة مصرية و دة اوحش انواع الغرسات
السعر الطبيعى من حوالى 3000 و على حسب حالة العظم و على حسب ما بيبان فى العملية بنقدر نحدد هل حنحط طربوش مؤقت على الغرسة ولا لأ
بس الرس لحد دلوقتى عيبه الأساسى هوا التكلفة و ان ساعات بيحتاج اكثر من عملية
غير كدة هوا افضل حل
بس طبعا لو انت مش بتهتم بنظافة اسنانك او بتدخن كل دة يقلل نسبة نجاح الغرس

السلام عليكم ورحمة الله وبركاته

احب اشكر حضرتك علي اهتمامك بالموضوع

وعاوز اسال حضرتك بس هوا يعني ايه تركيبة
وهيكون شكلها الجمالي كويس ولا ايه وهل هتاثر علي اسناني كدة ولا عادى وبتقع ولا لا يعني كلمني عنها

وفي المرة اللي جايه هسال حضرتك عن حاجة كدة في اسناني لاحظتها بس لما اتاكد الاول

وانا علي فكرة مش من اهل السجائر والشيشة وفي الفترة الاخيرة بقيت بهتم بنظافة اسناني

يا دكاترة ارجوكم حد يرد عليا ضرورى

أنا مش عارف ايه اللي جاب موضوع الزرع ده ... ان - من وصفك -

أسنانك سليمة يعني العصب مش مكشوف ولا حاجة يبقى أمامك حلين ...

1- الحشو (( لو عند دكتور شاطر عمره ما هيقع وشكله بيبقى ممتاز ))

2- لو أسنانك متآكلة كثير ومش هينفع تتحشى يبقى يتركب عليها

تركيبة يعني طربوش وهو عبارة عن غطاء للسنة من البورسلين وشكله

بيبقى ممتاز ومش بيبان أبدا ...


شكرا ...

السلام عليكم ورحمة الله وبركاته

اشكرك علي اهتمامك بالموضوع وردك عليا

انا فعلا اسناني بقي فيها كسور كتير نتيجة الحشو

بس انا عاوز اسال سؤال

هوالغطاء اللي من البورسلين بيبقي مكلف يعني زى الزرع ولا سعره متوسط
ةهل بعد لما اعمله هيبقي اسناني شكله زى الاسنان العادية ولا هيبقي باين انه فيها حاجة

معلش قبل ما أرد عاوز أقول لك ان الاسنان اللي خلقها ربنا

أفضل من الزرع مليون مرة ... الزرع بيتعمل لما تكون أسنانك

مخلوعة أو مفيهاش أمل ...


بالنسبة بقى للتركيبة فهي طبعا أرخص من الزرع بكتير

وسعرها عندنا في طنطا 350 جنيه وفي القاهرة 650 جنيه (( دي الاماكن

اللي اعرف اسعارها فقط )) ...


وشكله بيبقى زي الاسنان بالضبط ...

شكرا ...

المشاركة الأصلية كتبت بواسطة karabantas4444

بالنسبة للغرس اقل سعر شوفته كان 1500 جنية و كان دكتور مش شاطر خالص و بيستخدم غرسة مصرية و دة اوحش انواع الغرسات
السعر الطبيعى من حوالى 3000

1500 جنيه !!! 3000 جنيه !!!
ده أنا حماتي زرعت غرستين عند أستاذ في جامعة الأزهر .. وقالها ان الغرسة دي ألماني أصلي وخامة فوق الممتازة .. وكلفت الغرسة الواحدة 5000 جنيه .. هل السعر ده معقول ولا ضحك عليا ؟؟ مع العلم انه عمل bone graft

المشاركة الأصلية كتبت بواسطة superkenwood

1500 جنيه !!! 3000 جنيه !!!
ده أنا حماتي زرعت غرستين عند أستاذ في جامعة الأزهر .. وقالها ان الغرسة دي ألماني أصلي وخامة فوق الممتازة .. وكلفت الغرسة الواحدة 5000 جنيه .. هل السعر ده معقول ولا ضحك عليا ؟؟ مع العلم انه عمل bone graft

عادة ترقيع العظم بيبقى فى حدود ال 2000 جنية
اما بالنسبة لسعر الرغسة فطبعا تعتبر غالية لأن اللى بيشتغلوا بالسعر دة دكاترة معروفين و معروف شغلهم عامل ازاى

سؤال للدكتور صاحب الموضوع
عندى ضرس قبل الاخير مباشرة من الداخل فوق شمال
الضرس اتكسر تماما وركبت عليه تركيبه نصف بورسلين لمدة 5 سنوات تقريبا ووقعت وكانت بمسمار ومعدش فى اى امل فى الضرس دا ورحت عند دكاترة كتير فى المنصورة واسكندرية ومفيش امل غير الخلع والغرس

