الموضوع: خلاص زهقت .... اريد حلا .!!

ازيكم يا شباب معلهش هطول عليكم بس ياريت الاقى مساعده لانى عملت كل الطرق الممكنه ....

انا عندى مشكله من اكتر من 3 شهور انا موصل خط 512 من تى اى داتا مع الراوتر بتاعهم الوايرلس 4 بورت والنت ليا لوحدى ومش موصل لاى حد تانى والسرعه عندى وحشه جدا جدا جدا وطبعا خدمة العملا عندهم الرد الموحد من اول مااشتركت (فيه مشكله ف السنترال وجارى اصلاحها )

(مش بحس انى عندى نت الا من الساعه 5 الفجر لغايه الساعه10 صباحا .. ف الفترة دى ممكن افتح فيديو على اعلى جوده واتفرج عليه مباشر من يوتيوب ..)

التحميل والتصفح من الساعه 11 الصبح لغايه 5 الفجر بطئئئ جدااا جداا وخصوصا فى فترة الليل ممكن التحميل يبقى على 5 و 7 كيلوبايت وطبعا الصفحات مابتفتحش؟؟!!!


الغريب ف الموضوع ان مثلا فى فترة العصر طبعا التصفح والداونلود بطئ كالعاده بس لما اعمل اكتر من داونلود مع بعض يعنى مثلا 4 داونلود من يوتيوب الاقى السرعه بقت عاليه والتصفح اتزبط شويه واول مايخلص 2 منهم يرجع النت بطئ جدا تانى ياترى ايه السبب و هل دا حاجه عندى ف الراوتر عاوزه تتزبط ؟؟!!!


دى اعدادات الراوتر
Max. Bandwidth Down/Up(kbps) 4960 / 896
Bandwidth Down/Up(kbps) 512 / 128
SNR Margin Down/Up(dB) 35.5 / 29.0
Attenuation Down/Up(dB) 39.5 / 21.5
Power Down/Up(dBm) 15.0 / 11.0
CRC Down/Up 0/ 1
FEC Down/Up 33/ 0
HEC Down/Up 0/ 0
System Up Time 115
DSL Up Time 109
PVC Select
PPP Up Time 106


منتظر ردودكم بفارغ الصبر

بيانات الرواتر ممتازه و لا يوجد افضل من ذالك

المشكله من الشركة التي قامت بحشر المشتركين معا كما اتوبيس النقل العام و الي يلحق كرسي الاول يقعد عليه

يعني الشركة المحترمه حملت السنترال بأضعاف طاقته و الدليل جودة الخدمة في الفتره التي ذكرتها .و علي فكره نفس الكلام عندي و انا تبع لينك يعني ازمه علي الكل

فعلا ع الكل من لينك

وانا نفس الكلام

امممم كده انا تقريبا وصلت .... يعنى مثلا زى ازمة الميا ايام زمان كان واحد يجيب موتور كبيير يقوم شافط كل الميا عن الناس ...

طب ايه الحل ماهو احنا مش ندفع 95 جنيه ف الفاضى يعنى وسرعتنا كانها دايل اب @!!!!

ايه الحل ؟

المشاركة الأصلية كتبت بواسطة monoxide

امممم كده انا تقريبا وصلت .... يعنى مثلا زى ازمة الميا ايام زمان كان واحد يجيب موتور كبيير يقوم شافط كل الميا عن الناس ...

طب ايه الحل ماهو احنا مش ندفع 95 جنيه ف الفاضى يعنى وسرعتنا كانها دايل اب @!!!!

ايه الحل ؟

حل بسيط و قف الخط لمدة شهر علي الاقل و اشتغل بفلاشة نت ب 20 جنيه في الشهر

بصراحه انا خبرتى ف الفلاشات دى قليله اوى كل اللى اعرفه انها ب 100 جنيه ف الشهر وبتدى 2 جيجا تحميل ودا مايكفيش احتياجاتى من تصفح وداونلود

ايه بقى اللى ب 20 جنيه دى ؟

ما هو حضرتك خلال الشهر ده هتشترك في باقة ال20 جنيه تبع اتصالات و دي بتديك 110 ميجا فقط شهريا طبعا و السرعة هتنزل ل64 ك يعني دايل اب بالظبط.

