الموضوع: فرقة موسيقى الافراح ترحب بكم ..Band Baaja baraat

اهلا رواد المناقشه ..
بقالي كتير جدا بكتب في الموضوع ده ..
وحاسه انه مش راضي يطلع مختلف زي فيلم النهارده ..

خلونا نجرب

باند باجا برات ..
الترجمه الحرفيه هي فرقه موسيقى للافراح ..و هنعرف ليه الاسم اللي كان متعارف عليه قبل ما الفيلم ينزل من انوشكا شارما شخصيا على تويتر شادي مبارك او زواج مبارك ...

باند باجا بارات زي ماقلنا هي فرق الموسيقيه في الاعراس حاجه كده شبه فرقة حسب الله عندنا
مع البدايه تعرف انه فيلم مش تقليدي الشباب و الحيويه في الجامعه لبسهم عادي و شكلهم عادي كانك مشيت في شارع في مصر طلاب الجامعه ماشين يعاكسو بنت ..او بنت رايحه الجامعه بمنتهى النشاط
شباب بشكلهم العادي و ملابسهم البسيطه العمليه

البدايه مع القصه

بيتو شارما شاب في الجامعه مستواه مش عالي شاب من الاقاليم في سكن الجامعه بالرغم من كده بيعرف يتصرف و يطلع القرش منين ليه حيل و اسلوب ذكي و شعنون كده يفكرك باي حد من زمايلك في الجامعه او المدرسه ..في المقابل البنت العمليه الجد شروتي ككر بنت جميله و ذكيه مركزه و عارفه هي عايزه مرتبه حياتها في خطه عمل واضحه تخلص كليتها و تبتدي شغلها الخاص و بعدها بخمس سنين تتجوز ..خطه ما تخرش الميه مش كده

اتقابلو الاتنين او اتصدمو بعض بقى في فرح شروتي كانت بتنظمه مع احد الخالات عشان تاخد في تنظيم الافراح ..و بيتو راح الفرح ده لان صاحبه بيصور الفرح فيديو و عشان ياكل في البوفيه برياني اكيد ..و تحصل مشاداه خفيفه بينهم تنتهي انه يصالحها و يكتسف انها مش من النوع اللي ينفع معاه دي جد قوي و مش هاتنفع معاه فيقرور انهم يبقو اصحاب حتى في لقطه بيقول عليها دي مس بنت عاديه ده بس من بره ده راجل متنكر !
و تتطور القصه كالعاده و الاصدقاء يقررو انهم يشتغلو في الحاجه اللي مش هتتاثر باي ظروف اقتصاديه انهم ينظمو الافراح ..و يفتحو شركتهم المشتركه"زواج مبارك" و بتتطور الاحداث في باند باجا برات بين الصديقين لحد مش عايزاه احرقها لكم بس هتعجبكم كل لحظه في الفيلم و مش هتملو منه ابدا

الشخصيات

رانفير سينغ في دور بيتو شارما مع اولى محاولاته ماكانش معروف قبل الفيلم ده لا في اعلانات و لا مسلسلات ..في اولى افلامه بعد ما ابهر المنتج اديتيا شوبرا في انه ياخد الدور من اول كاست ..و الشخصيه اللي ادادها رانفير شخصيه بيتو اداها بتلقائيه شديده و بتمكن ..بدون انه يتأثر باي حد جو جديد و اسلوب منعش في الافلام ..بالرغم انه مش وسيم كفايه بس حركاته و خفة دمه حاجه بتفكرني بشارخ خان في اوائل ايامه ..مع الاختلاف شويه لانه رانفير مختلف شويه في طريقته

انوشكا شارما في دور شروتي ككر و اعاده اكتشاف لانوشكا الممثله بعد بادماش كمباني في دور رائع و تمثيل تلقائي جدا كانها مختلفه عن انوشكا اللي شفناها في رب ني بنا دي جودي و بادماش كمباني الشخصيه الجد اللي بتتريق على هيافة البنات و دلعهم المصطنع ..و ما بتعرفش تعمل حتى شاي كويس ..عمليه بجد! و انكسارها و طريقتها لما تحاول تتغلب على ضعفها بجد روعه ..هما الشخصيات الاساسيه الباقي مجرد كماليات للقصه ..

ماحشيتش بثانيه ملل و انا بتفرج على الفيلم ده برغم من توقعي انه حتى انام و اشوف بقيته بعدين لان شفته في يوم عادي بس لقيت نفسي مشدوده لاخر ديقيقه
مستمتعه جدا بالكميا الرهيبه و المنعشه بين الاتنين دول رانفير و انوشكا ..

الملابس و المكياج




مجموعه العمل كلها جديده في اول اخراج للمخرج الرائع مانيش شارما ..

