الموضوع: بيرليانس , فيرنا , بروتون ساجا , لوجان, ؟؟

السلام عليكم ورحمة الله ,

بعد اذنكم انا عايز اجيب عربية جديدة ان شاء الله و محتار بجد و مش عارف اجيب اية وقلت اسال اهل الخبرة هنا في المنتدي , اول حاجة العربية هجيبها قسط , هدفع نص التمن مقدم واستلم العربية و اقسط الباقي , المهم ان التمن ميعديش 80-83 الف بالكتيييييير , انا عندي اكتر من استفسار بخصوص العربيات دي

- البريليانس الfrv هل في منها اوتوماتيك , ولو مفيش ال fsv اية مميزاتها وعيوبها .

-البروتون ساجا اية نظامها كمميزات وعيوب وبردة .

- الرينو لوجان هل في منها اوتوماتيك ؟

- اخيرا الفيرنا , ناس كتييير بتقول كويسة ونااس كتييير بتقول وحشة و انا مش عارف بجد اختار اية احترت جدا .


ف انا عايز مميزات وعيوب كل عربية واية الافضل فيهم , من ناحية الثبات و الامكانيات و قطع الغيار الخ الخ . و ياريت اعرف احسن مكان اقسط منة العربية.

وشكر مقدما . وكل سنة وانتم طيبين

اخى الفاضل

الفرنا افضل فى استهلاك البنزين وقطع الغيار والثمن

كاملة وكاش من معرض 68 الف جنية

شكرا بس بردة حضرتك مذكرتش عيوبها او عيوب العربيات الاخري .

المشاركة الأصلية كتبت بواسطة harry_pottter_1

شكرا بس بردة حضرتك مذكرتش عيوبها او عيوب العربيات الاخري .

هيونداى فيرنا تطرح بمحرك قوى جدا سعة 1600 سى سى بقوة 106 حصان و هذا المحرك هو اكبر ميزة فى هذه السيارة خاصة بالنسبة للشباب رغم انه من الناحية
الفنية يمثل خطورة كبيرة جدا نظرا لعدم تناسب قوة هذا المحرك مع قوة الفرامل و وزن السيارة و ثباتها و اتزانها.

مميزات السيارة هيوناى فيرنا 2010:
1- محرك قوى جدا.
2- تسارع ممتاز فى السرعات الاولى.
3- تكييف قوى جدا.
4- السيارة ناعمة جدا و خاصة ناقل الحركة.


عيوب السيارة هيونداى فيرنا 2010 :
1- صاج ضعيف.
2- فرامل ضعيفة جدا لا تتناسب تماما مع قوة المحرك التى تغرى الكثيرين للانطلاق.
3- المساحة الداخلية صغيرة جدا حيث لا تتسع السيارة الا لاربع اشخاص متوسطى الحجم و الطول بما فيهم السائق.
4- السيارة خفيفة جدا و خاصة على السرعات العالية حتى ان السائق يضطر الى اغلاق جميع النوافذ ان اراد تخطى سرعة ال 100 كم/س.
5- ارتفاع السيارة عن الارض لا يتناسب اطلاقا مع الطرق المصرية و يقل هذا الارتفاع كثيرا مع زيادة حمولة السيارة و غالبا ما تحتك بالمطبات حتى ان احد ملاك
هذه السيارة قال لى "لو حطيت منديل كلينكس فى الكرسى اللى ورا العربيه هتوطى و تحك فى المطبات !!!".
6- الخامات المصنعة منها السيارة و خاصة خامات الصالون و التابلوه رديئة مقارنة بالسيارات المنافسة.
7- يضطر معظم مشترى هذه السيارة الى تغيير الاطارات حيث تباع هذه السيارة بنوع ردئ من الاطارات مما يسبب رجرجة السيارة و بالتالى عدم الثبات.
8- السيارة تفتقر تماما لعوامل الامان بدءا من الصاج الخفيف و الفرامل الضعيفة جدا و عدم اتزان السيارة و عدم وجود واسائد هوائية.
9- هناك شكاوى كثيرة من الوكيل المحلى للسيارة و تدنى فى مستوى خدمة ما بعد البيع و اسلوب التعامل حتى اطلق عليه الكثيرون لقب الوكيل الاسوأ فى مصر
و الله اعلم.

بريليانس "frv"



تطل علينا سيارة بريليانس frv الهتشباك التابعة للمجموعة البافارية للسيارات بمظهر غاية فى الحيوية والإثارة، والتى صممت خصيصا لتخطف عقول الشباب والعائلات الصغيرة الذين يتصارعون على اقتنائها، حيث إنها تتمتع بكل المميزات الترفيهية والرياضية والتى تتحول معها القيادة إلى متعة.

