الموضوع: يترى اشترى بيجو504 ولا اشترى بيجو 505 ولا اجيب شاهين جديدة

عايز اخد راى الاعضاء عايز اشترى عربية ومعاية حوالى 60. الف جنية وعايز اشترى عربية تكون جامدة وسحبها كويس لانى بسافر كتير وبفكر اشترى 505 دى اكتر عربية بميل ليها بس قولت الاول اخد راى احبابى واخوانى ومتاكد انك هتفيدونى وتنصحونى بالخير انشاء الله

مفيش حد عايز ير مكنتش متوقع ده من اعضاء dvd

اختيار موفق والله......505 عربيه جامده وكويسه بس اسأل الاول عن قطع غيارها

بص يا باشا البيجو معروف عنها انها حماله اسيه بس عيبها الوحيد انها بتسحب بنزين كتير لكن بألامانه هو عربيه شديده جدا و تستحمل معاك زى ما انت عايز انشالله تخش بيها الصحرا و الجبل و خصوصا 505 عربيه ممتازه توكل على الله و اشتريها وانت متطمن .. مفيش وجه مقارنه بين البيجو و الشاهين

ك من ال504 لانها عربيه كارو ومفيش فيها اي امكانيات
وانا راي توكل علي الله واشتري 505 وياريت لو تكون موديل حديث يعني من 89 مثلا اللي هي بيقولو عليها تابلو طياره دي بتكون فعلا جامده جدااااااااا وفيها كل الامكانيات باور وتكيف وزجاج كهربه وكمان في منها فتيس اتوماتيك

طيب ماتجيب لانسر 98 ؟؟؟؟؟؟ لية تجيب حاجة قديمة مع ان البيجو حلوة وكل حاجة بس خلاص(((((( راحت عليها ))))))... لو انتا دماغك فى حاجة قديمة وكويسة ... ممكن تفكر بالمبلغ الى معاك فى 318 موديل 88 .... واحسن من البيجو ( من وجهة نظرى )) المتواضعة .. وليك الاختار الاخير طبعا ...

ممكن تفكر بالمبلغ الى معاك فى 318 موديل 88

انا معاك فى الحتة دية

بس خد بالك من البى ام و قطع غيارة غاالية

بس عربية ممتازة

و لو انت عاوز رايى فى البيجو ال505 جميلة و واسعة

لو معاك 60 الف اشترى 405 موديل 95او96او97 بس حاغظ عليها جدااااا جدااا عشان قطع غيرها غليا او تشترى بقا 505 عربية اوتومبيل لكن الشاهين حطاها جنب الحيط و ش؟؟؟؟؟؟؟؟؟؟؟ انتا فهمنى طبعا

طيب يترى قطع غيار البيجو 505 اسعارها عاملة ايه ويترى سعر العربية دى فى السوق عامل ايه

اشترى فرنا زيرو وبكده متفكرش تصلح العربيه فى خلال سنه ونصف على الأقل
وقطع الغيار رخيصه
غلى فكره ديما فى اى حاجه عاوز تشتريها فكر فى الجديد الأول:icon30: :icon30: :icon30: :icon30:

بقول لحضرتك ممكن تجيب هوندا Si موديل 92 عربية ممتازة وسحبها عالى وبتتظبط وبتبقى حلوة
او ممكن Bmw موديل 85 او 90
او لانسر 98

ياريت اى حد ينصحنى بعربية يقولى تقريبا سعرها من كم لكم وجزاكم الله خيرا

بص اي حاجه زيرو حتكون احسن من اي حاجه قديمه كفايه انا انت حتدفع الفلوس مس حتبتدي تصرف عليها غير بعد سنتين ليه توجع دماغك بحاجه قديمه حاجه تانيه انا معايا الشاهين والله زي الفل ولما يكون فيها حاجه بتتصلح بكلام فاضي لكن الهوندا والبي ام قطع غيارهم غاليه اوي البيجو عربيه جامده جدا جدا ويتجري علي الطريق بس عيبها في البنزين وشكلها بس انا من رأيي فيرنا او شاهين

الفرنا يا معلم ال1500cc ب 60000 الف
وسحبها مؤلكش عليه بجيب بها 170 كيلو على الرابع فما بالك الخامس طبعا هيأفل العداد

يا باشا اشترى ال 505 من غير تفكير ومش هتندم بس بعد التأكد من حالة العربية ككل من ناحية الموتور والعفشة والجسم و الابواب والشنطة والحوض أتكد من بعض الحاجات الصغيرة اللى عرفتها من واقع خبرتى المتواضعة أولا ياريت تكون العربية خليجى علشان تستحمل جو مصر اللى معرفش حصله ايه لإن اى عربية بنزين تسخن لازم تقطع وتنتش وتوريك النجوم فى عز الظهر ثانيا الكربراتير إتأكد انه ميه (مياه) او كهرباء وسيبك من الطيارة لإنه على إبر مش بيكات يعنى لو حصله أى عطل محدش فى مصر كلها يعرف يصلحه ثالثا إتأكد من سلامة القطع البلاستيكية زى التابلوه و الاجزاء عند الفتيس و فرامل اليد لأنها غالية جدا وصعب تلاقيها و بالنسبة لإستهلاك البنزين العربية ممتازة يعنى فى الطريق المفتوح لو العربية مظبوطة اللتر يمشيك مش أقل من 11 كم ولاحظ ان ده معدل ممتاز لإن الموتور 2000 سى سى وعلى فكرة انا عندى عربية 504 استيشن موديل 1980 ومش ممكن افرط فيها حتى لو بقت عظم فى قفة زى مابيقولوا فما بالك بقى ب 505 ياريت اقدر ابدل اللى معايا بس ب 505 وإلا فلا انا بسافر بيها فى الصحراء وبروح بيها من طنطا لمطروح مباشر بدون توقف فى اى وقت حتى لو الساعة 2 ظهرا فى شهر اغسطس ومش عايز اقولك ان كل العربيات الجديدة بيتبقى راكنة وفاتحة الكبوت من السخونة فى النهاية بلاش تردد واشترى ال 505 او ال 504 ولو ان ال 505 اشيك واوسع بس ال 504 بتتحمل شوية البهدلة وماتقلقش من قطع الغيار لإن مفيش ارخص من البيجو ولا اكتر من اماكن بيع قطع الغيار