تكمله لسلسله الانتعاش فمصمم الملابس واحده جديده ايضا .. و هي ناهريكا خان ابداع بجد من احلى الحاجات في الفيلم ده ..
شكلهم رانفير و انوشكا و الملابس العاديه بتاعة الشباب ..
خاصة انوشكا ..
لابسه لبس من اي بنت لو هتشوفها في الشرع لابساه ..بنطلون جينز و بلوز و حاجه فلات و انجاز شخصيه عمليه و طبيعيه و وتناسق الوان جميل حتى في لبس الفرح و الساري البنجابي اللي هي لابساه جميل جدا
كمان المكياج الطبيعي الخفيف ..تناسق رائع في شخصيه انوشكا او شروتي بقى ..ده يمكن اللي خلى الناس اكتر حاجه تتعاطف معاها و تحبها ..

كمان رانفير ..


يعني شاب على قد حاله هما الاتنين ملابسهم الصراحه تدل على الطبقه الوسط اللي مليانه في الهند دلوقتي ..طبقة المتعلمين متوسطي الدخل ..و ان كان لرانفيير من القريه وكده بس شاب كان في الجامعه لازال شكله ما ينانش صغير قوي ..
شكله هندي 100% طريقة لبسه و حتى لما يتانق تحس انه الاناقه بتاعته تدي على قروي شويه جاكت قطيفه و قميص اخضر ..لعبكه مقصوده منها شبابي و منها ذوق غريب و سائد ..طبعا الشعر و المكياج مش محتاجين نتكلم عليهم قوي مع رانفير ..بس نقدر نقول قصه شعر و طريقه لبس موفقه جدا معاه

الناس المساعدين لهم الطباخ السيخي و بتاع الورد المسلم ..ولبسهم التقليدي الجميل ..روعه . كمان الاب و الام و ابو رانفير كمان ..ده يا خدنا لنقط تانيه ..



التصوير و الاضاءه




من اجمل و احلى مميزات الفيلم ده الالوان و التصوير ..تمتع عينيك بصوره و لا احلى في الملابس و الكادرات طبعا بوليوود مشهور عنها الالوان الجميله ..بس في الفيلم ده هتحس كانك عايز تقوم ترقص معاهم في الصوره و نقلات الكاميرا في الافراح ..
كمان طريقه توزيع الكادرات في الكاميرا مره سريعه وسط المعازيم و بعدين بطيئه و سط الابطال روعه بالرغم انك في قاعة بسيطه في فرح في الشارع ؟ !


و من البساطه للفخامه و الابداع في الانوار و الزينه زي مثلا قاعة الافراح الباذخه دي مثلا





او لحفله راقصه فيها راقصين محترفين على مسرح كبير بالمظهر المبهر ده





الموسيقى

توليفه النجاح في الافلام الهندي هي الموسيقى المميزه و لما تكون القصه حلوه و التمثيل جميل نقفل المجموعه المتميزه دي باغاني و موسيقى رائعه اكيد مع مؤلفين موسيقى اعيد اكتشافه في الفيلم ده بروح جديده كليا سليم سليمان الفيلم اغانيه كلها حلوه جدا ...و متاكده انها هتعجب كل الاذواق و رجعت ارقام المبيعات العاليه لموسيقى الافلام لياش راج للانتاج بعد اخر البوم موسيقي لفيلم رب ني بنا دي جودي و من كلمات اميتاب اهارتشايارات

اول اغنيه و اشهرها على الاطلاق اينفي اينفي ...




اشهر اغاني الفيلم و اخدت كذا جايزه الموسيقى جديده جدا و الكلمات نفسها شقيه و مرحه تحس انه الاغنيه دخلت دماغك و مش عايزه تخرج و عايز تقول.. تتو اينفي اينفي لوت جايا .. سريعه و على رتم بنجابي خالص مخلوط برتم روك شويه مع الجيتار الالكتروني مناسب جدا انها تكون اغنيه في فرح عشان الناس ترقص عليها انا متـاكده انه في ناس كتيره شافت الفيلم بعد ما سمعت الاغنيه دي ..



باري برسي ..




اغنيه فرح بنجابي اصيل لذيذه لانوشكا في اول الفيلم برضه ايقاعها راقص جدا لدرجه انك اكيد هتز راسك و انت بتسمعها على الكلمات الحلوه اغنيه افراح خالصه العريس و ام العريس و خاله العريس و ام العروسه ..اغنيه سريعه و خفيفه مع كلمات لذيذه جدا باصوات هاردشيب كور و لاب جانجوه و سليم ميرشنت ..