تنتمى سيارة بريليانس frv لسيارات الكروس المدمجة والتى تجمع مزيجا من الشكل والأداء القوى لسيارات الـsuv بالإضافة إلى أنظمة الأمان والراحة فى السيارات السيدان.

ميكانيكيا، تأتى frv بمحرك مانيوال 1.5 vvt متطور بجانب العديد من تجهيزات الرفاهية والراحة كمساند تحميل رياضية، وحسساسات الرجوع للخلف، ومكبر ضوئى للمصابيح الأمامية، وأحدث تكنولوجيا الأنظمة السمعي

عيوب السيارة

1. التقفيل بتاعها صيني وحش

2. صيني يعني لما تيجي تتباع هتخسر فيها كتير اوي

3. معايير الامان و موضوع ان الصيني ما بينزلش اوروبا

3. رأي شخصي و بكرر انا مش خبير ,... بالنسبة لعوامل الامان في الصيني اللي بيقولوا انها تعبانة و ما قدرتش تعدي اختبارت السوق الاوروبي و كده

اول حاجة اوروبا مش ناقصة عربيات صيني ارخص تنزل تغطي علي الموجود ,,, كفاية الازمة الموجودة ,,, بالتالي ده من اكبر اسباب عدم السماح ليها بالنزول ,,, يعني حتي لو سليمة ,,, مش هتنزل

تاني حاجة ,,, الحوادث الكبيرة ,,, يعني اللي الواحد بيقلق منها

من رؤيتي علي الواقع لحدثتين مع اتنين اصحابي واحد ب ميتسوبيشي لانسر 2008 الشكل القديم والتاني ب اوبل فيكترا موديل 2000

كل واحد رقد في المستشفي ما يقرب من 3 او 4 شهور و كويس انهم طلعوا كويسين اصلا ,, لان اعلي جزء في العربيتين كان يوصل عند وسطي او اعلي شوية ....

القصد ان في الحوادث الكبيرة ,,, ربنا بس هو اللي بيستر علي اللي في العربية ( ربنا يبعد عنا اجمعين )

طبعا عوامل الامان بتساعد ,,, بس عمري ما شوفت عربية عاملة حادثة كبيرة علي طريق سريع , الا و ما هي مطبقة ولا كأنها كان بيبسي من اللي تضغط عليها بأيدك بعد ما تخلصها ...

اذن بالتالي عيوبها اكتر من مميزاتها , انا لسة شاب و كدة , و لسة متعلم السواقة جديد , انا مش جراي بس اكيد هيجي يوم اعدي فية ال 120 وانا مش عايزة اعدية بموتة بالكلام اللي انت بتقولة دة الفيرنا مش بتاعة سفر , و انا بسافر كتير فيهمني الثبات اكتر علي الطريق , و بجد شكرا جزيلا علي تعبك معايا انا اسف لو طولت عليك بس اي عربية احسن في ( البريليانس - البروتون ساجا ) و حضرتك ممكن تقدر ترشحلي عربية كويسة يكون اخرها 80-82 بالكتير بس تكون اوتوماتيك يا ريت وشكرا جزيلا وجعلة الله في ميزان حسناتك

