الموضوع: عايز اعرف الفرق بين الجيرمان شيفرد والبلاك جاك الالماني

ياريت ياجماعة حد يقوللي اية الفرق بين الجيرمان شيفرد والبلاك جاك الالماني ومين الافضل
وياريت تقولولي اية رايكم في الكلب دة ولو عايز اشتري واحد زية يكون بكام

وشكراااااا




صورة الكب في هذا الرابط
http://www.kiplyn.co.uk/uploads/imag...___dogimg1.jpg

اخى العزيز مفيش فرق ده كلب بى هوهو وده كلب بى هوهو ههههههههههههههههههههه

اخى العزيز لو عايز تشترى اشترى الجيرمن شيفرد او الجيرمن البلجيكى هم احسن انواع تتقنعى من طبعته لين خفيف ذكى رائع عمره ما يغدر ومن التقليبات فى احسن من اللى فى الصوره عندك وهو بيبدأ من 500 فيما فوق
وده بيكون سعر الجروا وحسب تقليباته واحسن عمر تبدأ بيه يكون شهرين ونصف والله الموفق

طبعا كالعاده
ألف شكر يا باشا

مفيش اى فرق بينهم ودى حاجه عايزه توضيح البلاك جاك هو اسم لون من ألوان الجرمن شيبرد وهو بيمثل اللون البيج فى الرجلين و الاسود على الضهر
زى برضه كلب الرويال بلاك هو جرمن سيبرد بس الاسم ده بيدل على لونه و هو بيمثل اللون الاسود فى الجرمن

المشاركة الأصلية كتبت بواسطة MODY22RAUL

ياريت ياجماعة حد يقوللي اية الفرق بين الجيرمان شيفرد والبلاك جاك الالماني ومين الافضل
وياريت تقولولي اية رايكم في الكلب دة ولو عايز اشتري واحد زية يكون بكام

وشكراااااا




صورة الكب في هذا الرابط
http://www.kiplyn.co.uk/uploads/imag...___dogimg1.jpg

بص ياباشا الجيرمن شيبرد ده نوع كبير من الكلاب وفيه تحتيه اكتر من فصيلة ومنهم البلاك جاك او البلاك جاكيت واتسمى كده لان شكل الكلب بيكون كانو لابس جاكت اسود يعني بتلاقي ضهور اسود ما عدا رجليه اللي ورا كاملة
وفيه برضو البلاك كوت واتسمى لان الكلب كانو لابس كووت(بالطو) اسود وبيكون الكلب كلو اسود ما عدا رجلو من تحت (شرابات) بتكون بني
وفيه برضو الرويال بلاك وده بيكون كلو اسود
وفيه فصايل كتير اوي من الجيرمن شيبرد

اما بالنسبة للكلب اللي حضرتك حاتط صورتو فده تقليبو عالي جدا واللي موجود زيو في مصر سعرو بيكون غالي لو كبير وممكن يوصل ل 15000 بس لو جرو ممكن تجيبو ب 5000
وطبعا في اسعار اقل من كده بكتير بس زي ما حضرتك شايف ده كلب داخل مسابقة يعني اكيد مش اي كلام

المشاركة الأصلية كتبت بواسطة xXx.cars.xXx

اخى العزيز مفيش فرق ده كلب بى هوهو وده كلب بى هوهو ههههههههههههههههههههه

هو فعلا مفيش فرق بس مش عشانده بيهوهو وده بيهوهو
على كده بقى نربي البلدي واهو برضو البلدي يتاكل

المشاركة الأصلية كتبت بواسطة devel

اخى العزيز لو عايز تشترى اشترى الجيرمن شيفرد او الجيرمن البلجيكى هم احسن انواع تتقنعى من طبعته لين خفيف ذكى رائع عمره ما يغدر ومن التقليبات فى احسن من اللى فى الصوره عندك وهو بيبدأ من 500 فيما فوق
وده بيكون سعر الجروا وحسب تقليباته واحسن عمر تبدأ بيه يكون شهرين ونصف والله الموفق

لو تسمحلي ياباشا بس عندي كام تعليق على كلامك
اولا مفيش حاجة اسمها الجيرمن البلجيكي !! اصلها ما تجييش اصلا
فيه حاجة اسمها الراعي الالماني والراعي البلجيكي German shepherd or Belgian sheepdog