تركيبي



..تركبين في بدايه الفيلم مع التتر الاول عن افكار الشباب و كل واحد في حياته عامل ازاي رنفير و انوشكا ..بين الشوارع ماقدرش اقول الريتم هنا هندي ..هي اقرب لاغنيه روك هادي .. بس لازال فيها لمحات هنديه كمان الصور اللي بتشوفها حارات ناس ماشيه في الشارع ..بس الاغنيه ظريفه تتسمع ..يمكن لو شوفتها في الفيلم مش هتاخد بالك قوي ..انه في كميه الالات دي في الخلفيه الموسيقي بيانو و جيتار و تتريات و الات نحاسيه و اوكورديون ..كل ده في مقدمه !


ميترا و ادها عشق




ادها عشق ..الحب و حاله الحب اللي شريا جوسال و صوتها الناعم بتصوره في الاغنيه و اغنيه جميله بس و ايقاعات هادئه ...و حلوه جدا على اداء انوشكا الحالم ازاي من بنت عمليه كده لواحد بتحب و بتحلم في عز النهار ..

ميترا اغنيه الفراق بصوت اميتاب برشيارات و سليم ميرشنت ..صوت جميل و موسيقى مش هاديه قوي .بس نقدر نقول المود الحزين اللي مش حزين يقطع القلب كالمعتاد في الافلام وو ده حلاوتها ..و موسيقى غربيه جدا كانها اغنيه روك او كانتري عاطفيه ..


اخر اغنيه دم دم ..ماست هيه!



لازم شويه ابهار ما ينفعش كل حاجه بسيطه كده ..و انا كان المقصود بها انه لو حفله عملها شاروخ خان هتطلع كده معقول ؟ يمكن هما عملوها حلو قوي ..هتشوفوها في الفيلم ..الاغنيه ازاي ايقاع صوفي و اتشقلبت الشقلبه دي و هي فعلا مسليه و مميزه جدا بموسيقتها و ايقاعتها و كلماتها بصوت بني ديال و هيماني كابور كأنك فجأه خرجت من الفيلم




و بكده يكون انتهى اخير تقريري عن فيلم رائع و احلى مافيه توليفه التجديد اللي فيه
من قصه و مخرج و طاقم عمل و ممثلين ..

و الاحلى دايما البدايات الجديده ..
تحياتي

تقرير هاااايل جداااا يا هبه يشجع اى حد انه يشوف الفيلم .. تحياتى ليكى ع المجهود الكبير اللى اتعمل فى التقرير ده

وان شاء الله ليا عوده بعد المشاهده :)

مثبت 13 يوم

شغل عالى اوى يهبه وانا بعشق انوشكا الصراحه

تقرير جميل يا هبة اكثر اكثر من رائع وفعلا انت كفيتي ووفيتي عن الفيلم
فيلم شبابي ومختلف ايوا انا بقول مختلف لاني حسيت بالاختلاف من ناحية
اداء انوشكا الرائع والكيميا الحلوة مع الصاعد رانفير سينغ
هذه هي شركة ياش راج الى عودتنا على افلام رائعة ولا تخلو من هنديتها
وهذا الفيلم من اول اغنية تركيبي الى اكيد انا استمتعت بها كثير لحد اخر
مشهد محسيتش بملل لانه كله على بعضه شكل مزيج رائع احداث ممتعة
لفيلم رومانسي ومبني بفكرة جديدة الا وهي احلام وخطط الشباب وازاي
ممكن ينجحوا بمشروع ما ويحققوا النجاح..... (لكن ماذا عن الحب والمشاعر العاطفية)
هو دا الى وصلته الجميلة انوشكا شارما من خلال ادائها القوي والرائع في الفيلم
وهي اثبتت انها ممثلة من العيار التقيل يا هبة...لا انسى المشهد عندما تنظر
الى نفسها بالمراية وتتكلم وتعيط وتنزل دمعتها ... حاجة جميلة جداا
فيلم رومانسي ...كله احساس ولا يخلو من المتعة والموسيقى الجميلة

الف شكر يا هبة على تقريرك الرائع واتمنى من الجميع مشاهدة الفيلم

فعلا يا هبة تقريرك اكثر من رااائع
و كمان الفيلم اكثر من راائع
فزي ما انتي قلتي محسناش بلحظة ملل في الفيلم
انوشكا ادائها جمييييييل و و هية زي العسل في الفيلم
رانفير رغم انه اول افلامه الا انه اتقنه و محستش خالص انه اول مرة يمثل
و كمان اغاني الفيلم جميلة جدااا و خصوصا زي ما انتي قلتي برضه الاغنية الاخيرة في الفيلم
اللي قدموها على اساس انها بدل شاروخان فعلا جميييييييييلة جدا و مبهرة
و فعلا الكيميا بينهم جميلة جداااااااااا و في انتظار فيلمهم القادم اللي اعلن عنه مخرج الفيلم و اللي بدأوا في تصويره فعلا