وهي تكفي للتصفح فقط و بالكاد

و مش مهم الدونلوود الشهر ده . المهم نحاول نخنق الشركات دي بتقليل ارباحهم.

او تشترك تبع فلاشة فودافون ب 12.5 جنيه لانهم عاملين تخفيض هذه الايام علي ما اعتقد

و تمن اي فلاشة نت منهم 100 جنيه طبعا

طيب فيه حاجه يااستاذ حسام عاوز اعرفها

لما بخلصو ال 110 ميجا خلاص مش هيبقى فيه نت عندى يعنى هيقطع النت ؟ ولا النت هيبقى موجود بس على سرعه 64ك ؟؟ ولو هيفضل موجود وعلى سرعه 64ك طاب ماانا اجيب الفلاشه واخلص ال110ميجا واقعد اتصفح بعدها عادى ومش مشكله النت بطى شويه بس يعتبر ببلاش ؟

المشاركة الأصلية كتبت بواسطة monoxide

طيب فيه حاجه يااستاذ حسام عاوز اعرفها

لما بخلصو ال 110 ميجا خلاص مش هيبقى فيه نت عندى يعنى هيقطع النت ؟ ولا النت هيبقى موجود بس على سرعه 64ك ؟؟ ولو هيفضل موجود وعلى سرعه 64ك طاب ماانا اجيب الفلاشه واخلص ال110ميجا واقعد اتصفح بعدها عادى ومش مشكله النت بطى شويه بس يعتبر ببلاش ؟

بالظبط هذا ما سوف يحدث تماما.بعد انتهاء ال110 ميجا النت لا يتوقف و السرعه هتفضل بقية ال 30 يوم شغاله علي 64 ك و تتصفح براحتك

و انصحك بشراء فلاشة فودافون عن تجربه

المشاركة الأصلية كتبت بواسطة monoxide

ازيكم يا شباب معلهش هطول عليكم بس ياريت الاقى مساعده لانى عملت كل الطرق الممكنه ....

انا عندى مشكله من اكتر من 3 شهور انا موصل خط 512 من تى اى داتا مع الراوتر بتاعهم الوايرلس 4 بورت والنت ليا لوحدى ومش موصل لاى حد تانى والسرعه عندى وحشه جدا جدا جدا وطبعا خدمة العملا عندهم الرد الموحد من اول مااشتركت (فيه مشكله ف السنترال وجارى اصلاحها )

(مش بحس انى عندى نت الا من الساعه 5 الفجر لغايه الساعه10 صباحا .. ف الفترة دى ممكن افتح فيديو على اعلى جوده واتفرج عليه مباشر من يوتيوب ..)

التحميل والتصفح من الساعه 11 الصبح لغايه 5 الفجر بطئئئ جدااا جداا وخصوصا فى فترة الليل ممكن التحميل يبقى على 5 و 7 كيلوبايت وطبعا الصفحات مابتفتحش؟؟!!!


الغريب ف الموضوع ان مثلا فى فترة العصر طبعا التصفح والداونلود بطئ كالعاده بس لما اعمل اكتر من داونلود مع بعض يعنى مثلا 4 داونلود من يوتيوب الاقى السرعه بقت عاليه والتصفح اتزبط شويه واول مايخلص 2 منهم يرجع النت بطئ جدا تانى ياترى ايه السبب و هل دا حاجه عندى ف الراوتر عاوزه تتزبط ؟؟!!!


دى اعدادات الراوتر
max. Bandwidth down/up(kbps) 4960 / 896
bandwidth down/up(kbps) 512 / 128
snr margin down/up(db) 35.5 / 29.0
attenuation down/up(db) 39.5 / 21.5
power down/up(dbm) 15.0 / 11.0
crc down/up 0/ 1
fec down/up 33/ 0
hec down/up 0/ 0
system up time 115
dsl up time 109
pvc select
ppp up time 106


منتظر ردودكم بفارغ الصبر

انا نفس مشكلتك بالظبط بس انا جبت اخرى منهم خالص لان السرعة اللى عندى دى حرام ادفع فيها حتى 10 جنيه والله.
دلوفت انا عاوز افصل من تى داتا خالص واخد من شركة تانى زى فودافون او اتصالات بس سمعت انهم ممكن يعاكسونى فى موضوع الكنسلة وهيطلعوا عينى لحد ما اخدها منهم والخط يتكنسل فلو حد يعرف الموضوع ده اعمله اذاى بسرعة ومن غير مشاكل برضه يقولى على الحل لانه ما يعتبرش نت

