الموضوع: ايه افضل طريقة لتقسيم الهارد ديسك الجديد

السلام عليكم
انا اشتريت هارد 320 شهر 3 اللى فات وقسمته بالبرنامج الرسمى بتاع ويسترن ديجيتال واسمه data lifeguard tools وكتير من الناس متعرفش البرنامج دة . دة برنامج بيتنسخ على سى دى او فلوبى وبتشتغل عليه من الدوس وهو برنامج سهل جدا ودى كانت اول مرة اقسم فى حياتى
والبرنامج نزلته من الموقع الرسمى بتاع ويسترن http://support.wdc.com/product/download.asp?level1=6&lang=en
دلوقت انا اشتريت هارد اكبر وعايز اقسمه بنفس الطريقة فدخلت على الموقع دة تانى ولكن للاسف البرنامج اصبح مش موجود
كنت عايز حد يقولى ويسترن شالت البرنامج ليه(اكيد لانها شايفة ان فى طريقة افضل) وايه الطريقة البديلة اللى موجودة على الموقع دلوقتى بتاع ويسترن اللى اقدر اقسم بيها وانا مطمئن
انا عارف ان فى مليون طريقة للتقسيم بس انا عايز اعرف ويسترن قايلة نقسم الهارد ازاى؟؟

هناك اكثر من طريقة لتقسيم الهارد ومن خلال الويندوز نفسه .
اولا : اذا كان الهارد سينزل عليه سيستم ويندوز فيمكن التقسيم اثناء تنزيل الويندوز اثناء عمليه اختيار البارتيشن .
ثانيا : اذا كان الهارد Slave يعمل مع هارد آخر عليه ويندوز يمكن من خلال

Right Click on My Computer >> Manage >> Disk Management

وهناك طرق اخرى اذا لم تنفعك الطرق السابقة .

انا عايز اعرف شركة ويسترن بتفضل انهى طريقة من بين الطرق دى لانها اكيد هتكون احسن طريقة

يا باشا تقسيم الهارد ليه طرق كتير
و مفيش حاجة منهم احسن من التانية
لان في الاخر الهارد كده كده هيتقسم
لكن الفرق بس ان في طرق سهلة و اخري صعبة
لكن ف النهاية النتيجة واحد
و انا شايف ان الطريقة اللي كتبهالك الاستاذ احمد
هي احسن طريقة
لانها سهلة جدا و مش محتاجة برامج
بتعملها من الوندوز علي طول

نفسى حد يفهم قصدى

ويسترن ديجيتال تفضل انك تستمر في استخدام منتجاتها اخي العزيز
بغض لانظر عن طريقة التقسيم
سؤالك يشبه بسؤال اخر
ايه الاسرع في عمله الكوبي
استخدام الماوس ونضغط copy ثم paste
او
نضغط بالكيبورد ctrl +C ثم ctrl+v

تفتكر انهي طريقه تبقي اسرع؟

اي طريقه تقسيم كويسه
في حاجه اسمها التقسيم ميبقاش تقيل في استخدامات الهارد
ودي راجعه للمساحات اللي انته بتخصصها لكل برتيشن ولو اني اظن انها مش بتفرق قوي

المشاركة الأصلية كتبت بواسطة nodydody

نفسى حد يفهم قصدى

السلام عليكم

انا قريت مرة على احد المواقع كان فيه واحد كاتب انى شركة ويسترن ديجيتال بتنصح او بتفضل تقسيم الهارد بطريقة الويندوز العادية

دة الموقع الرسمى بتاع الشركة
www.westerndigital.com
والهارد الجديد نوعه WD3200AAJS
انا كان عندى هارد قبل دة بس للاسف اتحرق ومش عايز اغلط نفس الغلطة تانى
يا ريت حد يقولنا ازاى ويسترن عايزانا نقسم الهارد وهو لسة جديد وياريت يكون بالدليل من الموقع الرسمى

يا زعيم الموضوع مش محتاج الجدال ده كله

و الهارد اتحرق مش عشان التقسيم

لان دى مستحيل تكون سبب فكده

ممكن العيب فى الباور سبلاى هو اللى روقلك الهارد

فممكن تتاكد منه قبل اى شىء

لكن طريقه التقسيم واحده

و هقولك على حاجه

تفتكر ليه مايكروسوفت عملت طريقه للتقسيم من جوه يعنى

افترا منها مثلاً ؟؟؟

الطريقه المثلى هى من التقسيم جوه من الويندوز

و كله زى بعضه

و مش محتاجه دليل

ياريت متعقدهاش على نفسك لان فيه مليون حاجه اهم من كده تستاهل التعقيد

قسمه من الويندوز على بركه الله

و ياريت تقولنا سبب احتراق الهارد الاول

--------------------------------------------------------------------

تعليمات عامه لصيانه الهارد بشكل عام :

1- لو كنت بتقفل جهازك بأنك تشد الفيشه مره واحده فده اكبر غلط

2- لو فصلت كابل الباور او كابل الساتا و الهارد شغال فمتستناش انه

يشتغل معاك تانى . ولو اشتغل فده عشان فلوسك حلال و ربنا بيحبك

3- تجنب انك تطلع هاردك بره لان اللى بياخده بيفترى عليه و عن تجربه

4- زى ما قولت لحضرتك . الباور ممكن يكون السبب لانه لو مش مظبوط

ممكن يحرقلك الجهاااز بحاله و الشاشه كمان لو الباور بتاعها من الباور سبلاى

5- متفرمتش الهارد كتير و متنزلش ويندوز فى فتره لا تقل عن شهر و نص

من تنزيل النسخه الاولى " اللا فى حاله الضروره زى فايروس او مشكله كبيره "

6- ابعد اى مغناطيسات او اى ميكروفونات او سماعات عن الهارد

لان المجال المغناطيسى كافى يضيع البيانات اللى على الهارد

7- حاول تنزل برنامج يقيسلك درجه حراره الهارد من وقت للتانى زى برنامج

everset

8- يفضل انك متقسمش الهارد على اكتر من 4 بارتشنات او 6 لو الهارد كبير جدا

لكن اربعه او خمسه هم الافضل و 4 الامثل

---------------------------------------------------------------------

بص ياباشا زى ماقالولك قسم من على الويندوز
ولو عايز تقسم ببرنامج data lifeguard tools استخدم اسطوانة الهيرنز هى فيها الرنامج ده عشان باين عليك خايف تقسم الهارد من غيره