فعلا فيلم رااااااائع جداااااا و تقريرك اروع يا هبة
تسلم ايدك

الف شكر اختى هبة حقيقى تقرير ولا اروع اسلوبك جميل جدا حسيت انى دخلت جوا الفيلم مش شفته بس واكيد لازم احمله واشوفه بجد استاذة يا قمر

المشاركة الأصلية كتبت بواسطة MĄĐĄ_KĄLǾSHĄ

تقرير هاااايل جداااا يا هبه يشجع اى حد انه يشوف الفيلم .. تحياتى ليكى ع المجهود الكبير اللى اتعمل فى التقرير ده

وان شاء الله ليا عوده بعد المشاهده :)

مثبت 13 يوم

ياهه 13يوم مره واحد كتير كده

بس بجد كنت زهقت من نفسي كل شويه اكتب حاجه و اسيب حاجه في التقرير ده
لحد مانا في الشغل في يوم قلت لازم هاحطه النهارده بقى ..

كويس انه عجبك و شجعك تشوف الفيلم ..
ومستنيه رايك بعد المشاهده

المشاركة الأصلية كتبت بواسطة eslam_pop2010

شغل عالى اوى يهبه وانا بعشق انوشكا الصراحه

اهلا بيك يا اسلام و شكر لردك الجميل ..
و انا كمان بحب انوشكا قوي حاسه انها شكل و لون مختلف جدا عن الممثلات الموجودين دلوقتي و عندها موهبه حقيقيه
تحياتي لك

المشاركة الأصلية كتبت بواسطة سينما 2000

تقرير جميل يا هبة اكثر اكثر من رائع وفعلا انت كفيتي ووفيتي عن الفيلم
فيلم شبابي ومختلف ايوا انا بقول مختلف لاني حسيت بالاختلاف من ناحية
اداء انوشكا الرائع والكيميا الحلوة مع الصاعد رانفير سينغ
هذه هي شركة ياش راج الى عودتنا على افلام رائعة ولا تخلو من هنديتها
وهذا الفيلم من اول اغنية تركيبي الى اكيد انا استمتعت بها كثير لحد اخر
مشهد محسيتش بملل لانه كله على بعضه شكل مزيج رائع احداث ممتعة
لفيلم رومانسي ومبني بفكرة جديدة الا وهي احلام وخطط الشباب وازاي
ممكن ينجحوا بمشروع ما ويحققوا النجاح..... (لكن ماذا عن الحب والمشاعر العاطفية)
هو دا الى وصلته الجميلة انوشكا شارما من خلال ادائها القوي والرائع في الفيلم
وهي اثبتت انها ممثلة من العيار التقيل يا هبة...لا انسى المشهد عندما تنظر
الى نفسها بالمراية وتتكلم وتعيط وتنزل دمعتها ... حاجة جميلة جداا
فيلم رومانسي ...كله احساس ولا يخلو من المتعة والموسيقى الجميلة

الف شكر يا هبة على تقريرك الرائع واتمنى من الجميع مشاهدة الفيلم

يااه اخيرا يا ايهاب عجبك فيلم و تقرير لي كمان
يا فندم ده شرف كبير والله ..هههه بس اكيد الفيلم يتحب
و اللقطة اللي قلت عليها تحفه ..انوشكا ابدعت في الفيلم ده بمنتهى السلاسه و اثرت في جدا في المشهد

كمان المشهد اللي بيتخانقو فيه على بتاع الورد و الطباخ كانو عسل كانهم عيال ..بجد لذاذ جدا ..

تحياتي لك يا ايهاب باي و شكرا لردك لجميل

المشاركة الأصلية كتبت بواسطة ahmad4love

فعلا يا هبة تقريرك اكثر من رااائع
و كمان الفيلم اكثر من راائع
فزي ما انتي قلتي محسناش بلحظة ملل في الفيلم
انوشكا ادائها جمييييييل و و هية زي العسل في الفيلم
رانفير رغم انه اول افلامه الا انه اتقنه و محستش خالص انه اول مرة يمثل
و كمان اغاني الفيلم جميلة جدااا و خصوصا زي ما انتي قلتي برضه الاغنية الاخيرة في الفيلم
اللي قدموها على اساس انها بدل شاروخان فعلا جميييييييييلة جدا و مبهرة
و فعلا الكيميا بينهم جميلة جداااااااااا و في انتظار فيلمهم القادم اللي اعلن عنه مخرج الفيلم و اللي بدأوا في تصويره فعلا