بالمناسبة يا جماعه انا شغال فى تى اى داتا فى الدعم الفنى .. وبس عندى فى البيت نت من فودافون وانا كان ممكن اجيب من تى اى داتا وكنت هعرف اظبط نفسى كويس اوى فى السرعه والثمن ارخص كتير بالنسبة ليا وكنت هاظبط الخط بتاعى لو فى اى مشكله بس اللى عايز اقوله ان فودافون احسن مليون مره من عندنا حتى اهم حاجه هى خدمه عملاء فودافون عندنا قواعد لينا فى الدعم الفنى اننا نمشى مع العميل خطوات معينة ولو انا عملت غير كده بيتخصم ليا مرتب وكلام كتير اوى وتلاقى كتير من العملاء بيتصلوا بيتشموا فينا وفى الدعم الفنى بس والله مش بأيدى انى مش احللهم المشكله لانى لو عارف المشكله فين وعايز اقول للعميل مش هعرف ممكن توصل انى اترفد من الشغل .. بالنسبة ليا انا عايز اساعد فا لو اى حد عنده خط فيه مشكله يدينى الرقم فى رساله على الخاص ويقولى مشكلته ايه وان شاء الله ارد عليه واحاول احل ليه المشكله وانا بصراحه شايف ان لو كل عميل عمل كنسل للخدمه شهر وقضى نفسه بفلاشه الشهر دا لحد ما يطلع رقم الكنسليشن . ويروح فودافون هيكون احسن ليه ..شكرا واسف على الاطاله

هو انت متاكد انك شغال في تي داتا

المشاركة الأصلية كتبت بواسطة ahmed322

بالمناسبة يا جماعه انا شغال فى تى اى داتا فى الدعم الفنى .. وبس عندى فى البيت نت من فودافون وانا كان ممكن اجيب من تى اى داتا وكنت هعرف اظبط نفسى كويس اوى فى السرعه والثمن ارخص كتير بالنسبة ليا وكنت هاظبط الخط بتاعى لو فى اى مشكله بس اللى عايز اقوله ان فودافون احسن مليون مره من عندنا حتى اهم حاجه هى خدمه عملاء فودافون عندنا قواعد لينا فى الدعم الفنى اننا نمشى مع العميل خطوات معينة ولو انا عملت غير كده بيتخصم ليا مرتب وكلام كتير اوى وتلاقى كتير من العملاء بيتصلوا بيتشموا فينا وفى الدعم الفنى بس والله مش بأيدى انى مش احللهم المشكله لانى لو عارف المشكله فين وعايز اقول للعميل مش هعرف ممكن توصل انى اترفد من الشغل .. بالنسبة ليا انا عايز اساعد فا لو اى حد عنده خط فيه مشكله يدينى الرقم فى رساله على الخاص ويقولى مشكلته ايه وان شاء الله ارد عليه واحاول احل ليه المشكله وانا بصراحه شايف ان لو كل عميل عمل كنسل للخدمه شهر وقضى نفسه بفلاشه الشهر دا لحد ما يطلع رقم الكنسليشن . ويروح فودافون هيكون احسن ليه ..شكرا واسف على الاطاله

كويس اوى...الشركة بترفد موظفيها لو حاولوا يعملوا الصح...هى دى تى اى داتا....بس أنا عايز أعرف منك....انا اتصالات واحد ميجا و باحمل على 129 ... و واحد ميجا على تى اى داتا باحمل ب 117....هل ده فقد فعلا ....ولا مقصودة من الشركة

لا يا هندسة فقط ايه بس المادة لا تفني ولا تستحدث من العدم ههههه
ده نظام وسخ من الشركة
انا نفس نظام الاخ السرعة زفت عنددي في معظم الوقت 10 8
بس اخرها 200 من موقع مباشر ومش بيجيب 200 اصلا

المشاركة الأصلية كتبت بواسطة greatpwoer

هو انت متاكد انك شغال في تي داتا

ا
اكيد طبعا متأكد انى شغال فى تى اى داتا