المهم
عاوز اعرف تقريبا السعر المعقول للغرس فى نفس المكان دا
وهل ازرع مباشرة بعد الخلع ولا انتظر
واية الزرعه المناسبه ( فى دكتور اكد لى الاسبانى مناسب) علشان السعر لأن الامريكى طبعا غالى جدا بالنسبة لى
هل للزرع مشاكل بعد كدا (سمعت ان ممكن يكون فى مشاكل فى الاماكن الباردة) ذى اللى مركب شريحة او مسمار فى اى منطقة اخرى فى الجسم خاصة وانى مقبل على هجرة لأمريكا بعد شهرين

وشكرا للأهتمام
افيدونا افادكم الله

المشاركة الأصلية كتبت بواسطة hoss_excel

سؤال للدكتور صاحب الموضوع
عندى ضرس قبل الاخير مباشرة من الداخل فوق شمال
الضرس اتكسر تماما وركبت عليه تركيبه نصف بورسلين لمدة 5 سنوات تقريبا ووقعت وكانت بمسمار ومعدش فى اى امل فى الضرس دا ورحت عند دكاترة كتير فى المنصورة واسكندرية ومفيش امل غير الخلع والغرس

المهم
عاوز اعرف تقريبا السعر المعقول للغرس فى نفس المكان دا
وهل ازرع مباشرة بعد الخلع ولا انتظر
واية الزرعه المناسبه ( فى دكتور اكد لى الاسبانى مناسب) علشان السعر لأن الامريكى طبعا غالى جدا بالنسبة لى
هل للزرع مشاكل بعد كدا (سمعت ان ممكن يكون فى مشاكل فى الاماكن الباردة) ذى اللى مركب شريحة او مسمار فى اى منطقة اخرى فى الجسم خاصة وانى مقبل على هجرة لأمريكا بعد شهرين

وشكرا للأهتمام
افيدونا افادكم الله

الغرس ملوش دعوة بالبرودة فمتقلقش والا مكانش اتعمل فى الدول الاوروبية او الامريكية
انا بالنسبة ليا مبفضلش الغرسة الاسبانية
انا افضل الامانية او الامريكية
عادة السعر بيتراوح ما بين 3000 ل 5000 للغرسة
بالنسبة للضرس اللى بتقول عليه مقدرش احدد حيتغرس فى نفس يوم الخلع ولا لأ
لأن دة بيترتب على كذا حاجة
بس تقريباىالدكتور اللى حيعملك مفروض انه يخلع عن طريق انه يفصل كل جذر لوحده الاول
و يخلع ببطء عشان يحافظ على العظم
و بعديها ينضف مكان الخلع كويس و يحط بديل عظمى داخل مكان الرخلع عشان يكون عظم فى الحتة دى
و بعدين يستنى على الاقل 6 شهور و بعد كدة يعمل الغرس

اخى العزيز
معلش هأتقل عليك بالاسئلة شوية
بالنسبة للغرسة الالمانية او الأمريكية فسعرهم كتير عليا فى الوقت الحالى خاصة انى مقدم على هجرة فى اخر شهر 5 ان شاء الله والحقيقة بعد مراجعتى لأتنين من اطباء الاسنان فى مدينتى المنصورة و احد اطباء الاسنان بالاسكندرية قال لى انه ممكن يعمل الغرس بعد الخلع مباشرة نظرا لضيق وقتى
بس الحقيقة انى متخوف فلم يسبق لى التعامل مع اى من الطبيبين الذى ذهبت اليهم و خاصة ان طبيب الاسنان الذى اتعامل معه من سنوات مشغول الان بتحضير رسالة الدكتوراة ولم استطع مقابلته

فهل تعرف طبيب يمكن ان اثق فيه واجرى الخلع والزرع عنده و يا ريت طبعا ما يكونش السعر مرتفع نظرا لظروفى المادية فى الفترة الحالية
شاكر تعاونكم

اخى العزيز
معلش هأتقل عليك بالاسئلة شوية
بالنسبة للغرسة الالمانية او الأمريكية فسعرهم كتير عليا فى الوقت الحالى خاصة انى مقدم على هجرة فى اخر شهر 5 ان شاء الله والحقيقة بعد مراجعتى لأتنين من اطباء الاسنان فى مدينتى المنصورة و احد اطباء الاسنان بالاسكندرية قال لى انه ممكن يعمل الغرس بعد الخلع مباشرة نظرا لضيق وقتى
بس الحقيقة انى متخوف فلم يسبق لى التعامل مع اى من الطبيبين الذى ذهبت اليهم و خاصة ان طبيب الاسنان الذى اتعامل معه من سنوات مشغول الان بتحضير رسالة الدكتوراة ولم استطع مقابلته

فهل تعرف طبيب يمكن ان اثق فيه واجرى الخلع والزرع عنده و يا ريت طبعا ما يكونش السعر مرتفع نظرا لظروفى المادية فى الفترة الحالية
شاكر تعاونكم