فعلا فيلم رااااااائع جداااااا و تقريرك اروع يا هبة
تسلم ايدك

شكر لك يا احمد و لردك الجميل ..و مبسوطه جدا بمشاركتك و انك شفت الفيلم
الحفله دي عسل قوي الانوار و اللبس و الطريقه و لا في الاخر بعد ماخلصو ورانفير بيحي الجمهور و يقلد شاروخ خان عسل و انوشكا بتقوله خلاص كفايه بيتوخان خلينا نمشي بقى ههههه
انا كمان مستنيه اشوف لهم حاجه تانيه مع بعض على احر من الجمر ..
تحياتي لك و لردك الجميل يا احمد

المشاركة الأصلية كتبت بواسطة nemr23

الف شكر اختى هبة حقيقى تقرير ولا اروع اسلوبك جميل جدا حسيت انى دخلت جوا الفيلم مش شفته بس واكيد لازم احمله واشوفه بجد استاذة يا قمر

الف شكر لك يا اخي الغالي محمد بجد دايما ردودك تفتح النفس حتى لو كان الموضوع خناقه
تحياتي لك يا غالي و مستنيه ردك بعد ما تشوف الفيلم اللي ان شا ءالله يحوز اعجابك زي ماحاز تقريري المتواضع اعجابك ..
تحياتي لك مره تانيه

باك بعد مشاهده الفيلم

وصراحه بالرغم من التمجيد فى الفيلم الا انى شايفه فيلم يندرج تحت المستوى المتوسط بالنسبه لى

اداء انوشكا جيد ورانفير بالنسبه ان ده أول افلامه فيعتبر ادائه مقبول

اغانى الفيلم برضه جيده

من ضمن الحسنات اللى فى الفيلم التصميمات والديكورات اللى أتصممت والاضاءه برضه

لكن كمجمل حاسس انه فيلم متوسط

بالاضافه للمشاهد اياها وانا مش من محبى انى اشوف مشاهد من دى فى السينيما الهنديه لأن دائما اللى بيميز السينيما الهنديه عن الامريكيه وغيرها اللقطات الساخنه بالرغم انها من فتره بدأت توصل المشاهد دى للسينيما الهنديه فمكنتش حابب اشوف مشاهد من دى وخصوصا كمان ان انوشكا تعتبر فى بدايتها ممكن قصه الفيلم بتجبر ع المشاهد دى لكن ميبقاش بالتفاصيل الممله فيه مخرجين كتير بينجحو وبسهوله يوصلو المشهد وفى نفس الوقت من غير تصوير مشهد من المشاهد دى

واخيرا ده رايى ونتقابل فى فيلم اخر ان شاء الله وكده التثبيت هيبقى 3 تيام بس

المشاركة الأصلية كتبت بواسطة mĄĐĄ_kĄlǾshĄ

باك بعد مشاهده الفيلم

وصراحه بالرغم من التمجيد فى الفيلم الا انى شايفه فيلم يندرج تحت المستوى المتوسط بالنسبه لى

اداء انوشكا جيد ورانفير بالنسبه ان ده أول افلامه فيعتبر ادائه مقبول

اغانى الفيلم برضه جيده

من ضمن الحسنات اللى فى الفيلم التصميمات والديكورات اللى أتصممت والاضاءه برضه

لكن كمجمل حاسس انه فيلم متوسط

بالاضافه للمشاهد اياها وانا مش من محبى انى اشوف مشاهد من دى فى السينيما الهنديه لأن دائما اللى بيميز السينيما الهنديه عن الامريكيه وغيرها اللقطات الساخنه بالرغم انها من فتره بدأت توصل المشاهد دى للسينيما الهنديه فمكنتش حابب اشوف مشاهد من دى وخصوصا كمان ان انوشكا تعتبر فى بدايتها ممكن قصه الفيلم بتجبر ع المشاهد دى لكن ميبقاش بالتفاصيل الممله فيه مخرجين كتير بينجحو وبسهوله يوصلو المشهد وفى نفس الوقت من غير تصوير مشهد من المشاهد دى

واخيرا ده رايى ونتقابل فى فيلم اخر ان شاء الله وكده التثبيت هيبقى 3 تيام بس

ربنا يسامحك بجد يمحمد انا نزلت الفيلم ولسه هتفرج عليه لقيت ردك وبصراحه كل مفتح الفيلم ققفلو تانى

المشاركة الأصلية كتبت بواسطة eslam_pop2010

ربنا يسامحك بجد يمحمد انا نزلت الفيلم ولسه هتفرج عليه لقيت ردك وبصراحه كل مفتح الفيلم ققفلو تانى