بروتون ساجا


1 لو بتفكر تشترى بروتون ساجا انزل وقارن بينها وبين السيارات الاخرى (الشكل الخارجى -الشكل الداخلى - جوده الفرش - خامات التابلوه -قوه الموتور -الثبات -الكماليات - الامان الامان الامان وده تعمل ليه الف حساب )
الخلاصه حتلاقى احسن عربيه هيا البروتون ساجا ولو مش عجباك فى حاجه تانيه كويسه الداتشيا لوجان
خلاص اقتعنت بالعربيه فى مشكله تانيه فى موزع او بائع بروتون . حيعمل البدع عشان يخليك تشترى اى عربيه تانيه يكون بياخد فيها عموله اكبر انما بروتون فيها ملاليم
خلاص استخرت الله وربنا هداك ليها الحمد لله
2 وانت بتشترى حاول تفاصل وحاول تطلب فاتوره ضريبيه عشان ( مفيش حد بيدى فاتوره بالسعر الرسمى انما الحركه دى حتنزل حوالى 500 الى 1000 انت اولى بيهم )
3 وانت بتستلم العربيه بتاخد معها استيبن - شنطه عده - كوريك - اغطيه لقلب الجنط 2 مفتاح ريموت واحد فيهم معاه رقم حافظ عليه - طقم دوسات كتالوج للخدمه كتالوج مستخدم كتالوج للكاسيت الاريال فى شنطه لوحده -محضر استلام للعربيه وشهاده الافرج او يبعت حد معاك المرور يخلص كل حاجه )
4 الاستلام يكون فى عز الشمس راجع على دهان السياره بالكامل الاكصدام المريا الابواب الشنطه الكبوت حوض السياره . اهم حاجه بص على العتب من اسفل السياره دة بيعرفك العربيه اترفعت بكوريك تمساح ولا لا بمعنى لو لاقيت ثنى فى عتب السياره ده معناه على اقل تقدير ان العربيه الكاوتش اتخرم واتعمل مثلا كله تمام الحمد لله افتح العربيه قول بسم الله الرحمن الرحيم وتوكل على الله ودور وامشى على اول محطه بنزين وحط بنزين 95 وفول التنك لحد ثالث فصله عشان تنضف بنزين80 الى بيحطوه فى المعرض . وليه تالت فاصله عشان متوقعش بنزين على دهان السياره
5 مراحل الترخيص مش فاكر قوى بس التعامل مع الحكومه النظيفه سهل وسلس
6 اشترى ماده (الديفكون) الماده المزدوجه للصق المعدن خلط المادتان على بعض واغمر الجزء المعدنى للاريال وركبه على اخره بمتهى القوة ( حاسب عشان متوقعش حاجه على سقف العربيه ) وده ابقى قابلنى لو الحرامى عرف يفكه
7 اشترى غطاء ووتر بروف مبطن ( وده بسمك حوالى 3 مم ) طبعا تحمى العربيه على الاقل فى الاول من الشمس والبهايم الى معها مفك ومفتاح وعامله فراعنه وبتكتب على عربيات الناس
8 شيل الدوسات الى جايه مع العربيه فى البيت وهات دوسات لها حواف ( شفه مرتفعه ) بتحافظ على التراب داخل الدواسه
9 العربيه جاى معها كوريك لرفع السياره من اربع اتجهات يمن وشمال امام وخلف ولهم مكان مخصص وده بيحافظ على جسم السياره من اسفل كا الجديده وفى التوكيل بتترفع العربيه من الاربع اتجهات مره واحده لو ده محصلش بتكون مصيبه مستخبيه
مثال
بتاع الكاويتش بيرفع العربيه بكوريك تمساح بيبوظ شفه العربيه السفلى .. ولو انت فاهم حيرفع من المقص ويبوظ جلب المقص . ولو بيرفع من الشاسيه حيطبقه ويعمل فيه تشوه
الخلاص كوريك العربيه الى جاى معها احس حل بدون اى تلافيات
10 وانت بتغير فرده الكاوتش عن بتاع الكاوتش ركز فى الى جاى
خد علامه على جانب الجنط بطباشير او اى حاجه من عند البلف خد خط مستقيم على الكاوتش ده حيفيد بثبات الترصيص بتاع الفابريكه
وهو بيفك الكاوتش تحزره من تجريح الجنط ولما يرجع يركبه يركب الكاوتش مع علامه البلف والطابشير ولو حصل حاجه غير كده العجله حتعمل رفه
11 حاول تحط استيكرز اسود على كل الاكصدام وتحط عليه طبقه بنفس لون العربيه وده متاح ( الفضى -الاسود - الابيض ) عربيتى لونها احمر ومش لاقى الدرجه
12 علاج اخرم الكاوتش يكون باللاصق السريع او استخدام المكوه استخدام الخابور لا لعدم عمل فرق فى طبقات الكاوتش
13ابعد السياره قدر الامكان عن الشمس اول 6 اشهر من الانتاج لضمان جفاف اللون وثباته بدون تغيير
14 حاول لصق فاميه على الزجاج لو حضرتك ظابط عادى ولو حضرتك مش حط دارجه فاتحه من الفاميه وذاللك للمحافظه على لون الفرش
15 احتفظ بـ ورقه وقلم معك فى السياره واكتب كل ملحوظه عن اى مشكله وبلغ بيها وانت بتعمل صيانه الالف
16 غير زيت موبيل او شيل او فيسكو اى حاجه انت عاوزها بره التوكيل وده عادى ( انا بستعمل مصر فينكس)
17 اختم الضمان فى التوكيل فى اول زياره
18 بص على مستوى الزيت فى علبه الباور لو ناقص عن مستوى الماكس . العربيه فيها علبه دركسيون لازم تتغير ( الحل الوحيد والفورى كلم جهاز حمايه المستهلك وطالب برجوع العربيه الدنيا حتتقلب والعلبه حتتغير فى نفس اليوم ) اى حاجه غير كده حيغيروها بردو انما بعد اسبوع او اتين الله اعلم ولو اتبعت الطريق السلمى ممكن العلبه تخر زيت على جلب المقص وتبوظه المهم اعمل الحل الحربى وروح فرع الصحراوى ابو رواش
وقابل مهندس امر الكوافى او محمد عبد الهادى او داليا او مهندس طويل مش فاكر اسمه
المهم هما دول وبس الى تتكلم معاهم اى حد تانى فى الطراوه فعلا
خلصت النصايح الى محدش قلها ليا وشربتها واغلبها وقعت فيها الحمد لله
تجربتى مع العربيه دى بعد 40 الف كم
انا عبد الله الى ربنا بيحبه واهداه الخير . سياره تحترم الركاب فى كل شى امان جوده سرعه تقفيل ثبات الحمد لله لازم لازم بروتون تكون رقم واحد فى مصر بلا منازع محدش يزعل منى بس انا جربت كل حاجه ب4 عجلات تقريبا فى السوق لاقيت اودى فورد مرسيديس بى ام بيجو فولفو وبروتون السيارات دى بس الى بتحترم الركاب
عيوب البروتون عموما فى
الدعايه المعدومه تقريبا
استهلاك البنزين الى يساوى السيارات الاعلى 1300=1600 قولا وفعلا 1600=1800

