الموضوع: دكتور....وهركب نيفا؟!! عايز مساعدتكوا

انا طبيب بشرى امامى عربيه لادا نيفا حالتها ممتازه وموديل 96
الناس قالولى دكتور وهتركب نيفا!!!!!!
ممكن اعرف رايكوا ايه فى النيفا...وحد هيتريق عليا ولا لأ ..مع العلم ان العربيه فابريقه بالكامل
العربيه 96 وتمنها 29 الف جنيه رايكوا ايه يا جماعه
ارجو الافاده سريعا

والله انا مش شايف فيها حاجه خالص , و انا على فكره دكتور صيدلى! النيفا عربيه حلوة فى رأى, هى طبعا اخشن عربيه ممكن تركبها فى حياتك و فى الملفات الضيقه حتخنقك شويه لان العجل بيلف حوالى 30 درجه بس, بس شويه و هتتعود على الحوارات دى. العربيه 1600 cc و فيها 2 فتيس غرز و ياريت تتاكد ان الى راكب عليها هو موتورها الاصلى بفتيسين الغرز "عشان فى ناس بتشيلو و تسقط موتور لادا 1300 عشان البنزين". العربيه على فكره مش دفع رباعى "4x4 " هى دفع خلفى. بس هى عربيه حماله قاسيه فعلا و بتجرى كويس و لا تخاف من مطبات بقى و لا خفر و لا كلام من ده. بالنسبه للسعر انا الحقيقه معرفش سوق الوديلات العاليه "فوق ال90 " عامل ازاى و فى انتظار رأى الاعضاء فى الموضوع ده.

شكرا يا dr_pharma على ردك
العربيه اللى هجيبها 1700 سى سى
مش عارف هلاقى ليها قطع غيار ولا لأ
ممكن يركب ليها باور ولا لأه
ممكن يركب ليها ماتور ولا لأه
لومستقبلا عملت عمره للماتور هل هلاقيله قطع غيار
شكراااااااااااااااااااااااااا

أية المشكلة أنك تركب نيفا عادى خالص
بس خد بالك الراجل اللى رد عليك بيقولك خشنة جدا
و أنت مش هتعد تحارب و أنت سايق و أكيد محتاج عربية ناعمة و مريحة
و كمان العربية دى مش منتشرة خالص و قليلة أوى
أتأكد من قطع الغيار قبل ما تشتريها
و أنا رأيى سيبك منها و هات حاجة شكلها حلو و قطع غيارها متوفرة و سعرها كويس

عندك السوزوكى سويفت عربية زى الفل و ناعمة جدا و سحبها رهيب بتجيب من 0 إلى 100 فى أقل من 12 ثانية و ده تسارع رهيب بالنسبة لأنها 1300 سى سى و كمان شكلها حلو و قطع غيارها رخيصة
و دى أحسن عربية تجيبها بالسعر ده بس هتحتاج تزود بتاع 4 أو 5 ألاف يعنى فى حدود ال 35 ألف جنية
بس عيبها جسمها ضعيف شوية
و ربنا يوفقك فى أختيار الأفضل

شكرا يا hazemozo
انتظر اراء بقيه اعضاء المنتدى
افيدونى اجيب نيفا موديل 97 فابريقه ولا لأه

يا جماعه انا اسف وبزعجكوا جامد
بس ممكن تفيدونى النيفا كويسه ولا لأه

بص يا دكتور النيفا خشنه فعلا وشكلها مش هيبقى اد كده انا بايد راى العضو اللى رشحلك السوزوكى سويفت او عندك ابيزا 94 او هيونداى اكسل اعتقد هيناسبوك اكتر بككتير وكمان السعر هيزيد بسيط جدا على حسب الحاله او قد يكون قريب

بالتوفيق

بص يا باشا.....انا دكتور زيك
لو هاتروح وحدة صحية حيث المطبات ووجع الدماغ والاسواق والقرف ده كله يبقى تمام(بس انا اقصد وحدة صحية فى نفس المحافظة بتاعتك ما اقصدش سفر بجد)
ولو انت محيط الحركة بتاعتك الطرق فيه زبالة وكلاكيع وحاجات من دى يبقى ماشى
لكن غير كده وبشكل عام....العربية دى مش لينا يا باشا وخسارة فيها المبلغ ده (مع ان فيها ميزة جامدة انها فابريكة بره وجوه).....انت ممكن تجيب ريجاتا زى الملبن بالمبلغ ده

thanks karimh
thanks yoofiman1

متجبهاش لإن حسب ما سمعت إن قطع غيارها قليلة و مش بياعه

الف شكر يا amrgamea
شكرا لكل من شارك
وانتظر اذا كان هناك اراء جديده

النيفا شغاله حلو

شكرا يا desert1_storm بس ممكن توضح اكتر
ايه مميزات النيفا

بص يا باشا انا هاقولك النيفا شغالة حلو دلوقتى ازاى
الشباب دلوقتى متأثر جدا بعربيات الدفع الرباعى الامريكانى الشيروكى والهامر والتفحيط والتخييش والهرى وتامر حسنى والحركات دى
وكمان الطرق عندنا زباااااااااالة وماينفعش معانا العربيات الواطية على الارض والناعمة
ونظرا لان العربيات الدفع الرباعى المستعملة غالية جدا
فبيلاقوا غرضهم فى النيفا الروسى.....هى دفع خلفى مش دفع رباعى بس برضه شديدة وفيها فتيش غرز يعنى تمشى بيها فى الصحرا براحتك......وفيها كمان منفلة يعنى لما البطارية تنام ماتضطرش تزوقها يدوبك تدور المنفلة تدور العربية بس كأنها تليفون من بتوع زمان او مكنة الرى بتاع الفلاحين.
المهم....بيجيبوها وبيروشوها ويعملوا فيها حركات وبيحاولوا يقربوا شكلها من الجيب.......بس برضه بتفضل نيفا يعنى......هاهاه
وده يا باشا موضوع عملوا واحد من زمايلنا قبل كده عن ترويش العربيات اللادا والنيفا:
http://dvd4arab.com/showthread.php?t=532127
مش هاتصدق ان النيفا واللادا ممكن يتروقوا كده
احنا يا باشا ولا حنفحط ولا نخيش ولا هنروح نعمل (camping) فى الصحرا ولا فينا دماغ نروشها ونجنطها ونعملها سوند سيستم وفيبر
يبقى من الاخر عربية شغالة بس ماتنفعناش

المشاركة الأصلية كتبت بواسطة midonbtc

شكرا يا dr_pharma على ردك
العربيه اللى هجيبها 1700 سى سى
مش عارف هلاقى ليها قطع غيار ولا لأ
ممكن يركب ليها باور ولا لأه
ممكن يركب ليها ماتور ولا لأه
لومستقبلا عملت عمره للماتور هل هلاقيله قطع غيار
شكراااااااااااااااااااااااااا

قطع الغيار موجوده , يركب لهل بوار و تكييف كمان, انما انا مع الشباب اللى قالك هات هاجه انعم لان هى فعلا خشنه موووووووت "متنساش انها عربيه جيش فى الاصل , و انهى جيش؟؟؟؟ الجيش الروسى يا باشا!"