ههههههه
ليه بس يا اسلام ما كل الى قابلى شكره فى الفيلم هى أذواق مش اكتر
ممكن الفيلم ميعجبنيش ويعجب غيرى زى ما حصل
شوفه وهو فيلم لذيذ يعنى مش وحش

شاهدت الفيلم بعد مشاهدتي للتقديم الجميل عن الفيلم
واتفق مع رأي MĄĐĄ_KĄLǾSHĄ الفيلم تقريباً متوسط
ولكن لايمنع انه استمتعت به بالنسبة للبطل اول دور يمثله أداء جيد
ولكن كان افضل يكون في الفيلم شاهد كابور البطل
الاغاني كانت جميلة جداً والديكور مبهر ورائع
شكراً علي التقرير الجميل heba_81

تقرير جميل يا هبة كالعادة و الحاجات اللى ركزتى عليها كلها فعلا لفتت نظرى و عجبتنى أوى
و الفيلم عجبنى اوى قصته جديدة و مختلفة
و اول مرة اشوف أنوشكا و احبها
و رانفير مش عارفة حسيته هايبر زيادة عن اللزوم بس كان لذيذ
لكن اكتر حاجة بجد عجبتنى الاخراج و الديكورات
انا مش مصدقة ان ده أول فيلم يخرجه
بجد أبدععععععععععععععع

و اكتر اغنيتن بموت فيهم كلمات و ألحان و رقصات
Dum Dum
مع ان الايقاع بتاعها شبه الاغنية اللى رقصت عليه سوشميتا فى فيلم ريتك فيزا بس حلوة بردو
Ainvayi Ainvayi

لكن

اللى باخده على الفيلم ده و معظم الافلام الهندية مؤخرا المشاهد الخارجة و سهولة ان البنت تسلم نفسها للولد اللى بتحبه
الله يرحم ايام زماااااااان ... الهند باظت يا جدعان
حاجة تانية و هى فكرة ان الولد بيحب البنت و مش بياخد باله غير لما بيحس انها بتضيع منه\
بتفرس من التيمة دى جداااااااااااا

لكن غير كدة هو فعلا فيلم حلو لكن لما يتقارن بجاب وى ميت لا جاب أحلى كتيييييييييييييييييييييييير
و انا بقارنه لانى لقيت مواقع كتير بتقارن بين الاتنين

المشاركة الأصلية كتبت بواسطة Voice

شاهدت الفيلم بعد مشاهدتي للتقديم الجميل عن الفيلم
واتفق مع رأي MĄĐĄ_KĄLǾSHĄ الفيلم تقريباً متوسط
ولكن لايمنع انه استمتعت به بالنسبة للبطل اول دور يمثله أداء جيد
ولكن كان افضل يكون في الفيلم شاهد كابور البطل
الاغاني كانت جميلة جداً والديكور مبهر ورائع
شكراً علي التقرير الجميل heba_81

اهلا بيك اخي الكريم في قسم المناقشه و شكرا لردك الجميل و تفاعلك
هو الفيلم ما نقدرش نقول عليه انه فيلم عادي فمتوسط وصف مقبول ليه لا بس انا شايفه انه وسط الافلام التانيه
فييه فكره مش مقتبس من حاجه و لا اعاده لحاجه فلذيذه الحكايه
و الابداع كله في البساطه و انه الفيلم مش فيلم مسالا مبهر زي اكشن ريبلاي و لا فيلم كوميدي صيرف زي جولمال 3
دي الفلام اللي المفروض كانت في وقت عرض الفيلم ده و اكتسحهم ببراعه بالرغم انه ابطاله يعني ماحدش هيدخلهم فيلم مخصوص انوشكا اخر افلامها بادماش كمباني ما نجحش قوي ولاقى اعتراضات كتير
و رانفير واحد جديد ..
شوف بعد ده كلها و الفيلم عمل ايرادات رهيبه و عجب شرائح كتير من الناس من النقاد حتى صناع السينما زي كارن جوهر و الامبراطور اميتاب باتشن

لانه جديد و تجديد و دي احلى حاجه فيه ..وبالنسبه لدور رانفير يعمله شاهيد كابور ؟! امم و فين التجديد بقى ..
شاهيد كان هيعمل الدور حلو بس بطريقته مش بلمسه جديده زي رانفير ..رايي المتواضع مع كل الاحترام لرايك الجميل

تحياتي و اتمنى اشوف مشاركتك في تقارير اخرى

المشاركة الأصلية كتبت بواسطة eslam_pop2010

ربنا يسامحك بجد يمحمد انا نزلت الفيلم ولسه هتفرج عليه لقيت ردك وبصراحه كل مفتح الفيلم ققفلو تانى