لوجان

ولا: الكلاكس بتاعها صوته مزعج جدا و كنت مشفق على الناس اللي قدامي لما كنت بضربوا تحس انو بيزعق
ثانيا:صوت الموتور عالي نسبيا لكن مش دبابة يعني عادي
ثالثا:في حرارة بسيطة تحت رجل السواق و ظبطتها باني خليت التكيف يطلع من الهوايات بتاعت الرجلين و الهويات العادية لحين معرفة حل ليها

رابعا:لمبة المارشردير البعض هايفتكر ان في واحدة بايظة ولا حاجة العربية بها لمبة مارش واحدة والتانية بتبقي لمبة شابورة
خامسا: في مشكلة كبيرة شوية ان في واحد فانوسه اتكسر وراح التوكيل وملاقهوش !!
و قالولوا انه مش متوفر وطبعا الراجل مكنش مصدق ان عربية زي دي بدات تنتشر في مصر في فئة سعرية مثل الانوس والفيرنا و ملهاش قطع غيار و طبعا مقدرش يمسك اعصابه وربنا يسهل قالوا ان هو هايتابعهم وربنا يسهل

سادسا: البعض بيشتكي من عضة في الفتيس ودة غالبا بيبقي من انهم متعودين علي عربيات تانية لان اللوجان مينفعش تنقل من غير ما تدوس الدبرياج للاخر لان في بعض العربيات نقطة الفصل عند نص الدبرياج كدة

نيجي دلوقتي لاسعار قطع الغيار المعتمدة
طقم شمعات احتراق بوجيهات 88

فلتر هواء محرك 60

لتر بنزين محرك 60

فلتر زيت محرك 30

سير دينامو 90

طقم سير كاتينة 295

طقم تيل فرامل امامى 225

مساعد امامى 385

مساعد خلفى 390

رفرف امامى 679

فانوس امامى 495

فانوس خلفى 225

السعر لايشمل ضريبة المبيعات

ضمان 12 شهر على قطع الغيار المباعة

يعني افضلهم كدة البروتون الساجا , شكرا جزيلا , مفيش اي حاجة احسن لغاية ال 81-82 الف . لان الساجا عاملة 73 اوتوماتيك

ممكن لو تخلي المبلغ 85000جنيه ممكن تجيب شيفورليه اوبترا او تويوتا يارس

انا من مالكى ال frv بقالها معايا اكثر من سنه ونصف العربية ثبات ممتاز امان متميز قطع غيرها بدات فى الانتشار فى اكثر من مكان شكل جميل عفشة وصاج زى الفل امكانيات رائعه

أسأل مجرب وانصحك بيها ولو حابب تيجى تشوفها وتجربها معنديش مانع

nissan sunny
كويسه جدا

المشاركة الأصلية كتبت بواسطة عاشق مصر

انا من مالكى ال frv بقالها معايا اكثر من سنه ونصف العربية ثبات ممتاز امان متميز قطع غيرها بدات فى الانتشار فى اكثر من مكان شكل جميل عفشة وصاج زى الفل امكانيات رائعه

أسأل مجرب وانصحك بيها ولو حابب تيجى تشوفها وتجربها معنديش مانع

ممكن اعرف اذا كان في منها اوتوماتيك ؟