الموضوع: انــــــواع العربيات فى حدود 40 : 45 الف

السلام عليكم

انا عاوز اعرف انواع العربيات المستعمله اللى ممكن الواحد يشتريها فى الرنج ده
من الاسعار 40 : 45 الف جنيه
الاحتياجات عموما هى هاتبقى استخدام شاق شويه و اغلب الوقت على الدائرى
والدى حاطط عينه على Opel Vectra 98 بتاعت واحد صاحبه و هى هايدهالوا بالسعر ده
مانيوال بس معرفش كام سى سى
اما عن الفيرنا او اللانوس مش هاينفع علشان العربيات دى ضيقه و اما كذا واحد بيقعد ورا بتحك فى المطبات جامد
انا بس عاوز اعرف عيوب الاوبل دى خصوصا قطع الغيار مثلا الفانوس بكام
و البنزين بيبقى قد ايه فى كل كام ليتر و شكرا

الاوبل اللي حضرتك اكلمت عليها مانيوال ده معناه انها 1600 س س
و هي عربيه كويسه جدا لكن فعلا قطع غيارها اغلي شويه لكن معمره في مقابل ده و الاهم انك عارف استخدام حد معرفتك و ده مفروض يديك شئ من الاطمئنان , المفروض تعرف منه الميكنيكي اللي بيتابع معاه أو لو كان بتايع في التوكيل و استهلاكا في البنزين معقول جدا بالنسبه للـ 1600 .

لو انواع تانيه في حدود الاسعار دي هيبقي في كتير جدا
دايو نوبيرا موديلات 2000 الي 2002
بيجو 405 موديلات اواخر التسعينات
لانسر كريستاله 98 حاله معقوله
كورولا 93 مثلا
هوندا سيفيك ممكن موديلات 94 او 96
....
...
..

الاوبل دى جمدة موت اتكل على الله دى انا ركبتها 6 شهور والله ولا الجديد و قطع غيرها متوسطه مش غاليه

الف شكر يا شباب
ايه رأيكم فى النوبيرا او الدايو جوليت انهى افضل ؟

مالها اللانوس طيب؟؟

انا برضه بفكر فى سياره نفس السعر وحاطط عينى على لانوس

انت قلقتنى كده

المشاركة الأصلية كتبت بواسطة abdo_embaby

الف شكر يا شباب
ايه رأيكم فى النوبيرا او الدايو جوليت انهى افضل ؟

النوبيرا طبعا أحسن من الجوليت بس وحشة فى السحب خصوصا مع الاتوماتيك وثباتها حلو وواسعة من جوة ومتينة
و45 الف تجيب واحدة 2004 او 2005 حالة نضيفة
بس الفكترا أحلى كعربية عشان المانى بس مستعملة 12 سنة كتير شوية لكن النوبيرا احسن فى مدة الاستعمال هتكون مستعملة 5 سنين وعاملة كيلوهات أقل من الفكترا

بس الفرق كبير فى الاعتماديه دى المانى و دى كورى انتا ايه رايك بردو يا wwwe12

الف شكر يا شباب

حكايه السحب دى قلقانى جدا
عموما انا نازل السوق الجمعه اللى جايه و اكيد هاستقر على حاجه بأذن الله

اما بخصوص اللانوس عربيه شكلها مش حلو اوى و فى اختيارات افضل منها فى السعر ده

المشاركة الأصلية كتبت بواسطة mini cooper 20

بس الفرق كبير فى الاعتماديه دى المانى و دى كورى انتا ايه رايك بردو يا wwe12

انا أقصد النوبيرا أحسن بحكم مدة الاستعمال هى الفكترا أكيد أحسن بكتير من النوبيرا بس لو سنة 2002 كانت هتبقى أحسن من النوبيرا
وموديل 98 مستعملة 12 سنة أكيد عاملة كيلوهات كتيرة و3 سنين تانى وتبقى بقت عمر كامل
ولو وجدت واحدة عاملة كيلوهات قليلة ممكن سعرها يصل ل 50 الف
وأكيد أى حد عاوز يجيب عربية بيدور الاول على المستعمل عامل مدة قليلة

طب من وجهة نظرك اوبل عمله 100 الف كيلو ولا نوبيرا عمله 50

المشاركة الأصلية كتبت بواسطة mini cooper 20

طب من وجهة نظرك اوبل عمله 100 الف كيلو ولا نوبيرا عمله 50

طبعا الاوبل تكسب بس دى لو موديل 2002 أو 2003 لكن أشك أن فى عربية مستعملة 12 سنة تعمل الكيلوهات دى
هو فى بس نادر جدا ولو فى هيكون سعرها غالى وممكن توصل ل 55 عشان هتكون لقطة
أنا مش بقلل من الاوبل الالمانى أمام النوبيرا الكورى لا بالعكس انا بحترم العربية دى جدا وبحبها جدا وفعلا تستحق الشراء بس أنا بحب شراء العربيات المستعملة أخرها 7 سنين مش أكتر عشان تعيش أكبر مدة

طيب يا شباب كده انتوا حسرتونى بين نوعين بس
مافيش انواع تانيه انا عجبانى جدا السوزكى فيتارا باب واحد

ممكن لو تزود لغاية 50 الف تجيب اوبل استرا ، كاملة اتوماتيك ، مو 2002 ، 2003 .
او هوندا سيفيك مو 94 , و ممكن افيو مو 2005 ، بس دى من 50 الى 53 الف جنيه .
او سكودا فابيا مو 2002 ، 2003 ,.
ان عندى بردوا فكرة حلوة ، ياريت تدخل على موقع عربيات مستعملة ( كونتاكت كارز او 3arabiti ) و تشوف العربيات اللى احنا قايلنلك عليها دى و تشوف اسعارها علشان لما تروح السوق ، تروح على نوع محدد و تخلص فيه بسرعة ، احسن لما تروح مشتت .

تسلم ايدك يا مان فعلا انا بتابع فى المواقع علشان اروح على حاجات معينه
بس الواحد بيلاقى لقط هناك فا بيقول يعرف نبذه عن كل حاجه