المشاركة الأصلية كتبت بواسطة MĄĐĄ_KĄLǾSHĄ

ههههههه
ليه بس يا اسلام ما كل الى قابلى شكره فى الفيلم هى أذواق مش اكتر
ممكن الفيلم ميعجبنيش ويعجب غيرى زى ما حصل
شوفه وهو فيلم لذيذ يعنى مش وحش

ههههه منك لله يا محمد كرهت الناس في الفيلم ...
يا ابني مش قلت لك انك لك تأثير على الناس ..يلا مش مشكله بس كون انه متوسط دي حاجه كويسه
شوف بقى اللي تحت المتوسط عشان تعرف ان الله حق ..
بضحك معاك تحياتي لك و لردك الجميل و يا رب يكون اسلام شاف الفيلم بقى

المشاركة الأصلية كتبت بواسطة mare_manar

تقرير جميل يا هبة كالعادة و الحاجات اللى ركزتى عليها كلها فعلا لفتت نظرى و عجبتنى أوى
و الفيلم عجبنى اوى قصته جديدة و مختلفة
و اول مرة اشوف أنوشكا و احبها
و رانفير مش عارفة حسيته هايبر زيادة عن اللزوم بس كان لذيذ
لكن اكتر حاجة بجد عجبتنى الاخراج و الديكورات
انا مش مصدقة ان ده أول فيلم يخرجه
بجد أبدععععععععععععععع

و اكتر اغنيتن بموت فيهم كلمات و ألحان و رقصات
dum dum
مع ان الايقاع بتاعها شبه الاغنية اللى رقصت عليه سوشميتا فى فيلم ريتك فيزا بس حلوة بردو
ainvayi ainvayi

لكن

اللى باخده على الفيلم ده و معظم الافلام الهندية مؤخرا المشاهد الخارجة و سهولة ان البنت تسلم نفسها للولد اللى بتحبه
الله يرحم ايام زماااااااان ... الهند باظت يا جدعان
حاجة تانية و هى فكرة ان الولد بيحب البنت و مش بياخد باله غير لما بيحس انها بتضيع منه\
بتفرس من التيمة دى جداااااااااااا

لكن غير كدة هو فعلا فيلم حلو لكن لما يتقارن بجاب وى ميت لا جاب أحلى كتيييييييييييييييييييييييير
و انا بقارنه لانى لقيت مواقع كتير بتقارن بين الاتنين

ياربي و اقول النور ده جاي منين اتاري منوره القمر نورت تقريري المتواضع

تسلمي يا غاليه و مبسوطه جدا انه عجبك تقريري المتواضع اللي عملته ز يالبازل كل كام يوم اكتب كلمه عشان كده مش حاسه مترابط قوي ..بس شكرا لك يا قمرايه و كويس انه عجبك


اخدك من الاخر بقى ..جاب و ي ميت ازاي ؟ يعني من انهي ناحيه جاب وي ميت ؟ هما ما اتقابلوش صدفه ؟ ولا سافرو مع بعض في حته ..ولا هي كانت بتحب حد تاني و عرفت انها بتحبه في الاخر ..
مش جاي معايا خالص ..جاب و ي ميت فيلم تاني بجد ! ابقى قوليلي قصدك ايه

رانفير عسل .
انا اصلا في الاول قبل ما اشوف الفيلم قلت ايه الواد الهايبر ده ؟! عامل زي فرقع لوز ..بيفكرني بشارو في ديلوالي دولنيها ..و بعدين قلت مش هاشوف الفيلم دلوقتي
و بعدين شوفته في ستار اورادز و راني و انوشكا بيقدموه لجايزه افضل ممثل وجه جديد ! عسل و ذكي و عنده كاريزما كمان ..قلت لا اتفرج بقى

موضوع المشاهد دي ..اممم مش فاهمه لازمتها قوي ..بس هما عاملينها لغرض انه البنت كانت حاطه حدود و اسوار و حصون
و فجأه كله اتهد في لحظه لانها حبيت الشاب ده ..هو طبعا مغاير للتقاليد و الاعراف ..بس بيحصل ؟ و لا ايه
و ده الغلطه اللي انبت نفسها عليها ..و بوزت الشركه بسببها

تيمه الولد اللي مش بيحس باللي بيحبها اللا لما تضيع واقعيه جدا ..ما حدش فينا بيعرف قيمة اللي معاه الا لما يضيع
لانه طول الوقت شايفها قدامه و معاه في الشركه ..هيفكر في اي حاجه ليه ..
و دي حقيقه اي وااحد تاني هايعوز اي اكتر من كده ..طبيعي !

