الموضوع: ايهما افضل - سكودا فليشيا - ام فيات تمبرا + كام استفسار

كنت عاوز اعرف ايه افضل السكودا فليشيا ولا الفيات تمبرا

وعاوز اعرف اسعارهم (سكودا فليشيا عاديه و وش اوكتافيا)

والتمبرا

وهل التمبرا حقن الكتروني ولا كربراتير وكذلك الاسكودا الوش اوكتافيا حقن ولا كربراتير

وشكرااااااااا

التمبرا كانت عندنا كربيراتير موديل 99 واظن ان مفيش منها جديد دلوقتى كانت اخر حاجه 2000 على ما اظن وهى عربية سيئه
اكيد سكودا احسن

طبعا السكودا فيليشيا بدون نقاش

التمبرا طبعا
ثبات احسن من السكودا على الطريق
موتور ملوش صوت خالص على عكس السكودا موتور صوتة عالى
قطع غيارهم هما الاتنين فى المعقول الا اذا كانت التمبرا تفرق شوية
صالون التمبرا والشنطة اوسع بكتير من السكودا
الشكل العام والمظهر الخارجى التمبرا برضة
وعلى فكرة فى السواقة انا سقت الاتنين التمبرا جراية بغباء والموتور ملوش صوت خالص وكنت حاسس انى راكب عربية جديدة مع انها موديل 93 على عكس السكودا ناشفة بغباء

لو تمبرا ايطالى مش تقفيل مصرى تبقى احسن من السكودا طبعا
صالون واسع جدا
تكييف قوى جدا
فى منها عدادات ديجيتال
عربيه محترمه اوى بص بشرط الايطالى منها

اولا انت ما قلتش انهى فيليشيا.....الفيليشيا نزل منها 3 موديلات تقريبا.....اخر واحد هو احسنهم لان بان عليه قوى تأثير الادارة بتاع فولكس فاجن.
مبدئيا اهم حاجة فى اى عربية مستعملة حالتها ايه
وبالنسبة للعربيتين الى قلتهم لو معروضين عليك حالا اختار الى حالتها احسن
لكن لو افترضنا التساوى فى حالتهم النهارده
يبقى طبعا التيمبرا
عربية واسعة من جوه وصالونها فخم جدا فى تصميمه
وحش على الطريق.....سحب جبار وثبات مهول
احنا فى مصر بنقدر العربية السيدان اكتر من الهاتشباك
قطع الغيار بصراحة معنديش فكرة مين اغلى
بس ارجع واقولك تانى اهم حاجة العربية حالتها ايه لأن الفيليشيا مش عربية واقعة برضه.

انا من وجهة نظرى التمبرا افضل وان كنت معرفش معلومات كتيرة عن الفليشيا

بص انا كنت رادد على احد الاعضاء بيسئل عن التمبرا هنا شوفوه يمكن يفيدك

انا معايا سكودا فيليشيل وش اوكتفيا مو 1998
وماشاء الله ممتازة
ماشاء الله
انا شخصيا مش بحب عيلة الفيات
قطع غيار مش بتستحمل والعربية نفسها مش بتستحمل
انا شخسيا ارشح السكودا
كفاية انها المانى تشيكى

فليشيا أفضل طبعا

الفليشيا طبعا احسن

التمبرا لو ايطالي تبقى احسن كتييير

باشا انا معايا التمبرا 1600 موديل 1990 عربيه وحش وبيليق عليها الترويق قوى وعلى الطريق ثبات مصيبه وصالون روعه مكنه جباره لاتقارن بعائله الفيات بصراحه بالنسبه للقيات العربيه دى كانت اختراع بالنسبالهم واى حد يقول فليشيا
يوقف العربيتين جمب بعض التمبرا شكل بردوا اما قطع الغيار انا كنت جايب عربيتى مبهدله وده طبعا لان المعاقين مابيصرفوش فاعتبر غيرت كله حاجه العربيه عداد ديجتال بص يا سيدى
الطابلوه كامل 400 جنيه بالعدادت والعدادت لوحدها 100
طرمبه البور 250 جنيه
اسكترت البور 200 جنيه
الكبالم جديده 60 صينى وعن تجربه ممتاز انا زى مابيقولوا رجلى زى الملح وقعد معايا سنتين والايطالى 140
الماتور كامل بالفتيس 1400 سى سى من 1500 : 2000 وال 1600 ازيد حاجه بسيطه انا جيب 1600 2250 جنيه بس ماتور حاله
الفتيس لوحده 200 جنيه
المساعدين باليايات استيراد الامامى الاثنين ب 150 : 200 ده سعر الجنبين سوا
التيل من 25 جنيه الى 60 جنيه
وش الفنوس خلفى 50 امامى 20
الشيكه الاماميه 100
الفوانيس الاماميه الواحد 225 الى 250 ده بمزاج التاجر
الاكصدام الامامى 350 والخلفى 300 والاثنين سوا ب 600
ام قطع غيار الماتور تعتبر شاهين حاجته رخيصه
انا كده قولت اللى عندى يارب تكون استفدت حاجه

انا كان معايا فليشيا 97 كانت عربيه زباااااااااااااااااااااااااااااااااااااااله بتسخن بغباء وش السلندر بيضرب من غير حاجه عربيه زباله من جوه لا تقارن بالتمبرا فخامه واناقه وموتور محترم الفليشيا 97 موتور قديم وصوته عالي ومش اي حد بيفهم فيها انا وديتها ل 3 ميكانيكيه بوظوها اكتر ما هي بايظه

شوف الفصل فى الموضوع
الأسكودا فيها عيب السخونة ودة من راى ناس كتير معاهم العربية لكن هى متينة .
التمبرا لو عرفت تجبها من اللى مستعملة خارج . اللى كانت معاقين بتبقى بعين الأسكودا
وشكلها حلو وتقفيل جيد ولو مالقتش هات حاجة غير الاتنين دول .
يعنى تمبرا بشرط
تكون استيراد .