اما عن التقليبات فطبعا فيه احسن من اللي في الصورة بس اللي في الصورة عالي جدا جدا ومش بالسهل تلاقي زيو في مصر وطبعا سعرو مش 500 زي ما بتقول ده سعرو مش اقل من 15000 اما اللي بيبدأ من 500 ده بيكون متهجن علبلدي او تقليب وحش

بصراحة كل دى مبالغة ومبالغة كبيرة كمان انا بشوف فى المحلات الكلاب وبتبقى جامدة ونضيفة ولا بتوصل لاسعار دى خالص خالص

المشاركة الأصلية كتبت بواسطة basketballboy

بصراحة كل دى مبالغة ومبالغة كبيرة كمان انا بشوف فى المحلات الكلاب وبتبقى جامدة ونضيفة ولا بتوصل لاسعار دى خالص خالص

ياباشا واللهى ما مبالغة ولا حاجة
انت المفروض ان انت بتفهم في الكلاب تقدر تقارن الكلب ده باي كلب من كلاب المحلات
عايز اقولك حاجة معظم محلات الكلاب دول نصابين وبيكون الكلب ما يساويش نص التمن اللي هو طالبو وصدقني
وان شاء الله بكرة هجيبلك صور كام كلب هنا في مصر وبيتحط فيهم اسعار خياليه واصحابهم مش بيوافقو
واقل مثل لو بتقرا الوسيط كان فيه قص دنواة جاي من بره ومطلوب فيهم 60000 جنيه صاحب الكلبين دول اعرفو كويس وقدامي جالو اسعار اعلى من كده وما وافقش

مع احترامي الشديد للعضو كوبرا لانو فعلن قال حاجة كنت عايز اقولها ان مينفعش نقول جيرمن بلجيكي اصلن جيرمن يعني الماني ومع احترامي ليه برضه انا عندي كلب اسمه كعبور عنده دلوقتي 3 سنين والجدع اللي يطلع فيه غلطة اديهوله وهو ماشي ببلاش بس علي فكرة الكلب ده روعة انا ساكن في ارض اللواء اللي يسمع عن كعبور اكيد عارفني في شارع توكيل المرسيدس وجايبه ب 70 جنيه ... يا بلاش كان عنده 5 ايام بس انا مش مهتم بيه خالص دلوقتي فا خس وتعب مني الايام ده انما انشاء الله هيستعيد مجده وشكرا ليكم

المشاركة الأصلية كتبت بواسطة remonxxx

مع احترامي الشديد للعضو كوبرا لانو فعلن قال حاجة كنت عايز اقولها ان مينفعش نقول جيرمن بلجيكي اصلن جيرمن يعني الماني ومع احترامي ليه برضه انا عندي كلب اسمه كعبور عنده دلوقتي 3 سنين والجدع اللي يطلع فيه غلطة اديهوله وهو ماشي ببلاش بس علي فكرة الكلب ده روعة انا ساكن في ارض اللواء اللي يسمع عن كعبور اكيد عارفني في شارع توكيل المرسيدس وجايبه ب 70 جنيه ... يا بلاش كان عنده 5 ايام بس انا مش مهتم بيه خالص دلوقتي فا خس وتعب مني الايام ده انما انشاء الله هيستعيد مجده وشكرا ليكم

شكرا ليك ياباشا
بس بالنسة لكلبك اللي يطلع فيه غلطة في التقليب ولا في التربية؟؟!!
حط صورتو الاول وبعدين نحكم

انا معايا كلبة نتاية بلاك جاك المانى للبيع بسعر خيالى تقليب عالى
ب 500جنية التليفون 25763183 العمر 10 شهور متستغربوش السعر دة انا بجد مش لاقى مكان ليها فى المنزل وهى ليها عدة مميزات منها . الشراسة العالية و مطعمة و بشهادة ميلدها و رخصتها.

الاتنين واحد والبلاك جاك دا لون زي البلاك كوت والسوليد.......................

المشاركة الأصلية كتبت بواسطة thecobra

لو تسمحلي ياباشا بس عندي كام تعليق على كلامك
اولا مفيش حاجة اسمها الجيرمن البلجيكي !! اصلها ما تجييش اصلا
فيه حاجة اسمها الراعي الالماني والراعي البلجيكي german shepherd or belgian sheepdog

اما عن التقليبات فطبعا فيه احسن من اللي في الصورة بس اللي في الصورة عالي جدا جدا ومش بالسهل تلاقي زيو في مصر وطبعا سعرو مش 500 زي ما بتقول ده سعرو مش اقل من 15000 اما اللي بيبدأ من 500 ده بيكون متهجن علبلدي او تقليب وحش

+1111111111111