انوشكا بقى بجد اكتشاف جديد لها ..
اداء سلس و طريقتها في التعبير عن نفسها بجد روعه ..حتى و هي في الاخر مستسلمه انه ده اخر فرح هتنظمه و هتسيبه و تسافر ..بجد روعه و لا هو طلع يشوفها و هي قاعده في اوضتها بتعيط ..جامده جدا اللقطه دي ..

انا بعشق اينفي اينفي جداااا قبل الفيلم ما ينزل كنت على طول بسمعها ..روعه هي و بار برسي ..الايقاع بتاعهم رهيب

دم دم جميله برضه بحبها بس احب اشوف تصويرها اكتر ..

بجد استمعت بالرد عليك يا منوره ما تحرمناش من مداخلاتك الحلوه دي ..

تحياتي لك يا قمر

المشاركة الأصلية كتبت بواسطة heba_81

ياربي و اقول النور ده جاي منين اتاري منوره القمر نورت تقريري المتواضع

تسلمي يا غاليه و مبسوطه جدا انه عجبك تقريري المتواضع اللي عملته ز يالبازل كل كام يوم اكتب كلمه عشان كده مش حاسه مترابط قوي ..بس شكرا لك يا قمرايه و كويس انه عجبك


اخدك من الاخر بقى ..جاب و ي ميت ازاي ؟ يعني من انهي ناحيه جاب وي ميت ؟ هما ما اتقابلوش صدفه ؟ ولا سافرو مع بعض في حته ..ولا هي كانت بتحب حد تاني و عرفت انها بتحبه في الاخر ..
مش جاي معايا خالص ..جاب و ي ميت فيلم تاني بجد ! ابقى قوليلي قصدك ايه

رانفير عسل .
انا اصلا في الاول قبل ما اشوف الفيلم قلت ايه الواد الهايبر ده ؟! عامل زي فرقع لوز ..بيفكرني بشارو في ديلوالي دولنيها ..و بعدين قلت مش هاشوف الفيلم دلوقتي
و بعدين شوفته في ستار اورادز و راني و انوشكا بيقدموه لجايزه افضل ممثل وجه جديد ! عسل و ذكي و عنده كاريزما كمان ..قلت لا اتفرج بقى

موضوع المشاهد دي ..اممم مش فاهمه لازمتها قوي ..بس هما عاملينها لغرض انه البنت كانت حاطه حدود و اسوار و حصون
و فجأه كله اتهد في لحظه لانها حبيت الشاب ده ..هو طبعا مغاير للتقاليد و الاعراف ..بس بيحصل ؟ و لا ايه
و ده الغلطه اللي انبت نفسها عليها ..و بوزت الشركه بسببها

تيمه الولد اللي مش بيحس باللي بيحبها اللا لما تضيع واقعيه جدا ..ما حدش فينا بيعرف قيمة اللي معاه الا لما يضيع
لانه طول الوقت شايفها قدامه و معاه في الشركه ..هيفكر في اي حاجه ليه ..
و دي حقيقه اي وااحد تاني هايعوز اي اكتر من كده ..طبيعي !

انوشكا بقى بجد اكتشاف جديد لها ..
اداء سلس و طريقتها في التعبير عن نفسها بجد روعه ..حتى و هي في الاخر مستسلمه انه ده اخر فرح هتنظمه و هتسيبه و تسافر ..بجد روعه و لا هو طلع يشوفها و هي قاعده في اوضتها بتعيط ..جامده جدا اللقطه دي ..

انا بعشق اينفي اينفي جداااا قبل الفيلم ما ينزل كنت على طول بسمعها ..روعه هي و بار برسي ..الايقاع بتاعهم رهيب

دم دم جميله برضه بحبها بس احب اشوف تصويرها اكتر ..

بجد استمعت بالرد عليك يا منوره ما تحرمناش من مداخلاتك الحلوه دي ..

تحياتي لك يا قمر

دايما رافعة من معدنياتى كدة يا هوبا يا جميلة

و بالنسبة لجاب انا قريت كدة على موقع مش انا اللى بقول افتكر كانوا يقصدوا ان تكون القصة بسيطة و الانتاج بتاعها مش يكون ضخم و المشاهد مش متصورة غير فى الهند

و انا معاكى فى حتة ان فعلا الواحد مش بيحس بالحاجة الا لما بتضيع منه بس متبقاش هيا اساس الفيلم أو اللى قايم عليها الفيلم
مش عارفة يمكن عشان شوفتها كتيييييييييييير فزهقت منها خلاص

و انتى كمان مش تحرمينا من الدخول على الفيس بوك يا جميل بيبقى مضلم خالص من غيرك

اتفرجتى على فيلم بريانكا الجديد و لا لسه ؟؟؟؟